بلوة الظابط

البارت الرابع

من يفرط بالجواهر النادره . .
يقضي العَمر يجمع الحصى .
.....................

ليال
بعد ماصفنت بسوالف فهد الحقير يعني من كل عقله هذا يحجي اني السبب مني اني ورطت ريفان بهل موضوع وهي خطيه تبجي علي وهو يكلي اني وياها وافكر بيج ربي هالانسان منين من ياطين خلروح احجي الريفان
ليال: ريفان ريفان وينج
نرجس: بالحديقه كاعده
ليال: هاا تمام.. ريفاننن
ريفان:ها ليال شكو
ليال: هاج اقري هذني
ريفان: شنو هاي
ليال: محادثات بيني وبين فهد.
وبلشت ريفان تقرا
ريفان: هذا من كل عقله هيج يحجي الله ياخذه الحقير
ليال:دعوفي خيولي وانسي يمعوده صيري مثلي عمر ركعته بالنعال 😂
ريفان:ليال انجبي
ليال:براحتج حياتي
كرار: تونه تونه
ليال:هاا حبيبي تعال
كرار: بابا يكول لاح نلوح البيت جدوو
ليال: هلا هلا هلا يلا ريفان كومي
ريفان: هفف شو. مالي خلك اروح
ليال:اكلي نعال وكومي نروح يم البنات روحي طاكه تراا ولاتخلين هذا يأثر ع نفسيتج يلا كدامي
كرار: تونه انتي ماتلوحين ابقي احلصي البيت
ليال:نعال براسك مو جنا محترميك 😂
كرار: لا جدب جدب امشي حلينا نبدل
ليال:يلا

بدلنا وخلصنا ونزلنا اني وكراري لبسنا نفس اللون اسود 🌚
ليال:مامي باعي اني وكرار طقمنا 🌚
نرجس: تخبلون يروحي
ليال:غير طالعين ع بابا 😂
نرجس:الله يطيح حضج ليش اني محلوه؟
ليال:تجننين
ريفان:ماما غير انتي تشكين شك
نرجس:ترا اعرف بنفسي حلوه ميحتاج
ليال:ماما حيدر شنو ميروح؟
نرجس:حيدر هو بعدين من يرجع يجي ورانا
الاب :يلا امشو
ليال:
رحنا البيت جدو اهل ابوي عازمينا ع العشاء وصلنا
بلشو يسلمون اني كبل فتت ع المطبخ يم البنات ماسلمت ع احد 😂
ليال:هاا ولكم
البنات :هلا
فاطمه:يمه هلا لوله
مريم:اكول اليوم منورين
مروه:جلبه مشتاقين
وسلمت ع البنات كلهن والجناين خرب هواايي 😭😂
ريفان:ليال جدو يدور عليج
ليال:يبو نسيت 😂
ريفان سلمت ع الكل
ليال دخلت للصالة كلهم مجتمعين
ليال: السلام عليكم
الكل:عليكم السلام
الجد:ها بويه متجين تسلمين رحتي خنستي جوه
ليال:لاجدو والله ماخنست بس رحت يم البنات ونسيت
الجده:فلك طرج ماتكولين اجي احب جدتي
ليال:بيبي لج هاي شصايره تشكين خرب بيومج 😂
الكل:هههههههه
الجده:دهر صابج خجلتيني ولج شنو تكولين خرب بيومج اليوم انعل والديج
ليال:بيبي افهمي قصدي شبيج اقصد يعني فدوه لليوم اللي نولدتي بي
الجده:ها عبالي تعالي
سلمت ع عمامي ونسوانهم وحان ينط هذا الغثه
سيف ابن عمي : ايي ليال شلونج.
ليال:زينه الحمدلله لعد عمو عزيز وين
الجده:هسهه يجي
ليال:حروح يم البنات

ليال:هاا بنات
البنات: هاا
ليال: يبنات خلسولف الجن
هند:السالفه بيها صاك مو
تبارك:ايي لان ليال بس هاي سوالفها المهمه 😂
ليال:انجبن
البنات:اي سولفي معليج من هذني يغارن
ليال:ولحن شفت ظابط يطك بالكاع خرب بيومه وتتخيلن من شفته اني حاطه عيني علي واكله عمو
البنات:كولي والله
تبارك:وين شفتي
مروه:ايي كملي
ريفان:يمعودات هذا اليي شافته ليال حتى استحي اطلبه من الله 😂
البنات:هههههههه
تبارك:هو هذا كلب ليال يعشك الصعبين 😂
ليال:دنجبن عاد بنت اخته صديقتي 🌚
اسرى:ايي ولج لاضلين فاهيه اخذي واكسري عيون هذني الخايسات
ليال:ايي حياتي ايي 🌚
البنات:انجبن عاد
سرى: حبابه عود اخو وياج 😂
ليال:ادللي حياتي من أخذه اخذج وياي الاخو 😂
دانسولف ودخل عمو عزيز
عزيز: هاي منو هنا اليوم
ريفان راحت بوسته وضليت اني واكفه
عزيز:شلون رورو
ريفان:الحمدلله عمو اسئل عليك
عزيز: حبيبتي
ليال: ها عزيز تبوس بس هاي الخايسه
عزيز:هاا نعاله تعالي هو انتي الروح
ليال: عمو حبيبي شلونك
عزيز: شلونج حبيبتي
ليال: زينه شو وجهك يضحك احسك عاشك يعشكي 😂
عزيز:ايي والله
دك تلفون عزيز
عزيز: ها حبي.. ايي هسه دخلت البيت
ليال:اني اعلمك... حبيبي ويامن داتحجي
عزيز:وهو يهمس نعله ع والديج
البنات:هههههههه
ليال:حبيبي مو كتلك جيب حفاظات الابنك ضو انت متغير مدري شلون صاير
عزيز: خرب بيومج ليال هاي سدته
ليال: تستاهل شكو تكول عليه نعاله
عزيز:لاتعالي يولي احجي وياها كليلها بنت اخو
ليال:يلا اتصل عليها
عزيز: متجاوب ايي ردت الووو.. هاا عمري.. والله هاي بنت اخويه.. اذا ممصدكه هاي احجي وياها
ليال:الووو مرت عمي الخايسه
نورهان:هلا عمري ليش هيج يولي هبطتيني
ليال:هيج حبيت انتقم منه 😂
نورهان:انتي ليال مو
ليال:ايي حياتي
وحجينا وبعدين كعدنا
......
ريفان

اني رحت صعدت لغرفة عمو عزيز اريد اشحن تلفوني
واباوع هذا سيف اجه
سيف: هلو ريفان شلونج
ريفان:هلا سيف خوما اكو شي
سيف:لا ماكو شي بس عندي موضوع وياج
ريفان:ايي تفضل
شو هذا لزمني من شعري
سيف:ريفان شهل جمال هذا
ريفان:شنو هلسوالف وخر عني لا هسه افضحك
سيف:ريفان مو اني احبج.
راد يبوسني
ريفان:وخررر عني ترا اني مثل اختك والله العظيم اكول الحيدر عليك اخي يطيح حضك
سيف:كليلهم مخايف اكللهم هي تتحارش
ريفان:يانذل ماتوقعتك هيج ترا اني شرفك
ليال: عمو عزييز
سيف بأرتباك:
ريفان: هاا ليال تعالي عمو عزيز مو هنا
ليال:هاا ريفان سيف شعندك هنا
سيف:ها لا ماكو شي يس ريفان تدور شاحنه وانطيتها
ليال:هاا اوك يلا ريفان تعالي وراي حيدر يكول يلا نروح الساعه 10 هسهه
ريفان: ايي

رجعنا للبيت واني خايفه ومرتبكه خفت منه هذا الحيوان
الاب:ريفان شبيج
ريفان:لالا بابا ماكو شي
الأب:ها تمام
ريفان:حروح انام راسي يوجعني
.ومشت الايام وفهد كل مرا يراسلني
يعتذر ويتأسف
وبالاخير رجعت له
ومرت الايام عادي ماكو تغيرر
اني وفهد حبنا ثابت وعدني ميخوني
ومرت الايام والاشهر والسنين وفهد نجح وصار ظابط يدرس كليه عسكريه مرحله ثالثه واني تحجبت لان فهد ميقبل بس ليال بعدها بلا حجاب
..........
ليال
وصرنا سادس اني علمي وريفان ادبي وبلشت المعاناة والضيم وارشد ع بالي 😐
ليال:ريفان اسكتي كافي تدرخين روحي بغير مكان خليني اقرا عليج العباس
ريفان:دروحي انتي اني مالي خلك
ليال:الله يطيح حضج حروح بغرفة شاهين لحد يجي وراي
ومشتتت الايام وصلنا الامتحانات النهائية
وبنين وياي بنفسس المركز
وصرت اروح وحدي للامتحان بدون ريفان لان هي ادبي بس اني التقي بحبيبتي بنو خلصنا امتحان وطلعنا ننتظر
بنين: لج ليال خالو اليوم يجي ياخذني كلتي الاخوج اجي ويه بنين
ليال: ايي كتله ياا ولج بعد مرور كم سنه راح اشوفه هسهه شلون صاير
بنين:زاد جمال 😂
ليال:جعلني انطعج 😂
الحارس: بنين عباس وينها
بنين:نعم
الحارس: اهلج ينتضروج برا

بنين:يلا ليال امشي
ليال:يلا شنو رأيج يطلع ابوج جاي 😂
بنين:لاشوفي هذاك
ليال:اكلج ما اجي شو خفت 😂
بنين:ام لسان لعد شعندج خابصتني بي وهسهه خايفه منج من الشيطان
ليال:دنجبي
شفته واكف ديسولف هو ويا رجال
ليال وبنين:السلام عليكم
ارشد والرجال:وعليكم السلام
اخالد:ابو مهيب الغالي اترخص اني
ارشد:الله وياك حبيبي عود بعدين نتواجه
راح الرجال والتفت علينا ارشد
بنين:خالو ليال اليوم تروح ويانه لان اخوها عنده شغل
ارشد:هلا بيها شلونج بويه ليال
ليال :الحمدلله زينه انت شلونك
ارشد:زين الحمد لله يلا بويه صعدن
صعدنا بالسياره وهو يباوع عليه بالمرايه
ارشد:وين بيتكم
دليته ع بيتنا ومن وصلنا
ليال:هذا بيتنا شكراً يلا بنو باي
بنين :الله وياج حياتي

روحي بين احواچبچ ظلتْ يحلوه💕

....................................................................
وانتهى البارت شنو تتوقعون شراح يصير ويا ارشد وليال؟ صوتو ع البارت والله هواي تعبت ومريضه بس اكول خليني اكمل القصه وبنات ترا القصه حقيقه
واني دا اتواصل ويه البطله ليال وهي تحجيلي واني اكتب