بسمة ناعمة
البارت 11: دازت اياام قليلة ورا العرس.... هندة باقة كاتحاول تولف على حيااتها الجدييدة... وكااتحاول تاقلم مع النااس الجدااد للي لحد الآن باقة ماقدرااتش تميزهوم وااش مزيااتين ولا خاايبين... مللي جت عروس لهناا بقاات جاالسة غير نهاار دخلتها والنهار الثااني للي جابولها عائلتها لفطوور... من ورااها لقاات راسها دخلاات الكوزينة وشدات الشقاا وتمارة... مرة مرة فين كاتعاونها عجوزتها.. هي براسها ماعارفاش كيفااش حتى لقات رااسها متحملة هاد المسؤوولية وهي باقة بحنتها... ماكايكولولهاش لا رتااحي راك باقة عرووسة.. ولا ماديري والو... وفنفس الوقت مااعقلااتش إمتا قالولها نوضي شقااي... ولكن كاايزيدوها غير بالفن... عندها لوستها وحدة مامزوجااش.. مقابلة صباغة دالضفاار والزوااق والمااكيااج والنعااس حتى لآشمن وقت والزنقة... اما لوستها لوخرى مزوجة وبولاادها ولكن من العرس بااقي مامشاات لداارها... مخلية راجلها مشا لوحدو وهي طالقة ولاادها وجاالسة هندة كاتشقا وتطيب عليهووم وهي ماكاديرش يدها فالماا... اما مرات لووسها ساكنة قريب ليهووم.. تقريبا كاتمشي لدارها غير تنعس وترجع هي وولادها تفطر وتتغدا وتتعشاا...
شي مراات كاتدخل لبيتها كاتبقا تبكي حتى تفش وكاتباانلها تجبد باليزتها تجمع قشها وتزيد... غير كاتفكر فخالد وتعاملو معاها وكاتفكر فهدرة الناس وهي باقي ماكملاات حتى شهر كااترااجع... هي سمعاات راجلها شحاال من مرة ضار فمو وفختو على قبلهاا... ورادة الباال مللي كايشوفوه دااخل كاايتخشااو معاها فالكوزينة زعماا راه معااونينهاا...
دخلاات لبيتها كااتمسح يديها فالطاابلية للي لاابسة.. هزات التيلي ديالها من فوق الكواافوز ولقاات خوها للي متااصل... ابتااسمات بفرحة حيت توحشااتو مشا وراا هرسها غير بشي ربع اياام... جلسات فوق السرير مجااوباه: آلو..
عبدو: آلو ختي.. كيدايرة لبااس عليك؟؟
هندة: بيخير الحمدلله ونتا؟؟
عبدو: الحمدلله.. من قباايلة وانا كاانصوني وااش ميتة؟؟
هندة: لاا راه غير كنت لتحت وماسمعتووش..
عبدو: آه.. ماشي مشكل.. احمم.. ياك كلشي مزيان بعداا؟؟ ولفتي شوية؟؟
سرطاات ريقها: آه ولفت الحمدلله... هما مزياانين الله يعمرها داار... وهاا أنا كاانواالف...
عبدو: مزياان.. غير صبري داابا تولفي...
هندة: آه إن شااء الله.. كيدااير نتا مع شي خدمة؟؟
عبدو: بيخير الحمدلله.. ها حنا كانعديو حتى يجيب الله مااحسن...
هندة بغوباشة: انا عارفة ماحسن دياالك شنااهي..؟؟ واخا ماعرفت شنو تلقا هنا فالمغرب غاتبقاا اوروبا هي مااحسن دياالك..
عبدو: اصلا ماكان هنا ماايفرح... (سكت شوية وهااود نطق): باقي مااجات يااك؟؟
هندة باسف: لاا.. قالتلي سهاام بللي مزاال ماجات... راك عارف هذا الصييف غاتكون عند شي حد من عاائلتها حتى توصل لقرااية... مااعرفتش علاش مشوش هااكا.. هي اصلا كل صيف كااتساافر..
تنهد مرة اخرى: مشوش حيت السينين للي فااتو كاانت كاتعلمني قبل مااتمشي وجاامي تقطعاات الهدرة بينااتنا وكاانت كاتمشي غير لعند حنااها.. وهاد الصيف مابقيتش عارف خباارها.. وجداها ماكاينااش عندهاا..
هندة: وااصاافي غير صبر.. راه غاتوصل لقرااية وغاترجع... انا إلى سمعت عليها شي خبار نقوولك.. راك عارف الفايس ديالها مابقااتش تحللو والنمرة بدلااتها يمكن..
عبدو: عاارف عاارف... اناا حااس بللي ناوية على شي حااجة...
عضات على شناافتها ونطقاات مترددة: وبصراحة اعبدو إلى دارت شي خطوة فحيااتها راه ماغالطااش.. هي عطااتك إنظاار وخيرااتك ونتا ختارييت...
عبدو: ماتزيديش عليا اهندة.. راه ربي للي عالم بيا.. رجعت كاانكمي حتى لجوج باكياات فالنهاار...
هندة: حااول على صحتك أخوويا هي للي دوملك...
من بعد ماقطعاات مع خوها عبدو نااضت بالزربة بااغة تطفي البووطة على لغداا حتى دخل خاالد: الزيين فين غاادة؟؟
هندة: غانمشي نطفي على لغداا..
شدها من يدها مرجعها: قلت للواليدة تقاابلو أجي نجلسو شوية..
هندة: واش مشاات تقاابلو عندااك يتحرق؟؟
خنزر فيها: يتحرق ومن بعد ماغاتغداايش غير بووحدك.. وزايدون انا غانجيبلك سوندويتش...
جلساات حدااه: إلى بقيت تابعة دوك السوندويتشاات مااعرفت قدااش نولي..
خاالد بابتساامة: وانا نحنااق عليك كيف ما كنتي..
ابتااسمات حتى هي وهو كاايشوف فيها: علااش كادخلي الكوزينة وتبقاي تشقااي من الصبااح حتى العشية؟؟
شافت فيه: وشنو ندير؟؟
خاالد: ميكي... بقاي فالبيت... حتى نجي انا نجيبلك ماتاكلي...
بقات ساكتة مهبطة راسها للأرض وهو طلعولها مكمل هدرتو: راه ماغايوقع والو إلى ميكتي حتى نتي شي نهاار على الشقا إلى كاع مابغيتيش تبقااي بووحدك فالبيت سيري تخشااي فوسطهوم ديري براسك هبييلة وبقاي تهضري وتضحكي.. نسااي شي حااجة سميتها الطيااب ولا تماارة.. راه هما للي عندهوم الدرااري غايجوعولهووم.. وغاينوضو بزز منهوم يوجدولهوم مايااكلوو.. (اشار بيدو): داابا انا كاانبغي ندوي وندافع عليك كايقولولي حتى كد مابزز عليها تشقاا ولا طيب ورااه كانعاونوها ماشي غير هي.. وانا ماشي هبيل عاةرف حتى كايشوفوني عاد كااينوضو...
هندة: و... بغيت نسولك وخفت تفهمني غلااط...
ابتااسم مرة اخرى: شكون يفهم هاد الزين غلااط؟؟ سولي...
هندة: د.. دابا ختك ومراات خووك يااك بديوورهووم؟؟
قااطعها: هادوك غاولفي عليهوم ديورهووم غاا بالسمية هما ديما هناا...
هندة: و.. داابا انا لوكان كنتي غير نتا او واليديك وختك ماشي مشكل.. ولكن رااه بززاف..
خاالد: ها للي قلتليك... خااصك ترجعي ناانية إلى بغيتي تعيشي اهندة راك مابقيتيش فداار بااك النااس راه ماسااهلينش..
شافت فيه مخلوعة: واش جبتيني لشي حرب أخاالد؟؟ نتا عارف داركوم كيف دايرين وعاارف انا كيف داايرة...
باسها فرااسها كايضحك: ههه.. لا ماشي حرب... انا معااك والله ينعل جدهوم هادو للي يقلقووك.. باش تعرفي الواليد حتى هو ماسااهلش كان كايجيب مرا تعااون وتشقاا ومللي شاافك مابقااش يجيبها... (تحنى كايحاايد سبرديلتوو) والله وكان عندي بااش حتى نجيبها مانخلليش كاع مرااتي تحط يدها فالماا.. (طلع رااسو): غاصبري عليا راه دفعت لواحد الكونكور اليووم ربما يجيب ربي الخيير.. إلى خدمت غانديرليك الدار والخدامة وحتى الطوموبيل...: بقاو مجمعبن فالبيت حتى أذن الظهر ونااض: موضية؟؟
هندة: آه موضية...
خاالد: صافي غير صللي وكااع مااتهبطي غاانمشي نقولهوم راك عياانة باش يحطو غداهوم ويغسلو موااعنهوم راسهووم... انا عارفك ماكاتعجبكش اصلا المرقة كااتبقاي تلعبي بالخبز فوسط الطبسيل ومن بعد كاتنوصي تغسلي كلشي وهما للي كايااكلو مايهزوش كااس..
هندة: ونتا غاتغداا؟؟
خاالد: غانمشي للجامع نصللي وندوز نجيب ماناكلو انا وياك هناا ماشاافنا حد...
ابتااسمات محركة رااسها وهو كمل كلاامو: ماكرهتش نخرجك هااد لعشية ولكن عيطلي واحد السيد عندو واحد الديفو فالدار ضروري نقادولو...
هندة: ماشي مشكل... (شافت فيه بترجي): ماكرهتش نمشي لداارنا... سيماانة مامشيتش
خالد: وااخا وجدي رااسك مللي نجي نلقااك لاابسة... نوصلك قبل العاصر باش تشبعي منهوم شوية حييت ماغانخلليكش تبااتي..
هندة: حرام عليك مللي تزوجت مزال ماابت تما شي ليلة..
خالد: هههه... من نيتك؟؟ راه باقي ماكملنا حتى شهر... مااتخافيش ألاالا غيير تفوت شي شهورة ونخللي حبيبتي تباات...
هندة بضحكة: إن شااء الله...
خرج وخلااها مبتااسمة.. على قبلو تصبر وتعاود تصبر.. كايتعاامل معاها بحال الما لقلييل وااخا تتكرفص فداارهوم هانية كلشي على ودو يهوون... نااضت صلاات ولبساات حوايجها.. جلابة فالبيج مع بلغة ودارت زيف فالبيج ودارت شوية مااكيااج... باقي نور لعرووس طاايح علييها... رجع هااز جوج ساشياات وحدة فيها غدااهوم والثانية فيها حليب وعصير وشي سقااطة تديها معاها لدارهوم.. تغدااو بسوندويتشاات ديال الكفتة مع راايبي... غسلاات سنانها وعاودات قاداات ماكياجها وهو بدل حواايجو لبس داك الشي انيق حيت غادي لعند النسااب.. وخرجو.. وصلو لتحت لقاوهوم كلهوم جاالسين كايوشوشو نطق وهو خارج: غانوصلها لدارهوم تشوفهوم توحشااتهوم... خرجو قبل مايجاوبوهوم اصلا حتى هما بقاو غير ساكتين غير بعدو عليهوم رجعو كاايوشوشو وباينة الهدرة كانت عليهووم... وصلات لدارهوم سلمو عليهوم ورحبو بيهوم... باها بقا جاالس مع خالد مجمع وهو على نار غير إمتا يمشي للقهوة... مراتو هي لي شداتو قالتليه حشوومة النسيب باقي جديد وتخلليه... غير ناض خاالد معتااذر حيت عندو خدمة ووصا هند باش توجد راسها بالليل حيت غاايرجع لعندها وخرج.. وخرج وراه حمااادي طااير بحاليلا كان مربووط... وهي بقاات مع مها وختها... مجمعين حتى وصل الليل وجا دااها
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
