بسمة ناعمة
البارت 16: داازا مدة اربع أياام تقرييبا... ماتبدلااتش فيها شي حااجة... هندة طمناات على نسرين.. من خلاال الجيران وحتى الأم ديالها عرفاات بللي رشيد ماتخلااش علييها.. قاالتها لعبدو للي رتااح شوية... ولكن بااقي مصدووم.. وغير فبيتوو ماكايبغيش يخرج ... مابقااش كايااكل وماكليبغيش يحل البااب وااخا يدقو عليه... هندة اضطرات ترجع مع خاالد فالنهاار الثااني... أما نسرين تقرييبا بدا الجرح يبدا وبداات تنسى ديك الليلة.. واخا فمدة قصيرة ولكن تصرفاات رشييد وطريقتو فالتعاامل ينسييوها بزز منها.. مابقاش جبد معاها الموضوع نهاائيا... بحاليلا عرسهوم دااز عاادي ومااوقع والوو... خداام وكاايجي للدار يضحك معاها ومعمر معاها السووق كااطيب وتجمع الداار عاادي... وبالليل كااينعس هو فبيت وهي فبيت آخوور..
....
كانت فالكوزينة كاادير لغدا.. حازمة زيف على راسها خصلاات شعرها لصفر باينين... كادندن بالشوية... حتى سمعات الباب تحل.. ضارت كاتسنااه يدخل.. وكيف ديما ابتساامتو ماكاتغاادرش محيااه... حط سبااطو ولبس صندالة دالداار كان لاابس بدلة مع ربطة عنق.. دليل على انو موظف فشي شركة... حط الكارطاابل دياالو فوق الطبلة وزاد لعندها كاايرخف فالكراافاطة ويشووف فشنو كااطيب.. نطق بحمااس: اليوم فيا الجووع بززاف.. (صغر عينيه مبتااسم): المعكاازة ماافقتيش ديريليا لفطوور..
حنات رااسها كاتفرك فيديها: سمحلي والله.. ماافقتش دااني النعااس (شاافت فيه كاتحااول دافع على رااسها): كان عليك تفيقني..
هز يدو كاايلعبلها فحنوكها: وشكون يفيق هااد الزين؟؟ غااكانضحك معااك.. هاانا غاانمشي نتوضا ونصللي ونرجع لعندك... سربي دغياا راني ميت بالجووع..
حركات راسها وهو مشاا خلاها متبعااله العين مبتااسمة.. حتى تفكراات وضاارت دغيا كااتحااول توجد لغدا قبل ماايصللي...
.....
على الطبلة دالغداا.. كانو جالسين بجووج يااكلو بصمت.. كان لاابس كيطمة دياال الداار وهي قادات شعرها وبدلاات عليها.. شاافت فييه كاطلعو وتهبطو: مااغاترجعش للخدمة؟؟
حرك راسو بالنفي: لاا... ماخداامش لعشية..
رجعاات كاتااكل.. وهو حااضيها.. تنهد ونطق: نخرجوو؟؟
شافت فيه وهو كمل بإشارة بيديه: مثلا نديرو الكوتي فشي قهوة ولا نتعشااو كااع..
سرطاات ريقها حاانية رااسها كااتلعب بالخبز فيدها: ل.. لا.. مافيااش خلليني غير فالداار..
عض على شناافتو كايشوف قداامو: ماغاتبقاايش حيااك كااملة فالداار.. راه لقراية قرباات.. وعااد واليديك شحاال غاتصبري عليهوم؟؟
تغرغرو عينيها شاافت فيه: مااعرفتش.. ماقادرااش نخرج.. غير خلليني.. انا مرتااحة هنا والله..
رشيد يرفض: ماعرفتش علاش ماباغيااش تخرجي.. رااه هاد الحي بعيد بززاف على الحي ديالكوم وماكايعرفك حد هناا.. وحتى لقراية غانسجلك فشي ليسي بعيد..
ابتااسماات: و.. واخا شكرا..
تنحنح كاايحاول يقولها شي حااجة: أحمم غدا عاارض على واليديك
شاافت فيه مخرجة عينيها: شششنوو..؟؟
نطق بضحكة: وبغيتي نسابي يدويو عليا.. عاطييني مراا وماقادرش نجيبهوم لداري على الأقل غير يشوفوها
كاانت فبيتها متكية..عياانة شوية.. اصلا عقلها كللو مع خووها.. وهو دااخل خاارج عليها..كاايبقا يشوف فيها ومن بعد يخرج... وهي مامسوقاالوش.. تنحنح ونطق: احمم.. علاش مانزلتيش لتحت؟؟
طلعات فيه عينيها: ماقديتش عياانة وضارني رااسي..
حرك راسو وجلس على طرف الناموسية: تبغي نجيبلك شي فنيد؟؟
حركات رااسها: بلاش شربت وااحد..
خالد: أممم... (دار إشارة): راهوم كايسولو علييك لتحت...
تنهداات: قولهوم عياانة؟؟
خالد: إلى قدرتي نزلي طيبي غير الخبز... رااه فريدة كادير لغدا.. ورشا كاتقاد السلااطة ولوخرى راه كااتغسل الموااعن.. ماكان للي يطيبو وهو غايضيع..
صغرات عينيها كااتشوف فيه: يااك؟؟ (حركاات حااجبها باستغرااب): أمم معاونين بثلااتة وخاصهوم عاد شكون يطيب لخبز؟؟ سبحاان الله.. (دارت إشارة بيدها): وانا زعما علاش كنت كاندير هاد الشي كاامل بوحدي؟؟.. وعلااش ماعمرك قلتي لشي وحدة نوضي عاوني هااد لحماارة؟؟ ولاا بقاو فبك خواتاتك ومرات خووك.. وانا غير بنت النااس..
ابتااسم مقرب جهتها: هما راه ماكانحملش جتى ندوي معاهوم.. ونتي راك مرااتي الهبيلة..كاايعجبني خبزك مللي طيبيه..
ضحكات بعصبية جااها اكبر مناافق فهااد السااعة: حدهاا اشارت بيدها جهة الباب: خرج عليا من هناا... بغيت نبقا بوحدي..
حنا راسو جهتها واقف على راسها: حبيبتي غير نزلي.. نضور معااك يالله..
زاادت خنزرات بااين فيها معصبة باقة موجهة صبعها جهة البااب.. حتى خرج: نتي تعرفي..
زدحاات عليها لغطا بعصبية كااتسب فخااطرها.. وطفاات الضو حداها مغطية كلهاا.. ودااخلها كايترعد بالأعصااب...
......
ناض من فرااشو عينيه معمشين وشعرو هاابط على وجهوو.. حالتو حاالة.. رجل دالتوني طالعة ورجل هاابطة... بااغي يخرج يجييب ماايكمي حيت ربعياام وهو بلااش.. يالله حل البااب حتى سمع لبكاا فالكوزينة.. تحرك بالشوية بااغي يعرف شكون وعلااش حتى لقاها سهاام كااتبكي ومها معنقااها: واصافي سكتينا غاانتبرا منو لمو غير سكتي..
تنثراات منها معصبة: واما واش انا كانقوليك محرر عليا الطريق.. فين ماشافني كاايحبسني.. (انفاجرات بلبكاا): واليووم باسني أماا باسني...
نقزاات سادالها فمها: شششش.. سكتي راه يسمعك عبدو يمشي يقتلوو.. انا نمشي عند مو ميلودة نقولهالها..
طلعات يديها بنرفزة بااقة كااتبكي: وااش حسن لقرع غايسوق لموو أمي.. واش هذيك الجثة غاايخاف منها ولا يحتاارمها؟؟ ونتي شفتيها كيفااش ديما مسخسخها فالدواار.. وماتبقايش تقوليلي سكتي غايسمعك عبدو هو فين عمرو دااها فيا ولا تسوقلي...
كان واقف متكي على الحييط.. عينيه خاارجين كاايخربق بيديه فرااسو وكللو كاايترعد... كلام ختو كللو زاد دمرو.. وهو كاايعرف هاد حسن لقرع.. وعارفو مايسوااش واغتااصب شحاال من بنت... مابقااش عااقل على رااسو.. تسلت خاارج من بعد مااهز مووس من فوق الطبلة للي فالصالون كاان فوسط الديسير
فوسط الليل.. كانت كاتجمع الطبلة مبتااسمة وجااسة بدااخلها غاطير بالفرحة.. حمل ثقيل كاان على كتاافها وزاال.. واليديها للي ماشافتش من لفضيحة دالعرس تعشااو عندها ويالله خرجو.. مشاو فرحاانين والعلااقة تحسناات.. وهي قاادرة تمشي لعندهوم داابا بلاا خوف.. ضاارت كاتشوف فيه جاالس كاايخدم بالبيسي منسااجم.. ابتااسمات.. ماعمرها ضناات كااين شي نوع دالبشر بحاال هذاا.. هو رااه ملااك مااشي بناادم.. غير فهاد المدة لقصيرة للي عرفااتو فيها داار بززاف على قبلها.. تفكرات معاملتو لواليديها... وصرااحتو بللي بغا يديرهوم بلااصة واليديه للي ماعندووش.. ضحكاات بفخر.. حتى هما ماقصروش من جهدهوم وحمرولها وجهها لا من ناحية التعامل ولا الهدرة والصوااب... تحركات حهة الكوزينة كااتغسل الموااعن.. حتى حسااتو وااقف من وراها.. ضارت كاتشوف فيه: ب.. بغيتي شي حاجة..
حرك راسو: باغي غير نشرب.. (ابتااسم مقرب جهة الروبيني هاز كاس فيه الثلج): ماتخافيش ههه..
ابتااسمات وهو حااضيها: مااكنتش عاارف غاانشوف هااد الضحيكة ما انا نكون جبت واليديك هذا شحاال..
ضحكات حاانية رااسها للأرض وهو انسااحب كاايشرب فالماا: غير سيري تنعسي انا باقي خداام.. (ضاار شاف فيها وغمزها): وبقاي سهرانة مع دوك القصص حبيبي مافيوزي وحبيبي معذبي.. وصيفطي حبيبك بلا فطوور معذب ديال بصح..
ضحكات باستغراب.. وعلاش مايعرفهاش كاتقرا القصص وهي مبلية بيهووم...
.......
فوسط الكوميساارية.. جاالس فوق لكرسي كللو كاايترعد.. يديه عامرين بالدم.. وداك النوس مغلف حداه بساشية ومحطوط فوق البيرو.. عينيه فاتو لحمورية.. وهو كاايضرب برجليه فالأرض.. وهذااك حداه حتى هو كثر منو.. صلعتو كااتبريي بالعرق.. ويدو كااملة ملوية بالفاصمة وخارج منها شوية دالدم.. وجههو صفر هاارب منو الدم.. شفايفو نااشفين.. وزرقين.. بحاليلا داخلاه المووت.. متكي على الكرسي سخفاان... ماقادرش حتى يهضر.. حداه وااحد شاادو لا يفقد الوعي.. أما عبدو حداه باه.. ومو وختو سهام واقفين كايشوفو فيه.. وهندة ماقالوهاش ليها.. يكفيها غير المعيور للي كاتسمع كل نهار من عند عائلة رااجلها من نهار حيح عبدو فعرس نسرين...
نطق واحد البوليسي جاالس مقاابل معاه بعصبية: واش هاارف ابناادم شنو درتي؟؟ رااك مقطع للسيد صبعو وااش كااينة السيبة هناا؟؟
طلع راسو شاف فيه شوفة كااتخلع: لوكان ماشدوني عليه نكون قتلتو.. (ضرب بيدو على راسو): أنا أصلا ماكنتش ناوي على ديك الضربة لليد.. أناا كنت ناوي نقتلو غير الموس ولد لحراام فلتلي وبلااصة ماتمشي روحو مشاا غير الصبع..
خرج فيه البوليسي عينو: واش كاايحصاابليك راسك فالغاابة أسي؟؟ آش هااد الهدرة؟ نتا كاتهددو بالقتل حدااناا...؟؟
شاف فيه عبدو بتحدي: إلى مااشي غابة شكون عطااه الحق يقرب لختي ولا يقيصها.. ولا هاانية يااك؟؟ تخاايلها بنتك. ولاا ختك..؟؟ ولا عاامة الشعب فهااد لبلااد عندكووم بحاال الزبل..
البوليسي: إلى تعداليك على ختك أجي قدم شكوى نتا ويااها وغاانتحااسبو معاه.. مااتاخدش حقك بيديك..
عبدو ببرود: ومللي نقدمو شكوى.. خلليه هو يقدمها حسن.. حيت نتوما حتى كاتشوفو الدم عاد كاتحركوو..
اشار لجوج من الشرطة شدوه بيناتهوم ودااوه ماماه وختو كاايبكيو بالجهد وبااه حاط يدو على رااسو كاايخمم.. دااز من جهة حسن دار فيه شوفة كااتخوف خلااه يزير على قبضة يدو بخوف وريقو نااشف
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
