🍂رفقا يا قدر 🍂( طور التنزيل)

part8

بسمة ناعمة
البارت 8: داازت اياام طاايرة... شي شهورة داازو... مابين قراية هندة والتوجاد للعرس للي غايكوون فالصيف... وخاالد للي كايقاد فبيتو وكايجمع لفلووس العرس... أما عبدوو خرج المدينة خداام مع لبني وتماارة... وماقطعش الهدرة مع نسريين... للي حتى هي متبعة قراايتها وللي جا يخطب كااترجعو بحجة بغاات تكمل لقرااية... لخطاابة كاايجيو حتى لثلااتة دالمراات فالشهر حيت زوينة وعاطية للعين بحال شي روسية... لدرجة رجع باها كاايضغط علييها... حيت للي كاايخطب كايكون كاامل مكموول خدام عاايش بووحدو وكاايقول بللي موافق يخلليها تقراا واخا يتزوجو ويعااونها فقراايتها... وهي غير كاتتهرب وامنيتها عبدوو ينسا عليه الحلم ديال الخاريج ويجي يخطبها يتزوجو ويعيشو بااش ما كاان... وهاد الشي تقرييبا مستحييل... هما إلى دواو ساعتااين أبيل فيديو سااعة كايجيبووها عشق وحب والسااعة الثاانية كاايبقا يعااودلها على أوروبا وشنو كااين وشنو نااوي يديير...
.......
كانت جالسة هي وهندة فالقهوة... حاطين حداهوم عصير دالليموون...
نطقاات من بعد مااجغماات من كااسها: إيوا انسريين خلعتييني... ياك لبااس..؟؟
نسرين بابتساامة: علااش نخلعك؟؟ واش حراام نعرض على لووستي؟؟
هندة مطلعة حااجبها: لا لاا.. ماشي حراام... ولكن غير مابين ليلة ونهاار تعيطيلي آلو هندة نتلاقاو فالقهوة لفلاانية بغييتك... هذي راه مااشي عرضة اختي هذي سكتة قلبية هههه...
نسرين: هههه... سمحيليا مانويتش نخلعك... (تنهداات كاتشوف قدامها): مانكذبش عليك دااقت بيا الدنيا وماالقيتك غير نتي نشكي علييك...
هندة ربعات يديها: الله يسمعنا خباار الخير.. طلقي شنو عندك...
سرطات ريقها: شوفي اختي هندة انا النااس كايجيو يخطبو فياا... كل مرة كاايجي وااحد... خدامين بديورهووم مااكانلقا حتى سبب للي يخليني نرفضهوم... وبابا فاللول ماكانش مسوق كاان يقوللي ماغانبزز عليك والو... ولكن دابا بحاليلا كثرت عليه... وحيت شاافني كاانرفض عروض خياالية رجع كايضغط عليا وبحاليلا شك غير مااما للي مدرقة عليا شوية...
هندة: مشكلة هذي... قوليليه باغة نكمل قرايتي...
نسرين: هذا هو المشكل أختي... راه دابا غير للي قلتليه باغة نكمل قراايتي كايقوللي انا مستااعد نعااونك.. مابقا عندي حتى سبب للي يخلليني نرفض..
ابتااسمات بحزن كااتشوف فيها: على قبل هااد لحرووف والزعورية يقرييوك فالخااريج كااع... (طلعاات لنفس وهبطااتها)
بدا العرس للي غايجيب سيمانة غير شطيح ونشااط.. مع التقاليد والعادات كايزيد يزياان.. كان الصيف والنتاائج خرجو... هندة سقطاات فالبااك.. ومع ذلك ماتسوقااتش حييت غاتزوج وماكانتش ناوية تكمل..... فالصالون مجموعين لبناات كاايضحكو ويشطحو مع الموسيقى... كاينين بناات الحوومة كااملين ومعاهوم نسرين وهندة وختها وصااحبتها... نساو المشااكل والهمووم وكايضحكو من قلبهووم... كاان وااقف فبااب الكوزينة مبتااسم غايب وهو حااضيها كيف كاتماايل وكاايسمع غير لضحكتها من بين ضحكااتهوم كااملين...حبيبتو الكاورية كيف مسميها هو... تنهد يااريتو نعس وفااق لقا رااسو بررا داير وراقيه.. اول حاجة يديرها هي يخطبها يتزوج بيها ويجيبها عندو... تحرك من تما داير يديه فجياابو محاايد من لبااب للعيالات للي داخلين خاارجين للكوزينة.. جبد كارو من جيبو شعلو وخرج وراا لخزاانة للي بانيين حدا الداار للرجاال جلس كاايكمي...
.......
بالليل كانت جاالسة بوحدها فاالبيت الصداع كاايتسمع على بررا وهي كااتفكر... داارت خطوة كبيرة للقداام... هي كااتبغي خاالد آه.. ولكن ماعمرها فكرات فالزواج معاه... واش فرحاانة بهااد القراار؟؟ آه هي بصرااحة فرحاانة بززاف بهاد الضجة للي كاينة على قبلها... ولكن راها كاينة مسؤولية كاتسنااها؟؟ من هنا لأيام غاترجع مسؤوولة ومسؤووليتها الوحيدة هي داارها وراجلها.. ماعندهاش حاجة اخرى.. حتى لقراية غاتخلى عليها... آه هي حتى الباك ماخداتوش... تنهدات كاتحاول تخبس التفكير فهاد الشي حتى حسات بالباب تحلات.. استغرباا مللي شافت عبدو مقرب جهتها... جلس حداها حاط يدو على ركبتها ونطق: لاباس؟؟
صغرات عينيها مجااوبة.. ماعمرها عقلاات سولها على حاالها: لبااس الحمدلله ونتا..؟؟
حرك رااسو: لاباس لابااس..
سكت كاايشوف فالحيط وهي كاتسنااه يدوي ويبشرها لاش جااي.. رجع شااف فيها: نتي عزيزة عليا فرااسك؟؟
عقداات حواجبها بصدمة كبر من اللولة: هااا...؟؟
سرط ريقو: نتي عزييزة عليا... ختي لحبييبة.. ختي لكبيرة للي كاتفهمني واخا ماكاندويوش...
خرطات راسها بعدم فهم وهو كمل كلامو: عارف راسي قااصح وصعيب وكاتقولي هذا مايستااهلش يكون أخ... ولكن والله حتى كانبغييك وماكانبغي حتى حااجة تآذيك...
ابتااسمات بصدمة بلا ماتهضر وهو تاابع كلامو: خالد رااجل مزياان ووفا بكلمتو..
خرجات عينيها آش كاايقصد وخلااتو يكمل: لوكان شفتو شي حد ماصالحش ماغانخلليكش تزوجي بيه وااخا تكوني بااغية نتي ماشي شاايطة عندي... (حط يدو على ظهرها): ولكن واخا هاكاك الإنسان ماتعرفيه حتى تعاشريه.. إلى آذاك ولا حكرك هاا خوك... عيطيلي انا نتفااهم معااه... وعرفتي حتى إلى حراارت العيشة معااه وبغيتي طلقي طلقي أنا نهزك بسنااني وااخا مايقبلكش باا... نخرجو انا ويااك نضبرو على رااسنا...
ضحكاات وعينيها مغرفرين كاتبكي وتضحك وتدوي: هههه.. ومالنا على هاد الفاال؟؟
ابتااسم كايمسحلها الدموع: لهلا يوصلك لداك الشي...
حرك يدو خشاها فجيبو: نسيت الكاادو..
جبد بوااطة حلها خلاها حلات فمها معاها.. جبد منها سنسلة دياال الذهب غليظة ومن التوع الغالي خلاها غير كاتشوف.. شداتها من عندو كاتأكد وشافت فيه مخرجة عينيها: واش داك الشي للي خدمتي بيه كلو خسرتيه فهذي..؟؟ حرام عليك اخوويا.. انا براكة عليا غير نتا تحضر لعرسي..
باسهت فراسها: مااشغلكش.. وزايدون شكون كالك كاع فلوسي خسرتهوم عليك فنظرك انا نخللي راسي بلا كاارو وبلا حشييش؟؟
طاارت عنقااتو كاتبكي وتشهق وهو كاايسكتها حتى بعداات عليه: ستنااني هنا.. ها انا جااية...
عبدو: وااخا؟؟!!
بعد لحظاات دخلاات طلع راسو كاايشوف حتى استغرب مللي لقا نسرين معاها.. جراتها جلسااتها حدااه وهي غير كاايشوف.. وقفاات عند راسهوم ونطقاات: هذي شي ايام عيطااتلي... تلاقينا وشكاات علياا..
عبدو بتسااؤل: شكاات عليك؟؟ واش مني؟؟
هندة: عبدو شوف فيا... إلى ماسمعتيش لكلاامها غاتخسرها
عبدو بخلعة: كيفااش؟؟ وعلااش؟؟
بعدات عليهوم كاتشوف فنسرين: داك الشي للي قلتيهلي فالقهوة قوليهلو هناا... أنا غانسد عليكوم الباب من بررا باش تاخدو رااحتكوم.. هاد لبيت ماكايدخلليه حد حيت فيه حوايجي والسوارت ديما فجيبي... مللي بدا العرس...
حلات الباب وشافت فيهوم: مللي تساليو صونيولي غانجي نحل عليكوم.. بالتوفيق..
ابتااسمات كاتشيرلهوم بيدها وخرجات سدات عليهوم لبااب...
كانت جالسة كاتشوف فالارض حتى نطق: لعمر دياالي.. كاتشكااي مني يااك...؟؟ قوليليا شنو درتليك ونحللو المشكل يالله؟؟
سرطات ريقها وشافت فيه.. شوفتها مغايرة على كيف مواالف نطقاات: كااتبغيني؟؟
حرك راسو مستغرب: واش فيها الشك؟؟
نسرين: إلى خيروك بيني وبين الحلم ديالك شنو تختاار؟؟
طلع راسو مبعد عليها: آش هاد السؤال ثاني؟؟
نسرين: عبدو كانسولك..
حايد الطربوش من فوق راسو ونااض خاشي يديه فجياابو: ماعمرك سولتيني هاد السؤال آش جاك فباالك؟؟
وقفاات حتى هي: حيت كان خاص ضروري يجي شي نهاار للي نطرح عليك فيه هاد السؤاال ونعرف بلااصتي عندك..
شاف فيها مطلع حااجبو: يااك؟؟ هي نتي ماعارفاش بلااصتك عندي؟؟
نسرين: عبدو نتا عارف بللي أول واحد بغيت وأول واحد عرفت هو نتا.. وماعرفتش غيرك حتى وااحد... ويلا قالولي شكون تفضلي واش عبدو ولا شي حااجة اخرى غانقول عبدو بلاا تردد؟؟
عبدو: عاارف... وحتى انا كانبغيك وكثر ماكاتبغيني كااع... ماعرفتش علااش تشكيتي لهندة وماعارفش حتى مالكي دابا؟؟
نسرين: انا راه كبرت أعبدو ووصلت لسن الزواج... لوكان جات عليا غانستناك حتى يشيب شعر راسي... ولكن رااه عندي واليدين خايفين على مستقبلي وعندهوم حكاام عليا...
شاف فيها باستغراب بحااليلا مافاهمش: شنو كاتقدي؟؟ اشمن مستقبل؟؟ للي سولك قوليلو مستقبلي مع عبدو..
ابتااسمات بعصبية: هههه.. يااك؟؟ حنا عايشين فتركيا على هاد لحسااب.. إلى قاللي بابا شنو كاين نقولليك كانبغي عبدو..
شدها من يدها جلس مجلسها حداه: ياك كانقراي قرايتك... نتي قراي وانا نخرج لبررا ماتجي فين تسالي قراايتك حتى تلقايني قاديت وراقيا.. نتزوج بيك ونجيبك لعندي.. (ابتااسم كاايتغزل): اصلا وجهك غير ديال تما بالرب إلى نتي ضايعة فهاد المغرب..
تنثرات منو وقفاات كاتشوف فيه: باقي ماجاوبتينيش على سؤاالي.. إلى خيرووك شنو تختاار؟؟
عبدو: نسرين..؟؟
قاطعااتو: جااوب..
سرط ريقو حاني رااسو للأرض: نختاارو هو... إلى ماخرجتش لبراا نحمااق..
سرطات الغصة فقلبها وجبدات التيلي من جيبها صونات لهندة وقطعاات..
نطقات وهو كان باقي حاط راسو فالارض: ماتلومنيش على شنو غاندير
طلع راسو بالزربة: شنو غاديري؟؟
ناض لعندها بسرعة البرق شدها من يدها مزير عليها: شنو قصدتي بهدرتك...؟؟ شنو كايضورلك فراسك؟؟ (هز صبعو كتحذير): راك عارفااني كيدااير.. عنداك تباانلك ديري شي حااجة ولاا... اصلا انا شاام بللي كاينة شي حااجة مااهيااش..
قاطعو الباب للي تحل خلاه طلق منها.. وهي استاغلات الفرصة هربات من حداه خرجاات كاتجري.. وهندة واقفة مستغربة.. وهو واقف كشاكشو خارجين..
هندة: ياك لبااس؟؟
ماجاوبهاش وعاد نطقاات: باينة ختاريتي الخاريج ياك؟؟
شاف فيها مقرب جهتها: شنو ناوية دير؟؟
هندة: باباها كايضغط عليها اعبدو... رااه الخطاب داخلين خارجين وهي كاتسنااك...
تخطاها مللي سمع هدرتها وشداتو من يدو: عفاك خلليها دابا بلا ماضيع هاد لياامات.. حرك راسو مبتااسم: ماتخاافيش... عرس ختي ماانضيعووش وهي غير تبرد ندوي معاها...