🍂رفقا يا قدر 🍂( طور التنزيل)

part2

بسمة ناعمة
البارت 2: جاالس فالصالون هاز التيلي كاايتكونيكطاا وبااه متكي حدااه كاتفرج فالتلفاازة ومو فالكوزينة وختو جاالسة كااتلعب فالتيلي دياالها وخوه الصغيير كاايلون فشي دفتاار... تحل لبااب ودخلاات بااين علييها التعب.. رما عيينو جهتها ونااض كاليشوف فبااه ونطق بصووت مرتاافع: ماالكي حتى لداابا لعشا غاتوذن ونتي يالله طفااتعليك الشمعة؟؟
شاافت فيه وتحناات كاتحاايد سبرديلتها بلاا ماتجااوب...
نطق باها وهو باقي كاايتفرج: لوكان بتي تماا حسن... كااتدخلي مع الزوافرية.. خديجة إمتا جاات؟؟
ناضت زادحة الكارطاابل مع الأرض: جااية على رجلياا أباا... خديجة طاابعلها باها لااكارط دالطووبيس وانا كاانجي على رجليا وكاانجري بااش ماايظلاام عليا الحاال فالخلاا...
عبدوو: ومالكي على هاد لقرااية دالعذااب؟؟ مالقيتي شكون يوقف معااك ويطبعليك حتى لاكاارط آش دااك لشي قرااية؟ هاد الشي بااقة عاد فالليسي مللي توصلي لافاك وتمشي لمدينة أخرى آش غااتصرفي وكيف غاتعيشي؟؟
هندة: من هنا لتما ربي تما...
نطق باها مرة اخرى وهو كاايقلب فالقنوات دللتلفاازة: آش غاايخرجلها من هااد لقرااية؟؟ غااتوللي دكتوورة ولا أستااذة غااتقرا حتى تعما وأناا تضيعني ففلووس صحيحة وفاللخر تجي تجلس حداايا حتى الزواج يكوون فااتها الكاار وتبقا متيتية منينية هناا...
زيرات على قبضة يديها ودخلاات للحمام تتوضا وتصللي للي فااتها وعبدو رجع كايبقشش فالتيلي ديالو كان بااغي يدير مشكل بحاال دييماا نااض باه نكدها على ختو ودار بنااقص... عزيزة عليه هندة وكاايحسها قريبة ليه وكااتبقا فييه.. على عكس سهاام للي ماكايتحااملش هو ويااها حتى من الهدرة تقرييبا منعاادمة بينااتهوم... ضور عينو شاف فيها لقااها منداامجة فالتيلي دياالها ونطق: حطي داك التيلي ولا نوض نهرسوو... لبرهووشة حتى هي داايرة التيلي....
خنزراات فييه: مااشغلكش... بعد مني آش بيني وبيينك حتى لااصقني..
حماادي: الأخباار باادية سدي عليا دلقووشك.. وداك التيبي شحال مابقيت غاادي نلوحو ولا نبيعو..
سهام: تبيعو علاه نتا للي شاريه يااك غير عمتي للي جاابتولي معاها... أما نتا ماشاريهش حتى لهندة للي محتاجاه فقراايتها..
عبدو: غااصبري داك التيلي غادي يباات ماايصبح... طغيتو فهااد الداار كاديرو غير للي قالكوم رااسكووم السييبة تفووو..
حماادي بالغوات: نووض تكعد عليااا من هناا خلليييني نتفرج فخااطريي... ماكاانش للي رااه مرضني فخااطري قدك... غبر علياا كمااارتك...
نااض عبدو من بلااصتو كاايشوف فبااه بتحدي؟ طلق الزرقة وشووف وااش غاتلقااني هنا عااد مزاال...
رما حمادي الوساادة من فووق رجلو: خرج غبر كمااارتك رااني كاارهك... الزرقة كاانولدها أناا... او واخا تكوون عندي مانعتقكش بيها سير خدم على رااسك وحرك بيهووم ولا سرق شي بانكة ولا نتا تعرف تشفر غاا باك والنااس للي قراب لييك...
شاف فيه مطول ومقسح من هدرتوو يالله كان غايجااوبو حتى شاف مو خاارجة من الكوزينة كااترجاه بعينيها بااش يحبس وفضل يخرج سااكت...
جاالس فالجردة فوق كرسي عموومي كاايشوف فالسماا متمعن فالنجووم... جبد التيلي من جيبو واتااصل بشي حد حطو على وذنوو: بغييت نشووفك.... ضرووري نشووفك... شوفي كيفااش ديري وخرجي لعندي... أنا فالجردة محتااج نشووفك... يااك؟؟ ماتغاامريش على قبل حبييبك؟؟... ختااري يااتجي ياانجي... آه نجي حتى لداركووم ونتي عارفااني نديرها ومللي نبغي نشووفك ماكانخااف من حد...
حس بشي حد جاالس حدااه ضاار شاف فيه والتيلي بااقي فوذنو ونطق: صاافي غانستنااك... كاانموت علييك...
قطع وضاار هاود شااف فيه: حسيين... عااش من شاافك...
ابتااسم لاخور بعيااء: كيداير خوويا عبدو؟؟ لاباس عليك آش كاتعااود؟؟
عبدو: الحمدلله فهااد السااعة... طلعو وهبطو: مامواالفاش ليك تخرج بالليل نتا معروف عليك بالنهاار كاتضرب تماارة بااش تصور طرف دالخبز ليك ولولاادك وبالليل كااتبقاا فدارك تلعب معاهوم وتعطيهوم وقت آش مخرجك؟؟
حسين وهو كاايشوف فالفرااغ: قلة الشي آخوويا هي للي خرجتني... (،رجع شاف فيه) البير للي كنا كاانحفرو خرج منو الماا اليووم وغانحبسوو... وانا مانقدرش نبقا بلاا خدمة شي نهاار خااصني ضروري نبريكوولي... خرجت تاالف ماعرفت فين نعطي الراس حتى لمرا مااقلت ليها والو باش مانقلقهااش... بنتيلي نتا هنا بحاال الحسنة الله يرحم بااك شوف كيف دير ضبر عليا هااد السيماانة...
نطق عبدو من بعد تفكير: مااعندكش كاارو..
حسين بابتساامة بريئة: والو اخوويا رااك عارفني ماكانكميش..
رجعلو عبدو الإبتساامة: فراسك عيالات الحومة كاملين كايحسدو مراتك عليك...؟؟ ماكاتكمي ماكاتشرب؟ ماكاتقمر ماكاتمشي لقهوة.. ماكاتشوف فالعيالات... مراتك وولادك يلبسو أغلى ماكاين ويااكلو غير لفريع ماسكنتيها مع دااركوم برافو عليك والله..
حسين: ماجبتهاش من دارهوم باش نتكرفص علييها.. بنت الناس راها أمانة عندي والرسول راه وصا عليهوم وقال 《ورفقا بالقوارير》والله اخويا عبدو إلى نفضل نبقا بالجوع باش نوكلها ونلبسها هي والدراري... ماقاد على ذنوبهوم..
عبدو: راها باينة اصااحبي هما ديما لابسين الجديد ونتا كااتمشى بحواايج قداام وعاادي.. الله يدومها محبة بينااتكوم...
حسين: ،آميين... أحممم... شنو قلتي؟؟ غاتق..
قاطعو عبدو: الرجاال بحاالك قلاال... نضبر على خوويا وااخا نعطيك بلاصتي... هاانتا غدا فيق بكري كيف موالف فوت حدا الدار غاتلقااني خاارج نمشيو.. اجي بعدا نتا كاتخدم لدااخل يااك؟؟
حسين: آه اصااحبي انا كانهبط لتحت..
عبدو: صاافي نعطيك بلااصتي وأنا نخدم غي  الفوق حتى يخوا البير ديالكوم.. وفلوس هاد السيماانة راه دياالكوم...
حسيين: الله يعطيك الخير أخووياا... عنقو جنب: لهلا يخطيك والله مللي شفتك هنا فرحت عرفت راسي ماغاديش نرجع خااوي..
عبدو: الله اودي حشومة نرجع واحد بحالك خااوي..
حسين وهو كايشوف فجهة أخرى: حبيتك جاات.. ها انا غانمشي نخلليك؟؟ وتهلاا..
عبدو بابتساامة كايشوف فيها بكل حب: إن شااء الله..
حسين: شوف ماتزوج بيها حتى تكون قاادر... بلا ماتكرفصها معااك..
عبدو: عارف عاارف... مانقدرش نكرفصها واخا نبغي...
ناض حسين وغمزلو من بعيد: ماتنسااش 《ورفقا بالقوارير》
بقاات واقفة حتى شاافت السيد مشا وقرباات بخطواات سريعة لاابسة مونطو جامعاه بيديها فووق البيجاامة.. جلساات حداه مخنزرة وهو بااقي كاايشوف فيها مبتااسم: نتا بااغي تخرج عليا... وااش غير كااتباانلك كاتقوللي أجي؟؟ شي نهار يشوفني با يقتلني
تحرك مقربلها وهز شعرها للي ضافراه رجعو اللور: نهار يشوفك بااك نغاامر ونجي نوقف فوجهو نقولليه ديالي وكانبغييها... ماتخاافيش من هااد النااحية...
خرجاات عينيها: التصنطيح اخوويا مااكانش للي يناافسك فييه...
عبدو بهدوء وهو باقي كاايلعبلها فشعرها: ماتقوليش خوويا أنا مااشي خووك حبييبك...
حركات حوااجبها: من نيتك؟؟ حايداتليه يدو من فوق شعرها: دابا شنو بغيتي؟؟ علاش معيطلي فهااد الوقت؟؟
تنهد شاد يدها بين يديه كاايلعب فصبااعها: مللي كاضيق بيا الدنيا كاتباانيلي غير نتي تخرجيني من دااك الضيق... (شاف فيها) شي مراات كانحس بالدنيا كلها ظلاام ونتي هي الضو الوحيد للي كاينور حيااتي... كاتوقفي عليا وكاانبغي ضروري نشووفك...
تنهداات حاطة يدها على شعرو: عاود تاني تخااصمتي مع بااك؟؟
عبدو باسف: ماشي حااجة جديدة أصلا حنا جاامي كنا مزيانين..
بقات ساكتة مالقاات ماتقوول وهو تكا حااط راسو فوق حضنها فهماات بللي باغيها تلعبلو فشعرو.. دخلات يديها بين خصلااتو الرطبين كااتلعب بالشوية وهو مستحليها ونطق: نقسملك بالله ماكرهت نكون غير أنا وياك فشي قنت عايشين فرحانين كانضحكو ونخرجو ونضورو ونخلقو السعادة غير حناا... ومللي توحشي واليديك نجييبك تشوفيهوم وأنا نجي نشوف الواليدة وخوتي ونرجعو نعيشو كيف كناا...
نسرين بحمااس: وعلاش مانديروهاش؟؟
حايد يدها من فوق شعرو بااسها: وشنو ناكلو وباش نعيشو وفين نسكنوو؟؟ خااصنا لفلووس لهااد الشي...
نسرين: أنا ماطالبااش بززاف ماكانتشرطش علييك وماشي طمااعة... نت..
قاطعها: أنا للي كانتشرط... مابغيتش نعيشك فالتكرفيص وحتا حنا غادي يكونو عندنا لولااد بغيتهوم يعيشو بحاال الملووك... ماابغيتش نعااود نفس غلطة الواليد... زقرام وعيشنا فالذل والحكرة
نسرين: ماتدويش هاكا على باك.. راه حتى هو على قد حاالو مااشي..
قاطعها مؤة اخرى من بعد مااجلس: الواليد كان خدام بالشهرية... ودابا عندو نقاعد مع خلاص لاكسيدون للي دار فوسط الخدمة... شوفي غير حسيين خدام غير فالشربون وهااهو معيش ولاظو ومراتو فأحسن حاال...
نسرين: حسين كايتضرب بيه المثل فالحي حتى حد ماايقدر يدير
مع آذان لفجر خرج من الدار كاايشوف فجناابو ربما يلقا الحسين.. استغرب مللي مالقااهش... وتحرك غادي فاتجااه دارو يشووف... ابتااسم مللي رمقو وااقف مع مرااتو بررا شادلها فيديها كاايضحكو بحاليلا باقيين مصاحبين... مداتلو العلبة ديال الماكلة حطها فوق البيسيكليط ونطق: والله ماكانسخا بيك هههه...
جاوباتو بضحكة: حتى أناا... شوف انا غاانمشي عند مي هاد النهاار نتغداو انا والدرااري ونجيبلك معاايا يااك ماتجي حتى لوراا العااصر..
حسين: آه... ماتجيبيلي والو غير خودي رااحتك.. (خشا يديه فجيابو جبد شي فلوس): هانتي خودي معاك شي حااجة ماتمشيش بيديك خاوينن يقولو نسيبنا قمشاش ههه... وانا ها الكاسكروط ديالي ومللي نجي نقلي بيضات ولا سي حااجة كاع ماااتشطني رالسك وتجي على قبلي حتى لليل وأجي... ولا نجي نجيبك... (ابتااسم): غير ماتبااتيش راك عاارفة مانقدرش ننعس إلى مااكنتيش..
ابتااسمات بخجل: حتى انا ماننعسش بعيدة عليك...
حسين: وااشفتي؟؟ تحنى بااسها فراسها: يالله دخلي راه بااقي الحاال صللي ونعسي نتلاقاو بالعشية...
هي دخلاات وهو يالله ضار باش يتحرك شااف عبدو واقف مبتااسم... زاد لعندو: كاتجسس عليا أصااحبي...
عبدو: نتا للي جات معااك أنا نستناك ونتا كاترومانسالي مع رااسك...
حسين بضحكة: هههه... ياك فالحلال بعدااا...
عبدو: اللهم رزقنا حلاالا طيبا...
حسين: آمييين...
...
دااز نص النهاار وهما باقيين خداامين لحسين لتحت كاايعمر الشربون (الفحم) فالبيدو وعبدو وصحابو لفوق كاايجبدو عليه... وكل مرة كاينزل واحد لتحت... من بعد ماتغداو نزل حسين كاايعمر... يالله هبطولو البيدو حتى طااحت حجرة كبيرة من لفووق كاانت شادة جناب البير الشي للي خلاه يفقد تواازنو ويطيح... عبدو خرج عينيه مللي سمع الصووت.. ودغيا غوت كاايجمع صحاابو باش يجيو يجرو معاه لحبل يجبدو الحسين من الوسط قبل مايتخنق ولا طيح عليه شي حااجة... كلهوم كاايجبدو وهو كاايغوت بإسم حسين مخلووع: حسييين... حسييين جااوب فيينك...؟؟!! حسيين وااش كااتطلع حسييين؟؟
كاان لتحت مكمش فواحد القنت كاايشوف فجناابو مخلووع والحجر كاايطيح فالحهة الأخرى... كاايتنفس بالجهد الأكسيجين قرب ينعاادم عندو... فرح مللي حس بيهوم كايجبدوه حيت لحبل للي رابطو مع كرشو بدا يتحرك... سمع صوت عبدو وهو كاايعيط عليه... ماقدرش يجااوبو حيت لهواا ماكاينش... بقا شااد فجنااب البير طاالع وهما كاايجبدو... حتى تقطع لحبل من لفووق وجا مزدووح وسط البير... شاف يمين وشماال وغمض عينيه نازلة دمعة حارة منهوم حيت تأكد بللي هذي نهاايتو وغايوقعليه بحاال بززاف صحابو للي ماتو بنفس الطريقة.. تفكر مراتو ووليداتو ياريتو خلا وصية قبل ماايدخل لهناا... حط يدو على وجهو كاايبكي بالجهد مللي سمع عبدو كاايغوت بصووت باكي وكايحااول ينزل وصحاابو كاايشدوه ماخلااوهش نطق بصووت قليول حيت مخنووق: ماتخلليوهش ينزل... ماغايش يقدر... يموت وااحد ومااشي جووج...
البير انهاار كاامل وهو حط يديه على رااسو مكمش كاايحااول يخبي شوية من جسمو وااخا عاارف مصيرو... وعبدو لفووق كاايتنثر من صحاابو بقوة ودموعو شلاال وكايغوت صوتو تبح: خللليوني ننزل... غاادي غير نربطلو الحبل معاه باش تجبدووه... (كايضرب وااحد من صحابو ليظو بااش يطلقو) راه عندو لولااد أصااحبي غادي يتيتموو انا مااعندي حد ماعنديش لولااد خلليني نززل نخرجو من تما... واااطلقوو طلقوو خلليوني نززل نعتقو..( كايشوف فيهوم بترجي وعينيه حمرين وجهو عامر بالكحولية دالشربون والدمووع) الله يرحم بااكوم خلليوني ننزل... خلليوني ننزل راه انا للي كان خاصني نكون تما هذي بلااصتي عطيتهااليه..💔💔💔
جالس على ركاابيه حدا البير للي تغطا كاملو بالترااب والحجر كاايغوت ويبكي ويضرب فوجهو ويهز التراب والفحم يكبو على راسو... وصحابو حتى هما كاايبكيو ويحااولو يهدنوه حيت دخل فحاالة هستيرية... نطق صوتو مامفهومش مع لبكاا وزاد بح حيت تقريبا ساعة وهو يغوت: رااه..  ل دااخل... تردم كاامل... غادي يكوون ماات... (شاف فواحد من الدراري بأمل): زعما يكون باقي حي...
ماجاوبوش حييت شافو غير كاايخربق واش للي تحت داك الشب كاامل غايكوون حي... وهو حنا راسو فااهم وعارف الجوااب.... نااض بالزربة خلعهووم وهز باالة وبدا كايعمر التراب ويرمي بعيد باغي يخويه.. نطق واحد من صحاابو: تهدن اعبدو راه غايجيو ويخويو...
غوت معصب: إمتا غايجيو إمتاا...؟. عيطناالهوم مع اول حجرة طااحت وهاا البير كاامل طااح وماباانوش...
مع الكلمة الأخيرة جاات الإسعاف الحمرا.. ونزلو شي وحدين هازين النقاالة كاايجريو.. طار على وااحد فيهوم شاادو من الكول: فيين كنتو؟؟ كنتو كاديرو الكوطي يااك..؟؟ آش غااتهزو فهادي داابا؟؟ خويو بعدا الترااب عااد جبدوه.. هااد الشي إلى لقيتووه كاامل وماتفصلش لدااخل...
جبدوه صحاابو خايفين يكمل الليلة فالحبس وهو ماقادرش حتى يوقف جلس فالأرض فاشل حاضيهوم كاايخويو الترااب بالمعدات ديالهوم.. والدنيا فالجبل دغيا عمراات...
كانت كاتمشى بتثااقل جاارة ولادها صغاار بجووجهوم هما كاايهضرو وهي مرفووعة... نطق واحد فيهوم: علاش جبتينا لهنا أماما بابا دابا يكون فالدار؟؟
نطق لااخور: يمكن عيطلها باش نديرو هنا شي رحلة بحال داك النهار سالا لخدمة وقالها جيبي الدراري وأجي نجلسو شوية هناا...
جاوبو خوه: ألا اصاحبي دااك النهاار راه تعرضلنا لهيه.. ودابا كاع ماجا عندنا... (طلع راسو كايشوف فمو ببراءة) مالكي كاتبكي يااك لباس؟؟ وشوفي زيفك طاح غطي شعرك راه بابا كايتعصب مللي يشوفو بااين...
مع هااد لكلمة انهاارت طاايحة فالأرض كاتبكي بصوت مرتاافع وهي كااتشوف النااس واقفين بعااد.. وولادها جلسو حداها متسااءلين: ماالكي واش مريضة؟؟ يالله نرجعو بابا يكون يستنانا فالدار... ياك قلتي لجدة قالك ماتباتيش... ويالله نمشيو هو ياخدك للطبيب... بحال داك النهاار خداك بالزربة...
شافت فيهوم شادة فيديهوم ماقادراش تهضر... غير سمعاات الرجاال كايغوتو: الله أكبر الله أكبر لا إله إلا الله... نااضت بالزربة كاتجري وخلات ولادها تابعينها حتى هما كايجريو دخلاات فوسط البشار للي غير كايشوفوها كايخويولها الطريق لقاتهوم يالله جبدوه حطوه فالنقاالة جلساات حداه بقوة كاارز على يديه ملاامحو ماباينينش بكحولية الشربون باقي داك المصباح فوق راسو كاارم وباارد... حطات يدها على يدو ونطقاات: صدقتي مااعندكش كلمة وحدة ألحسين... غير الصبااح قلتلي مانقدرش ننعس بعيد عليك... ودابا مساافر بلا رجعة وماعالمنيش حتى... (ضربات فصدرها بالجهد): غير قولهالي نمشي معااك... راه حتى انا مانقدرش ننعس بلا بييك نمشي معااك ألحسين نمشي معااك...
شدها عبدو من كتاافها جاالس حداها: وولادك لمن تخلليهوم...؟؟
حطات رااسها على صدر رااجلها: ليهوم الله أخوويا عبدو ليهووم الله... انا مانقدرش نعيش بلا بييه والله ماانقدر..
فيقها صوت ولدها وهو كاايمسح وجه باه: بابا نعس بوسخو كاع ماكايقدر يبقا بيه..
جاوبو خوه وهو كايمسحلو بكلينيكس جبدو من جيبو: يمكن عيا.. راه كايفيق بكري... غير نمسحولو مللي يفيق يدوش...
......: خاصو يفيق حتى يمشي للدار وينعس... هنا كايخوف بالليل مانقدروش نخلليوه..
....: مالك حمق اصااجبي علااش هو فين عمرو نعس بلا بينا غاانفيقوه ونديوه..
جبد ماماه من يدها: فيقيه يمشي معاانا...
عنقااتهوم كاارزة عليهوم مخليين كاع للي تما ينهاارو بالبكاا.. فعلا منظر كاايقطع فالقلب💔💔💔
صوت القرآن مسمووع من بررا الداار... من بعيد تعرفها جناازة... كانت جاالسة فنفس البلاصة للي كانو واقفين فيها على ااصبااح شادلها فيديها مبتااسمين كاايضحكو ويتوااعدو ويتافقو على شنو يديرو... شنو قاال بلي هذيك آخر مرة تشوفو؟؟ وشكون قاال بللي الليلة للي تافقو ينعسو فيها قراب من بعضيااتهوم بحال ديما غاتلبس فيها لبيض وتحزن على مووتو... دموعها مااحبسوش وعينيها ذبالو وتحتهوم زرااق.. وجهها صفاار وجالسة كااتشوف فنقطة وحدة وكاتمشي وتجي فبلااصتها... دايرة جلابة بيضة وشاال ملوياه على شعرها بيض... العيالات كايدوزو يعزيوها وهي كاع ماكاتجاوب.. عادرينها حيت الصدمة قوية وخصووصا كاع للي فالحي كانو عارفين علاقتها براجلها كيف داايرة...
مقابلة معاها ام عبدو جالسة على ركاابيها شاادة فيد ولدها كااتبكي بحاليلا كااترجااه وهو وااقف بزز منو فااشل داز عليه النهاار صعييب وزادت ظابا مو كملاات عليه... تنفس بالجهد وتحنا لعندها شدها من كتاافها موقفها: واصافي أما هانا حداك ماوقعلي والوو..
جاوبااتو مقهوورة ووجهها صفر: كان غايوقعليك أولدي.. لوكان مااحسين للي جا طلبك باش تخدمو كنت غادي تكون فبلااثتو داابا... حراام عليك وشحاال وانا نطلبك تبعد هااد لخدمة...
عبدو: والواليدة راه كلشي بالمكتااب... انا راني حداك صحييح... حسين مسكين هو للي كلاها فبلااصتي... ( حنا راسو بأسف ونطق بصووت مهموس): انا للي كان خاصني نموت..
قاطعااتو بحدة: يااك اولدي يااك وتقولها فوجهي... (هزات كفها كاتمسح دمووعها) هااعار لبزيزيلة اعبدو بعد هااد لخدمة أنا مزااوكة بعدهاا...
عبدو: كاضحكي عليا أما يااك؟؟ زعما إلى بعدتها غانلقا لخدمة غير كاتسناا فيا... خصووصا فهاد لمدينة...
شداتلو فيدو مزيرة عليه: ماغاديش نزيد نخلليك تخدم فهااد الشربون واخا نعرف نموت... لهلا يجيب هااد اخدمة كااع...
عبدو: يااك؟؟ وشنو غانلبس وباش غانشري حتى كاارو؟؟ زعما الواليد هو للي يعطيني... شوفي الواليدة انا راك عارفاني شنو بااغي وشنو للي غايخلليني نبعد على هاد لخدمة وكاع لخدامي لمزفتين للي هنا...
تأففات بتعب: لحريك عاود تااني ياك اولدي باغي تبدل موت بموت كفس منهاا... راني عطيتك السخط إلى عااودت خدمت هااد لخدمة سمعتني؟؟
غمض عينيه مكره ديال بصح عيان ومسخسخ مابقاليه والو ويطيح طبطب على كتفها بتعب: يكوون خيير... سيري داابا.. (حرك راسو جهة مرات حسين باقة فبلااصتها): سيري لعندها مسكينة واسيها راه ماعالم بيها غير الله دابا...