🍂رفقا يا قدر 🍂( طور التنزيل)

part12

بسمة ناعمة
البارت 12:
حااط يديه فجيااب التوني للي لاابس كاايتمشى جنب لبحر فوقت لغرووب... عيينيه مركزين فالمدى البعييد... مصغرهووم كاايشووفو من وراا لبحر... وكاايحاول يعطيهوم كثر من خدمتهوم باش يشوفو ويكتااشفو شنوو كااين تماا... عندو رغبة قوية يعرف كيف داايرة الحيااة تماا؟؟ وااخا هو مقتاانع بللي هذييك راها جنة وحسن من الجحيم للي عايشو فبلاادو...
تنهد دااخل فحواار دااخلي بينو وبين رااسو: الدنيا غدارة بنت لحراام ومانصفااتنيش... هما لهييه وانا هناا... وااش ضرووري نمشي لبررا بااش نخدم وندير لفلووس؟؟ ويلاا بقييت هنا ماانقدرش نشري داار وطوموبيل؟؟
جلس فووق الرملة زحاايد سبرديلتو نفضها وحطها قباالتو... ابتااسم مستهزأ من سؤاالو اللخر: هههه... بالإجاازة والدحتوورة وماخدمووش فهااد لبلااد بااقي غير أنا للي حتى الساابعة ماكملتهااش... ضاار ورااه مللي سمع شي أصواات.. نطق مرة اخرى وهو كاايشووف فوااحد حبس الطومو ديالو ونزل ونزلو جوج ولاكو ومرااتو شدها من يدها وزادو كايضحكو جهة لبحر: غير لعاام للي داز كاان يبيع ففراشة فالسووق.. وهااهو مشاا لبراا وحقق داك الشي للي ماقدراتش هااد لبلااد تعطييه...
طلع النفس وهبطها كايحااول يخرج شوية من الحزن للي فقلبو: كاانبغييها... نقسم بالله إلى كاانبغييها.. ولكن ماااعندي جهد... شااف فالسماا ناازلة دمعة من عيينو: علااش بللادنا داايرة هااكا؟؟!! علاش حناا مانقدروش نتزوجو ونولدو؟؟ شحاال غاانبقااو كاانشتاقو للدرهم ومانلقااوهش؟؟!!... بدييت نحقد على جنسيتي وبلاادي... مااشي حيت أنا غداار.. ولكن حيت هي غدرااتني💔💔💔
سمع صوت التيلي دياالو وتنهد جابدو من جيبو جااوب بلاا حتى ماايشوف شكوون... صغر عينيه كاايسمع للمتصل وهو كاايهضر: خويا عبدو لااباس؟؟
عبدو: الحمدلله.. شكون معايا؟؟
المتصل: بلا مانطول علييك.. أناا راه ولد الحومة دياالكوم.. ومانبغيش لييك المضرة..
عبدو باستفهاام: وشكوون؟؟
المتصل: بلا ماتعرف شكون ماباغيش المشااكل لراسي... (سكت شوية بااين متردد وعبدو كاايستناه ينطق حيت عاارف بللي كااينة شي حاجة تماا): حبييبتك.. جااو فيها الخطااب... وهااد المرة الخطبة تاابتة حيت اتاافقو وغايرجعوو...
نااض من بلااصتو مخرج عينيه: شكوون نتا ومنين جبتي هااد لخباار؟؟ (اشاار بيديه): اصلا هي ماكاينااش فالداار
المتصل: انا ماعارفش واش كاانت هنا ولا لاا... للي عارف هو انو الي
: كاانت غادة لداارهووم.. كاتمشى مرفووعة.. وكااتفكر... ماعارفاش مصيرها فهااد الزوااج... ماعاجباهاش الحيااة فهديك الداار... كااتحااول تتفاءل بالخيير ولكن والوو... بحاليلا كلشي كاايباانلها ظلاام.. كيف الحااضر كيف المستقبل... طلعاات رااسها كااتشوف قداامها.. تلفااتلها المشية.. من نهار تزوجاات ماخرجاات بووحدها.. من ديما خاالد للي كاليوصلها لداارهوم ولا مرة مرة كاايخرجها شوية... اليووم قالها غير سيري بووحدك صاافي ماكان علاش نبقا نوصلك وزايدون تاايق فيك... ابتااسمات ماعرفااتش فين تصنف تصرفو هذاا... واش مابغااش يخنقها.. ولا مابقاش مساليلها ومابقااش كايغيير عليها... تنهداات مفضلة تختاار الفكرة اللولة بااش تنهي تفكيرها وماتزيدش تأزم رااسها.. صغرات عينيها كااتشوف فنسرين وااقفة مع وحدة حدا باب داارهوم... ركزات نظرها على ديك للي معااها.. طلعاات حااجبها مللي عرفااتها هذييك الخيااطة المعروفة فدربهووم... زادت قرباات جهتهوم.. وقفاات حدا دارهوم حيت هما الباب عند لبااب.. ونطقاات من تما: السللام عليكم..
طلعو ريوسهووم الخيااطة اكتاافات بالسلاام ونسرين نطقات: السلام ختي هندة لبااس؟؟
هندة: الحمدلله.. على سلاامتك.. واش ماكنتيش هناا؟؟
نسرين: لاا.. كنت مساافرة..
قاطعاتها الخيااطة معرووف عليها ثرتاارة وماكاتسكتش: كاانت مساافرة.. ومااجات حتى ضبراات على عريس ههه... (كملاات هدرتها وهي كااتضحك بميااعة.. وهندة تزير عليها خااطرها من جهة خووها ونطقاات بهمس): عرييس؟؟
قبل ماتجااوب نسرين سبقااتها الخيااطة مرة أخرى: آه... (طلعاات وااحد التوب كاان فيديها كاتوريه لهندة): هاانتي كااتشوفي.. هذا كاتوجدو لنهاار خطبتها... (شافت فنسرين كاتشير لها بصبعها): غدا غايجيو يتفااهمو ومن بعد غايديرو الخطبة.. بااينة شي ليلة فااعلة تااركة.. حيت كاايباان ميسوور...
حولاات هندة عينيها جهة نسرين لقااتها صفرة مابقاالها والو وطييح... ابتااسمات بزز بااش تنهي هااد المهزلة.. ياك خوها للي ختاار.. وهي بفمها قالتلها من حقك تعيشي علااش داابا غاتلوومها.. نطقاات: مبرووك عليك اختي الله يكمل بالخير..
لوخرى حركاات رااسها مبتااسمة غير فووق الخااطر.. وهندة ضورات الساروت فالبااب حيت عندها ساروت داارهوم غير حلااتو دخلاات... تكاات علييه كااترتااح... تقادات فوقفتها مللي لاحظاات بللي الضو ديال تيليفوونها شااعل.... ميلااتو جيهتها حتى شهقاات مللي لقاات الخط داايز عند عبدو... عضاات على شناافتها حتى جرحااتها... وحطاتو على وذنها نطقاات كاتمنى يكوون غير قااسو وماكاايسمعش... حيت راه قرييب عشرة دالدقاايق بااش الخط داايز عندو: آلوو..
جاوبها فالبلااصة الشي للي صدمها: هندة لبااس؟؟
هندة: ل.. لبااس... مارديتش للبال للتيلي..
عبدو: عاارف... سمعتك كااتدوي... عرفتك مارادااش الباال.. كنت نصووني وجاوبتي بلاا ماتعيقي..
هندة وهي كااطلب ربي فخااطرها: م.. معامن سمعتيني كااندوي؟؟
ضحك بصووت مسمووع: هههه.. مع ديك لبلبالة ديال فتييحة... و.. عرووستناا
غمضاات عينيها ورجعاات حلاتهوم: عرووستنا؟؟!!
عبدو مزير على لحرووف: نسريييين...
هة بتلعثم: عبدوو...؟؟
قااطعها: أنا فالطريق.. راني شاد الطريق من الصبااح... بالليل نووصل... يااك نتي فالداار داابا؟؟
هندة: آه فالداار.... ولكن واش غير جااي ولاا...؟؟
عبدو بتعب: عياان داابا اهندة بااغي ننعس نووصل ونهضروو...
قطع عليها قبل ماتكمل هدرتها خلااها حاايرة وزاادها هم على همها...
كاانت جاالسة فالبيت مع ختها... وماماها فالكوزينة كااتقااد لعشاا... مرفووعة.. اصلا مللي جاات وهي كاتبتااسم غير بزز... وكااتمنى عبدو يوصل بكري بااش تشووفو قبل مااتمشي... طلباات خاالد يخلليها تباات وماابغااش بعذر انو مولفهاا حدااه بالليل.. ماعرفاتش علااش رجعاات كاتشوفو مناافق فتصرفااتو.. وكاايكذب وغير كاايصبغهاا... شي مراات كااتفكر هاكا وشي مراات كايأنبها ضميرها حيت كااتحس برااسها ظلمااتو... طلعاات راسها على صووت البااب للي تطرق.. تمناات يكون عبدو.. ولكن خااب ضنها مللي سمعاات صوت خاالد وهو كاايسلم على مها وبااها... عااود هبطاات راسها مقلقة.. كاانت ديجا علماات دارهوم بللي عبدو غاايجي... وماقالتش شي حااجة اخرى.. هي براسها ماعارفة والوو... هو رااه كان شااد الطريق قبل ماايسمع دااك الشي... كاانت مرفوعة لدرجة ماحسااتش مللي دخل خاالد... يمكن كاان كاايدوي معاها... مللي ماسمعااتوش حط يدو على يدها.. الشي للي خلاها تفيق وشافت فيه.. حرك راسو بتسااءل على شنو شااطنها.. يالله حلات فمها بااش تعاودليه وترااجعاات.. نطقاات: والوو غيير سهييت...
خاالد: فااش سهيتي؟؟
هندة: والو كنت كاانفكر وصاافي..
ابتااسم: فياا...؟؟
شافت فييه: عبدو غاايجي اليووم خلليني نباات غدا غانجي بووحدي..
خاالد: غير سمحيليا امرااتي لعزييزة مانقدرش نخلليك تبااتي... (باسلها يدها وكمل كلاامو): عبدو رااه يالله جااي بااقي ماغايرجعش.. من بعد واجي تشووفيه..
ابتااسمات: غدا نجي نشووفو..؟؟
طلع حااجبو: ماتزيديش فيه اهندة اليووم النهاار كامل ونتي هناا وغدا عااود تااني تجي.. وشنو يقولو صحااب الداار؟؟
حركاات كتاافها نااترة يدها من يدو: وماال ختك كل نهاار عندكووم؟؟
خاالد: الله يهدييك اهندة ختي رااه بدارها بووحدها ماساكنااش مع نااسها حتى نتي مللي نديرو داارنا سيري فين بغيتي..
هندة بترجي: وهااد الشي علااش قلتليك نباات بااش مانتسمااش جيت وعاود جيت.. ندير يومين وغداا نجي..
خاالد بجدية: صاافي هضرناا..(ابتااسم كاايحااول يرطب الجو وبااسها فحنكها): انا غانمشي نجلس مع باباك فالصالون...(نااض وخلااها متبعااليه العين.. كااتحس بقلبها غاينفااجر.. حااسة براسها مربووطة.. فعقد زوااجها مذكورة غير هي وخاالد مامعااهومش طاسيلتو باش يتحكمو فيها... سااطت بنفااد صبر ماارااضياش هي على هااد الوضع نهاائياا...