بسمة ناعمة
البارت 6: الصالون عمر والهرااج كايتسمع من على بررا... يالله كايتساالنو ويسولو على الأحوال.. من بعد الترحيب والصواب جلسو كل واحد فبلااصتو... كاان باها ومها وخوها الصغير وااقف كاايتفرج مافاهم والو... اما خالد جات معاه مو وخواتاتو بجوج وبااه.. وخوه ومرااتو... هازين بززاف دالساشياات وبوكي دالورد... حطو داك الشي فوق الطبلة... نطقاات مو: فيه هي هندة كاع ماشفتها..؟؟
عضات على شناافتها كااتسمع وتشوف فيهوم من واحد الشباك كاين مابين الصالون والبيت ماكايباانش...
حفيظة: هاهي فالكوزينة مشغولة شوية... إلى بغيتيها نقولها تجي..
خديجة: غير خلليها غاتكون حشمانة وغانحرجوها.. خللينا بعدا ندويو بيناتنا حنا لكباار ونشوفو..
هندة مبتااسمة طالقة وذنيها واخدة رااحتها فالبيت معاها صاحبتها فدوى وختها... كاتشوف فخالد وهو كايضور فعينيه كايحاول يشوفها من باب الصالون فالكولوار... لاابس قميجة بيضة مع سرواال توب وسبااط.. جاتو اللبسة غزالة ومقاد اللحية.. باين من وجهو حشماان...
جبد التيلي وهي غير شاافتو جبدو هزات التيلي ديالها كاتسنااه يصيفط.. تيلي باقي جديد يالله شراهلها واخا ديجا مستعمل مي زوين ومافيه حتى ديفوو... توقعها كان صحيح: فينك... باني نشوفك.. توحشتك..
حطات يدها على فمها كاتحاول تخبي التيلي على ختها وصاحبتها للي كاينقزو باغيين يشوفو شنو كتب... حتى حطات صبعها على فمها كاتسكتهوم: ششششش... باه راه يهضر سكتو نسمعو...
سكتو طالقين ودنيهوم...
محمد: المهم السي حمادي.. بلا مانطولو الهدرة.. كاع للي هنا رااه عارف علاش جنا مجموعين... (اشار لولدو): ولدنا خالد عجبااتو بنتكوم هندة وطلب منا نجيو نخطبوهاليه... (حط يدو على صدرو) مانكدبش عليك أخويا حمادي والله مللي قالهالي فرحت... حيت نعرفوك راجل درويش والعايلة دياالك كااملة موقرة ماشي ديال المشاكيل.. مدة طويلة وحنا نسكنو فحومة وحدة ماعمرنا شفنا عندكوم شي مشااكيل ولا شي صداع مع الجيران الحمدلله... وحتى حنا ناس على قد الحاال مااكانبغيوش الصدااع... قلت ولدي عرف يختاار... بنت حومتو وعااد مربية وواليديها ناس درااوش...
حماادي بضحكة: حتى انا دوات معايا لمرا وقاالتلي شنو كااين... واللاهيلا فرحت كثر مافرحت نتا أسي محمد... نعرفوكوم ناس ديال الخير نتا نعرفك من بكري خدمنا مع بعضيااتنا وتجاورنا... ماعمرني سمعت عيبك... وللي زاد شجعني كثر هو ولدك رجل طيب وداخل سوق راسو... راه عارف ماكايكمي ماكايتحشش مامتبع البلية... وراه كايجي يخدملي الضو... معقوول او ولد الناس.. والحااجة للي كاتفرح كثر هي بنتي غادي تسكن قريبة لياا... فنفس الحومة... (شاف فيه) مانكدبش عليك أسي محمد... بنتي هندة هي لكبيرة فولادي.. وكانقسمليك بالله إلى عزيزة عليا كثر منهوم كاملين... إلى كتاب وكمل ربي فهاد الزواج نبغيك غير تتهلا فيها.. ديرها بنتك ماشي مراات ولدك...
جلساات فالارض كاتسمع لكلاام باها.. ماحساتوش كاينافق.. هي بصح عزييزة عليه... وااخا قمشااش ومزير من ناحية لفلووس.. وفيه طبيعة كاايجرحها حدا النااس بلا ماايحس.. ماتنكرش بللي جااني فحيااتو ضربها واخا كايشد عليها ديفواات.. وشحال من مرة داافع عليها فالمدرسة وحتى فالزنقة... كااتعقل مللي كان كايضرب عبدو فالصغر حيت كان ضااسر بززاف.. وحتى ختها فايتلو ضربها... ولكن هي لاا... نطقاات ختها كااتاكل فالحلوى: جمعي خنوونتك غااضيعي ماكيااجك... بجوج كلمات دوخك.. (اشارت بيدها) هانا فين قلتهاليك.. نتي ماتليقيش تعيشي مع الناس حيت غير نية.. وبناادم مايليقش معاه هاكا..
طلعات عينيها كاتشوف فيها شي مرات كاتشك واش هااد ختها كبر منها... حتى تحنات لعندها فدوى هازة لاتروس دالماكيااج: صبري صبري نعاود نقادلك رااه غاتشوفي راجلك وعجووزتك ازمر
شافت مو فمها: إيوا اختي حفيظة ها الرجال تفاهمو بيناتهوم ونتي شنو تقولي؟؟
حفيظة: شوفي... انا مادام استقبلتكوم فداري وحلليتلكوم بابي عرفو بللي راني موافقة.. واي حااجة تريح بنتي انا قابلة بيها..
نطقات وحدة من خواتاتو بضحكة: هي بقالنا غير الرأي ديال هندة...
خديجة: آه عندها الحق سيري سوليها..
حفيظة: بلا مانافقو... البنت راها قابلة وهي للي قالتلنا غاايجيو... غير الله يكمل بالخير... طلقااتها ختو بتزغريتة.. وتبعتها ختها لخرى بتزغريتة أخرى... وهندة مغمضة عينيها فالبيت كاتضحك مزيرة على يديها كااتحس بالفرحة وهي عارفة بللي هااد التزغريت على قبلها.. وهي جاالس غارق فحواايجو كاايقاادو فقااميجتو وكايستنا غير إمتا تدخل...
خديجة: ودابا مللي تفاهنا.. (حطات يدها على الساشياات): هذا لعشا سمحولنا جبنااه خضر.. إلى بغيتو طيبوه نتوما مابغيتوش ولا ماقدرتوش هاهما لبناات ومرات خوهوم يطيبوه..
نطق خوه لكبير: دابا حنا رجعنا عائلة وحدة.. يدخلو للكوزينة كاملين يطيبو...
خديجة: آه شووف هما آش يقوولو.. ( شافت فحفيظة والرجال لكبار غير جالسين كاابشوفو): شوفي حنا راه جايبين لخواتم وجايبين كلشي... ماعلمنااكومش ولكن راه كلشي واجد ماغاتحتااجو والو... يركبو خواتمهوم ونقسرو بيناتنا.. نتفاهمو على المساائل ويبداو يجمعو حوايج العقد...
حماادي: مرحبا ألالا حنا ماخاسرين والوو... مادابينا تكون خطوبة رسمية...
اتاافقو وهندة فالبيت فرحاانة كااتضحك عاجبها الحاال... نااضو خواتاتو مع مو ومها ومرات خوه غاديين عندها للبيت وهي جلساات مطيحة السر وختها وصاحبتها مضاورين عليها.. حتى دخلو وقفات سلمات عليهوم جلسو حداها كايدويو معاها ويتعرفو عليها كثر... من بعد جروها معاهوم دخلوها للصالون.. جلسوها بزز حدا خالد وهي غارقة وهو كايشوف فيها بابتساامة إعجاب اول مرة يشوفها بالماكيااج والتقليدي... حطو اتااي والحلوى وعمرو الطوواابل... زادو يااكلو وهو كاايمدلها بلا ماايعيقو للي معاهوم كايااكلو بالضحك والنشااط... شاافت مو فبنتها: رشاا.. درتي ديك لاطارط فالثلااجة قبل مااذوب...؟؟ مللي يكونو يركبو لخوااتم نحطوها يقطعوها..
رشا: آه اماما درتها...
كملو أتاي وناضو الرجاال خرجو يجيبو ضورة والعيالات كلهوم ناضو للكوزينة يتعااونو على لعشا وبقا غير هو وياها كانت باغة تنوض وماخلااوهاش قالولها جلسي معااه..
شدها من يدها بااسها: حيتي زوينة... جاك هاد المااكيااج غزاال..
ضحكات حانية راسها: حتى نتا جااك هاد الشي زوين...
تحنى لعندها حتى لاصق راسو مع راسها باقي شاد فيدها: مبرووك علينا امرااتي..
زيرات على يدو بالحشمة: بااقة خطييبتك...
خاالد: النص راه دوزنااه.. مابقا والو ونتزوجو
قاطعوهوم لبنات للي دخلو بحال لعجااجة.. خواتاتو وختها وصاحبتها ومرات خوه: خاصنا لااشين...
نطقات مرات خووه: خالد خاصك تكريلنا شي حااجة باش نقصرو..
خاالد: ومنين نجيبو؟؟
رشاا: ضبر فييه... واش باغي تركب الخااتم فالسكاات؟؟
جرات عندها هندة وقفااتها: قوليليه إلى ماجابوش مااتجلسيش حداه...
سهام: رفضي تزوجي بيه إلى ماجابش لاشين...
شاف فيها مخنزر زعما واش من نيتك...
قاطعهوم عبدو للي نطق خلعهوم حيت ماشافوهش: السلاام عليكم..
ناض خالد مدلو يدو: وعليكوم السلاام اخويا عبدو كيف داير لباس عليك؟؟
عبدو: لباس الحمدلله.. زارتنا البراكة مرحبا بيكوم...
خالد: الله يكبر بيك... اخويا عبدو..
شاف فهندة للي كاتحمد الله فخاطرها مللي جبدتها رشا من حدا خاالد ومالقاهاش جاالسة تما حيت ماعارفاش واش يبغي ولا لا: انا نضبرليك على بااش تموسقو هاااد الليلة...
هندة بفرحة.. ماشي على قبل لاشين وإنما حيت خوها واخيرا دار ردة فعل اتجااهها وفرحها.. قرب جهتها ونطق بصوت سمعاتو غير هي: تفااهمتو على كلشي؟؟
هنظة بتوثر: ب.. باقي شي حواايج... ولكن كلشي غادي مزياان...
عبدو: مزياان الله يكمل بالخير... مادرتلكش كادو فخطبتك.. غانضبرلك فلاشين عند واحد صاحبي نكريه عليه.. خالد ماعندو منين يجيبو ماغايكريوهش ليه دابا حيت كان خاصو يضومانضيه من قبل.. انا كايعرفني يعطيهلي..
حركاات راسها وهو سكت شوية وعاود نطق كايحك فرااسو: ماتعيطوش على جاارتنا هي وبنااتها؟؟
هندة مصغرة عينيها: شكون جارتنا؟؟
عبدو: مامات نسرين..
هندة عاد فهماات ابتااسماات: آهه.. ههه.. مشااولي من باالي.. غير سير كوون هااني غانعيطلهوم يجييو..
ابتااسم: وااخا شكرا.. المهم فعرسك إن شااء الله تساليني كاادو...
هندة: إن شااء الله...
ابتااسم وخرج خلااها كاتضحك.. ولبناات رجعو الكوزينة مللي ضمنو لاشين وهي رجعات جلسات حظا خاالد داخلين فعاالم الحب والعشق❤❤😘
أنت تقرأ
🍂رفقا يا قدر 🍂( طور التنزيل)
Adventureنتمنى تقرااو التقدييم كاامل: فهااد البووسط غاننزل القصة الجدييدة دياالي... هذي القصة الوحييدة للي بحث وتعبت فييها على عكس القصص للي دازو... هااد القصة اي حدث ذكرتو فيها رااه ديجا شفتو ولا عشتوو... واي موقف رااه فيه حكمة وإفاادة... ومااقررت نكتب قصة...
