بسمة ناعمة
البارت 15: فلييلة العرس.. كلشي حااضر.. ومن بعد مااتعشااو النااس كلهووم مجموعين فالقااعة... قااعة قريبة من الحومة.. فيها كايديرو نااس الدرب عرااسهووم... كاانت بارزة هي ورااجلها بقفطاانها فاللون البيج.. وهو لاابس كومبلب فالبييج... جااو ثناائي مثاالي... جماالها مع سر العرووسة شكلو لوحة فنية تقرييبا منقاارضة.. ومع تبوكيصتو ولون عينيهوم الموحد خلااو للي شافهوم يشعق.. ربما هما أجمل عرساان دازو فهااد للحوومة.. طول الوقت وهو مبتااسم... اما هي غير نصف ابتساامة.. حااسة براسها كاتنجاادب ليه.. اصلا قبل العرس هي جلساات مع رااسها وفكراات... طولاات فالتفكير كااتقلب لعل وعسى تلقا فيه شي ديفو للي يخلليها تنفر منو.. قلبها للي كان كاايقلب على الديفو.. حيت حب عبدو مسيطر فيه.. اما عقلها مقتاانع كليا بهااد المخلووق كزوج ليها..
فوسط القااعة النااس كاتشطح.. على إيقاعات شعبية والركاادة ومختلف الأنوااع... كاانت جاالسة كااتفرج فالنااس والتيلي فيدها... مااداايرة حتى نقطة دالمااكيااج.. وللي شافها من بعييد يعرف بللي جااية غير بزز لهاد العرس... لاابسة قفطاان من دهاازها ومقادة زيفها مع سبااط طاالون... جالسين حداها ختها وماماها ولويسااتها ومرات لوسها وعجووزتها.. ومن الجهة الأخرى كابنين الرجاال منهوم باها وشيخها وراجلها ولوسها... شافت فالتيلي كاتحااول تتااصل بيه مرة اخرى بلاا مايجااوب.. قلبها كاايرجف من الدااخل... على عكس ختها للي ناشطة مع العرس.. وماماها للي يمكن ماعارفاش وحتى إلى كانت عارفة غاتقول مجرد علاقة عاابرة بحال كاع العلااقاات.. ناس بكري ماكايعرفو وااالو فالحب... وعندهوم الزوااج هو كلشيي...
فنصااص الليل.. فوسط الشطيح وأجوااء العرس.. تسمع صرااخ.. خلا الكل ينتاابه... حتى من الديدجي حبس الموسيقى.. وكاع الأعين توجهو لنااحية البااب.. نااحيتو هو للي كاان دااخل كاايتماايل هااز قرعة فيدو... من وجهو بااين بللي شاابع بكاا.. وعينيه عليها هي للي كاانت لابسة لبستها الأخيرة وللي هي لااغوب البيضة.. كاسكيطتو مقلووبة وسرواال دجيين مع دجااكيط... عينيه حمريين كثر من الجمر.. وجهو مجلخ بالدمووع... لوحة كاتخلليك تبكي معااها... وخصووصا حيت عبدوو.. ماهو صعييب يبكي...
نااضت بالزربة شااهقة وحااطة يدها على فمهاا... حااسة بللي هذي نهاايتها.. بدات كلها كااترعد.. ماحيلتها للشوهة مع واليديها ولا مع عريسها ولا لراسها ولعشقها لهاد المخلوق للي دخل دابا.. واش تشفق عليه ولا تلومو ولا تحااول تفك رااسها من هااد الوحلة.. نطق بصووت مجهد كاايلعب بديط القرعة دالشراب فيدو وكاايضحك بااين بللي ماشي فوعيو.. ولكن كلاامو خاارج من قلبوو: يااك قلتلييك مللي تحددي الموعد قوليهاليا نجي نحيح...
هز صبعو جهتها: وقلتليك رااه هذا شحاال ماحيحت.. ماحشومااش علييك تحرميني..
حرك عينيه جهة رااجلها للي وقف حتى هو كاايشوف مستغرب وضحك: ههه.. والله مانخبي عليك اخويا.. فكرت نقتلك... (سكت شوية وتعالات اصوات شهقات النااس وهمسااتهوم لبعضهوم ورجع كمل كلاامو): ولكن فكرت بللي ماادرت حتى غلااط.. بحاالي ضحكاات علييك...
بهضرتو خلااه ضتر كاايشوف فيها هي للي مالقاات مادير من غير انها تبكي بصووت مجهد...
تحركاات هندة لعندو بالزربة شداتو من يدو كااتبكي: عبدو.. عبدو فيق براكة من الشووهة.. فييق..
شاف فيها نااثر يدو منها مطلعها الفوق: أشمن شووهة همم..؟؟ رااه غير جيت نبااركلها...
خشا يدو فجيبو كاايتفتف جبد وااحد البوااطة مدهاالها مازاكيش فبلااصتو قرب يطيح: خوودي... هذي سنسلة..بااش تعرفي معزتك عندي رااه ذهب والله حتى ذهب... هههه.. كنت مخلليها نعطيهاليك فعرسناا.. ولكن ماستنيتيش...
حس براسو تجبد بالجهد ضاار لقااه باه مخنزر وغوت بأعلى صووت: وااش حمااقيتي؟؟
نطق باها من ورااهوم حااني راسو: حماادي خرجو عليا من هنا الله يرحمليك الواليدين..
زاد لعندو خاالد وحمادي وشي صحاابو خرجوه وهو غير كاايدوي.. هندة ومها وختها تبعوهوم كاايجريو ونسرين جلساات بكل جهدها كااتبكي وفهااد اللحظة بالضبط كاتمنى المووت تااخدها
زاد لعندها باها بعصبية هاز يدو على شكل بونية نااوي يقتلها ويحققلها أمنيتها.. يالله رفع يدو جهتها حتى حس بشي حد شدهالو... طلع راسو كايشوف لقااه رااجلها... صغر عينيه مستغرب هو آخر وااحد توقع يداافع عليها... نطق: خلليني نقتلها اولدي خلليني ننقي شرفي وشرفك راه مابقاش عندي لوجه للي يشوف فالنااس..
ابتااسم بهدوء وبااين من وجهو مصدوم كثر من نسيبو: تهدن اعمي.. وماتنسااش راه ولات مرااتي ومن حقي أناا دابا...
حرك راسو بعصبية: داابا مرااتك.. وغدا مللي ترجعهاا شنو نديير وفيين نمشي؟؟
ابتااسم مرة اخرى: وشكون قاالك غانرجعها؟؟ هذي مراتي على سنة الله ورسووله ويلا كان شي مشكل غاانحللوه بجووج
وقف باها حاال فمو مصدووم وهي طلعات راسها كاتشوف فيه بصدمة وجهها كاع مجلخ بالدموع والمااكيااج.. وهو شدلها يدها وقفها.. وضرب على كتف نسيبو باليد لوخرى: سير صيفط الناس فحالهوم.. انا ماتزوجتش ببنتك باش نرجعهاالك وهما غاايهضرو حتى يعياو ويسكتوو المهم مراتي معاايا..
جرها مخرجها من تما وهي بااقة تحت الصدمة وباها بقا حاال فمو متبعلو العين ومها كااتبكي عليها وعلى هااد الحاالة وعاد دموع الفرحة حيت ماسمحش فيها وخلااها حكااية على كل لساان...
.......
كانت جاالسة على ركاابيها معنقااه كااتبكي لبكااه وهو صوت بكااه مجهد... محرووق بززااف.. نطق وسط دموعو: داارتها بيا اهندة.. دارتها بيا وشمتااتني حتى مااعرفت راسي آش كااندير..شوهتها وسط عرسها...
هندة ببكاء: ششش.. صاافي شوية ونعيط لشي وحدة من الجارات نسولها شنو وقع..
طلق منها كاايشوف فيها ويمسح على نيفو: إلى سمح فيها انا مستااعد نتزوج بيها من غداا.. (رجع كاايبكي): أصلا موحال تبقاا حية حتى لغداا.. تقدر تنتااحر إلى سمح فيها فوسط النااس انا حماار..
هندة كاتحرك رااسها: ماغادي يوقع والوو.. (رجعات عنقااتو): غير سكت عفااك راك كاتقطعلي قلبي...
بقا كاايبكي حتى دااه النعااس بكثرة الشراب والبكاا... حسات بيه ثقاال.. هزات راسو حطاتولو على المخدة.. حايداتلة سبرديلتو غطااتو.. وخرجاات من تما كااتسلت.. سدات باب البيت.. مسحات دموعها وهي كاتشوف فخاالد جاالس فالصاالون... غمضات عينيها وحلااتهوم وقرباات حدااه: علاش باقي كاتسنا؟؟
شاف فيها عينيه حمرين بااغي ينعس: بااش نمشيو
ربعاات يديها: يااك...؟؟ نخللي الدار فهاد الحالة ونمشي.. ماحشوماش عليك؟؟
نااض: أحمم.. ونتي باش غاتنفعيهوم..؟؟
هندة مخرجة عينيها: ماغانمشيش..
دار يديه فجياابو: وااخا.. مايكون باس عند خووك... هانا غانمشي غدا نرجع..
ماخلاتوش يكمل هدرتو توجهات لبيت آخور كاتنعس فيه ختها حايدات داك القفطاان وتلاحت نعساات..
دااز بززاف من الليل.. وبالضبط مع آذاان لفجر.. ناض حمادي من بيتو توضا وصلاا.. تنهد رافع يدو للسما كايدير الدعااء.. نااض متوجه لبيت ولدو.. حل البااب بقا واقف مدة كاايشوف فيه نااعس بطريقة عجيبة.. قرب جهتو طلع عليه لغطاا.. غمض عينيه نازلة منهوم دمعة وحديدة.. وخرج دغيا سااد وراه البااب...
كانت جالسة على النااموسية.. شاادة فجناابها كلها كااترعد... باقة بلبستها البيضة.. صوت الرشااش فالحماام... داار زوينة وانيقة وديكورية مأثثة مزياان... مااحكرااتش فيها مزياان.. غير دخلو دااز البيت وداازت من وراه هو دخل للحمام وهي بقاات جاالسة... غير سمعاات الباب تحل وهو خرج نااضت وقفاات بالزربة كااتشوف فالأرض وتفرك يديها... شااف فيها كايمسح على راسو بالفوطة لاابس توني وتيشورط... ونطق: إلى بغيتي دوشي دخلي...
ماشافتش فييه وهو كمل كلامو: ها فاليزتك كانو حطوهالي قباايلة فالطوموبيل وجبتها معاايا.. هزي للي غاتحتااجي ودخلي دوشي مللي تخرجي عااد غانهضرو..
حركات رااسها ومشات جهة الباليزة كاتمشى مفعفعة... هزات للي خاصها ودخلاات.. ماتعطلااتش بززاف دغيا خرجاات لابسة وجامعة شهرها كعكة مهملة... بقات واقفة حاانية راسها حتى نطق: زيدي قربي ماغاديش ناكلك..
زادت جلسات فطرف الناموسية وهونااض خاشي يديه فجياابو كاايضور مدة فالبيت حتى ضار شاف فيها ونطق: شكون هذااك؟؟
سرطات ريقها ناطقة: ماع..
قااطعها رافع من صوتو: ماتكدبيش عليا.. (جلس فوق الفوتوي مقابل معاها): خاصك تعرفي بللي انا كنت متأكد قبل من لعرس بللي عندك شي قصة... غير بقيت ساكت حتى تبان بوحدها...
بقات سااكتة وهو كايشوف فيها: كاتبغيه؟؟
شافت فيه عينيها منفوخين بالبكاا وهو كاايستنا الجوااب.. غمضاات عينيها منفااجرة مرة أخرى.. وهو تنهد حاط يديه على وجهو كأنو عرف الجوااب.. عااود نطق مرة اخرى: وعلااش سمحتي فيه وتزوجتي؟؟
حركات راسها بالنفي مخنوقة بالبكاا ماقادراش تهضر: انا ماسمحتش فيه.. هو للي بغا يحقق شي حوايج مستحيلة عااد يتزوج بيا.. (شافت فيه كااتبكي): باغي يحرك للخاريج عاد يدير وراقيه ويجي يتزوج بيا.. وانا نبقا نستنااه... قلتليه اجي خطبني موافقة نعيش معاك فين ماكان وبااش ماكان ولكن ماابغااش.. انا ماكذبتش علييه.. وماخنتوش وماسمحتش فيه وختو شااهدة.. أنا قلتلو ختار ياا انا ياا الخااريج وهو ختاار الخااريج... من تما تفاارقت معاه.. من عرس ختوو.. بدلت نمرتي وقلبت عليه.. هو انااني بغاني وبغا يحقق حلموو... والله مادرت شي حااجة غلااط..
بقاا حاط يدو على رااسو وهي رجعاات كااتبكي بالجهد.. مدة طويلة ورجع شاف فيها: غانسولك وجاوبيني بصرااحة...
شافت فيه كاتحااول تحبس من لبكاا.. وهو كمل كلامو: باقة باغة تكملي فهااد الزوااج.. واش باغة الطلااق؟؟
طااحت على ركاابيها شادة فيديه: عفااك ماطلقنييش.. على الأقل ماشي داابا.. (شافت فالأرض): انا ماغانفرضش عليك راسي.. غيير حتى يفوت على الأقل شهر..
زيرلها على يدها: شششش... انا ماناويش نطلقك... وااخا يكون قااصك وماتكونيش بنت مااغانطلقكش.. بشرط تكوني ناادمة ومااتفكريش ترجعي ليه.. (هز يدو بتحذير): انا راه تيقت هدرتك.. عندااك يغرك الشيطاان ترجعي تواصلي معاه.. حيت نقدر نقتلك...
جاوباتو حانية راسها: ماقاسنيش.. انا باقة بنت.. علاقتنا كانت محتاارمة بزاف.. (شافت فيه): عطيتك عهد الله مااحدني معاك ماعمرني نهضر معاه ولا نخوونك... غانبقا مرااتك ووفية ليك...
تنهد حااط يدو على كتفها: سيري تنعسي.. وديري فباالك بللي غايبقا يجمعنا غير دااك العقد حتى لنهاار تبغي نتي يكون زوااجنا حقييقي... ابتااسم بزز: وإن شااء الله هاد الشي كاامل يفووت ويبقا غير تعاويد (جمع ابتساامتو): واخا بصرااحة تقصحت هنا (حط يدو على قلبو): يالله هاد الليلة عرفت راسي كاانبغيك ديال بصح...
نسرين: س.. سمحلي..
رشيد: مااشي مشكل... يقدر مع الوقت نتي برااسك غادااوي هااد الجرح
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
