بلوة الظابط

البارت الرابع والعشرون

ريفان
بعد ماتزوجت ليال واني وفهد علاقتنا مكركبه وماكو شي تحسن بقى ويه سوالفه المكسره وطاير ورا النسوان جنت انوم بالجهال واتصلت امي
ريفان:هلا امي حبيبتي شلونج
نرجس:حبيبه زينه الحمدلله انتي شلون جهالج شلونهم
ريفان:بخير الحمدلله
نرجس:يمه ريفان ليش متجين اليوم عكب باجر نطلع للبصره ترا نروح الاخيتج وخطيه تعالي حتى نروح نشتريلها الاشياء التحبها
ريفان:والله يايمه ماعرف فهد مو بالبيت
نرجس:هسه حويدر يجيج
ريفان:خوش لعد
سديته منها ورحت العمتي
ريفان:عمه
ناديه:ها يعمه كولي
ريفان:عمه عكب باجر يروحون اهلي ع ليال وامي كالت ترحين ويانه وهسه حيجي اخويه ياخذني عادي اروح
ناديه:ايي يمه روحي
نبا:روحي تونسي للبصره والله اتمنى اروح
ريفان:اذا حابه تجين تعالي ويانه
نبا:لا يولي شيوديني متشوفين بطني واصله الخشمي 😂خاف اولد بالطريق
دخل عمر
عمر:وين يمه حتى تولدين
نبا:للبصره
عمر:ايي شعندج رايحه هناك
نبا:السبعه مالت ليال
عمر:هااا اوك
حسيت عمر ملامحه تغيرت من كالت ليال وضاج وطلع الغرفته
واني رحت جهزت نفسي وجهالي وفهد عبالك اني مو مرته لا يتحكم ولا ايي شي بس دايح
نزلت غراضي ونزلت ودك هورن حيدر
ريفان:يلا مع السلامه يمه راح اروح
ناديه:الله وياج حبيبتي
طلعت لكيت حيدر سلمت علي واخذ كنان يبوس بي
حيدر:هلا والله تعال حبيب خالك شلونك وانتي ماستي الحلوه شلونج
ماسه وكنان:دينين 
وصلنا بيتنا وطلعنا للسوك اني وامي والبنات رقيه وبنين
......................................
في بيت اهل ارشد
سمر:ليال نعال براسج هو بكيفج متسوين حفله
نهى:وربج اطسج بالبوري
ليال:فطست ضحك ع سوالف نهى هههههههههههههه
هنادي:وجع والله مو بكيفج
ليال:اخوج ميقبل اني شعليه
هنادي:ليش عود هو مو راح يسوي غده وهاي يغص بالحفله والركص
ليال:ماعرف والله
اذن المغرب واجوي من الديوان ودخل ارشد
ارشد:ليال
ليال:صار
هنادي:خويه خويه بس شويه
ارشد:ها يبويه
هنادي:ليش متقبل تسوي حفله
ارشد:حبيبتي مو شبع الحفلات واني ماريد مرتي بدلتها مدلعه والعالم تتفرج هي هم متريد راح نسوي عزيمه ونفظها مو ليال
ليال:ايي والله كتلهاا
راح صعد فوك
هنادي:طيح الله حضج وين اكو عروس متريد حفله
ليال:يول مشفتي العرس اللي سواليا يسواا هواي حفلات
صاح ارشد:ليال
ليال:يلا ولي
صعدت فوك فتحت الباب
ارشد:ليش من صحت وراج ما جيتي
ليال:جانت هنادي تسولف وياي
ارشد:حضريلي ملابس واني راح ادخل اتوضه
ليال:صار
ارشد:صايره حبابه شنو قصتج اكيد كلتي هاهيه هو كشفني بعد موو
ليال:احترت وياك حاولت اتجنبك حتى ماتظربني والسالفه هذيج اني مانسيتها باجر السبعه ويصير خير بعدها
عافني وراح للحمام طلعتله تراك اسود شوي وصاح
ارشد:ها بويه وين الملابس
ليال:هذني
اخذهم مني شوي وطلع ينشف بوجهه شمر الخاولي ع الجربايه يعرفني اضوج من هالحركه
ليال:ارششدد شبييك راح تنتقل الرطوبه للجربايه
ارشد وهو يشمط:شنو كلتي
ليال:لا ماكو شي.. شلته وشريته
ورحت توضيت علمود اصلي طلعت لكيته ينتظرني علمود نصلي سوا اكثر شي يفرحني هو لمن اشوفه ينتضرني علمود الصلاة
لبست جادر الصلاة وبلشنا نصلي ودعيت ياربي كمية الحب والحنان اللي احسها ليش بالذات هالانسان اذاني ليش كل هذا ديصير وياي اني ربي اضهر الحقيقه واهدي عليه اريده دوم يبقى حنين وياي ربي فاض صبري بعد ما احتمل الاذيه اليوم صار 6 ايام واحسهم 6 سنين شبعت بيهم مذله وضرب ساعدني وكون وياي يا الله ونزلت دمعتي كمل دعائه
وباوعلي ارشد:دموعج يحركن روحي حرك بس انتي تستاهلين
ليال: باوعتله وابتسمت
كمت نزعت الجادر ونزلنا راح ارشد كعد واني ردت اروح للمطبخ
الجد:بويه تعالي اكعدي خالنشوفج
ليال:حاضر جدو
رحت كعدت بصفه
مسح ع راسي وكال
الجد:بويه مرتاحه هنا
ليال:ايي جدوو الحمدلله
الجد:بويه اذا تهجسين احد يضايقج بس تعالي وكليلي
ليال:صار جدو
سهام:بويه عليش شاحذها من الف امام حتى خايف عليهاا ههههه (سوتها بحجة شقه)
الجد:دشوفيها من يوم الجتي ماسمعنا صوتها ماصارت مثلجن صواتجن توصل لسابع جار
ارشد:ايي شحدها صوتها يطلع وهي من اصلها متسويها
ليال:ابتسمت
الجده:يمه والله يكول غزيله
ياسين:حبوبه انتي مسعده التحبينها ومكروده التكرهينها
الكل:ههههههههههههههههه
الجده:دهر ايي والله ولك اني كارهه منو
ياسين:شوفي راح ازوج واشوف هم هيج تدللون مرتي
ام ارشد:يمه كلكم ولدنا وكلكم دللناكم ودللنا نسوانكم
ياسين:بس ارشد غير
ارشد:كفخ ياسين بخفه لك هو منو ربااكم غير ارشد
ياسين:الحنيننن ابو كلب الطيب ولا مرا صفكني راشدي وخلى دم يطفر من حلكي الحنين ولا مرا لكاني العب ويه اصدقائي من كسرت الجامه مالت بيت ابو سعود وكسر ايدي
الكل:ههههههههههههههه
ارشد:بعد هذني كلهن مو سويتك زلمه
ياسين:ايي خطيه خليت بيه حاله نفسيه ليال اني هسه بيه حاله نفسيه من اخويه وانتي ديري بالج منه هسه بعدج جديده ماشفتي شي وربي راح يخليج تندمين ع اليوم اللي اجيتي للبصره واني بس مقهور ع جهالكم كله عنف اسري
ليال:لا ارشد ميسويها ابدد
ياسين:خالنشوف
ارشد:ياسين راح اكوم اعدل حلكك حبيبي
الكل:هههههههه
صبو العشاء وكعدت بصف ارشد
ارشد:اكلي مو هم تصفنين راح تصيرين جلد وعظم واذبج للجلاب
ليال:باوعتله.. امممم
الجده:ليال من يوم الاجيتي وانتي اكلج مايعجبني ومايوصلج لباب الصاله
ليال:لا حبوبه والله دا اكل
ارشد:ايي والله حبوبه اني هم اكللها
ام ارشد:يمه خاف بعدج ممتعوده وتستحين اذا تردين تاكلين انتي ورجلج وحدكم
ليال:لا يمه شنو هالحجي استحي منكم وانتو اهلي
الجد:لعد بويه اكلي لاتستحين
اباوع هنادي وسمر ونهى يغمزن الي
ليال:رجعت غمضت عيوني معناها شفتجن
ارشد:يلا مو لكيتي حجه حتى تصفنين
اكلت شوي وخلصت وكمنا اني ويا
ارشد:راسي يوجعني جيبلي جاي وحبايه راس
ليال:صار بويه
ارشد:مصارلج اسبوع صرتي تسولفين مثلي
ليال:ايي ههههه
راح كعد يمهم واني دخلت للمطبخ صبيت جاي للكل وخليت كوب ارشد وجبتله حبايه وجع راس شلت الصينيه ودخلت للصاله
الجده:كوم ياسين اخذ الصينيه عن اخيتك
ياسين:والله حبوبه انتي انشاء الله جدي يزوج عليج
الجده:فوت لا بارك الله بيك
الكل:هههههههه
كام واخذ الصينيه مني واني اخذت كوب ارشد ورحت انطيته اله حطيت الجاي وصبيتله مي وانطيته  الحبابه
ارشد بهمس:عفيه بنيتي
ليال:ابتسمت
الجده:يمه شبيك وليدي
ارشد: والله راسي يوجعني
ام ارشد:يمه حبيبي اسم الله عليك
ارشد:حبيبتي.... جابتلي ليال العلاج والجاي وشفت حنيتها ربي صبرك
ليال:رحنا للمطبخ اني وسمر ونهى وهنادي راحت تنضف واحنه نغسل المواعين
نهى:هاا عيني لوله يمكن سمعت ارشد يكلج اسمني لان هيج متفيدين مو سمر
سمر:اييي اني اشهد
ليال:لا والله ماحجه هيج الله يطيح حضجن هو كال اكلي وخلص
سمر:دروحي مو لمن حبوبه حجت جنها حجت البكلبه كبل شاركها الحديث
نهى:يريدج تسمنين هو صحيح اسمني يولي وين يحطج المسكين اني هواي مستغربه شلون تحملتي
ليال:شنو يعني
نهى:دولي لاتغشمين بروحج
ليال:انجبن يولن
سمر:حبيبتي بس اسمني واكلي حتى تكولين وتكبرين لان الرجال يريد مرا مربربه
ليال:ترا جسمي هاهيه لا سمين ولاضعيف ترديني اصير ثور
نهى:دنجبي متعرفين
غسلنا المواعين ورحنا كعدنا وهم يسولفون واباوع ارشد راد يكوم وكع من طوله وخشمه طك دم وكع بحضني
ليال:ارشدددد
مهند:خيتي لاتخافين اسكتيي
الجده:يمهه راح وليدي
ام ارشد:يمه وليدي اسم الله
اخذو للمستشفى واني بقيت خايفه هو ليش هيج صار بي بسببي ضغطه يصعد
بقيت ابجي
سهام:اوييي شهل كصه الفكر جسحتي هالوليد
الجده:سهااام راح اكوم انتف شعرج عليش مفاوله ع الولد كلشي مابيي تعالي يمه ليال
رحت يمها حضنتها وبجيت احس جنت محتاجه شي بس حتى ابجيي
مر الوقت وصارت الساعه 9 ونص واجوي منتجي عليهم دخلو
الجده:هاا ييمه شبيي سلامتك يبعد حبوبتك
مهند:ضغطه مرتفع الدكتور كال مو همزين ما نجلط وكال خلي يبتعد عن العصبيه
ام ارشد:يمه وليدي يبعد امك انت ليش هيج حاط نفسك وتحرك بيها ع كيفك ويا نفسك
ارشد بتعب:مابيه شي لايضل بالكم
قربت علي وكفت يمه:شلون صرت
ارشد:زين بويه زين
ابو ارشد:مهند صعدو خلو ينام ويرتاح
صعدو الولد
واني صعدت وراهم نزلو  وسديت الباب ورحت كعدت يمه
ارشد:تخافين عليه
ليال:ليش معقوله اني بدون كلب
ارشد:هو كل مرضي منج
ليال بدموع:اسفه ع كلشي ارشد اذا وجودي يمك يمرضك طلكني
ارشد:اشش لا تحجين هيج كافي سدي الموضوع اريد اسبح طلعيلي ملابس
طلعتله ملابس وفات هوا واني ورا
ارشد:تريدين تطبين وياي؟
ليال:لا
طب سبح واني بقيت انتضره اخذ ملابسه وبدل وطلع
اني هم دخلت سبحت وطلعت لكيته منتجي ع القنفه
ليال:بعده راسك يوجعك
ارشد:لا بويه زين
اخذت المشط ومشطتله شعره ونشفته وراح نام ع الجربايه واني نشفت شعري ومشطته
ارشد:طفي الضوه
ليال:بس خليني افرش
ارشد:تعالي هنا نامي ما اكلج ترا
ليال:لا مو هيج بس انت نام وارتاح
ارشد:طفي الضوه وتعالي هنا
طفيت الضوه ورحت بصفه شوي وحسيت سحبني بحضنه
ليال:نام وعوفني
ارشد:ليال اسكتي اريد انام
ليال:بسس
ارشد:راح اكتلج كتلج اسكتي
ليال:حضني بقوه وحسيت نفسي محتاجه احضنه واشكيله علي حضنته وشميت عطره الاحبه وغفيت..
كعدت الصبح لكيته بعده نايم باوعت علي ومشيت ايدي ع رموشه
ليال:الانسان اللي حبيته اذاني انت مو جنت تكلي اي شخص يأذيج اطيح حضه يلا طيح حضك
ارشد:واذا انتي اذيتي هالشخص شلون تردين اطيح حضه
فزيت ليال:هاي شوكت كعدت
ارشد:من انتي كعدتي وتحركتي
ليال:راح اكوم اسبح لان اليوم العزيمه
ارشد:يلا عود حضريلي الحمام
ليال:صار زين شلون صرت
ارشد:زين الحمدلله
دخلت سبحت وطلعت حضرت الحمام الارشد
هو دخل واني بقيت انشف شعريي وهو طلع
اني لبست فستان ابيض
وهو لبس دشداشه بيضه
ارشد:شنو هذا لابسته
ليال:ترا لاضيق ولا شي
ارشد:انزعي
ليال:والله لو مدري شنو يصير ما انزعه
ارشد:هاا تعانديني يولي ليال اخر مرا اكلج انزعي
ليال:واني هم اخر مرا اكلك ما انزعه
ارشد:من شفتها عصبتني تذكرت بسالفتها
لزمتها من شعرها.. ولج فوك ما ساكت ع فضيحتج لحد الان ماذبحتج تعانديني المفروض هسه تبوسين اديه لحد الان مبقيج عايشه شفتيني صرت زين وياج البارحه عبالج احبج انعل والديج واشوف من  يطلعلج
ليال:اخخ وخر عني والله ما انزعه لو تموت
ماحسيت الا الفستان شكه ع الطولي باوعتله بصدمه
غطيت روحي
ليال:الله  ياخذك يانذل واني اكول ماتستعدل وتبقى بحقارتك
ارشد:هاي انتي عليمن هالسوالف ولج ليال لاتخليني ابتلي بيج روحي ولي بدلي البسي غير هذا المسلوب
ليال ببجي:اني اعلمك
رحت بدلت وطلعت لبست فستان اسود كلوش
باوعلي صفح ورجع يلبس بساعته ويحط عطر
وطلع وطبك الباب
بقيت اني خليت مكياج خفيف ولبست شال وتعطرت ونزلت
سمر:خرب طالعه تموتين
ليال:يعمريي انتي
بقينا اني وياها طبعا الطبخ جايبين طباخه تطبخلهم بهيج عزايم البنات مالهن دخل يجيبون طباخين
سرى:ايي ليال مرتاحه ويه ارشد
ليال:ايي طبعاا مرتاحهه
سرى:خطيه مراح يسويلج حفلة
ليال:لعد هاي العزيمه شني والعرس السواليا محد مسوي مثله شريد من الله بعد
سرى:ايي واحنه شحجينه
ريماس:بالله هو ارشد شنو شاف بيج وراح جابج من بغداد والله بطران انت شيخ واسمك وهيبتك ورتبتك ورايح جايب زعطوطه
ليال:زعطوطه بعينج الي كدامج دكتوره ومناقصها شي وبعدين هو مناقصه شي حتى ياخذج هو عالي بوضيفته يريد مرا مثله واخذها دكتوره
سمر:ايي ليش شاف بيها دشوفي عيونها جنهم  كزاز
هاي لو اني زلمه جان تزوجتها واذا ما ينطوها الي اخطفها هههههه
ريماس وسرى:شدعوه عاد بس عيونها زرك مابيه؟  شي حلو
نهى:ايي هاهيه متفيد انتقاداتجن زوحها راضي انتن شعليجن
عفتهن ورحت يم عمتي ام ارشد
ام ارشد:تعالي يمه سلمي ع عماتج
رحت سلمت فريتهن كلهن
سيناء:ماشاء الله صلاوات ع النبي صدك  لو كالو عرف يختار
وضلن كلمن تنطي رأيها شوي وكالو العالم وصلت يعني اهلي
طلعت وكفت ودخلن امي وريفان وخالاتي وعماتي بالكراج حضنت امي وبجييت تذكرت دلالي يمهم
نرجس:يمه بنيتي شبيج لاتبجين بعد عمري
ليال:بقيت بس ابجي
دخل ارشد
نرجس:يمه ارشد شبيها ليال اسكتي حبيبتي
ارشد:لان بعيده عنكم وتشتاكلكم
نرجس:يبنيتي لاتبجين بعدين تتعودين
ليال بدموع:حبيبتي امي ..رفعت راسي ارشد يخزر بيه غلست وسلمت ع ريفان ورقيه وبنين وبوست الكل ودخلو جوا وبلقيس هم اجتي
بنين:ليال بيج شي شو مو ع بعضج
ليال:لا والله مابيه شي
بنين:شعجب ما اشتريتي تلفون
ليال:تعرفين هسه فترة العرس وماطلعنا
بنين :هاا
شوي واجه ارشد
ارشد:ليال
ليال:هاا
ارشد:ابوج واخوانج يريدونج
طلعت ويه ارشد
شفت ابوي واكف ركضت علي وحضنته وبجيت
محمد:اميرتي لاتبجين تكصين كلبي
ليال:شلونك ياروحي سلمت ع ابويه وحضنت حيدر وشاهين ثنينهم ودموعي تنزل
شاهين:ياروحه الشاهين ابوس عيونج شكد شتاقيتلج
حيدر:بنيتي من يوم الرحتي والبيت فارغ
ليال:عمريي انتو والله طك كلبي عليكم نزلت عيني وشفت كراري نزلت علي وحضنته
كرار:ليال شتاقيتلج بعد محد يسويلي كيك بركاني
ليال:ياروحها اليال من اجي اسويلك
محمد:ارشد بويه دير بالك عليها ترا هي بعدها عقل طفله
ارشد:بعيوني والله مخليها
شاهين وحيدر:متقصر ابو جاسر
رجعت دخلت للبيت وكلهم يسولفون تغدو وخلصو صارت الساعه 2 وكالو راح يرحون
طلعت اسلم عليهم
نرجس:حبيبتي كافي ديري بالج ع نفسج وع رجلج وعيالج
ليال:حاضر
ريفان:حبيبتي انتيي شايله بغداد كلها وياج
ليال:يحبيبتي حضنتها وعيوني مدمعه
سلمت عليهم كلهم وحضنت ابويه
محمد:ليال بهاي سوالفج راح تخليني اخذج وياي
ليال:خليني اجي وياكم
ارشد:لا متروحين عود اني من اداوم اوديج
محمد:يلا بويه اودعناكم
الجد وابو ارشد:درب السلامه ان شاء الله
راحو وبقيت اني صعدت فوك وبقيت اشهك بجي فتح الباب ارشد
ارشد:عليش كل هذا البجي
ليال:بكيفي
ارشد:خبله ما اعتب عليج
ليال:محجيت شي غطيت راسي ونمت
كعدت العصر راسي يريد ينفجر باوعت ارشد ماكو دخلت للحمام سبحت ولبست دشداشه لون رصاصي ونزلت
ام ارشد:ها يمه تعالي اكعدي
ليال:السلام عليكم
الكل وعليكم السلام
الجده:شلون صرتي خوما بعدج تبجين
ليال:لا حبوبه زينه لعد ارشد وين رايح
ام ارشد:راح هو والولد للمزرعه علمود يشوف الخيول مالته
ليال:من كالت الخيول تذكرت من جنا مرتاحين وخلاني اجرب اركب عليهن
مرر اليوم طبيعي ومرت 3 ايام ونفس الروتين
اني وارشد عراك
بيوم جنت كاعده اقرا كتاب
ارشد:ليال حضري روحج نروح للدكتوره
ليال:شوكت
ارشد:العصر بس لاتكولين احد يسئلج تكولين هيج نطلع نفتر راح انام وكعديني بالاربعه
ليال:ايي ماشي
راح هو نام واني بقيت اقرا
صارت الساعه 4:00 رحت اكعده بطرف اصبعي اكعد بي
ليال:ارشد ارشد ارشد الساعه 4
ارشد:ايي يلا هسه
ليال:ارشد يلا كوم فتح عيونه وكام
ارشد:حضريلي الحمام
ليال:حضرته لان ادري بيك من تكعد تسبح كوم
كام وراح سبح وطلع لكاني مبدله مشط شعره وحط عطر ولبس ساعته واخذ بصمة السياره ونزلنا
ارشد:يالله احنه طالعين
الكل:الله وياكم
طلعنا طول الطريق واحنه ساكتين واني كلبي سريع يدك وصلنا يم عياده اسم الدكتوره رهف
ارشد:يلا انزلي
ليال:نزلت من السياره وهو نزل وقفلها ودخلنا للعياده جان حاجز والحجز مالتنه رقم 5 داخلين كدامنا ثنين باقين 2 بقؤنا ننتظر شوي واجه حجزنا صاحت السكرتيره :ليال محمد
ارشد:ادخلي
ليال:لا ما ادخل وحدي
ارشد:فوتي عيب يمعوده
ليال:لعد والله ما ادخل
السكرتيره:يلا ليال دخلي
ليال:عادي زوجي يدخل وياي
السكرتيره:ايي عادي
دخلنا وكامت الدكتوره جنها تعرف ارشد
رهف:اهلا سيد ارشد نورتنا والله
ارشد:بنوركم والله
حاجي وياها ارشد بالموضوع لان بسرعه كالت يلا امي نامي
ليال:جنت متردده ماريد اسوي هيج شي
ارشد:يلا بويه عاد
توكلت ع الله وصعدت ع السرير
وبلشت تفحص بيه ودموعي تنزل رفعت راسها الدكتوره
رهف:البنيه نضيفه ومحد لامسها ابد بس الشغله ومابيها غشائها مطاطي يصعب فتحه بسهوله
من حجت هيج اني دموعي بلشت تجري
ارشد:شكرا دكتوره تعبناج
رهف:لا يبويه ماكو تعب اقسي وياها يلا تجيب نتيجه هههههههههه
ارشد:هي حتى بالتصرفات الا بالقساوه يلا تنعدل هههه
رهف:ها اهاا بنيه مخلوقه هيج هههه
سلم وطلعنا واني بقيت بس ساكته صعدنا بالسياره وحجه ارشد:اسف ع كلشي سويته بيج تسرعت
ليال باوعتله وكعت دمعه من عيني:طلكنيي
ارشد:شبيج بابا شنو اطلكج اني من جانت هذيج السالفه ماطلكتج جتى هسه اطلكج
ليال ببجي:طلكنيي كافي خليني اعيش حياتي مرتاحه صار 10 ايام يمك واني بالضيم شراح يخلص هذا العمر
ارشد:اششش كافيي كافيي
ليال:موو كافي مو كافيي طلكني وخلص
ارشد:العيب راح يطلع عليج اذا تطلكتي مو عليه
ليال:وديني للبيت
رجعنا للبيت هو ذبني وشخط سيارته وطلع
اني دخلت للغرفه كعدت وبقيت فرحانه بقيت بالغرفه ولانزلت اجني البنات يمي وبقينا بالغرفه عشا
اكلنا حلويات وبقينا نتعلل
شوي ودخل ارشد الساعه 11
ارشد:هاي شني غرفه لو منتزه
ليال:لعد وين نروح
نهى:امشو بغرفة هنادي هنا الاخ يطرد
ارشد:اني راسي يوجعني اريد انام مو اطرد
ليال:يلا امشن نطلع لزمني من ملابسي
ارشد:وين وين انتي تريدين
ليال:اروح اتعلل وياهن
ارشد:ماكو روحه وانتن الله وياجن روحن تعللن نامن بكيفجن
سمر:اروح انام اني تصبحون ع خير
نهى: واني هم
هنادي:واني هم
راحو وبقيت اني اباوع ع ارشد
ارشد:فوتي يلا
ليال:يلا مو تريد تنام
ارشد:بكيفي اني اريد غرفتي ارتاح بيها يلا بويه مثل الخوش ادميه نضفي هاي الهوسه
ليال:يبووو هم تنضيف
نضفت وخلصت واخذت تلفونه اتابع مسلسل وهو طفى الاضويه ويريد ينام شوي وصاح
ارشد:طفيي التلفون اريد انام
ليال:اني منعسانه
ارشد:غطي راسج وتابعي الضوه ميخليني انام
ليال:تريد تخنكني انت وبعدين من يمتى الضوه يزعجك
ارشد:كافي عاد صوتج
ليال:نام هو واني بقيت اتابع شوي وبلشت افتش بي
لكيت الانستا شكد تعليقات ورسايل طلبات مراسله بيهن بنات الله ياخذهن ان شاء الله
دا افتش وحسيت اكو شخص يم راسي
ليال:عاااا
ارشد:وجعااا شنو كاعده تسوين بتلفوني
ليال:افتش
ارشد:مو تريدين تطلكين انتي بعد شكو
ليال:ايي صح شمرت التلفون علي وغطيت راسي حسيته تمدد وراي سحب الغطى وتغطى وحضني من ورا جنت نعسانه ومحجيت شي او يمكن اني لان احبه بس كرامتي متسمحلي ارجع علاقتي بي شدد حضنته ونمنا
.............................
الى هنا وانتهى البارت اعذروني بنات ع التأخير بس امتحانات ومسحوله سحل 😂 صوتو للبارت وتابعوني وانطوني رأيكم بالروايه