بلوة الظابط

البارت الرابع عشر

هلاو حبايبي تفاعلكم صوتو للبارتات
يلا نبلش
..................................................
ليال
عفتهم ورحت الغرفتي ارشد محجيت ويا كبل نمت وراي دوام لأن

كعدت ثاني يوم الصبح الساعه 6:00 ع صوت المنبه
كمت غسلت وصليت ونزلت جوه
ليال:صباح الخير
نرجس:صباح النور حبيبتي تعالي يلا تريكي
ليال:اكلت وصعدت ابدل لبست تنوره كبس سوده وهاينك اسود وفوكا قمصله قصيره لون ابيض وترانشوز ابيض وشال اشود وجنطه بيضه ونزلت
نرجس:يلا ماما ابو الخط اجه
ليال:ايي ماما اجيت
بستها وطلعت صعدت
ليال:السلام عليكم
الكل:وعليكم السلام
رحت كعدت بصف بنين
بنين:شلونج يحلوه
ليال:زينه وانتي
بنين:هم زينه
ليال:راحو لو بعدهم
بنين:ايي هسه حيرحون
ليال:هاا
وصلنا الجامعه وكعدنا بالنادي شربنا كهوه وجانت عدنا اول محاضره ويه قيصر
بنين:امشي هسه يطردنا هذا
ليال:ديلا يمعوده خيولي هي طرده وطايره بالجو 😂

دخلنا المحاضره وعيونه حاطها بوجهي شوي وكال
استاذ قيصر:ليال كومي اشرحي اللي حجيته
ليال:شرحته كله هو جان مفكرني شارده والله يا الله
استاذ قيصر:استريحي
كملت المحاضره وطلعنا
وراها هم محاضره ويه استاذ محمد ومشه اليوم عادي طلعنه للبيت
ليال:يلا حبيبي مع السلامه
بنين:الله وياج يروحي ان شاء جياتنه تكثر عليكم
ليال:امين 😄
نزلت ودخلت للبيت جانو عمامي موجودين وخوالي
هم
لكيت امي بالمطبخ
ليال:هلاو ماما شلونج
نرجس:هلا حبيبتي شلونج
ليال:ماما شكو شعدهم
نرجس:علمود زواجج من ارشد هسه توهم اجوي بدلي وتعالي ينتظروج
صعدت فوك ابدل واجاني كرار
كرار:ليال بابا يريدج
ليال:ايي اجيت
نزلت ودخلت
ليال:السلام عليكم
الكل:وعليكم السلام
رحت كعدت بصف عمو عزيز
الاب:شوفو علمود شغلة ليال اني موافق لأن الولد خوش ولد واتمنى ماعندكم اعتراض صاح عمي
حميد:لا شنو محمد لاشفتنا سكتنه ع سالفة ريڤان تزوجت وراحت وهسه تريد تنطي ليال بالبصره ليال ماتطلع منها تاخذ واحد من ولد عمها
محمد:بس البنيه ماتريد من ولد عمها يابه خوالها انتو معترضين
فاضل:لا خويه القسمه خوش زينه بعد شكو معترض ياحميد
عمو أحمد:والله حجي فاضل صحيح
حميد:لا والله اني اريد ليال لمصطفى وانتهى النقاش
ليال نزلت دموعي لمن كال هيج
عزيز:ليال لاتبجين اني هيج علمتج من يمتى انتي تنهارين من اول عاصفه
ليال:باوعتله وحجيت .. عموو اني ماريد ابنك مصطفى اعتبره حاله من حال حيدر وشاهين ماريده
حميد:ايي مو احنه نلعب حتى بكيفج تختارين
ليال:ترا اني مو لعبه حتى تمشوني ع كيفكم عندك بنات اخوان غيري وبنات اخوات لاتجي عليه شو ريڤان محد اعترض ع زواجها لاتخلوني زواج كله ماريده
محمد:ليال ع غرفتج
صعدت الغرفتي وقفلت الباب
ضليت كاعده ابجي وراها اتصل عليه ارشد مسحت دموعي حتى ميحس،
ارشد:الوو
ليال:هلا حبيبي شلونك
ارشد:حبيبي شبيج
ليال:مابيه شي
ارشد:ليال مو عليه هذني احجي شكو
ليال:عمو حميد عارض ع زواجنا ويكول اريد اخذج المصطفى
ارشد:والله ما أخليج تزوجين واحد ثاني لو اعرف اكلب الدنيا انتي بس حطي ايدج بأيدي والباقي عليه
ليال:شتريد تسوي
ارشد:احركهم واحد واحد معليج انتي بس لاتبجين يشرارة كلبي
ليال:مستحيل أتخيل احب غيرك او يحلى شخص بعيني من بعدك ابدك م أكدر اتخيل هالشي أساساً انت الصح الوحيد بحياتي ربي ليحرمني منك يا عوضي
أرشد:الله يقدرني احبج بكل حيلي ومشاعري بكل واهسي ويقدرني أكدر اوصلج كمية حبي الج صعبة علية هواي أعبر عن شعوري إتجاهج بس اني باقي أحاول احبج بطريقة تستحقها عيونج وراح احارب حتى مرتي تكونين وازين ايدج بحلقتي
ليال:ياعوضي الماتعوضه الأيام ربي يحفظك الي
ارشد:حبيبتي امين
ليال:انت بالبصره مو
ارشد:اي بويه
ليال:عكب باجر دوام عندك
ارشد:ايي دوام
حجينه وسديته ونمت
...............................
ريڤان
باجر حفلة السبعه مالتي وجهزت الفستان