🍂رفقا يا قدر 🍂( طور التنزيل)

part19

بسمة ناعمة
البارت 19: فالصاالون جاالسين بجووجهوم.. جاالس بكل رجوولة جلسة محتاارمة بلبااس انييق وسبورتيف.. من هنداامو بااين لبااس عليه وعندو لفلووس.. ملاامحو شرقية بامتيااز... العينين عسليين وشعروو بني... ماايمكنش تشوفو وماايعجبكش... بااين صاارم من وجهوو... مزين صبعو الإبهاام بخااتم غلييظ... سااعة يدوية عاابرة النص فيدو... كلاامو موزون ومتقوون... وكاايدوي غير بالشوية والتبااتة... حماادي مااكايعرفش بززاف من هااد النووع... عمو الوحيد للي خرجلهوم من الجنب.. أصغر وااحد فعماامو صغر حتى من بااه.... كاافح وقراا على عكس خووتو للي خرجو من لقرااية بكري... خدم فللي كاان وخدا الإجازة من بعد المااستر.. توظف على قد الحاال وبقاا كاايجوع راسو بااش يجمع لفلووس... بدا بمشرووع صغيير وبقاا كايكبرو شوية بشوية... حتى رجع مشرووع كبيير ودار لابااس تزوج... ببنت كان يبغيها وصبراات معااه... عطاهوم ربي ولد وااحد وللي هو هذاا لي جاالس حدااه... من بعد ماعاودوش ولدو.. ربي ماعطاهومش... ولدو خدا نفس خصاالو.. الآذااب والأخلااق والديين... وعااد الشجااعة والإجتهااد... كمل قراايتو لبررا ورجع عاون باه فمشاريعو ودخلو بجوجهوم حتى للمجاال السيااسي.. شااءت الاقداار ومااتت موو موتة مفااجئة... مرض باه من ورااها حيت مااصبرش على فراقها.. شد لفرااش مدة طوييلة ماخلا بيه حتى طبيب.. فالمغرب وفالخااريج.. بدون جدوى.. مرضو كان نفسي... طول فترة مرضو كاان كايوصيه على بززاف... على الخدمة والدين وحتى على العائلة وصلة الرحم... ماات وخلاا ولدو فالسبعة وعشرين من عمروو... داازت عاامين قدر يتجااوز فيها المحنة.. ووقف على خدمتو وخدمة بااه... زااد اسس وكبر فمشاريعو... وهااهو جاالس بكل ثقة مقاابل مع حماادي للي كاايشوف فيه فرحاان: مرحبا  بييك.... زارتنا البرااكة اولد عمي (غوبش): وااخا من نهار ماات باك مااشفناك؟
تبسم بلطاافة:  راك عاارف.. الخدمة عندي مزيرة والله ماكانلقا الوقت حتى باش نحك فرااسي...
حمادي كايحرك فرااسو: عاارف عاارف.. تبااركالله عندك شلاا خدامي وشلاا شركاات.. الله يزيدك من عندو..
وليد: آميين يااربي.. (صغر عينيه مفكر): فين عبدوو؟؟
تنهد حماادي ونطق: عبدوو أحسرااه.. مشاا... (طلع راسو كاايشوف فيه): يالله لبارح مشا خلا الدار بحاال الجناازة.. الولد غادي يهبل على الخااريج عطيتو لفلووس وخلليتو يمشي...
نطق باستغراب: كيفااش غاايمشي وااش فالفلوكة؟؟
حمادي: آه... غايمشي على الجزااير..
وليد باستغرااب: هه.. سمحلي ولكن جااتني غريبة مصيفط ولدك يقطع لبحر ومهني...
تنهد حماادي: ماعارف والو... الولد راه غادي يهبل على الخاريج... ميكت علييه شحاال وفاللخر نااض بغا يتقااتل مع واحد الدري.. لوكان ماصيفطو عاارف يا غادي يقتل يا تقتل..
وليد: ماكنتش عارف.. نكون ضبرت علييه.. (سكت شوية كاايفكر): ولكن انا عارف بحال هااد النوع كايحون حلمهوم هو أوروبا.. ماغايقتانعش بالمغرب واخا نعطيه واحد من مشاريعي
حمادي: أييه هاد الشي للي بغيت نقولليه
وليد: مااعليش إن شاء الله يقطع لبحر ويوصل لتماا.. غاايشوف كيف داايرة الخدمة... خلليه يحقق هاد الحلم باش يالله يفيق منو.. ويشوف احلاام أخرى حقييقية ودياال الدواام...
حماادي: داك الشي للي قلت حتى أنا.. أحمم.. بغيت نطلب منك شي حااجة..
وليد: مرحباا...
حماادي: ب.. بصرااحة رااجل بنتي هندة عندو داك الديبلووم دياال الضوو... ماخلا فين ندفع او والو مااجابش الله.. (سرط ريقو حشماان): واليوم راه كااين وااحد الكونكور.. بغا يدفعلو.. ولكن خااصو المعيرفة رااك عاارف...
وليد بابتساامة: هندة.. هههه.. ديك القصيورة الدبدووبة؟؟
حمادي بضحكة: مابقااتش هااكاك.. تبدلاات.. هههه.. دخلها الهم وضعاافت..
وليد: ههه.. سبحاان الله.. الوحيدة فالعائلة للي بقات صوورتها فعينياا.. كاانت عزيزة عليا.. واخا كاانت صغيرة بززاف وأنا كبير على اللعب كان يععجبني نلعب معااها... بصراحة مااكرهتش نشوفها..
ضحك حماادي من هدرتو عقلية  اوروبية وللي فقلبو على لساانو.. واخا شاد فالدين.. ومتشبت بييه.. كايقول للي جاه فقلبو
نطق حمادي كاايشير بيدو لوااحد الصورة: هااهي... هذي داارتها قبل مااتزوج كاانت عااد تقراا.. هي على لييمن لوخرى سهاام..
شااف فيها مطول وتنهد رجع شااف فحماادي: تبااركالله... زياانت..ولكن انا متأكد بااقية بنفس الظراافة والتصرفاات لكيووت...
حمادي: نية بززاف.. وقلبها بيض..
وليد: الله يخلليهاليك.. (تنهد مرة اخرى): ديالاش هاد الكونكوور للي باغي يدفعليه رااجلها؟؟
حمادي: شي شركة داافعااه طاالبة للي عندهوم نفس الديبلووم..
حرك رااسو ونطق: مااعرفتش هاد الكونكوور.. ولكن غااندوي ليه مع وااحد السيد محتااج لشي واحد.. (هز صبعو كإشارة): ولكن رااه إلى كتااب وتقبل الخلصة مزياانة بززاف.. يقدر مايضور العام حتى يدير الدار والطوموبيل... وغاايترسم من اول نهاار.. (رجع شاف فالتصويرة): كاانعرف هندة وعزيزة عليا.. غاندير هاد الشي على قبلها هو ماكانعرفووش
...........
كانو جالسين بجوجهوم على طبلة الفطوور كاايضحكو بصوت عاالي ويفطرو.. نطقات هي كااتحاول تحبس الضحكة: هههههه... والله حتى بقا فيا موول الطوااجن.. هههه... مسكينة بحاليلا هو للي جات فيه الضربة حراام علييك هههه..
رشيد: ههههه.. ياك خلصتليه كلشي.. وعاد بالضووبل. ههه.. (هز الماا كايشرب): أصلاا راه دؤت فيه خير هههه.. كان غايضل تما النهاار كاامل فالشمش كاايبيع وانا شريت عليه بالجملة..
ميلاات شفايفها: أممم.. شريتيهوم.. زعما استاافدنا منهوم.. يااك بقيتي كااضرب بيهوم فدااك بوراس.. ولوكان غير جاو فيه.. ههههه.. نتا تضرب وهو يخوي كلهوم تشتتو غير فالأرض ههه...
رشيد: ماتكدبيش... اللخر جاا فيه... ههه.. داك الشي علااش خلصت السلعة كلها وانا فرحاان
نسرين: نااري تخاايل لوكان قتلتيه... مااعرفتش شنو وقعليك.. انا مللي شفت الدم رااه تخلعت كنت غانطيح على وقفتي..
جمع ضحتو معصب: نسرين نتي عارفاه يستااهل.. هذاك بنادم راه بقيت حاضيه مللي حطيتك حدا الليسي بااش تقيدي.. مابغيتش نمشي حيت شفتو ماحايدش عينو عليك... وشفتك كاتوريه الخاتم.. وشفتك غوتي عليه.. او هو بقا لاصقك عصبني.. غير نزلت قربت جهتو باانولي الطواجن محطوطين بحاال رحمة ربي وانا نبدا نهز ونخبط..
نسرين حااطة يدها على فمها كااتضحك: ههههههه... نااري غير كانتفكرها كاانبغي نموت بالضحك... (خرجات عينيها): تخاايل لوكان شكا بيك..؟؟
رشيد: آش يشكي..؟؟ ومللي يسولوه علااش ضربتو شنو غايقولهووم؟؟ اصلا راه الضربة كاانت خفيفة غيير تسكيرة وصاافي..
نسرين: ههههه... وزايدها حاط يدو على  راسو كايسيل بالدم وكاايعتااذر منك.. هههه.. فقد الذاكرة..
ابتااسم كاايشوف فيها ونااض: ههه.. نتي رااك مساالية وغااتعطليني على خدمتي.. تبغي تمشي لليسي نوصلك؟؟
حركات راسها وناضت كااتجمع الطبلة: لاا.. حتى تفوت هاد السيمانة بااقي ماايبدااو..
رشيد: وااخا للي بغيتي.. (صافطلها بوسة فالهواء وهز كارطاابلو خرج..).. علاقتهوم فهااد المدة تحسناات بززاف.. رجع مسيطر على تفكيرها.. ماعارفااش واش كااتبغيه ولا غير حيت ولفااتو وحيت تصرفااتو زوينين بززاف.. للي عارفاه هي داابا هو أنها بداات تقتاانع بيه كزوج.. وكااتفكر ترجع زوااجها حقييقي
كاانت نازلة مع الدرووج بااشوية.. ولفاات تنزل بلاا حس بااش تسمع لشنو كااينقاال عليها.. ماعارفاش علااش؟؟ كااتبغي تمرض رااسها بهضرتهووم... وقفاات فالوسط.. وهما كايوشوشز لبعضهووم لتحت... من صوتهوم عرفااتو شيخها وعجووزتها.. اصلا هما للي كايفيقو بكري.. فهماات من كلاامهوم بللي مسميينها بالسحاارة سحرات لولدهووم وخلاتو خاتم فصبعها كايخلليها بحال الخاتم فصبعو... حيت خلاها تباات فدارهوم.. يمكن ماردوش ليها الباال مللي جاات.. حيت دخلاات بكري بززاف وهما باقيين نااعسين... مااسالاوش هدرتهووم.. زادو لخوها للي نعتوه بالشمكار والسراق واخا جاامي سرق شي حااجة.. ورجعو حتى لبااها للي ملقبينو بالقمشااش... وختها للي مسميينها بالساايبة وماعليها حكاام...
غمضات عينيها ورجعاات حلااتهوم ونزلاات دايرة الصوت برجليها خلااتهوم سكتو... وصلات لعندهوم وشاافت فيهوم مخنزرة.. نطق شيخها: هندة جيتي؟؟
حركاات راسها كااتغسل يديها فلافابو للي مقابل معاهوم..
عوجات عجوزتها فمها: مشاا خووك؟؟
هندة بصوت مهموس: آه مشاا...
خديجة: إيوا مليح.. الله يوصلو على خيير.. خلليه يمشي لا يدير شي فضيحة اخرى عااود..
ضارت شاافت فيها مخنزرة ونطقاات وهي كاتمسح يديها بالفوطة: الفضيحة إلى دارها راه كايديرها لراسو ولعائلتو بنادم ماشي سوقو..
طلعات حااجبها كاتشوف فراجلها: أممم... كاتمعني عليا.. راحنا نسااب زعما.. حتى حنا كايضرنا بفعاايلو..
زدحاات ديك الفوطة بعصبية وضاارت غااترجع تطلع الفووق حتى وقفااتها: فين غاادية؟؟ وااش فرقتي معانا العشرة الفوق؟؟ شفتك رجعتي كااضلي فبيتك وحناا نشقااو عليك؟؟
هندة بابتسامة معصبة: كاتشقااو عليا؟؟ أناا..؟؟ هههه... علاه إمتا؟؟ من نهار جيت لعندكوم لهناا يااك مرة وحدة للي مانزلتش درت لغداا.. ومااصيفطوليش حتى مورصو دالخبز...
حركات خديجة كتاافها: علااش نصيفطوولك..؟؟ مالنا خدامين عندك؟؟
هندة كااتضرب بصبعها فصدرها: وأنا خداامة عندكوم هاا؟؟ يااك انا للي كنت كااندير كلشي ونتي وبنااتك ومرات ولدك جالسين حتى ولتدهوم مايشدوهومش..؟؟ جبتي خداامة ولا مرا لولدك؟؟
نطق شيخها بعصبية: رااني هنا ألاالا واش مابقا احتراام؟ (ناض من بلااصتو): هذاك رااجلك وحنا واليديه بزز منك طيبي عليناا وتشوفي شنو خااصنا..
يالله جاات تجااوبو سمعات الحس فالدرووج.. ضارت تشوف لقاتو هو ناازل كاايجري.. عرفااتو كان كاايتصنت من الفوق ومللي شاف القضية حمااضت نزل.. اصلا هي مللي جات من دارهوم لقاتو فاايق غير متكي فبلااصتو... رجعات شافت فباه: الله ياخد فيكوم الحق...
يالله زاد خطوة جهتها حتى غوت خاالد: الواليد...!!!
شاف فيه مستغرب لقااه وااقف بينو وبينها مخنزر فيه... رجع شاف فيها وهي كااتبكي: طلعي لبيتك هاانا جااي..
طلعاات كااتجري وهو رجع شاف فباه ومو للي مكشكشين ونطق: عيقتو عليها بززاف والله..
قبل مايجاوبوه كاان تبعها الفووق.. دخل عليها للبيت لقااها جابدة باليزتها كاتعمرها بالجهالة وتبكي بصوت مرتاافع خرج عينيه وزاد لعندها كايشدها من يدها: هندة.. وااهندة الله يهديك تهدني..
تنثرات منو: خلليني أخاالد... خلليني إلى بقيت هنا غاانمووت هاا العار خلليني عليك..
خاالد: وااغير جلسي تهدني.. نهضرو وتما ديري للي بغيتي...
قاطعهوم صوت التيلي للي صونا.. ضورات راسها جهة الكواافوز صغرات عينيها مللي شافت نمرة باها للي نادرا ماكايتااصل بيها.. سرطات ريقها خاايفة يكونو شي خباار على عبدو.. مسحاات دموعها وجااوبات: آلوو.. بقات سااكتة كااتسمع حتى ابتااسماات ونطقاات: وااخا صاافي.. صاافي داابا يجيبهووم..
قطعاات وشاافت فيه هو للي لقاتو كاايرجع لحواايج للمااريو.. ابتاسمات جامعة يديها لعندها: سير جري دي فوطوكوبي دالظيبلوم ديالك وفوكوكوبي لاكارط ناسيونال ديالك لبا.. ماحد ولد عمو تماا جري..
شاف فيها مخرج عينيه: علااش؟؟ شنو قالليك؟؟ واش قالهالو؟؟
هندة كاتحرك فراسها: وااغير سير داابا انا مافهمتش مزياان قالي با غاايتوسطليك عند شي حد يخدمك معاه... مرسم وبخلصة زوينة..
خاالد كاايحرك راسو بفرحة: بصح...؟؟!! تحرك كايحل فالمجورة: قلتي الديبلوم ولاكارط..؟ (جبدهوم دغيا خشاهوم فصااشية وتحرك غادي حهة البااب): غانمشي نصورهوم ونديهومليه... (ضار شاف فيها): انا مزاوك ماتمشيش حتى نجي نهضرو رااني حااس ربي غادي يحن...