🍂رفقا يا قدر 🍂( طور التنزيل)

part 1

بسمة ناعمة
البارت 1: كانت جالسة فوق سجاادتها ديال الصلاا هازة كتااب الله معنقااه عندها بقوة يديها كاايترعدو وهي كااتبكي عينيها شلاال بدمووع الحكرة ودموع الشمتة ودمووع القهرة... جالسة على ركاابيها هزاات يدها حطاتها على وذنيها باش ماتسمعش لصوت الموسيقى والزغاريت للي كايتسمعو من لتحت... شهقاات كاتحاول تسكت من لبكا وتحل عينيها تشوف فيه مقابل معاها فالتيلي دايرين ابيل فيديو كايبكي لبكااها ومحروق لحرقتها.. جالس فواحد القنت فخربة بااينة كلها طاايحة وبااين من حوايجو ومن وجهو لكحل بللي مخصووص من بززاف.. من المااكلة ومن اللباس ومن النقاا... باين عليه الفقر وقلة الشي.. وزاادتو ختو للي مقاابلة معااه زاادت ازمااتو وبكااها كايحرقو وخلااو دموعو ينزلو بلا ماايحس... نطق متنهد: هندة أنا مزااوك صاافي سكتي قهرتي راسك وقهرتيني.. براكة من لبكاا حتى حااجة ماتستااهل..
سرطان ريقها ونطقاات بصوت باكي كايقطع فالقلب: ماقدرتش اعبدو مااقدرتش.. صدمني جااتني بحاال الشمتة.. لا مااشي بحاال.. رااها شمتة اهيء اهيء...
عبدو بابتساامة ديال بزز: ونسيتي الصدمة للي موجدالهوم نتي الغداا؟؟
ضورات عينيها مفكرة وهو كمل كلامو: وانوضي سيري وجديلهوم الكاادو وغلفيه.. راه خاصك تكوني مصواابة..
ابتااسمات هي الأخرى ابتساامة أمل وفيها شوية ديال الإنتقاام وحركات راسها: نسييت.. ههه.. يستااهلو كثر..
مسحاات دموعها: شوف عبدو أنا غاانرجع للدار غدا مايمكنش نبقاا هناا..
عبدو: شنو غاديري تما عاد مزاال؟؟ ختي نتي باقة صغيرة غاتعيشي حيااتك.. وانا متأكد للي جاي حسن من للي مشاا..
حركاات راسها مبتااسمة وضورات عينيها على فين هو: عاود تاني كاتدوي معايا من هااد لبلااصة ماعمرك وريتيني دارك كيف دايرة؟؟ هااد لبلاصة كاتقنطني غير من التيلي..
عبدو: راه قلتليك كايعجبني نجي هناا.. بلاصة زوينة وكاالم... ي.. يالله نخلليك.. انا مزاوك ماتبقايش تبكي اهندة راه كانبقا مشوش علييك.. ياك نتي مابقيتي كاتحسي بوالو من جهتو واصاافي يضبر لراسو..
قكعاات الإتصاال وعطاات الإذن مرة اخرى لدمووعها يسيلوو نااعسة فوق السجاادة على جنبها معنقة القرآن عندها وصوت الموسيقى والأغاني مبرزطها.. كاتطلب الله تطراش باش ماتسمعش... غمضات عينيها سارحة فذكرياات مااضية.. كاايباانو متسلسلين فدماغها
اما هو بقا شااد التيلي فيدو متكي على الحيط ورااه كاايتنفس بصووت مجهد هااز فقلبو بززااف..... ابتااسم مللي تفكر شنو قاالها على هااد لبلااصة؟؟ قالها كانرتااح فييها.. علاه كااين شي حد كاايرتااح فهاد الوسخ وهااد لعفن؟؟ نااض كااينفض فسرواالو من الترااب ومشا جهة وااحد الشكاارة جلس فوق لحااف صغيير مقطع من الوسط وجبد من وسطها الخبز فيه شي حااجة لدااخل مع قرعة دالماا... بدا كاايااكل ويدوز بالما ودمووعو هاابطين كاايتساابقو وكايتحاالطو مع الدغمة للي ففمو... مع كل ثاانية دموعو كاايزيدو يهبطو حتى رماا دااك الخبز ورجع اللور متكي على الحيط كاايبكي بصووت مجهد وبطريقة كااتقطع فالقلب... حلم وخطط لحيااة أخرى غير هذي للي هو فييها... طلع رااسو كاايشوف فديك الخربة للي جاالس فيها... كلها طاايحة وموسخة وعامرة بالترااب... هاد الشي باش سخاات هاد لبلااد... عندو الزهر حيت لقا هااد السقف الرااشي يغطيه بالليل ومن حر الشمس...... شهق حااط يدو على وجهو.. ندم ندم بززاف على هاد الأحلاام للي عندو... مااشي هذي هي بلااصتو... كاان خاصو يكون مع خواتاتو داابا.. كان خاصو يكون مع هندة يوقف معاها ويقوييها ويسخنها بكتاافو... مااشي يكذب عليها ويونسها من التيلي.. شنو غاتستاافد هي؟؟ ولكن راه مااشي لخااطرو... الفقر وقلة الشي هما للي خلااوه يوصل لهااد الحاالة... ولكن وااش هو تهنا من هااد الفقر؟؟ وااش حاالو زياان؟؟ لاا.. هو زااد تأزم... بعدا تما كان فوسط حباابو وصحاابو كان حدا الحناانة وحدا خوتو وخواتاتو... وكان واكل شاارب.. وحتى إلى ضرب تمترة فبلاادو قاادر يجيب طرف دالخبز...
نااض خاارج لبراا ماكااين حداه والو من غير لخلاا والقيفاار... حط يديه فجياابو وجبد كاارو شعلو وجلس فووق حجرة... جبد منو جبدة طويلة وساااط مرجع عقلو حتى هو اللور... لذكرياات بعييدة وقعاات معااه...
الفلاش باك...
فبيت صغيير جاالسين كلهوم مجمووعين الأب والأم وهي وخوها وختها... الام وا اقفة هاازة الجفافة كاتجفف حدااهوم مرشها لفمها وهما مضاورين على الطبلة فوقها اتاي والخبز وزيت الزيتوون... ضارت هندة عند ماما: وااما باراكة عليك اجي تفطري انا نوض نكمل..
شافت فيها مزيرة على عينيها حاطة يدها على جنبها: ماعليش أبنتي قربت نساالي.. راكي عارفة يقدر يجي شي وااحد وحنا عندنا غير هاد البيت فين كانجلسو حنا ويجلسو حتى الضياف.. طلعات راسها شافت فراجلها للي كان كايغمس الخبز فالزيت وكايااكل: حمادي لوكان غير شفت كيدير هز كريدي ولا تسلف نشريو شي دويرة كبيرة شوية راه العائلة غادية وكاتكبر ولبنات كبرو وحتى الدري واش غانبقاو ديما ننعسو فبيت وحدة..
نطقات هندة: والله ابا إلى عندها الصح حتى حنا خاصنا بيت فين ننعسو ونبدلو ونحفظو..
شاف فيها مخنزر ورجع شاف فمراتو: دابا حتى البرهوشة رجعات كاتفهم وكاتعطيني فالأوامر.. دخلت عليك بالله أحفيظة واش شفتي عندي شي فلوس؟ وهاد لكريدي إلى هزيتو باش غانخلصو وشنو غايبقا نصرفو بيه..
حفيظة: حنا بعدا كاع ماعارفينك شحال كاتخلص ماعمرك عطيتني راس الخيط
حمادي: وعلاش باغية تعرفي ياك واكلة شاربة لابسة مصبطة واش خااصك نتي وولادك... شاف فهندة: ومالكي نتي علاس بغيتي البيت هاهي هذي بدلي فيها وحفظي فيها.. والنعاس راحنا كاع كانعسو فيها ياك متيسعة..
سرطان ريقها كاتفكر فشحال من مرة حلات عينيها بالليل على غفلة كاتلقااه هو ومها فموقف محرج... غاايخرجها معقدة إلى بقات فنفس البيت.. هي عااد كبيرة شوية كاتفكر إلى شي واحد فخوتها شاف داك الشي ممكن يقلدو... تنهدات ونطقات: والو ابا غير بغينا التيساع...
جغم من كاسو دأتاي ونطق: يكون خير.. راه كانستنا واحد الرابيل ديال لفلوس إلى كانت فيه كثر من مليون نضبرو ونشريو..
نطقات حفيظة ضاحكة: بصح؟؟ فين وصل؟؟
حمادي: غادي نسول المحامي بلاتي... راه هو للي مكلف..
ابتااسمات وهي كلها امل بغد أفضل.. عارفة بللي ولادها مخصوصين من أقل واهم الحوايج.. وعارفة بللي راجلها زقرام وبلي همو هو يوكلهوم.. ماكايسوق لا لحوايج ولا لسفر وحتى ادواتهوم والكتوبة ديال المدرسة ماكايشريش ليهوم... حتى يبكيو الدم... تنهدات وجلسات بتعب كبات كاس داتاي وهزات مورصو ديال الهبز كاتاكل مع الزيت...
نطقات هندة: فخاطري ندير شي كيكة شفت وحدة فاليوتيوب عجبااتني
حمادي: سيري عند قويدر جيبي للي بغيتي... وديريها عنداك غير ديري شي فضيحة...
حركات راسها.. على الأقل شي حاجة كاتعلق بالماكلة ماكايتقمشش عليها
دازت شهوور.. والعائلة باقية فنفس الداار.. حن ربي وخرج رابيل بخمسة ديال المليون.. جا حمادي فرحان وبشر العائلة بلخبار.. حتى هو طلعلو فراسو الضيق.. مابقا يلقا فين يتحرك.. وخصوصا مللي ولدات لمرا ورجعو النااس كاايجيو بززاف يشوفوها.. صووت البيبي بالليل ماكايخلليه ينعس.. وهو كايفيق فالصبااح يخدم.. وولادو رجعو كايتشكاو بززاف من قلة النعااس وانعدام الحرية فالدار... زادتلو مراتو جوج المليون كانت مخبياها من فلوس الحمام للي كايعطيها ومرة مرة كايكون سخي معاها.. وحيت هي مرا ديال الدار قدرات تجمع هاد المبلغ.. وفداك الوقت كانو الديور رخاص وطايحين فالثمن.. شراو دار واسعة وفيها جوج بيوت وصالون وكوزينة وطواليت.. على عكس اللولة كان فيها غير بيت وكوزينة ودوش.. فرحة الدراري ماتتصزرش وهما كاينقلو فالرحيل غير فيديهوم حيت الحي فين شراو قريب بززاف للحي ديالهوم القديم.. هندة كان فعمرها خمسطااش عام.. وخوها عبدو كان فعمرو 13 وسهام عشر سنين.. والبيبي للي يالله تزاد آدام.. اسنااقرو فالدار الجديدة.. وداك النهاار كانت غير بوحدها فالداار ماماها مشات تقرا محاربة الأمية وباباها مبلي بالقماار فالقهوة غير كايفطر ويخرج ويرجع يتغدا ويتكا مع العاصر يخرج ماكايرجعو غير الليل.. واخا عارف بللي فداك النهاار غايجي لمعلم ديال الضو يصاوب شي حاجة فالدار خلاها غير هي ووصاها تبقا تما باش إلى حتاج شي حاجة تعطيهالو.. وفعلا جا.. كان دري باقي صغير فالعشرينات مللي دخل وعينو عليها وهي كاتحاول تتفادى شوفاتو.. فعمر الخمسطااش حلاات عينيها على دااك الشااب ومن داك النهار وهو تابعها.. عيات تهرب وتتفادى.. ولكن لصقها ديال بصح.. وحتى هي وبصفتو اول معجب يدخل لحيااتها حلات ليه قلبها.. مجرد معلم كايصااوب الضوو.. ساكن مع دارهوم.. حتى هي ماكانوش عندها احلاام كبيرة.. ماعاشتش شي حياة ديال الرفاهية بااش تحلم بشي حاجة بعيدة عليها... لا هي لا خووها.. خوها عبدو للي كان كايهز كتاب فيدو وفبلااصة مايمشي يقرا كان يجلس فشي قنت حتى يدوز وقت لقراية ويرجع للدار.. حتى حد ماكان يرااقب... مو كانت ملاهية مع الدار وشغالها وبااه القهوة والبلية مااخلاوهش... الولد فاللول كان غير كايهرب من المدرسة ومن بعد رجع كاايتمشا مع دراري مشبوهين.. بدا بالكارو ومن بعد الكيف ومن بعد رجع مبلي بكلشي.. لدرجة الدرهم مايبانش قدامو.. رجع كايسرق واليديه وحتى إلى مشا ض
فوقيتة دالفجر.. عادة الدراري قدو كايسهرو ليلة رمضاان ومللي يتسحرو كاينعسو.. على عكسو هو وشي وحدين بحالو.. فداك السن هز المسؤولية... وشنو السبااب؟؟ كاين جوج أسبااب.. اللول هو عبدو براسو.. حيت تبع البلية وخرج من قرايتو.. والسبب الثااني هو الأب دياالو.. للي مامتحملش مسؤولية ولادو.. وفعوض ماايوقف هو على شغالهوم ويراقبهووم... حتى الضرورياات ماموفرهومش ليهوم..
دخل للكاراج للي حداهوم.. جر الكرووسة وخرج متااجه للسوق الأسبوعي للي كاايكون عندهوم بنهاار السبت.. بقا كايعمر للناس الخضرة ويوصل ويعااود يرجع.. حتى للجوج دالنهاار.. رجع للدار عطشاان.. وجيعاان ومسخسخ.. رمضان دياال الصييف قااسح.. عمرات حفيظة كااس دالما ومدااتولو: خود اولذي شرب رااك تمووت..
شاف فيها بتعب كان جالس فارش رجليه بتعب: الواليدة راني صايم الله يهديك..
حفيظة: اولدي راك باقي صغير... باش عرفتي رااسك باالغ الله يهديك حتى للعام الجااي وصومو..
عبدو: شوفي غير صوتي قداش ولا.. ونتي تقوليلي صغير.. راه البلوغ ماشي بالسن.. شوفي الله يرحم باك بلا ماتبززي عليا ماغاديش نااكل
حفيظة: بفف.. صافي خااطرك.. نوض دوش بااش تبرد شوية...
......
داز رمضان وداز العيد ودازو أيام سينين.. يمكن عام ويمكن عامين.. ويمكن ثلااتة... فيهوم الدراري كبرو ومصاريفهوم كثرو والأب تقمشيشو زااد وتطور..
كاانت جالسة فطاولتها فالقسم... حداها صااحبتها حاطين كتااب وااحد الوسط... كااتخطط فوااحد الورقة بالستيلو
هندة: بفف الأعصاب والله..
فدوى: ماالكي هاد الصبااح؟؟
هندة: ماشبعتش نعااس اختي كرهت هااد لقراية دياال الصبااح..
فدوى: وانتي للي ماكاتنعسيش بالليل.. تبقااي تشااطي مع خالد حتى يبغي يصبح الحال
هندة: آه حقا فكرتيني هاد الأيام لاصقني على موضوع الزواج..
فدوى: باقي كايدوي فالموضوع..؟؟
هندة: أييه.. وقالي فوقاش مابغيت يصيفط دارهوم..
فدوى: إيوا مالكي؟؟ ياك كنتي للي كنتي مبرزطاه إلى بغيتيني اجي لدارنا.. وهااهو صدق راجل وغادي يجي..
هندة: واراك عاارفة مللي كانبقا نشوف راسي مخصوصة من أبسط لحواايج.. كانقول الزواج ولا هاد الشي.. رجعت كانحشم نطلب من بابا.. وهو غير نقولو شي حااجة يخنزر..
فدوى: إيوا زعما خالد غايوفرليك للي بغيتي... وهو حتى الدار ماعندوش..
هندة: ماشي مشكل.. راه كايدخل لفلوس شوية.. وعاد الحاجة للي طلبتها غادي يحضرها انا عارفاه مايفوتنيش..وماشي غير انا للي غانسكن مع ناسي وكايبانو مزيانين.. ههه البارح مللي خرجت انا وما.. تلاقينا مع مو.. ياختي زوينة ومسرارة كاتشبهلو.. بقات كاتشوف فيا بززاف.. باينة ماكذبش عليا وصدق بصح معاودلهوم..  عرفتي كانفكر نقولو يصيفطهوم يجيو.. واش فنظرك با غايخلص عليا لافاك..؟؟ وعبدو قصاح اصاحبتي غير تابعني فالداخلة والخارجة غير يسالي مني يرجع لإلهام
فدوى: شفتو اختي.. البارح العشية كاملة وهو مورانا.. باغي يشدعليك شي حاجة بزز....
سمعات ضربة بالجهد فالطبلة قفزات كاتشوف فالأستاذ واقف مخنزر: شي قهوة ولا أتاي؟؟
هندة: لا أأستاد شبعانين الحمدلله..
زاد من نبرة صوتو: غاتقادو معايا مرحبا.. باغيين تجمعو خرجو لبرا.. هذي بلاصة لقراية..
فدوى: و..واخا سمحلنا أأستاد..
الأستاذ: فين الدفااتر؟؟ شفتكوم جابدين غير لكتااب..
فدوى جبدات دفتاارها وهندة بقات كاضور فعينيها.. تفكرات مللي طلبات باها يجيبلها واحد جديد حيت للي عندها تسالاو وراقو طلعات راسها شافت فالأستاذ: نسيتو.. حتى لغدا ونجيبو...
كان جاالس مع صااحبو كاابتنغم بواحد الكاارو ففمو مرفووع كاايفكر فشي حااجة حتى فيقو صااحبو: وآرا أصااحبي سمرت علييه؟؟
مدولوو دايرين عليه النووبة وهو بااقي كاايشوف فنقطة وحدة قداامو: بففف القنطة أصااحبي فهااد لبلااد...
جااوبو لااخور حتى هو كاايسوط الدخاان من فمو: غير القنطة وسكتي؟؟ الغمة اصااحبي حتى الأكسيجين قرب ينعاادم هناا...
عبدو: والله حتى كاانحسد هاادوك الدراري للي بااتو هنا وصبحو ليه... (شااف فيه): نقسملك بالرب الكريم لوكان لقيت نكون مشيت وااخا عومان...
ضحك صااحبو بسخرية ضحكة ماشي طبيعية دليل على انو داك الشي للي كايكميو مااشي كاارو عاادي ونطق: ههههه... تخاايل وكان كنا نقدرو نمشيو كانعومو كلشي يكون تما أصااحبي المغرب يبقاا فييه غيير باا وبااك وهاادوك للي شاادين سواارتو خخخههههه...
تنهد كااع مامضحكااه هدرة صااحبو: داااك العزي دياال فريد طار ولد لحراام باات مااصبح...
صااحبو: هذااك رااه حط عليه بااه فلووس صحييحة... شرااليه فيزا ولا مااعرفت كونطرا مامشااش حتى فالفلووكة مشاا فالبااطو معزز مكرم... واش بحاالنا حناا للي مالقينا حتى بانيو يديينا؟؟
عبدو: بشحاال زعما يكون شرااليه هاد الفيزاا؟؟ غاتكوون غالية بااينة عشرة ولاا كثر.. أنا لوكان عطااني غير جوج ولاا ثلااتة.. (سكت شوية شاد الكاارو على صااحبو وعااود نطق): فريد بااه ماخدامش وماعندو حتى خلصة وهااهو وقف معااه... أنا التزقريم ديال الوليد ماعمرني شفتو أصااحبي..
......: غير حااول معاه يعطييك شي حااجة.. رااه هاكا هما رااسهوم قااصح... أنا ماعنديش باا لوكان كان مانفقدش الأمل...
عبدو: ضحكتيني اصااحبي واخا ماافيا للي يضحك... باا راه نكدت عليه حيااتو حتى من خواتاتي الله يسمحلي منهووم محرر عليهوم العيشة بااش يطلعوليه المشااكل لرااسو أو يصيفطني... واالو حاالف ( شااف فيه مكشكش): تخاايل اصااحبي الحواايج والسبرديلة مااشراهوملي من هذي سينين... أما الماكلة والله وماتخبي ليا الواليدة شي حااجة لاا فكر فياا...
تنهد كاايرتااح مطلع راسو الفووق: حتى الخدمة فهاد لمدينة ماكاينااش غاانكمل مع الدراري فدااك الحااسي غير نساليو نجيبها فالسعيدية ولا طنجة خااصني ندير للي فجهدي بااش نخرج من هااد لبلاااد💔💔💔