بلوة الظابط

البارت الأول

هلاو كجونات 😂 راح انزل اول قصه واتمنى تدعموني احبكم وايييددد 😊

القصه تتكلم عن بنات اثنين اخوات لكن علاقتهم مو بس مجرد اخوات هم روحين بجسد يعني متتخيلون كمية الحب اللي يجمعهم تبدأ القصه يوم كانو ثالث متوسط طبعاً هم بيناتهم سنتين فرق العمر  نجي البطلاتنا
هلوو اسمي ليال عمري 15 سنه صف ثالث متوسط طولي 150‪ 😂 شعري طويل لونه اسود سواد الليل 🌚عيوني لون اخضر وخشمي صغير وملامحي بريئه بس لساني اطول مني 💔احب اختي كلش هواي احسها نصفي الثاني.

هلاو اني اسمي ريفان عمري 17 صف ثالث طبعاً راح تكولون متأخره صحيح بس اني مريت بضروف صحيه وأجلت سنه لان سويت عمليه وراها داومت ثالث وعدت سنه علمود الفيزياء عوذه منها وصرنا اني وليال بنفس الصف وصرنا مانكدر بدون بعض المهم خليني اوصفلكم جمالي 😂 شعري مو كلش طويل لونه اشقر وعيوني لونهم ازرق اني طولي 158‪ ملامحي حلوه وبريئه وهادئه عكس ليال 🌚

راح تتعرفون ع شخصيات القصه فيما بعد

نبلش بالقصه
ليدك المنبه الساعه 7:00
الام نرجس:يلا ماما ريفان ليال كعدن وراجن دوام
ريفان:يلا هسهه اكوم بس خلي اصحصح
ليال : يمعودين خلوناا ننطمر
الام نرجس:يلا ليال يمه كومي وانتي ريفان كومي غسلي وكعدي اختج اني راح انزل اسوي ريوك
ريفان:حاضر امي... يلا ليالي حبيبي كومي غسلي مابقى وقت المحاضره ساعه 8:00
ليال: ريفان عليج الله خليني نايمه مو تدرين كوه نمت ماروح اليوم
ريفان:نعال يلا كومي هسهه مو وكت ماروح مابقى شي ونخلص كدامنا فقط شهر ونمتحن ونخلص يلا كومي
ليال :هففف الله ياخذكم 😭
ريفان :بدلت وخلصت اباوع ليال تسحل بروحها 🤣 يلا حبيبي كملي حتى اسويلج شعرج
ليال :تعالي يلا سويلي شعري اريده ضفيرة هنديه مدري ماليزيه 😂
الام نرجس:يلا ماما وينجن الساعه 7:30 وينجن تعالن اكلن قبل لاترحن
ريفان : يلا لول خلي ننزل قبل لا ماما تسحلنه
ليال : يول والله بعدني نعسانه
ريفان :ديلا امشي امشي
نزلنا اني وليال ابوي كاعد بالمطبخ هو وامي وحيدر اخوي يتريكون
ريفان وليال :صباح الخير
الكل: صباح النور 
الاب محمد : هلا بنياتي شلونجن
البنات: وهنه يبوسن ابوهن
ليال: شلونك يحلو
ريفان: شلونك باباتي
محمد: زين اذا انتن زينات
ليال:ابوسك يحلو
ريفان اعشقك يوجه العافية
نرجس: يلا كافي تتلوكن تعالن اكلن
ليال : تغارين ع رجلج مو 😉

حيدر :ليال باعي الطاوه جنها وجهج الخائس
ليال:متشوف وجهك جدريه مطعوجه
ريفان: يلا كافي حيدر وم وصلنه مابقى وقت
حيدر:دولن مبتلي بيجن وجه البنكالي
ليال وريفان :تروحلنا فدوه الخايس
الاب والام: ههههه
حيدر:يلا انتظرجن بالسياره
ريفان: تبوس امها وابوها: في امان الله رويحاتي
ليال:حمودي نرجوسه احبكم يلا باي
الأب والأم: ههههه بنياتي الله وياكم
صعدنا ويه حيدرالوصخ
ليال:لاتباوعلي بالمرايه لك ترا استحي 😊😂
حيدر دولي هو اني من شفت جهرتج من الصبح لعبت نفسي
طبعاً حيدر علاقته هو وريفان كلش حلوه بس ويه ليال عركات
حيدر: وصلنا يلا نلزن ودير بالجن ع نفسجن من تخلصن اتصلن عليه
ريفان: تمام حبيبي الله وياك
ليال :اكلك حيدر
حيدر:هاا كجونه
ليال:هيج حبيت اجرب صوتي يلا باي ريفان انتضريني
راح حيدر ودخلنا المعهد ندرس خصوصي تقوية اللغه الانكليزيه
ريفان وليال: السلام عليكم
الاستاذه والطلاب:عليكم السلام
الاستاذه: فوتن كعدن
ليال :
جانو الطلاب اللي ويانه اغلبهم كبار يردون يقون لغتهم
جان اكو ولد اسمه عمر جان مينزل عيونه مني هو واخو فهد جانو سوا فهد جان يباوع لريفان دائماً 🌚😂
ريفان:ليال باعي عمر 😉
ليال:ريفان انجبي ترا اخاف منه باعي نظراته عوذهه متشوفين اخو راح ياكلج باعي والله لايكين البعض 😂
عدنا استراحة طلعنا جان يجون يمنا عمر وفهد
عمر وفهد السلام عليكم شلونجن بنات.
ريفان:وعليكم السلام
ليال:لا رد..
عمر:ليال شبيج
ليال :مابيه شي قابل شبيه روح من يمي احسن
بنات طبعاً اني مدري شبيه متناقضه جنت معجبه بعمر بس اخفي هلشي ماعرف ليش
عمر: ترا مكتلج شي شكو رافعه خشمج مو بنت الوزير انتي يلا فهد
ورده:ليال انتي مو كلتي اني معجبه بعمر ليش من يحجي وياج تعاملينه هيج
ليال :ورده متشوفي شو يضوجني
ريفان:ورده عوفيها هاي لسانها عام عليها ليال مو كتلج من شخص يحجي وياج تحترمي شهل تصرفات
ليال: دولن موصوجن صوجي اني اكعد يمجن
نعرفكم ع عمر وفهد
اتي اسمي عمر اسمر وصخم وطويل طولي 180‪ ادرس صف سادس ادبي عمري 20 جنت اداوم معهد وانعحبت ببنيه بس اللي جان يزعجني بيها تصرفاتها ابد متحترم واني كلشي الا كرامتي.