بسمة ناعمة
البارت 13: نزل من الكاار هااز صااكو على ظهروو لاابس للكااسكييط بالمقلوب وحاط اليد لوخرى فجييبو... تمشى فالمحطة كاايشوف غير قداامو كاانت خااوية شوية حيت الليل... تنهد وجلس على وااحد الكرسي ... جبد التيلي من جيبو شااف فالسااعة وتنهد بتعب.. موحاال يلقا طااكسي فهااد الوقت... جبد كاارو وشعلو.. سااط منوو وطلع رااسو الفوق منغم وخرج الدخاان من نييفوو... تكاا برااسو اللور على الكرسي مغمض عينييه... وبقاا هااكاك مرة مرة كاايجبد من الكارو حتى سالااه.. طفاه فالأرض ولاحو بعشواائية.. نااض هااز الصااك على ظهرو مرة اخرى وخرج كاايشووف بدا الحاال كاايصبح... وأول طااكسي دااز وقفوو وركب اللور زاادح الصااك حدااه... نطق حدو قاال لمول الطااكسي لفين غاادي.. فرش رجلييه مربع يدييه هااز التيلي فيديه مطلع نمرتها كاايلعب بييه.. يالله كان غاايتااصل وترااجع.. حيت ماكاتجااوبش وأصلاا طاافي... هو متأكد بللي بدلاات النمرة.. ابتااسم.. علااه غاتخللي النمرة لقدييمة وهي غااتبدا حيااة جدييدة...
... ..
وصلو لبااب الداار.. الطريق كااملة مادوااوش هي مقلقة وهو ماانطق حتى بكلمة... ضور السااروت فالبااب ودخل بلاا ماايدير الحس.. وحتى هي... يالله زادو جووج خطواات حتى قفزهووم صوت بااه... كاان نااعس فالكولواار عاطيهوم بالظهر.. وقفاات كاتسمع لشنو قاال: كل ليلة باايتين قصاارين فالزنقة... كان عندي زوفري وزدت وااحد آخوور..
خرجاات عينيها مصدومة من هدرتوو.. ضارت باش تجااوبو.. لقاتو عاطيخا بظهرو نااعس يعني هضر بلا حتى ماايضور لعندهووم... حلاات فمها ماايهمهااش المهم تداافع على رااسها مااعجبتهااش هضرتوو.. جرها خاالد مطلعها مع الدرووج بالزربة.. غير وصلو لبيت تنثرات منو: علااش جريتيني؟؟ واش ماكانعرفش الطريق؟؟ (اشارت بيديها): واش سمعتيه شنو قاال؟؟
تنهد: الله يهديك وااش الواليد حتى هو ديري عليه؟؟ راه كبر وبدا كاايخرف..
حركاات رااسها مامتقبلااش هدرتو: وااش سمعت شنوو قاال؟؟ ماكانضنش سمعت يااك؟؟ حيت انا كانعرفك غاتكون جااوبتو..
تحنى كاايحاايد سبرديلتو: سمعتوو اهندة... شنو بغيتيني ندير؟؟ راه كايبقا الواليد هذااك...
رفعاات صووتها: إلى هذاك باك انا راه مرااتك مااشي زوفري.. وماكنتش قساارة فالزنقة كنت فداارنا.. ومللي نتا خايف من السخط انا غاانمشي ندوي معااه..
يالله ضارت حتى شدها من يدها كاايشوف فيها بترجي: الله يرحم بااك يكون نااعس داابا.. راك عاارفة بنادم مللي يكبر كايبقا غير كاايخربق... (سرط ريقو مكمل كلامو): شوفي نسااي عليك داابا كانوااعدك إلى عااود هضر معااك غاانجااوبو والله مانخلليها فيه.. (ابتااسم): انا حااس بللي ماغانطولووش هناا.. مابغيتش نخرجو وحناا مخااسرين معااهوم...
بقاات سااكتة كااتفكر فهدرتو.. نوعا ما قدر يقنعها.. حاايدات يدها من يدو وتخطاتو كاتحاايد فجلاابتها.. وهو حااضيها حتى نطقاات بلا مااتشوف فيه: خااصك تعرف بللي بززاف دالحوايج ماعاجبينيش اخاالد...
قرب حدااها كاايدوي بالشوية وبصوت حنين: عاارف احبييبتي.. كلشي غاايتصلح إن شااء الله غير صبري معاايا
كاان وااقف فراس الدرب متكي على الحييط... هااز كارو كايكميه.. مللي جا من السفر بااقي ماانعسش. غير حط حواايجو دوش وكلا شي حااجة وخرج... شافها فالحاانوت... وكاايستنااها ترجع بااش واخيرا يشدها.. وهااهي جااية هاازة شكاارة جاايبة فيها السخرة من الحاانوت... رما الكاارو وعفط عليه برجلو.. تحرك وااقف فطرييقها وهي كااتمشى حاانية رااسها فالأرض.. غير حساات بخياال حدااها طلعاات عينيها.. شهقات بصووت مسموع مللي شاافتو... تنفساات كااتحااول تسرط الصدمة وتقول شي كلمة.. حدها نطقاات بالشوية: عبدوو؟؟!!
توجه لعندها بلا مايدوي... وهي بقاات مصمرة فبلااصتها حاايدلها الشكارة من يدها كاايفتشها.. نطق وهو خاشي راسو فيها: داانون حلييب بييض خميرة حمرة.. طلع راسو مبتااسم: هادو مقادير كيكة.. بااينة ضيااف مهمين هاادو..
نترااتلهالو من يدو ونطقاات ماباغاش تشوف فوجهوو: خلليني ندوز عفااك ماعنديش الوقت...
طلع حااجبو وخشاا يديه فجياابو: يااك؟؟ هذي هي فين أحبييبي توحشتك آش هاد لغبوور على سلاامتك؟؟ تبدلتي انسرين؟؟ (تحنى مقربلها): ولا جا للي يااخد بلااصتي؟؟
عضات على شناافتها بلا ماتشوف فيه: ماعنديش الوقت من بعد وندويو..
هز يدو كاايحك راسو تحت الكاسكيط: آه نسيت... يالله توجدي لخطيبك الكييكة.. بااينة كااتعجبو لحلااوة يااك؟؟
غمضات عينيها حااسة براسها وااحلة: مزال ماكاين والو غير..
قاطعها راافع شوية فصوتو: مزال مااكاين لعرس يااك هاد الشي للي بغيتي تقولي؟؟ اما حتى الخطووبة راك كااتخيطي شنو تلبسي فيها...
تنهداات: قالتليك هندة؟؟
قاطعها مرة اخرى: هذا زهري هو للي خلا هندة تجااوب على التيلي بلاا ماترد الباال وسمعت الحواار الشيق للي دار بينها وبين الخيااطة.. اما نتي كنتي دايرة فيها دور العروسة للي مطيحة السر كااتهضري بالغراام..
هزات يدها كاتحااول تشرحلو: شووف...؟؟
عبدو: آش غاانشووف أمم؟؟ نشوف الخياانة ولا كذووبك ولا هااد الطريقة للي تبدلتي عليا بيهاا.. شنو غاانشووف؟؟
جمعاات شجااعتها ونطقاات خاصها توضع حد لهااد الشي ومااشي هي للي ظالمة: نسيتي على آخر لقاء كان بيناتنا يااك انا خيرتك ونتا للي ختاريت؟؟
صغر عينيه كاايحرك فراسو بالرفض وهي كملاات هدرتها: باغي تحقق حلمك.. وشنا هو حلمك؟؟ تحرك لبررا وتبقا تجرجر يعلم الله شحال من عاام.. عاد إلى كتااب تصااوب وراقيك عااد بااش تجي تزوج بيا.. وهاد الشي إلى جيتي.. شحال غانستنااك انا من عاام اعبدو؟؟ وااش انا ماعندي واليدين للي يتحكمو فيا مااعندي عائلة؟؟ انا غانبقا غير نستنااك؟؟
عبدو: نتي عارفاني ماانتخلااش عليك.. وعارفاني ندير للي فجهدي باش نخلليك فرحاانة انا مابغيتش نكرفصك معايا..
نسرين بنرفزة: قاابلة.. ياريتك جيتي وخطبتيني كنت غانحاارب على ودك.. ولكن نتا لاا.. نتا بغيتي حواايج كباار..
عبدو: داابا نتي قبلتي بواحد آخوور يااك؟؟
حركاات راسها بثقة: آه.. واليوم غانحددو كلشي..
عبدو: ههه.. مبرووك... المهم مللي تحددو صيفطيلي التاريخ دالعرس مع هندة.. خيت انا كيتيتيني من كلشي.. (طلع راسو كاايشوف فعينيها): حيت بااغي نحضر.. هذا شحاال مااحيحت وفعرسك غاانحيح مزياان...
عطااها بظهرو حاط يدو فجيبو كاايتمشاا بالثقاالة باين عليه مهمووم وهي مسحاات دمعة نزلاات من عينها ماتنكرش بللي كاتبغيه وبللي معاه غاتعيش حسن وبززاف حنين فيها وكاايبغيها وماغاتنسااش ياماتها معاه.. ولكن هذا مااشي فيلم هذا وااقع وخااصها تتقبلو.. سرطات ريقها مااسحة دموعها وتمشاات بالزربة غاادية لدارهووم
كاانت وااقفة فالكوزينة داايرة الطاابلية على نصهاا لتحتااني... كاتقلي لبطاطا وتخرج تقابل الخبز للي فالفران دايرينو على بررا وترجع تنقي الماطيشة وتقطع البصلة... كاتمسح عينيها من دموع البصلة وتمسح جبهتها من لعرق... والضحك والجمااعة كاايتسمعو من بررا... جالسين كلهوم مجمعيين ومرتاحين على الآخر... وكيف العاادة لوستها لمزوجة ومرات لووسها كااينين وجالسين.. وولادهوم مبرزطينها كايهزو الخبز بلا مايغسلو ويكبو الماا فالأرض ومرونين الدنياا... وهي غير سااكتة وحاانية رااسها ماقادرااش تهضر وفدااخلها غاتنفااجر... دخل للكوزينة مباشرة من الخدمة... أصلا ولف هاد الوضع... فاللول كانو يشوفوه ويدخلو حداه بللي حتى حنا معاونين معاها ومن بعد مابقاوش مسوقين...
حل الروبيني كاايغسل يديه وكاايشوف فيها هي لي ماعندهااش الوقت لا باش تباادلو النظرة ولا بااش تدوي معاه... تنهد متااجه لعندها وضرب بيدو على ظهرها: غير صبري معايا داابا غير يحن الله نعوضك...
حدها حركاات رااسها وخرجاات بالزربة رااجعة للفران تقلب الخبز قبل ماايتحرق... أما هو تبعها ونطق من وراها: والله أحبيبتي إلى جيت من الخدمة عياان نكون طيبت عليك غير الخبز...
ماجاوبااتوش وهو انصاارف رااجع لعندهوم جلس معااهوم دااخل فالجمااعة وكاايتعااود هو ويااهوم... وهي رجعاات لرويينتها حتى قادات لغدا وحطاتو حداهوم وهما حدهوم نااضو يغسلو يديهوم ورجعو كااياكلو.. ومللي سالاو بحال العادة رجعو اللور وهي نااضت ثااني كااتغسل فالموااعن وخاالد كاايجمع فالطبلة ويحطلها...
........
كاان وااقف مقابل معاها فالسووق حااط رجلو على ركيزة دالضو كاايتكيف ويشووف فيها.. وهي وااقفة مع الأم ديالها وباها عند مول الجلاالب... كاايختاارو ومركزين على لبيض والبيج للي كاايبينو بللي هاذو لعرووسة.. مها كااتختاار وتسول وباها كايخلص حيت فلوس صدااقها عندو.. اما هي كااتشووف فيه مخلووعة ومشتااقة كلشي مجمووع علييها وماحاس بيها غير للي خلقهاا... ماكاتشوفش كاع فديك السلعة كل مرة كاتنغزها ماماها للي ماجايبة للدنيا خبار وتسولها شنو عجبك واش هذا مزياان؟؟ وهي كااتحرك غير رااسها وترجع تشووف فييه
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
