بسمة ناعمة
البارت 3: جلسات حداها كاتشوف فيها متأسفة مالقات كيفاش تواسيها وهي باقة كاتشوف فديك النقكة ماضارتش حتى تشوف شكون... حتى تحركات هندة للي كانت واقفة بعيد عليهوم تشوف فيها... جلسات مقابلة معاها وحطاات يدها على كتفها: ختي سعاد... براكة عليك أختي ولادك مانعسناهوم غير بزز من قبايلة وهما يبكيو معاك ماعارفينش مالك؟؟
نطقات بلا ماتشوف فيها: ماتكوليليش براكة أهندة... راه يالله مات الصبح إلى سكتت من دابا هي ماكانبغيهش وكنت غير كانتفلا عليه...
هندة: نعلي الشيطاان راه غير كاتحرقيه داابا دموعك باش غايفيدوه...
سعاد: كاتقوليليا الدراري كاايبكيو حيت ماعرفوش مالي... هما راه كايبكبو حيت ماجابش ليهوم الحلوى بحال ديما...
شافت هندة فماماها للي حركات راسها باسف ورجعات شافت فيها: هاد الشي علاش خااصك تكوني قوية وتوقفي على رجليك.. ولادك محتااجينك... وخويا خسين ماغايفرح حتى يشوفك هازة ولادو وفرحانة نتي وياهوم...
شافت فيها بابتساامة مخلطة بالدموع: عرفتي وااحد النهاار كان عيد ميلاادو وحنا كااع ماكنا عارفين... (حركات يديها كاتشرحلها) زعما انا وولادو ماكنااش عارفين بللي عيد ميلاادو... وبقا مقلق ماكايضحكش معانا... عرفتي التغوبيشة عندو كااضحكني ههه... بحال الدراري الصغاار... بقينا كانسولوه شنو عندو وكاع ماداها فينا.. ههه... ناض معصب وخرج.. وجوية جا راجع جااب ميلفااي عطاانا دياالنا وديالو حطها فوق الكبلة وحنا حاضيينو داار فوقها شمعة شعلها... وطلق لموسيقى من التيلي... هههه.. وطفا الضو وطفاها عااد فهمنا لبلاان... هههه... حنا نسينااه... عنقتوو وقلتليه سمحلي فالبلااصة ضحك وقاالي كاع مانقدر نتقلق منك... دغيا سمحلي وااخا نسيتو.. وهو عيد ميلادي وعيد ميلااد الدراري ديما مفكرهوم حنا ننساو وهو مااينسااش هههه... (دغيا تحولو ملاامحها لحزن وقلبتها بكاا كاايحرق فالقلب) ماكان ينسا حتى حااجة تتعلق بينا اختي هندة والله.. كان ديما مفرحنا... جامي قرحني اختي ولا جرحني بشي هدرة... يجي عياان ويضحك فوجهناا... الداار كاانت مضوية بييه ورجعت ظلاام اختي ظلاام كرهت ندخلها وهو ماكااينش.. ماجاتش فبالي كاع بللي الخرجة ديالو الصباح غاتكون آخر خرجة ومايعااودش يدخل لدارو... (تلاحت عليها معنقاها كااتبكي بالجهد وهندة ومها كايبكيو معاها)... والعيالات لداخل كايتحصرو معاها.. الأم ديالها وخواتاتها مكلفين بالطيااب ولعزاا... والماكلة والمصاريف على حساب الدولة باش يضمصو القضية وماتتجبدش... وولادها الصغاار ناعسين فالبيت وجههوم مجلخ بالدموع والترااب باينة بكاو بززاف قبل مااينعسوو...
تحط لعشا وتعشاو الناس والقرآن باقي خدام العيالات لداخل والرجال فالخزانة على بررا... والحسين بات فثلااجة الأموات حتى للصبااح ويدفنوه فوقيتة الظهر... كانت جاالسة فوق السداري فوسط لعيالات وهي مغمضة عينيها مرجعة راسها اللور وهما مايدويو وجل كلامهوم على موت الحسين وكايلومو فبعضياتهوم وفالناس علاش ماناضوش يديرو ثورة على قلة لخدامي للي كاتلوحهوم للتهلكة... خرج واحد من ولاادها من البيت مضهشر بالنعااس كاايتمشى ويميل ويقلب عليها وسط النااس غير شافها مشا لعندها كاايجري شدها من يدها خلاها حلات عينيها كاتشوف فيه.. غير شافتو تقادات فالجلسة ودوات بتعب: فقتي؟؟ تبغي تعشا..؟؟ ماكليتو والو من لغدا؟؟ (طلعات راسها كاتقلب على شي وحدة من خواتاتها ولا مها حتى نطق): بابا هزوه فديك الطوموبيلة وقلتيلي دايينو للدار...فيناهو؟؟ واش كاين مع دوك الرجاال بررا؟؟ (شاف فدوك النسا للي كلهوم سكتو كاايسمعو لعندو) وعلااش هادو هنا واش دايرين شي حفلة؟؟ الحفلة كاانكونو فرحانين وهنا كلشي كاايبكي... (شاف فيها حاط يدو على قلبو) حااس بللي هنا كايضرني أماما بززاف... علاش بابا كاع ماباسنا هاد النهار؟؟ واش فااق من النعااس؟؟
غمضات عينيها كارهة حيااتها كيفاش غادير تشرح لهاد الملاائكة بللي باهوم مات ومشا لعند الله وماغايبقااوش يشوفوه... حتى نطقاات وحدة كانت حداها: بااك اولدي ماكانش نااعس؟؟ بااك ماات... نتا صغير على خوك ماغاديش تفهم شناهو الموت.. ولكن نشرحهاليك... باك ماغاديش يبقا معاكوم... (شاافت فمو بحاليلا كاتطلب الإذن تخلليها تفهمو لقاتها مادارت حتى ردة فعل يعني باغة شي حد يهنيها من هااد الشي واخا قاصحة على ولادها بززاف... تقول لهذا ولاخور يحن الله رجعات شافت فيه شاداليه فيديه وهو غير كاايشوف مصدوم): باك مشا لواحد لبلااصة حسن من هادي... فيها الورد والشجر... غادي ينعس تما مرتااح ويبقا حاضيكوم من بعيد... هو قبل مايمشي وصا ماماكوم قاالها ماتخلليهومش يبكيو وعيشو فرحانين بااش مانتقلقش عليكوم..
نثر يدو من يدها مبعد عليها: بابا مايمشيش لشي بلااصة بلا مايدينا معاه... شاف فمو كايبكي: علاش طاتي كاتكذب عليناا؟؟ بابا كاع مايخللينا بوحدنا...
تحنات مو لعندو : مامشاش بخاطرو أولدي ربي للي خداه... ونتا عارف بللي الله هو للي خلقناا ماغانقدروش عليه مللي يبغي يااخدنا كانستسلموو...
حط يديه على وجهو كايبكي بالجهد حيت دابا فهم... الحسين ومراتو كانو ديما يعلمو لولاادهوم بللي الموت كاينة والله مللي يبغي ياخد شي حد فينا ماكايشاوروش... عنقااتو كااتبكي حتى حساات بيد وحدة أخرى على ظهرها كان ولدها لااخور عينيه شلال بالدموع كاايمسح دمعة وتنزل لوخرى وهو كاايبتااسم بزز: قالتلنا طاتي بللي بابا غايتقلق إلى شافنا نبكيو.. ماتبكيوش ديرو بحاالي (هز يديه كايمسح بيهوم دموعو وهما عاد مازادو يهبطو وهو كاايضحك ببراءة يمثل بللي ماكايبكيش) شوف ابابا انا ماكانبكيش تقلق منهوم غير هماا... (رجعو ديك البيت عامر بالحزن والكآبة كلشي بدا كاايبكي حيت بصح منظر يقطع فالقلب...💔💔
دازو أياام فااتت فيهوم جناازة الحسيين... النااس تقريبا نساات... اما عائلتو ومرااتو الجرح بااقي جدييد وجاامي يقداام... وليداتو مفكرينو فكل وقت.. وكايزيدو يكملو على مهووم... فكل موقف كاايقولولها عقلتي باابا شنو كاان كاايدير وكيف كاان كاايدير؟؟ كانت باقة لاابسة لبيض... من بعد جنازة الحسين عبدو وصحاابو وقفو معااها حتى تعوضاات شوية.. واخا مااشي شي تعويض للي يساوي حياة رااجلها... ولكن خلصة شهرية على قد الحاال للي ديباني بيها هي وولادها.. وتحمد الله وتشكرو حيت الداار دياالها شراعا قبل ماايموت مااشي مكرية...
..........
كان وااقف حااط يديه على جنااابو كاايشوف فواحد البنااية عاالية... ورجع شااف فوااحد وااقف حدااه: هااد الدار سالينااها... داابا غااتبدا رجلة جدييدة للبحت عن العمل فهااد لبلااد السعيدة...
جااوبو صااحبو وهو كاايحسب فالفلوس: وااتبرع بالفلووس حتى يساليو عااد فكر فالخدمة..
ابتااسم جنب معصب بحاال ديما: لفلووس قول تسالاو... راني غاارق كريدي..
نطق صااحبو من بعد ماخشا خلاصو فجيبو: مامزوج ماعندك ولاد ماساكن بووحدك.. بغيت نعرف غير ديالاش هاد لكريدي؟؟
عبدو: كانكمي كل نهاار تقريبا باكية دالكاارو... وراك عاارف مع لحشيش وداك التخربيق لااخور... ماكايشيطلي والوو..
طبطبلوو صاحبو على كتفو: رااك غادي فالخسراان أعموو... كاع كاانكميو ولكن مااشي لهااد الدرجة (رفع يديه كااينااقشو): شهر ونتا كااتضرب فتماارة فاللخر تخسرهووم فالمرض اصااحبي...
عبدو: ماحدني فهااد لبلااد وانا غادي فالخسراان... (حط طربووش فوق راسو بالمقلووب) تحرك نمشيو... حتى من البير نرجع نخدم الواليدة قالتلي هاا السخط ها الرضاا.....
.........
كان جالس فالقهوة كاايحرك القهوة بمعيلقة وكل مرة يشوف فالسااعة... تنهد حااط يدو على ذقنو كاايستنااها.. حتى وقفات عليه بحاال لعجااجة مبتااسمة... طلع راسو شااف فيها مطلع حجباانو ورجع شاف فالسااعة... فهماات قصدو حطات صااكها على كرسي وجلسات فكرسي آخوور حدااه ونطقاات: والله حتى تلاهيت مع لبناات ونسييتك... حتى شفت الميسااج دياالك...
جااوبها باقي كاايحرك فالطاس دالقهوة: مااشي غريبة علييك... (طلع راسو كاايشوف فيها): ربع سنين دالعشرة وديما نفس العذر...
شداتلو فيدو جايداها لعندو: ماتزيدش فيه.. راه ماقلتش ليك نسييتك نتا راه نسيت غير الرونديفو دياالنا...
شافت فكااسو وكملاات كلاامها: وانا ماغاطلبلي والو زعما؟؟
ابتااسم مبين حفرة الزين للي عندو جنب فمو ونطق: شنو تشرب اموورتي؟؟
تبسماات هندة فرحاانة حييت طلق الغوبااشة: عاارفني آش بااغة؟؟
خاالد: الليمون لسمرااتي يااك؟؟
حركاات رااسها عاضة على شناافتها وهو حط يدو فوق شناافتها ورجع بااسها: ماتبقاايش تعضيهووم نقدر نقز عليك من هناا..
ضحكاات وشاافت فالأرض حشماانة وهو حااضيها عينيه عامرين حب من جهتها... تنهد ونطق: ربع سنين علاقة ودوراان زعما ماجااش الوقت فين نتجمعو فالحلاال؟؟
يالله جات تنطق قااطعها: لحلاال زوين وحلاوتو بووحدها... كاع لبناات كاايبغيو صحابهوم يخطبوهوم.. غير نتي للي كاتأجلي ماعرفتش علااش...
بقات سااكتة وهو ضاار عيط للكارسون طلبلها عصير ورجع شاف فيها حتى هضرات: خايفة اخالد والله... خايفة مانقدرش على المسؤولية والداار.. عاد لوكان كنت غاانسكن بووحدي آهه ولكن..؟؟
خالد: ماغانسكنوش بوحدنا غير مؤقتا... نتي عاارفة انا خدام على راسي للي حلليتي عليها فمك تحضر.. وكانواعدك الدار غاانديرها فاقرب وقت...
شافت فييه: واانصبرو حتى دير داارك ونتزوجو..
حرك راسو رافض الفكرة تمااما: مامرتااحش ونتي بعييدة مامرتااحش نهاائيا... شوفي فيا اهندة اناا ماشي هبيل ولا نااعس على وذني (دارلها إشارة بيدو) البارح شكون هذاك للي كنتي واقفة معاه حدا الليسي؟؟
زيرات على يديها مانواتوش شاافها وهو كمل كلامو: بلا ماتقولي ولد قيسمي ولا شي كذبة بحال هاكا... حيت كلشي باين من بعييد... فرااسك شكون كاان معاايا..؟؟
شافت فيه كاتسنااه يكمل كلاامو: خووك عبدو...
شهقاات مصدومة وهو كمل: بسباابي ماشافكش... غير بنتيلي جريتو وبدلنا الطريق... لوكان كنت بووحدي كنت غااندير شرع يدي.. وعارفاني نديرها مااشي هذي اول مرة نضاارب على قبلك.. وكايااخدو قتلة دالعصاا وناي عاد مازايدة...
سكت مللي جااب الكارصون الطلبية هي غير مشا جرات الكااس قلبااتو عند فمها شربااتو كاامل شحفها بهااد الخبر...
خالد: واادوي؟؟ عااجبك رااسك ولا شنوو؟؟ ماخفتيش شي نهاار نهرسلييك فمك؟؟
هندة وهي كاتحااول تدافع على راسها: ألااا...؟؟
قااطعها مخرج عينيه وباينة فيه معصب: شششش... بلاا ماتحاولي تستحمريني... راني صاابر عليك غير بزز... بغيت نعرف غير آش عااجبك فهادوك الدراري؟؟ ولا يااك مااطلعتلك فرااسك وبااغية تبدلي؟؟ إيوا الالا ديري فباالك بللي والله مني ماتفااكي وغانبقا بحال العلكة فحيااتك... ويلا زدت لقيتك مع شي حد غاانوريك وجهي الثااني...
شافت فيه حاابسة لبكية وهو حط يدو على راسو ماكايحملهااش تبكي: واادابا علاش غاادة دمعي عليا.. ياك ماضربتك ماقستك.. دابا شكون للي خاصو يبكي أنا ولا نتي؟؟
هندة: والله حتى كانبغييك... ماطلعتيلي فراسي ماوالو... رااه دوك الدراري غير معرفة وصاافي م...
قاطعها: نتي عاارفااني حتى الدراري ديال قسمك ماكانبغيكش توقفي معاهوم... ولكن حيت مابغيتش نزمتك كانخلليك... (قرب رااسو لعندها حتى تغلغلاات ريحة بارفاانو لنيفها) مانبغيش نشوفك مع شي قمقووم آخوور... (كمل بهمس): مفهووم؟؟
حركاات راسها بآه... وخطف بووسة جنب فمها من بعد ماغفلها خلاها قفزاات كاتشوف فجناابها لا يكون شافها شي حد.. رجعات شافت فيه لقاتو راجع اللور مبتاسم ديك الإبتساامة للي كاتحمقها: هاد الموضوع غايتطوا دابا ونتمنى مانضطرش نجبدو من بعد..
فبلاصة أخرى بحال الغابة كانو جالسين بجووجهوم حاللين صاشياات فيهوم سوندويتشاات وعوااصر وحلوى كااياكلو بجوجهوم وكل مرة كاايهز طرف يخشيهلها ففمها وهي كااتضحك... الجو عاامر بالرومانسية عندهووم... نطق من بعد مااسرط الدغمة: ولد خاالتكووم بااقي عندكووم؟؟
جاوباتو كاتشوف فيه: بغيتي تقول ولد خاالتي؟؟
حرك راسو وهي كملاات كلامها مجاوبة: آه بااقي... يالله جا لباارح...
عبدو وهو كايحك فراسو: وعلااش جاا؟؟ واش ماعندو فين يمشي؟؟
نسرين: كيفاش واش ماعندو فين يمشي؟؟ راه جااي بااش يصل الرحم زعماا..
عبدو: أممم... وكايباات عندكووم؟؟
نسرين: وفين غاايباات أعبدو الله يهديك...
سكت شوية وعاود نطق: اجي هاد الليلة بااتي مع هندة... يااك إلى قلتيها لداركوم مايقولولكش لاا..
خرجات عينيها: وااش منيتك...؟؟ أويلي واش تسطيتي؟؟ رااه كايباات مع خويا فبيتو فوق السطاح وانا بيتي كااينة لتحت نعل الشيطاان...
عبدو: أممم... كولي مالك حبستي؟؟
هزات قرعة دالما كاتحلها: لا شبعت والله... النهار كامل ماكليتش حتى لداابا ماكلة الزنقة بنينة
عبدو: وعلااش ماكليتيش؟؟ شوفي كيفااش وليتي؟؟ خاصك تغلااضي باش تجي معاااك كسوة دالعرس..
تنهدات مرفووعة: مللي يجي داك النهاار غانغلااض غير بالفرحة...
عبدو بحمااس: غاايجي غير صبري... انا حااس بللي قريب نحقق حلمي. (شاف فيها) بغيت نقول احلاامي.. عندي جووج... نمشي لبرا ونرجع نتزوج بييك...
حركاات راسها مبتااسمة وفالدااخل ديالها عامر بااغة تطلبو يتخلاا على حلمو اللول ويشوف شي بديل.. ولكن هي عاارفااه يقدر يتخلا عليها هي مقاابل أنوو يمشي لبررا... فيقها من سهوتها مللي حساتو جبد يدها لعندوو... شافت فيه لقاتو كاايركبلها كورمييط نقرة... صغرات عينيها مقربة تشوف شنو مكتووب فيه.. إبتااسمات مللي لقاات A.N..
نسرين: تخلصتي؟؟
حرك راسو وهو باقي كايقادولها: آهه... يالله اليوم سالينا وتخلصت...
طلع يدو كايوريها: حتى انا شريت بحاالو... وناقش فيه نفس الحرووف... ماغانحايدوهومش ياك..
حركات راسها: زوين عجبني مانحاايدووش...
باسها فيدها وعنقها متكيها على كتفو كاايشوفو فالشجر حداهوم والساشيات باقيين مرميين قداامهوم
يالله دخلاات للدار من بعد ماتوضاات وصلاات... كانت غااتمشي تااكل حتى سمعاات التيلي كاايصووني.. رجعات لعندو كااتجري خاايفة يكون عبدو دخل ويسمع صووتو حييت كاايبغي يبقشوو وهو ضد انو خواتاتو يديرو التيلي غير خاالد للي شاريهلها وكااذبة عليهوم بللي صاحبتها للي عطاتولها... هزاتو كاتشوف فيه ابتااسمات مللي لقاات خاالد للي معيط... حطاتو على وذنها مجاوبة وهي كااتدفع لبااب بكل جهدهاا بااش يتسد حيت مبلووكي.. تكاات عليه ونطقاات: وي خالد راه يالله دخلت.. راك عاارف مع الطوبيس..
جااوبها: عاارف... شفتك مللي دخلتي..
خرجاات عينيها: شفتني؟؟ احمم.. ياك نتا كان عيطليك دااك السيد داك الشي علااش تفاارقنا وماجيناش بجووج..
خاالد: أمم.. دغيا ساليت معااه.. وجييت بالزربة قلت زعما نلقااك باقة تما ونشظلك طااكسي... لقيت الطوبيس مشاا...
هندة: آه جيتي فالطاكسي؟؟
خالد: آه... جيت فالطاكسي وشفتك مللي كنتي طاالعة للدار
سرطات ريقها: هاا... مزياان.. و.. دابا دخلتي..
تنهد ونطق: غاتجااوبي على سؤالي بلا مانسول ولا ضروري نسول..
جلساات فالأرض ماعارفة بااش تجااوب: ماافهمتش..
خالد: يعني كاتسناايني نسولك...
هندة: آه.. س..سول...
خالد: الدري للي طلعتي معااه مللي نزلتي من الطوبيس حتى لبااب الداار... كااتدويو نتي ويااه وكااتضحكو.. مابقيتي خاايفة لاا من خوك ولا من شي حد آخوور فين كاتعرفييه؟؟
هندة: هذااك...؟؟!!
قاطعها بنرفزة: ماتكوليليش من العائلة ولا ولد الجيران ولا كايقراا معااك ولا صدييق... حيت هااد الشي طلعلي فرااسي... وهذااك بناادم يالله جاا لعندي سولني وااش بااقي معااك... قاال بللي عجبتيه وباغي يدخل معاك فغولاسيوون فكوه من يديا غير شي دراري... انا عاارف بللي جاا لعندك غير باش ينتااقم مني.. ولقااك سااهلة... دابا غايكون مرجعني ضحكة...
وجهها حمار وطلعااتلها السخاانة... قطعات عليه زاادحة التيلي حدااها وهي كااتفكر مللي شاافت الضربة جنب فم دااك الدري وسولااتو قاالها وااحد المريض.. شاف فيها وضحك باستهزااء: لوكان غير شي حااجة تستااهل...
حساات براسها رخييصة ومااتسوااش وبقا فيها خالد بززاف عاطيها كثر من قيمتها وهي مرمدااه فالأرض... سمحاات فماكلتها وزادت لبلااصتها تكمشاات من بعد مااقالت لماماها بللي عياانة وباغة تنعس
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
