بسمة ناعمة
البارت 4: فالصبااح كانت وااقفة مع صحاباتها بررا الليسي... كاايهضرو وهي غير الجثة للي كااينة لعقل غاايب... نغزاااتها صاحبتها: ماالك نتي؟؟ من الصبااح ونتي سااهية يااك لاباس؟؟
شافت فيها: والوو غير شي مشااكل وصاافي...
فدوى: أشمن مشااكل؟؟
شاافت فلبناات للي كانو معاهوم كاايهضرو بيناتهوم وجرتها جلسو فوق كرسي بعييد: خاالد أصااحبتي..
فدوى: ماالو؟؟ واش تخااصمتو؟؟
هندة: بحال دااك الشي... لبارح تلااقيت مع دااك زكرياء للي كان ديما تاابعني...
فدوى: أهااه... وباينة دويتي معااه وعطااك وقت...
حركاات رااسها كااتشوف قداامها وصااحبتها طلعاات حااجبها: شاافك خاالد يااك؟؟ (ضربات على رااسها) شاافك بااينة شاافك... نااري يااختي دااك الدري مسكيين كاايبقاا فياا والله ماايستااهلش منك هاد الشي...
جاوباتها حابسة لبكية: واصافي افدوى ماتزيدينيش رااه الندم كاياكل فياا
فدوى مخرجة عينيها: نتي تندمي نتي؟؟... (حركات صبعها بالنفي): لاا ختي نتي زهواانية وللي جا يدوي معاك كااتحللي وتعطيه وقت...
هندة: (كاتحاول تدافع على رااسها) مامزوجة مامخطووبة ندوي معامن بغييت.. يااهه؟؟
شافت فيها كاطلعها وتهبطها: من نيتك؟؟ والله ماكاتحشمي.. (ضارت لعندها كاملة) هالعاار لما قوليليا وااش غااتلقاي شي وااحد يبغييك بحاال خالد...؟؟ وااش هااد الدرااري للي كل مرة داوية مع وااحد وكل مرة مصاحبة مع وااحد كايعااملوك بحاال خاالد...
هندة: وهو بااش عرفتو مامصااحب مع حتى وحدة من غيري؟؟
فدوى: آربي معامن كانهضر أنا؟؟ (جبدات التيلي ديالها مللي سمعاتو كاايصووني... غير شافت الرقم رجعاات شافت فهندة وجاوباات) آلوو.. وي خويا خاالد... آه.. هاهي معاايا... آه لاا بررا...
قطعاات كاتشوف فهندة للي مخرجة فيها عينيها: علااش صوناالك؟؟
فدوى: ومااحشمتيش.. عاد زايداها ماكاتجااوبيهش.. وباااز...
هندة بتأسف: من لباارح مللي قاللي بللي شاافني.. قطعت عليه وماقدرتش نحااوبو عاد مزال.. حاايدت الواتسااب ودرت للتيلي صيلوون... مالقيت مانقولو... (ناضت): زيدي نمشيو قبل ماايحبسني فشي قنت هنا يديرلي شي شوهة نتي عاارفااه مللي كاايتعصب شنوو كاايدير؟؟
كانو غاديين مع وااحد الدريبة خااوية شاريين السقااطة كاياكلو ويدويو ويتمشااو غير بالشوية..
هندة: دابا علااش جايباانا من هناا...؟؟ خللينا الطريق نشوفو رحمة ربي ودايزين من هاد لخلاا...
فدوى مخنزرة فيها: قولي مالقيتي فااش تحنززي...
هندة وهي كااتاكل الزريعة: والله مابقا عندي خااطر نشوف ولا نحنزز... مريضة وكارهة رااسي فهااد السااعة...
يالله جات تجااوب حتى وقفاات الطومو حدااهووم... رجعات اللور مخلووعة وصغرات عينيها تشوف شكون مولااها كاانت مرسيديس فالرماادي... غير شاافتو هو للي ساايق مركز عينيه علييها شهقاات سارطة ريقها وضارت شاافت فصااحبتها للي طلقاات من يدها مبعدة: هاا انا غانمشي داايرة مع كرييم نشوفو...
حركاات راسها باستغرااب: كيفااش؟؟
ماجاوباتهاش شاافت فخاالد للي دارلها إشارة بمعنى شكرا وهي جاوبااتو بابتساامة: يالله نخلليكوم...
انسااحباات مخليااها كاتشوف فيها مصدوومة يالله فهماات لبلاان وبللي مللي دوا معاها قالها تدوزها من هنا باش يقدر يشدها... رجعات شافت فيه لقاتو باقي مركز الشوفة فيها... سرطاات ريقها مااعارفااش الخطوة للي تقدر دير دابا حتى نطق: طلعي نتحركو من هناا...
زيرات على صااكها بيديها: خااصني نمشي للدار.. غاا.. غانشد الطوبيس...
تنهد باينة فيه عياان وبااينة بللي ماناعسش: واخا غير طلعي غانوصلك أناا....
يالله جات تجااوب حتى سبقها: غااتجي ولا نجي نجيبك بطريقتي؟؟
عضات على شناافتها بتوثر وزاادت جيهتو... حلات لبااب من الحهة الأخرى وركباات... غير سدات البااب ديمارا مبعد من تما... كاايشوف فالطريق ساايق بيد ويد شاد بيها كاارو كاايكميه... شافت فيه بنص عين... غير شاافت الكاارو خرجات عينيها حيت عارفااه ماكايكمي حتى كاتكون واصلة فيه لعظم... شافت فالطريق لقااتو شاد طريق وحدة أخرى.. شدات فالكرسي بيديها ونطقات: فين غاديين؟؟ هااد الطرييق ماشي دياال الداار..
سطتاات كاتسنا حوااب وللاسف كااع ماجاوبها... تنفساات كااتقلب على شنو تقول المهم يهضر حيت ماحدو سااكت والرعب سااكنها: دياالمن هاد الطومبيل؟؟
نطق بلا مايشوف فيها: ديال وااحد صااحبي... (ساط الدخاان من فمو وشااف فيها كاانت كااتفرك فيديها بتوثر وتشوف قداامها) علااش ماكاتجااوبيش؟؟
شافت فييه مخلوعة: هاااا...؟؟
رجع شاف فالطرييق: علاش ماكاتجاوبيش على التيلي؟؟ والواتسااب ماالو؟؟
حركاات يدها كااتقلب على التيلي فصااكها متوثرة: م.. ماسمعتووش.. ماعرفتش بللي صونيتي.. (جبداتو موجهااه جهتو) محايداليه الصووت شوف...
شاف فيه ورجع شاف فالطريق: شووفي نتي شحاال من مكالمة كااينة...
صوراتو جهتها خرجات عينيها مللي لقات كثر من مية أبييل غير دياالو... وشي وحدين ماعرفااتش شكوون حيت مللي قطعات عليه حايدات الواتسااب ومازادتش شافت فالتيلي... يالله جات تحل تشوف شكوون حتى مد يدو وعينو باقية على الطريق: أري داك التيلي لهناا؟؟
زيرات عليه بيديها مصدومة من طلبو واخا هو للي شراه جامي قلبولها داك الشي علاش كاتجيبو معاها بالثقة فالنفس
بسمة ناعمة
فيقها من سهوتها مللي عااود نطق بافي مااد يدو: طلقيناا..
زيرات على سنانها وحطاتولو فيدو رجعاات اللور متكية بعيدة علييه... وهو بقا شادو فيدو كاايسوق حتى وصل لواحد القنت وخرج الطومو على الطريق خباها بين شجر الغاابة وحبس.. وهي مكمشة فرااسها خاايفة دياال بصح... شعل التيلي وصغر عينيه مللي لقا عندو الشيماا... طلعو الفوق مقابلو مع الشمس حتى قدر يعرف كيف يحلو بليطراس ديال صبااعها للي بقاو تما... شهقاات مللي شاافتو حللو وهو دخل للتطبيقات لقاها محايدة الواتسااب... تنهداات من هاد الناحية حيت لوكان خلااتو وشاف شنو فيه يكون قتلها فبلااصتها... رجع خرج من تما ودخل للفايسبووك.. مشا مبااشرة للميساجات... الشي للي زاد من خووفها... لقاا بززاف شي قرااه وشي مااقدرش يوصلوو... دخل لبلاصة الإتصالات لقا شي سميات عجيبة عرفهووم درااري رجع شاف فييها بنظرة إنكساار وهي خشاات راسها فالأرض... حل مجر حداه جبد منو كاارط ميمواار خشاها فالتيلي دخل فيها كااع التصاور والفيديواات للي عندها بلا ماايشوفهووم ورجع حاايدها من تما... مدهاالها بلاا مايدوي معااها... غير شداتها شد التيلي بين يديه بجووج وهرسوو.... غوتاات منقزة عليه مي كان فاات الفووت.. بعدو عليها بيدو لووخرى... وحل االبااب هبط ودغيا حلاات الباب من جهتها هبطاات حتى هي كااتجري باغة تحبسو ربماا يكوون فييه ماايتقااد... حطو فالأرض وعفس عليه برجلو مزياان حتى رجعو فتاات وتأكد بلي ماغايرجعش يخدم عااد مزاال وهزو رمااه بكل جهدو بعييد علييهوم.. غمضاات عينيها معصبة وكلشي مخلط عليها ونطقاات عينيها دامعين: حراام علييك... علاش هرستيه واش غير حيت شريتيه لياا تهرسو؟؟ على الأقل علمني فيه شي حواايج كاايخصووني...
شاف فييها: وااش نواامر الدرااري؟؟ ولا الكونطات دياللهوم؟؟
عضات على شنافتها حتى جرحتها: فيه تصااوري وفيديوهاتي انا وعائلتي و..
قاطعها: كارط ميموار للي عطيتك فيها كلشي... تحرك متخطيها حاط يديه فجيابو وهي ضارت كاتشوف فيه... تمشا مساافة وجلس فوق وااحد الحجرة كاايشوف قداامو.. بقات واقفة شحال كااتشوف فيه وتفكر.... بوكوص وعاطي العين.. الفورمة والطولة هما هادوك... اللبس والحطاات ومهلي فراسو مزياان وبززاف لبناات حاطين عليه العين وهااد الشي شافتو وحضراتليه.. ووصلاتها لخباار شحال من مرة بللي شي بناات طلبو منو يدخل معاهوم فعلاقة.. وجاامي خاانها... ولا حتى فكر يديرها... تنهداات باقة محروقة على التيلي ديالها وقربات لعندو جلساات حداه...
نطق بلا مايشوف فيها: مايبقااش فيك التيليفون.. من غدا نشريلك وااحد جديد... نتي عاارفة بللي واخا خدام على قد الحاال ماكانعزش فيك شي حااجة... (ضار شاف فيها):الليل كامل مانعستش... باايت كانخمم... فكرت نتفاارق معااك ونساالي هااد الشي... ولكن... (رجع شاف فالارض): حتى كانقرر نتفاارق معاك وكانقول صاافي المشكل تحل كاانحس بصدري تزير عليا وماكانبقاش قادر حتى نتنفس...
ضار لعندها كايشوف فعينيها: نتي تقدري تفاارقي معايا من غدا يااك...؟؟ لاا ماشي من غدا... من دابا قادرة تفارقي معايا...
حركات رااسها: لاا... والله ك.. كانبغيك...
ابتااسم: كاتبغييني؟؟ هههه... الحب دياالك فشكل
مدات يدها شدات يدو كاتحسها سخوونة... عضات على شناافتها كاتحاول تجمع الكلماات فحلقها: أنااا.... انا كاانقسملك بالله حتى كانبغيك.. ويمكن كثر ماكاتبغيني نتا... مللي كانشوف الميسااج ديالك ولا أبييل كاانفرح والله... وااخا كاندوي مع دراري بززاف م... ماكانحسش معاهوم بداك الشي للي كانحسو معاك نتا...
شاف فيها مزير على يدها: وعلااش كاتدوي معاهوم.. وعلاش كاتعطيهوم فرصة...؟؟ ياك انا وياك مواعدين بعضياتنا علااش هاد التخلااط كاامل؟؟
هزات يدها مسحات بيها دمعة نزلاات من عينيها... لكن تبعوها لهرين ناازلين متاابعين حيت هي من النوع للي دغيا يبكي... صغر عينيه مستغرب وهز يدو كاايمسحلها: ششش.... علااش تبكي ماالك؟؟
هندة وهي كاتحرك راسها::ماعرفتش مااعرفتش علااش كااندوي معاهوم وعلاش كانعطيهوم وقت... أنا.. أنا كاايعجبني نكون محور إهتمام كااع الدراري وماعارفاش شنااهو السبب...
شافت فيه عينيها حمرين ووحهها عامر بالدموع: والله ماعرفت أخالد... حتى حد ماكاايعمرلي عيني من غيرك... او واخا نشووفهوم مع وحدة اخرى عاادي... مااشي بحالك نتا... نتا داك النهاار شفتك غير مع بنت ختك... مللي ماعرفتهااش كنت بغيت نحمااق... (شداتلو فيدو بيديها بجووج مزيرة عليهوم) كاانبغيك بززاف... ولكن هاد الديفو مابغااش يمشي مني... أنا مااشي خارجة الطريق ولا مامربيااش... بالعكس والله جامي خلليت شي حد يقربلي ولا حتى يبووسني... واصلا ماكانخرجش معاهوم لشي بلاايص خاوية... من غير إلى تلاقيت شي حد قداام الليسي ولا فطريق عاامرة.. (سكتاات كاتنفس ورجعات كملاات هدرتها): نتا الوحيد للي نقدر نركب معاك فالطوموبيلة واها ماعارفاش فين ممكن تديني... ونتا الوحيد للي كانخلليك تبووسني... (شاافت فالارض كااتفكر) يمكن الإهتمام للي مالقيتوش من نااحية بابا وخويا كاانحاول نعوضو فهااد الدراري... كانقول انا كاع مااجربت آهتماام الرااجل بيا كيف يكون دااير... وكاانبغي نجرب... (رجعات شاافت فيه) لباارح مللي دويتي معايا فالتيلي حسيت بوااحد الغصة فقلبي حسييت بللي انا أكبر حمارة ووحدة رخيصة على وجه الأرض... باابا واخا ماقايمش بالوااجب مزياان حسيت بللي طعنتو فظهرو... وحتى عبدو وااخا ماايستااهلش يكون خوويا حسييت بللي رجعتو ضحكة بين صحاابوو... و.. ونتا... انا عارفاك بللي نتا أكثر واحد آذيتو بهااد التصرفاات.. وخصووصا لباارح.. رجعتك ماكاتسوااش قدام واحد ماايستااهلش... (ابتااسمات مفكرة): آه حقاا قبل مانحاايد الواتسااب دخلت نمرتو كاان عطاهالي وصيفطليه ميسااج سبيتو فيه مزياان.. درت براسي بلي كنت عاارفة لبلاان وبللي شديت من عندو النمرة غير بااش نبرد قلبي... حيت مابغيتش نبقا ناقش معاه فالزنقة والناس كاتشووف (جمعاات الضحكة ورجعااتها تغوبيشة): مانستااهلش حبك انا... شي نهاار تقدر تتخلى عليا... يمكن تما عااد غانعرف قيمتك... (دغيا خرجات عينيها): لاا.. لا انا عارفة قيمتك من داابا ماايحتااجش تتخلى علياا... هاانتا (بحمااس): عطيني آخر فرصة.. كانعطيك عهد الله حتى نتبدل...
ابتااسم مرتااح بززاف لكلاامها خلااتو ينسا كاع آش دوزاات عليه.. جبدها لعندو تكااها عليه وهي استحلااتها مغمضة عينيها وهو نطق مبتااسم: أولا ماتبقاايش تبكي دمووعك غاليين... وثاانيا بغيت غير نعرف وااش إهتماامي انا ماكافيش بااش يغطي على خووك وباباك؟؟
دغيا تخطفاات جاالسة كاتحااول تداافع هلى رااسها: ل.. لاا لا كاافي.. كاافي وموفي...
ضحك من تصرفااتها ورجع تكاها عليه: مادام كاافي علااش كااتمشي عند دراري آخرين؟؟ (بقات سااكتة وهو كمل): كاانقولليك أهندة أي حااجة بغيتيها قوليهالي.. حسبيني باباك ولا خوك ولا للي بغيتي... نتي عارفاني مااكانعز فيك والوو...
هندة: م.. مامحتااجة والو أناا...
خاالد: من لحواايج للي خلاوني نحمااق عليك... ماشي طمااعة... ماكاتبغيش تشظي عليا لفلووس... ماكاترضاايش نعطيك شي حااجة.. وبزز بااش كاتخلليني نخلص عليك فشي قهوة... واخا نتي ماعندكش.. عزة نفسك قوية... هذي هي اول حااجة كاتخللي الدري يطيح فالبنت ماخاصهاش تكون طمااعة...
هندة: الحمدلله بعدا مللي فيا شي حااجة زوينة...
خاالد: ششش... كلشي فيك زوين... من غير هااد لبلية دياال الدرااري.. حايديها ولا غانقطعليك رجليك...
هندة: صافي راه وااعدتك...
خاالد وهو كاايشوف فالسماا: انا ماكرهتش نخطبك من غداا.. باش هااكا مااتبقاايش تحسي بالذنب جهة خووك وباباك...
سرطات ريقها كااتفكر ومن بعد نطقات: خلليني نفكر ونرد علييك...
طلعلها راسها كاايشوف فيها بحاليلا مصدووم: فااش غاتفكري؟؟
حركات كتاافها: فالموضووع... يعني فالزوااج؟؟
ابتااسم بصدمة: واش غاتفكري فييه؟؟ يعني كااين إحتماال توافقي؟؟
حركات راسها مبتااسمة: كااين إحتماال 90%
حل فموو كاايستوعب هدرتها: مافهمتش.. وااش وأخييرا قدرت نقنعك زعماا واش داوية بصح ولا كااضحكي؟؟
هندة بجدية: والله ماكانضحك... انا عارفاك فهاد الموضوع بالضبط ماكاتبغيش الضخك...
ضحك بصوت مرتاافع: هههههه... وإمتا تجاوبيني...؟؟
هندة: أممم... بالليل نقدر نجااوبك...
حرك رااسو متفهم وهو باقي مبتاسم... حتى طلع راسو دغيا كايشووف فيها مفكرشي حااجة: وفااش غاتجااوبيني؟؟ التيلي تهرس...
سكت شوية ومن بعد خشا يدو فجيبو جبد تيلي آخوور: هااكي خودي ديالي...
هندة: ونتاا...؟؟
خالد: مااشي ضروري... نتي عارفة انا كاندوي غير معااك (خشا يدو مرة ثانية فجيبو وجبد تيلي نوكيا بيل عادي): ديال لخدمة هذا هو كاايعيطولي للي باغييني فشي خدمة... هذاك ماغانحتااجوش.. خوديه بااش نعيطلك فيه بالليل نسمع جواابك.. ويلا بغيتي خلليه عندك كااع حتى نقدر نشريلك تيلي آخوور...
ابتااسمات: لا بلاش مامحتاجاهش.. وحتى هذا غاناخدو غير باش نجاوبك فيه بالليل ومن بعد نرجعولك مانخلليكش بلااش..
خاالد: كلشي ديالك احبيبة.. (حط يدو على راسو بتعب) فراسك عينيا كاايتلاصقو بالنعااس؟؟ (ضار كاايشوف وراه) يالله نمشيو للطوموبيلة باغي ننعس شوية...
نااضت معاه مبتاسمة عارفة النعسة كيف دايرة حيت ديما مللي كاايتخااصمو كايبات بلا نعااس ومللي كايتلاقاو وكايتصاالخو كايحط راسو على رجليها وهي كاتلعبلو فلحيتو حتى ينعس... غير الفرق هو أنو هاد المرة تصاالحو ديال بصح وهندة قطعات وعد وبينها وبين راسها ماتزيدش تخونو.... وفعلا كاتفكر فالزوااج...
طلعو فالطوموبيل اللور هي جلساات متكية براسها وهو نعس... هز يدو حطها ورا راسها وجبدو لعندو حط شفايفو على شفاايفها بااسها مكول ومغمض عينيه مخشع... حتى قربات تتخنق وتنثرات هي رجعاات اللور.. حل عينيه شاف فيها: ماعمرك خلليتيني نكمل البوسة فخاطري.. وكاتقوليلي نتا الوحيد للي كانخلليك تبوسني هذا هو البوسان فنظرك...؟؟
هندة: وراه كاتخنقني تلبووسة فيها سااعة اووو بززاف؟؟
ضحك كايلعب بصبااعو فشناايفها: ماعندكش السووفل مشيتي فيها...
ماجاوباتوش فاهمة قصدو وهو هز يدها حطها على لحيتو وغمض عينيه خلاها كااتلعب فيها
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
