بسمة ناعمة
البارت 18: كانت واقفة قدام لمراية كااتقااد فجلابتها دغيا باغة تخرج.. حتى حل الباب ودخل.. بقا واقف كاايشوف فيها وحتى عي ضاارت لعندو... قرب جهة الناموسية وتكا: داركوم عااود؟؟
حركات راسها كاتقااد فولارها: أممم.. عبدو هاد لعشية يمشي...
خاالد: آه.. إيوا الله يوصلو على خير..
تنهدات هازة صااكها ونطقاات: آميين.. (رجعات شافت فيه): ماغاتمشيش؟؟
حط يدو ورا راسو متكي: غير سيري.. نتكا شوية ونتبعك... بااش منها نجيو بجوووج..
هندة: ماغانجيش معااك.. مايمكنش نجي غانباات..
قلب عينيه بملل: زدتي فيه أهندة كاتقلبي على المشااكيل.. هااد الشهر عيقتي فيه على داركوم..
هندة: راك عاارف.. دارنا وقعو فيها مشااكل بززاف... داك الشي للي داز على عبدو ماشي سااهل..
جبد التيلي من جيبو كايبقشش فيه ونطق: وهاا عبدو غاايمشي ونشووفو باش غاديري السبة..
حتى كانت غاتجاوبو ودرات بنااقص خرجات وزدحات البااب..
.......
هااز صااك كبير شوية فووق ظهرو.. لابس سروال دجين مقطع على الركبة ودجااكيط.. مع سبرديلة طاالعة.. وداير كااسكيطة.. خرج من الداار وهما كلهوم من ورااه.. كلشي كاايبكي.. أكيد توادع معاهوم فوسط الداار.. ضار كايشوف فيهوم بابتسامة حزيينة ونطق: مالكوم كاتبكيو بحاليلا مخرجين ميت؟؟ (شاف فمو وقرب باسها فراسها): دعي معايا الواليدة.. باش دغيا نصيفطك للحج...
حركاات راسها مخنوقة بالبكا: الله يسهل عليك أولدي الله ينقي طريقك من الشوك او يوصلك على خير.. (شهقات بالبكا ورجعات كملات كلاامها): شوف إلى شفتي البحر هاايج ولا مااشي حتى لتم مااتركبش اولدي واخا تكون عطيتيهوم لفلووس..
عبدو: كوني هانية الواليدة.. اصلا لفلوكة راه مااتتحرك حتى يكون لبحر عاادي..
شاف فباه للي غير حااضيه بلا ردة فعل: تهلا فيهوم أباا... والله حتى ندير كثر من جهدي بااش نرجعليك فلوسك وكثر كااع.. غير دعي معاايا
ابتاسم بااه جاابدو لعندو معنقو جنب: تهلا فراسك أولدي... وكون راجل... هااد الشي للي غادي دير مااشي ساهل.. الله يكون معااك..
عبدو: آمين..
سهاام بصوت مغنغن بالبكا: حتى رجعنا انا وياك خووت وبااغي تمشي..
جبدها هي وهندة فمرة عنقهوم عندو: لهبييلاات.. علااش كاتبكيو داابا؟؟ غاانوصل إن شااء الله ونخدم ونصيفطلكوم الأورو ونتونا صرفوه وتبرعوليا مع راساتكووم..
هندة: (وعي كاتمسح دمووعها): تهلا فراسك أخوويا.. وحضي من الحدوود ديال الجزااير.. ورد الباال.. الله يرصلك على خيير..
عبدو: آميين يااربي.. دعيو معايا غير نوصل.. راه غير نقكع لبحر صاافي المشكل تحل..
سهاام: يااربي توصل على خيير إن شااء الله..
تحنى لعند خووه آدم للي غير واقف كاايشوف ونطق بابتساامة: كنت كانستناك غير إمتا تمبر بااش نجرب حتى أنا يكون عندي خوويا.. ولكن نتا تعطلتي أصااحبي..
هز يدو كايلعبلو فشعرو: غااتشد بلااصتي هنا يااك؟؟ هانتا كون قااصح معاهوم وماتبينش ليهوم معزتك بااش مايضسروش علييك..
هما غير كاايسمعو لهضرتو ويزيدو فبكااهوم..
عبدو: بصح كون رااجل.. ماتخللي حتى حاجة تقيصهوم...
ضربلو على كتفو بالشوية: كبر دغيا أصاحبي هااد الدار راه خاصها رااجل..
نطق حناادي كايحااول يبدل الجو: وحنا شنو كانباانولك؟؟
نااض كاايضحك: نتا كلشي الواليد غيير خااصك لعوين...
من بعد الودااع الأخير انسااحب عاطيهوم بالظهر بمشيتو المعهوودة مخرج ظهرو وكاايزرب فالمشية عينيه كايضورو على الكوانات للي كان موالف يوقف فيهوم والبلاايص للي كان يتكيف فيهوم.. ودار نسرين للي طالما وقف تحتها.. والجردة للي كان يعمر فييها... حتى خرج على الحي.. نزلاات دمعة وحيدة من عينو مسحها دغياا كاايشوف فمنخى وااحد شد طااكسي ورمب غاادي للبلاصة للي غايبدا منها رحلتووو
كلهووم جاالسين فبييت كاايشوفو فمنخى وااحد فين كان واقف واحد السيد كايشرحلهوم... الدعوة مخلطة... كاين رجاال كباار بزاف وكااين شبااب قد عبدو وكااين دراري صغاار... وكااينين شي عيالات.. وحدة حااملة وحدة جاايبة ولدها صغير.. وشي إفريقياات.. وحتى الدرااري إفريقيين كاينين... حااطين حداهوم صيكاانهوم.. ولفلووس حازمينهوم عندهوم... ماكاينااش التقة.. كلشي حااضي رااسو... نطق السيد للي واقف كاايمشي ويجي ويشرح: هااد الليلة غانبااتو هناا... (طلع البيت وهبطو بعينيه): غااتشوفو كيفاش ديرو تنعسو واخا البيت صغيير.. شي دراري يخرجو لبررا ماشي مشكل ينعسو تماا... غدا الحدوود كاتكون مرخوفة شوية.. غدا بالليل مع الوحدة ولا كثر غاانتحركو... (شاف فالسااعة): حنا دابا فالسعيدية... الحدوود قريباالنا غير بشي نص سااعة من هناا... للي خاصكوم تعرفوه.. هو انو الفلوكة مزاال ماتحدد إمتا غااتحرك... لبحر بااقي هاايج.. خااصنا نصبروو... المهم هو نقطعو للجزااير.. وتماا كل وااحد غاايضبر على رااسو.. التيليفونات ديالكوم عندي.. نهاار تبغي لفلووكة تخرج نعلمكووم... (خشا يديه فجياابو وكمل كلامو): انا عارف بللي حتى حد مايقدر يدير فيا التقة.. فلوسكوم خلليوهوم عندكوم حتى نتلاقاو مرة أخرى لهيه... مللي تشوفو لفلووكة وتكونو غاديين باش تركبو فيها عااد عطيوهوملي.. متاافقين؟؟
كلهوم حركو رااسهوم وعبدو نااض من وسطهوم كاايشوف فيهوم تجبدو باغيين ينعسو والعيالات مكمشين خاايفين ونطق بصرااخ: تكعدو أصااحبي كلشي غااينعس بررا.. غايبقااو هنا لعيالات حشومة تحااكوم معااهوم...
نااضو كلهوم او واحد نطق: مادامهوم وصلو لهناا راه مابقااش فرق بينااتنا..
عبدو بعصبية: رااه قلة الشي للي وصلاااتهوم لهناا.. حمد الله حنا تخلقناا رجاال.. هما مسااكن يعلم الله بحاالهوم..
خرجو كلهوم فرشو بررا ونعسو مغطيين بداك الشي للي جابو معاهوم...
.....
كانو جاالسين فالبيت كايبكيو مللي مشا عبدو مابقااو سكتو حتى دخل حماادي كاايفرنس: نوضو نوضو جمعو خنااينكووم.. رااه الدري مااشي ماات.. الدري راه ماشي يقلب على مستقباالو..
شااف فمرااتو عينيه كاايلمعو: انا مزاوك أحفيظة هذا ماشي وقت لبكاا.. رااه جايينا الضيااف..
شافت فيه مصغرة عينيها: شكون جااي؟؟
حماادي: عرفتي عمي كرييم؟
حغيظة مخرجة عينيها: آهه.. داك البرلمااني؟؟ دااك الخانز فلووس للي كانت الهضرة غير عليه؟؟ (تغوبشاات مفكرة): يااك ماات؟؟
حماادي: آه ماات ماالي انا قلتليك راه خرج من القبر؟ (رجع ابتااسم): هذا ولدو هو للي جااي..
حفيظة بتفكير: ولدو.. آهه داك الزوين للي انو بنات العائلة كاع ريوكهوم ساالو عليه..؟؟
حمادي: آه هو..
حفيظة: تبااركالله.. داك مو العوينات الزرقين.. متشفتو هذي عاامين تبااركالله من عرس ختوو.. واش شد بلااصة باه؟؟
حماادي: فين يباان باه هذاا.. راه تبااركالله داار لفلوس صحيحة.. شركاات وعقارات... وداخل حتى فالسيااسة..
حفيظة: تبااركالله.. هذا هو للي تخاف عليه من العين... زين الوجه وزين لعقل وزاايدها بالفلوس.. (تنهدات غاايبة): سعداات للي يوللي نسيبهاا
حمادي مخنزر: حفيظة توكضي.. رااه غدا فالصبااح غاايجي.. وااقادي لعرااضة وجيبي راسك رااك عارفة.. السيد راه همة وشاان.. غايجي غير يصل الرحم.. باه وصااه مللي كان يمووت.. باش تعرفي الولااد لمربيين..
حفيظة: صاافي كون هااني ماتخاافش
تطرق البااب وناضت هندة للي كانت جاالسة كااتسمع كلشي..
حلات هندة ولقااتو خاالد... شافت فيه مخنزرة ودخلات خلاتو فالبااب داازت مبااسرة للبيت.. وهو سلم على واليديها ولحق عليها.. قرب جهتها وجلس حداها وهي قالبة وجهها ونطق: يااك لبااس؟؟
هندة بعصبية: ماعارفش يااك؟؟.. علاش ماجيتيش؟؟ خويا كان باغي يسلم عليك.. وعااد راه خاصك تكون معايا فهااد الظروف... قلتلي غااتلحق عليك.. ولا خيت قلتليك غاانباات وبغيبت تنتااقم..
خاالد: الله يهديك أهندة.. راه للي فيا كافيني.. والله حتى كنت غاانجي.. (تنهد مهمووم): عيطلي صاحبي قالي واحد الكونكور يالله خرج.. مللي صونيت لداك السيد للي عاودتليك عليه فاللول مابغاش يجااوب.. ومن بعد جااوبني وقالي مامسااليش وقطع فوجهي تخيلي؟؟
خرجات عينيها: شنوو..؟؟ وعلاش دار هاكا؟؟ وعلاش كذب عليك داك النهاار؟؟
خالد مكشكش: حييت ولد لحراام قمشااش بااش مانطلبش ليه شي ثمن فديك الخدمة وااعدني... ولد لحراام دارها بيا.. دابا الكونكور كااين خااصني ضروري لمعرفة...
هندة: داابا هااد المعرفة كيفاش بغيتها تكوون؟؟ زعما شنو هي خدمتو؟؟
خاالد: للي كان يكون معروف أو وزنو ثقيل فالبلااد... رااك عارفة دوك صحااب الشركاات كايكونو معروفين.. وكايتعااملو مع كلشي..
صغرات عينيها كااتفكر... كلام باها كع مها دااز فباالها على هااد ولد عمو.. رجعاات شافت فخاالد: كااين واحد السيد
خاالد: شكون؟
هندة: يالله دابا با كان كايهضر مع ما وقالها بللي غايجي ولد عمو معروف وعندو شركاات... يقدر يعااونك يااك؟؟
خاالد: على الله.. ماعرفتش نوع الشركاات للي عندو... ولا واش كباار بززاف
هندة: لاا راه كباار قالها با.. (شداتو من يدو): شوف انا غااندوي معاه دابا يقوللو عليك ربما يكون شي خيير...
خالد بابتساامة أمل: آه قوليهااليه..... عرفتي ويجيب الله التيسير على يدك غااتعيشي أميرة والله..
هندة بابتساامة حمااس: إن شااء الله..
نااض: غااتباتي يااك؟؟
هندة: آه غاانباات... فالصبااح نجي..
خاالد: أوكي ماتعطليش.. هانا غاانمشي ننعس... تصبحي على خير مللي تدوي مع باك صيفطيلي ميسااج آش قاالك...
هندة: صاافي كوون هاني..
هو مشا وهي بقاات واقفة كااتفرنس وكلها أمل... خرجات تعشاات معاهوم ودوات مع باباها للي ماعارضش الفكرة وقالها غير يجي السيد يدوي معاه... نعساات وفلصبااح غير فطراات خلاات مها كااتقاد لغدا على قبل الضيف وسهاام مشاات للمدرسة تتسجل للعام الجديد وهي مشاات موصية باها باش يتااصل بيها ويقولها شنو قاالو السيد
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
