🍂رفقا يا قدر 🍂( طور التنزيل)

part17

بسمة ناعمة
البارت 17: رفع حمادي راسو كاايسرط فريقو باينة من حالتو بللي ماموالفش يدهل للكوميسارياات وااخا قماار وحشاايشي مااشي لهااد الدرجة.. نطق متمتم بين شفاايفو وهو كايشوف فالبوليسي: الله يرحمليك الواليدين الشااف... ماديرش على كلاامو.. واخا هاكاك رااه مايقدر يقتل حتى ذباانة..
ضرب البوليسي بيدو فووق الطبلة.. قفزو من بلااصتو: جمع رااسك الشريف.. السيد راه مقطعلو صبعوو.. وبااقي بلا حشما بلا حياا كاايهددو بالقتل.. هذي راها بلاد للقاانون مااشي غابة
نقزات سهام متنثرة من يد مها مقربة لعندهوم مكشكشة.. شافت فيه عينيها عامرين بالدمووع وجهها حمر كاتغوت بالجهد: هاد القانون كاايبان عندكوم غير مللي تبغيو نتوما... فيين كان مللي كان كل مرة يتعرضلي قااطع عليا الطريق.. آه.. ومللي كاان كاايقيصني فين كاان قانونكوم؟؟
البوليسي وقف كايشوف فيها مخنزر وكايغوت: حتارمي رااسك رااكي فكوميساارية ولا غانتبعك لخووك... (اشارلها بصبعو): داك الساعة أجي ديري بيه شكااية مااتمشيوش تااخدو حقكوم بيديكووم...
ضحكاات بعصبية كااتشوف فحسن وترجع تشوف فالبوليسي: على مافراسي رااه اغتااصب ثلاتة دالبناات قبلي وكلهوم دارو بيه شكاية... (صغرات عينيها باستغراب مصطنع): شفتو ماكايكملش سيمانة فالحبس وكانلقاه عاود فالدرب يتحرش ببنات آخرين.. وهادوك مسااكن حيااتهوم مشاات هااكاك...
البوليسي: ماكايهمنيش انا هااد الشي.. خدمتي كانديرها غادي يكونو دوك لبناات تناازلو... وهذي آخر مرة غانقولهالك.. خرجي عليا ولاا غااتباتي هااد الليلة على الضس..
ناض باها وقرباات مها مخلوعين شدوها كاايخرجوها خايفين تلحق على خوها وهي كاتغوت بالبكاا: كانقسملك بالله ومايخرج خوويا من تماا حتى نخرج علييه.. (شاافت فيه حااني راسو باينة هذي أكفس ليلة دوز فحيااتو): رااه كانعرف لبناات للي ضيعتيهوم فحيااتهووم... غاانقلب عليهوم ونبقااو حتى نخرجوليك على حيااتك...
ضحكاات بصوت مرتاافع وهي كاتجرجر مع واليديها معولة مااتخرج حتى تكمل هدرتها: غاندخلك عندو لتما بااش يكمل للي بداه على بررا...
خرجوها وهو باقي فنفس وضعيتو كاايسرط فريقو.. شوية طلع راسو كايشزف فالبوليسي ونطق بصوت عياان: بغيت نتناازل..
شاف فيه مصدووم: شنوو...؟؟
نطق الدري للي كان معااه: قال بااغي يتناازل.. (شاف فيه): غااتنازل ولكن ومن بعد.. راه عبدو ماغايخلليكش حي؟؟
شاف فيه بعينيه تقريبا مغمضين: غاان*ود من هناا... أصلا كانجي غير مرة مرة.. ماعندي ماندير بشي صداع الرااس..
جاوبو لاخور بهمس: اصااحبي بعد عليك هاد الطريق راه جاابتليك غير الهلااك..
تنهد بلا مايدوي ونااض متكي عليك مقربين للبيرو بااش يسجل التناازل والبوليسي كاليستنااه يشرجليه السبب.. وهو اصلا ماقادرش يجااوب
خارج من الكوميساارية ناازل مع الدرووج كايتمشى ويميل عياان.. هاز الدجااكيط فيدوو.. كاسكيطتو كيف العاادة مقلووبة.. حتى تصدم بشي حد معنقوو.. هبط عينو كاايشووف فسهاام مزيرة عليه كااتبكي بصووت مرتاافع شعرها غطا كااع صدرو بقا لثواني مصدوم.. ومن بعد ابتااسم بعيااء حااط يدو على رااسها: ورااه ماقاد نهز حتى راسب نوضي عليا..
نطقاات وهي باقية معنقااه وكاتبكي: سمحلياا عفااك... مااكنتش عارفة بللي انا عزيزة عليك لهااد الدرجة.. كنت فاهمااك غالاط..
عض على شناافتو باقي مبتااسم: اصلا ماعزيزا عليا غيير كنت كااره داك بنادم ولقيت عليه السبة..
ضربااتو بيدها لصدرو: والله حتى عزيزة عليك.. كنت غادوز حيااتك كااملة فالحبس على قبلي..
طلقاات منو كاتمسح فدموعها وهو رما يدو ورا كتفها كاايتمشااو هابطين: حتى انا عزيز علييك يااك؟؟ شاف قدامو كاايتمشى: قالولي كيفااش داافعتي عليا الباارح..
ابتااسماات بخجل وهو زااد عنقها لعندو: رااكو نتوما خواتاتي علاش ماغاتكونوش عزازات عليا..؟؟ (تنهد كايشوف فالسما): غير قلة الشي والبلية وهااد البلااد السعيدة للي خللاو القلووب قصااحت والدنياا ظلاامت... (رجع شاف فيها داير إشارة بيديه): من اليوم للي قاصك قوليهاليا أناا ماتبقاايش تخبي ولا تمشي تعااودي لماا تبراا منو لموو بحاليلا عندو ربع سنيين..
ابتااسمات محركة رااسها بالإيجاب حتى نطق مرة أخرى مفكر شي حااجة: وااش قلتوها لهندة؟؟
سهام: آه قالتهاالها ما الصبااح.. راه غاتكون فالدار داابا..
سااط: ماكانش عليها تقولهالها غير شوشاااتها على والو.. هانا خرجت ومرينا ماعندو بااس..
شااف فيها وهز صبعو جاابدها من شعرها: شحاال من مرة كانقولليك غطي شعكااكتك..
غوتاات بالشوية شادة شهرها عندها: أيي قصحتيني..
.....
بعد مدة تحل البااب ودخلوو.. غير سمعااتهوم نقزاات لعندو كااتقلبو بعينيها: جيتي..؟؟ نتا لابااس يااك؟؟ ماوقع والو..؟؟ طنت جاية لعندك هما قالولي رااه خرج..  والله ماعلموني الباارح...
جبدها لعندو معنقها كاايحااول يهدنها: ماوقع والو هانا بيخير... غير بدلت الجو هااد الليلة وصافي..
تنثرات منو معصبة: ماشي هاكا كايتحلو المشااكل أعبدو.. تعلم تحلهوم بالعقل..
تنهد مفكر ونطق: المشكل اللول اناا معتاارف تصرفت بتهور.. ولكن هذا أختي الغلااط للي درت فيه هو ماقتلتووش.. (حرك رااسو متوعد): ولكن بااقي الحاال..
هندة شهقاات وسهاام سرطات ريقها فاهمين قصدو.. وباه كان جاالس فالصالة كاايسمع.. عيطلو بالجهد: عبدوو...؟؟
طل عليه: نعاام..
دار حركة بيديه: قرب لهناا.. بغيت ندوي معاك..
قرب جهتو ولبناات تابعيينو.. وحتى مو مللي سمعاات راجلها حطات للي فيدها وخرجات من الكوزينة جااية لعندهوم.. حيت حمادي ماموالفش يدوي هو وعبدو وينااقشو... عارفة بللي الموضوع مااشي صغيير وخصوصا انو باات الليل كاامل كاايخمم بلا نعااس
لحظة صمت كلهوم جاالسين كايستنااو حماادي يهضر غيير آدام للي كايلعب حداهوم مرة مرة كاايدير الصووت بشي حااجة يكسر الصمت... خمم بززاف ونطق كايشوف فعبدو: فين غاادي بهاد الشي اولدي...؟؟ غير فهاااد الشهر شوف شحاال من فضيحة درتي؟؟
حنا عبدو راسو فالأرض مالقا مايقوول.. وهو كمل كلاامو: هاد الشي كاامل وباقي ماساليتي؟؟ باغي تولي قتاال؟؟
غمض عينيه منرفز وحلهوم: على قبل خواتاتي نوللي قتاال... انا مامشيتش عندو لداارهوم وجبدتو.. هو للي جبدني..
حماادي: نعل الشيطاان.. مللي تقتلو آش غاتستاافد؟؟ تدي روح على رقبتك وتعيش فالحبس..
عبدو تحت سناانو: ماايهمنيش..
حط بااه يدو على رااسو ساامع لشنو قاال ومتأكد بللي مااغايتناازلش.. رجع شاف فيه: باقي باغي الخااريج؟؟
دغيا شااف فيه كايحااول يفهم: انا غانعطيك باش تمشي؟؟
كلهوم شهقو كايشوفو فحماادي مصدومين وعبدو نطق: وااش داوي من نيتك؟؟ غاتعطيني خمسة دالمليوون باش نمشي؟؟
حماادي: وااش طالبين خمسة؟؟ واش كااين شي فلووكة؟؟
حرك رااسو بآه مبتااسم: كااين كااين.. وااخا مكرفصة شوية حييت غايمشيو من الجزااير.. خااصنا قبل نقطعو الحدوود من السعيدية.. عااد نفكرو فالبحر...
حمادي: هاد الشي خطاار اولدي.. إلى شدوكوم فالحدود ديال الجزااير مشيتو فيها.. وعااد لبحر فالفلووكة..
قاطعااتو مرااتو كاتشوف فولدها باغة تبكي: الله يرحمليك الواليدين صبر... شوفلك شي كونطرا ولا فيزاا تمشي مأمن.. ماتمشيش فالفلووكة.. الله يحفظ تغرق ولا شي حااجة...
قبل ماتكمل كلاامها قااطعها بترجي خاايف بااه يترااجع: أناا مزااوك الواليدة ماتوقفيليش فطريقي... ماغايوقع والو.. (حنا راسو): حتى إلى وقعات شي حاجة ماكاينش فرق.. انا فهااد لبلااد ميت ميت.. اللهم تما ياكلني الحوت بعداا...
حطات يدها على وجهها كاتبكي وخواتاتو كاايدمعو وحمادي غير كاايشوف للي فقلبو رااه مخبي: خلليه احفيظة.. حياتو كااملة وهو كاايحلم بهااد بررا.. خلليه يمشي حنا ندعييو معااه والكماال على الله.. (رجع شاف فيه): ماكاينش فيزا ولا كونطرا؟؟
حرك راسو بلاا: لا الواليد ماكانعرف حد يديرهوم وزايدون راه غاليين..
حماادي: وااخا.. انا غانعطيك سبعة دالمليوون.. جووج يالله تقضي بيها هنا وفالجزااير.. ويلا شاطتليك شي حااجة ديها معاك لهييه... وخمسة ديال لفلووكة..
عبدو بفرحة: وااخا.. صافي.. (نااض): انا نمشي ندوي مع الدري بااش نعلمو بللي داخل معاهوم.. راه هااد السيماانة غاايتحركو... (شاف فبااه): الواليد غير وجد لفلووس إن شااء الله غير نمشي لتماا نصيفطهووملك مضوبلين.. (شاف فمو وخواتاتو كاايبكيو): وااش انا مت؟؟ فكو ديك الغوبااشة غاانبرعكووم غااصبروو...