بلوة الظابط

البارت الخامس عشر

في بيت اهل ارشد
ليال:فزيت بحلم جان كلش مخيف ارشد يخنكني
ارشد:اسم الله شبيج
ليال:مابيه شي
باوعت للساعه ب 5 الفجر
ارشد:عادي احلام تصير لاتخافين اني يمج
ليال:كل خوفي والي ديصير وياي بسببك
ارشد:ليال لاترجعينا للسوالف الفاتتت خلينا نفتح صفحه جديده
ليال:والله الا يحطوني بقبري يلا نتصالح واني بعد ماريد ابقى عندك
ارشد:شبيج بابا صيري بمكاني سويت كلشي يعتب عليه مجنت ناوي اخليج تتأذين شتردين اسوي بعد
ليال:والله ما ابقى يمك والله صرت اخاف من اسمك شلون اخلص العمر وياك
ارشد:استغفر الله اللهم طولج ياروح لاتخليني امد ايدي عليج ليال
ليال:ع اساس حياتك كلها مامديت ايدك عليه شوف جسمي كله اثار زركه بسبب ضربك اللي
ارشد:ليش ان شاء الله ناويه تطلكين حتى ياخذج قيصر
ليال:امداني لو قابله بقيصر بقيت من صغري جانت كل احلامي اخذ ظابط بس جان اكبر غلط لان انتو محد يحملكم اني اذا ابقى يمك اموت
ارشد:لزمتها من حلكهاا.... اششش اشش شبيج كاعده من النوم متحمله علييه
ليال:ارشد عوفني عوفني
وسمعنا الاذان كال الله اكبر
ارشد:حتى الله دزلج اشاره الله اكبر تردين تطلكين مصارلج اسبوعين
ليال:عادي نكللهم متوالمنا
ارشد:ايي مو هي سهله
ليال:عفته ورحت توضيت وطلعت وهو دخل يتوضى انتضرته لان تعودت نصلي سوا شوي واجه فرشت المصلايه وصلينا خلصنا لميتها ونزعت الجادر ورحت بفراشي تمددت وهو باوعلي وكال
ارشد:استهدي بالله وتعالي ع الجربايه 
ليال:باوعتله وانداريت ع الجهه الثانيه
ارشد:شفتها شلون صايره اعصاب عفتها ونمت
ليال:نمت الى ان حسيت روحي  اباوع للساعه ب8 ونص كمت غسلت وبدلت وهو نايم نزلت جوا لكيتهم دايتريكون
ليال:صباح الخير
الكل:صباح النور
ابو ارشد:بويه رجلج نايم لو كاعد
ليال:لا عمو نايم
الجد:عوفو تعبان مو همزين انطو اجازه شهر
ليال:بكلبي يعني راح يكابلني شهرررر
الكل:تعالي تريكي
الجده:تعالي يمه بصفي
ليال:لا والله ماريد
ياسين:يعني ليش تفشلونها الا تكللكم انتضر رجلي يكعد ههههههه
الجده:ابو لسان اسكت
تريكو وراحو كل شخص لشغله واللي راحو للديوان
ام ارشد:روحي يمه كلشي كامل نضفي غرفتج واذا عندج ملابس غسليها احنه ماعدنا شي هنا خلصي شغلج انتي
ليال:ايي والله يمه عندي ملابس ارشد باليوم يبدل 16 مرا ههههه
ام ارشد:روحي حبيبه
سهام:وليش تروح مواعين الريوك منو يغسلهن
ام ارشد:اتقي الله خيه البنيه بكل شغله يسونها البنات تساعدهن بيها ومواعين الريوك هي لا ماكله لا شي البنات يغسلنها وهي هم رجلها يريد منها غسلة هدوم تنضيف مو كله جوا جوا احنه مجايبينها تخدمنا
سهاام:ع كيفج من اجتكم هالصفيره هاييي غيرتكم وكالبه مخكم
الجده:والله يسهام اكوم اكسر العوجيه ع راسج مو رجلج ذبج علينه حتى تضلين تكرين فوك الجناين
سهام:يمه هاي تعيريني علمود هاي العايبه احنه نعرف اصلا منين ما منين هذا كمكمها وجابها
ليال:لج ترا لحد الان محترمتج وساكته ع كل بساميرج الخاطر انتي اكبر مني بس تتهميني بسرفي هاي العايزه عليه والله هالصفيره التحجين عليها اذا انفصمت عليج تطلعج من دينج احسن شي ابتعدي عني وسامعه من يكولون خوفك من السكوتي لاشفتيني طول الفتره اللي اجيت بيها ساكته
سهام:شوفو لسانها لسان دلاله هن هذني بنات بغداد لعد شنعرف عنهن ماخذينها هاي يمكن حتى سحوره تسوي هالسكوتيه الحيه
الجده:سهاام راح اكوملج كافييي
ام ارشد:لويله كافي
ليال:والله يا امي كل مرا اسكت الخاطرج بس مو كل مرا تسلم الجره شوفي سهام احترمي نفسج  احسن وديري بالج من الحيه لاتلدغج وع طاري السحوره كلمن يرا الناس بعين طبعه
الجده وام ارشد:ولجن كافييي
الجده:تراجن مو ضراير
سهام:يمه شوفيها شلون تحجي سوالف الكحا***لو ما كح**ماجان سحبت ارشد الله واعلم يمكن طكته بسحر واخذته
ليال:لج عليمن تكولين هيج اني تاج راسج اشرفج واشرف عشيرتج
ماحسيت الا حراره ع خدي وندفعت بحضن امي(سماح)
ارشد:جنت كاعد واسمع صوت صياح اعتلك نزلت وسمعت سوالف ليال صفكتها راشدي
ارشد:لييال شنو هذا الحجي هااااااااااا
الجده:عوفها يمه ليش ضربتها زلة اللسان
ارشد:يازلة السان المره عادتها المرا الثانيه تعيدها وصوتها واصل السابع جار ماخذلي مرا لو رجال
ليال ببجي:لعد الله يرضاها عمتك تحجي وياي هالحجي
ارشد:ماليي دخل بأحد عليه بيج انتي كم مرا كتلج من احد يضوجج بكلام طنشي ليش تزيدين النار حطب
ليال:والله بعد ما اضل بهل البيت العيشه مذله وتنقص العمر
ام ارشد:يمه طولي بالج لاتبجين حبيبه
الجده:سهام صوتج ما اسمعه تروحين الغرفتج لاتخليني ارجعج الرجلج ولاتكولين بنتج ومدري شنو احترمي نفسج ولاتبقين حاطه عقلج ويه الجناين
ارشد:ليالل فوكك كداميي
ليال:مو بكيفك هسه تخابر شاهين يجي ياخذني
ارشد:لزمتها من شعرها يول لاتخليني استعمل هذا الاسلوب وياج اصعدي فوك لا انعل والديج
ليال:بدموع صعدت فوك
ارشد:سهاام لاتكولين عمتك ومن هالسوالف ليش شعليج بليال شتريدين منها بالضبط انتي ليش تتهمينها بشرفها بعني ابتليت وتزوجت واني من هالسوالف ماجنت رايد اتزووج لان ادري هاي اني هنا وهيج لعد لو بالدوام شيصير
سهام:ضب لسان مرتك الصايعه
ارشد:كافيي روحي لغرفتج
ام ارشد:ع كيفك يمه ضغطك
ارشد:راح انجلط واموت ما اضل اني ع هاي السوالف بالبيت وين ما اولي نفس الشييي
عفتهم وصعدت لكيت هاي البلوه مطلعه جنطتها وتبجي
ليال:يللا خابر شاهيينن
ارشد:هسه تعاركتي انتي وياها اني شكو
ليال:لك تضربني كدامهم انيي تضربني كدامهم بالغرفه موتني بس مو تكسرني كدامهم
ارشد:تستاهلين يرادلج شوي تعديل تربايه
ليال:فوكاها سبيتني وانت وياها نفس السوالف كلكم طعنتوني باقيه يمكم ليييش بالله عوفني احسن بحالي وطلكني
ارشد:سدي هالمواضيع ليال سديهااا
ليال:شمرت الجنطه وبقيت ابجيي
ارشد:رحت يمها وهي تبجي
ليال:وخرر عنيي لاتلمسني
ارشد:عفتها حتى اروح ماحسيت الا اختل توزاني وخشمي فاض دم ووكعت
ليال:ارششددد شبييك مامااااا هناديييييي... ارشد حباب اشاقه وياك كوم لجج سمرررررر وينجننن
صعدو كلهم
سمر ونهى وهنادي وعمتي وحبوبه من جوا الدرج يصيحن شكو ميكدرن يصعدن
ليال:سمرر خابريي مهند بسرعهههه ولجج اخذت كلنس وامسح بالدم اللي ع وجهه والدم يجري بعده ايدي وملابسي صار بيهم دم واني ابجي خايفه من المنظر
صعد مهند ومحمد ولد عمهم:اخذو ارشد ونزلو
عمتي وحبوبه صاحن من جوا:يمههه وليدييي يمههه
ليال:اجني حضنني البنات.. كله بسببي الله ياخذني
سمر:كافي حبيبتي كومي بدلي وغسلي
كمت بدلت وغسلت وطلعت نزلت جوا لكيتهم كاعدين وسهام تباوع جنها الحيه
سهام:ارتاحييتي مو اكللكم ما ترتاح الا تموت هالولد
ليال:فال الله ولا فالج النحس
سهام:بعده لسانج يراد ارشد يكص منه بعد
ليال:دروحييي والله بطرانه عندج خلك تحجين الضهر اجوي كلهم واجه ويلهم  هو منتجي ع مهند
سلمو علي وصعدو فوك صعدت لكيته حاط ايده ع عيونه وصلت يمه
ليال:شلون صرت
ارشد:زين ليش يهمج هالشي
ليال:ايي
ارشد:خوش خليني انام
ليال:اجيبلك شي تاكله
ارشد:لا بويه كافي تلحين اريد انام طفي الاضويه
ليال:طفيت الاضويه وارشد نام واني بقيت كاعده افكر اذا رحت وطلبت الطلاك منه اني راح اتأذه مو هو اني راح اسمع كلام مو زين عني اووو عقلي مشوش شلون ابقى بين هاي العائله الله ياخذني
سمعت التلفون يدك مالت ارشد رفعته طلع ابويه بسرعه جاوبت
ليال:يهلا بروحي
محمد:بنيتي الغاليه شلونج اخبارج ان شاءالله بخير
ليال:الحمدلله بخير بابا انت شلونك شخبارك
محمد:الحمدلله زين شبي صوتج باجيه
ليال:لا مابي شي
محمد:رجلج شلونه
ليال:مريض ارشد جان بالمستشفى قبل شوي طلع ضغطه يرتفع
محمد:بويه لاتخافين خلي يراجع طبيب وينظم ضغطه
ليال:ان شاءالله حبيبي انتو شلونكم زينين
محمد:كلنا بخير حبيبتي بس اتصلت عبالي اعزمكم من يصير زين لعد يلا اسوي العزيمه
ليال:ان شاءالله يروحي من يتحسن نجيكم
محمد:يلا بويه اخذي راحتج وبالج الرجلج ياويلج اذا اعرف ضغطه مرتفع بسببج هههههه
ليال:ههههه لا بابا اني شعليه
محمد:هههه عفيه بويه يلا اني رايح محتاجه شي
ليال:سلامتك يعافيتي الله وياك
سديته منه
ومر 4 ايام ارشد تحسن بس اني ابتعدت عنه حتى ما اضوجه وابويه اتصل بأرشد وباجر عازمينه ع الغدا وعزم اهل ارشد بس اتعذرو لان الطريق طويل
كاعده اجهز ملابسي وفات ارشد
ارشد:مو فرحانه تباتين يم اهلج ترا ممنوع
ليال:ليش عوددد اني اريد ابات وانت بات يم بيت اختك
ارشد:ايي مو هي بكيفج .. عفتها ورحت للحمام سبحت وطلعت
ليال:ارشدددددد شكددد تسبح وتصرف ملابس رجليه تكسرن واني واكفه ع الغساله
ارشد:صوتجج شسويلج يعني
عفتها ومشطت وحطيت عطر وتمددت
ليال:اباوع ع حركاته
شفته تمدد واني ردت افرش وصاح
ارشد:تعالي هنا
ليال:لااا ماريد
ارشد:تعالي لا اكوملج
ليال:رحت بدلت وغسلت واجيت تمددت بصفه
ارشد:ب 6 نطلع ترا نامي
ليال:ايي ماشي ..بسرعه غفيت جنت تعبانه
ارشد:اباوع عليها شلون نامت جنها ملاك سحبتها بحضني وبقيت اشم عطرها واخذتني النومه
ليال:حسيت الساعه 5 واكو ثكل صاير عليه لكيته ارشد بقيت اتأمل عيونه النايمه ورموشه الكثيفه وشكله عبالك رسم مرسوم واحلى شي احبه خشمه بقيت اباوع وتذكرت شكد أذاني سحبت روحي منه وفتح عيونه
ارشد:وينن
ليال:الساعه 5
ارشد:شددت ع حضنتي الها واذا ب5 ليش شعندج
ليال:ارشد وخر عني وبعدين مو نروح البغداد اليوم
ارشد:ايي يلا كومي
ليال:شلون اكوم وانت لازكني بيك وهاي اهر مرا توصل يمي وتحضني وخرر
ارشد:دفعتها.. مو مالت احترام انتي اضل مطيح حضج احسن
ليال:عافني وراح للحمام كمت حضرتله ملابسه وحضرت ملابسي وعدلت الغرفه
شوي وطلع لاف الخاولي ع جسمه بدون ملابس
ارشد:وين ملابسي
ليال:هذني اجيت حتى اخذ ملابسي واروح وهو سحبني
ارشد:مو وريتي عشيرتي شوكت تحنين يعني يرضاها الله مرتي واتحسر عليها
ليال:ارشد البس وبعد عني اريد اسبح
ارشد:تسبحين مثلا نايم وياج حتى كلشويه مسربه ع الحمام
ليال:ترا مو شي جديد وهاي عيب السوالف
ارشد:لزمتها من حلكها وفركته بأيدي...هالمرا تطولين لسانج المرا اللخ اذا عدتيها هذني اعضهن خوش
ليال:باوعتله وعفته ورحت للحمام سبحت ولبست برنص وطلعت لان ناريد ملابسي تتنكع من انشف شعري ابدل
ارشد:جنت امشط وطلعت هاي لابسه خاولي برنص رحت عليها
ليال:هاا ارشد شوكت نطلع
ارشد:اشتعلت عشيرته قربت خشمي يم ركبتها ومشيته حسيت بجسمها من قشعر
ليال:كلبي بلش يدك سريع بسبب قربه مني.. ارشد اني ترا انتضر حتى نطلك مو نرجع الحب اللي بيناتنا وخرر عني
ارشد:دفعتها... شوي والكاج جاهزه
ليال:عافني وراح يلعب بالتلفون
اني بقيت انشف بشعري وخلصت ورحت ابدل ليست فستان اسود وشال ابيض وترانشوز ابيض وجنطه بيضه وهو هم لابس لبس كاجول اسود
ليال:اني خلصت
رفع عينه من التلفون وكال
ارشد:هيج تروحين؟
ليال:ايي ليش
ارشد:شنو نوع الكرون اللي لازم احطها؟
ليال:كرون جاموس
ارشد:لا ياجاموس لو تنزعينهن لو تلبسين عبايه فوكاهم
ليال:ارشدد لاا
ارشد:زين شنو رأيج الغي الطلعه كلها واشكه هذا عليج
ليال:لاااااا راح البس عبايه استغفر الله
ارشد:ناس متحي الا بالعين الحمره
خلصت كلشي ونزلنا حتى نطلع لكينه امي سماح
ليال وارشد:صباح الخير يمه
ام ارشد:صباح العافيه راح تروحون
ارشد:ايي يمه محتاجه شي
ام ارشد:سلامتك يوليدي دير بالك من السرعه
سلمنا وطلعنا صعدنا بالسياره شوي ابتعدنه عن بيتهم
ليال:الله خلصت من هاي سهام الحيه
ارشد:لياال سدي حلكج انتي هم تعيلين وياها زباله المفروض ما اهيجها وانتي لا بكيفج تلعبين
ليال:اني غلطانه يعني هاهيه
حتى ما انتبه عليه حط نظاره وشغل اغنية محمد عبد الجبار شمسين وبلش يغني وياها
ليال:تأكدت عيون الناس تحسد كل حبيبين من يوم عرسنا
ارشد:ايي
نص الطريق وغفيت كعدني لمن طبينا بغداد
ارشد:شفتها نامت عفتها لحد ماطبينا بغداد الساعه 10 ونص صرنا قريبين من بيتهم وكعدتها
ليال:ليش بقيتني نايمه
ارشد:هو اني اريد اخلص من الزننن مالتج بس تزنين فوك راسي وعفتج نايمه
ليال:شكد حقير
ارشد:عليمن
ليال:هذاك العبر الشارع
وصلنا بيت اهلي تلكونه الولد
كراري اجه يركض
كرار:ليال حبيبتي شتاقيتلج والعباس
حضنته وبلشت ابوس بي
ليال:وليدي انت فدوه اروحلك
ارشد:اباوع عليها شلون تحضن بيهم فد ضجت
ليال:اجوي ابويه واخواني يسلمون ع ارشد وامي اجتي وريفان ضلينا نسلم واخر شي
محمد:فوتو بويه فوتو
ليال:دخلنا جوه عفت ارشد يمهم ورحنا اني وبنين وريفان ورقيه فوك
البنات:شلونه وياج الزواج
ليال:زين الحمدلله
بنين:خالي خوش زين وياج موو خوما مقصرر وتغمز ههههه
البنات:هههههه
ليال:انجبن الخايسات
ريفان:شو دنزعي الشال خلشوف ركبتج بيها اثر حتى افضحج مثل مفضحتيني
ليال:والله ماسوينه اثار لان عيب
رقيه:لج عفيه بالشريفه
ليال:شعبالكم
نزلنا جوا ومر الوقت صبو الغدا كعدت بصف ارشد واليوم يلا اكلت
ارشد بهمس:هاي بس يم اهلج تاكلين
ليال بهمس:لان هناك تسد نفسي سهام
ارشد:ايي خوش
شاهين:ليال شلونج لاتسئلين ولاتكولين
ليال:يحبيبي انت حقك عليه بس تعرف البيت ومالحك ومن اجي اكول خاف نايمين ومن احجي ويه ماما وبابا اسئلهم عليكم
شاهين:لا حبيبتي عادي
حيدر:اكلي ليال مشتاقين الهل لمه من زمان
كرار:حتى تسويلي كيكه بركانيه
ارشد:لا حبيبي راح اخذها شوي بعد
محمد:لا بويه باتوو
نرجس:شني صدك جذب مترحون تباتون وباجر روحو هاي غرفة ليال نامو بيها
ارشد:لا والله متقصرون بس اني عندي شغل بالديوان وماكدر
ريفان وبنين:زين بقي ليال
ارشد:غير بعدها صارلها اسبوعين من اجتي من يمكم عود من اداوم اجيبها
نرجس:لا يمه تروح ويه رجلهها بعدها عروس ميصير
ليال:كام ارشد وكمت ورا للحمام نغسل
ارشد:تردين تباتين
ليال:اييي
ارشد:لا ممنوع
ليال:هم راح ترجعني لهاي الحيه النذله
ارشد:راح اخذج المكان حلو
غسلنا ورحنا كعدنا شربو جاي وكام ارشد
ارشد:الله يزيد النعمه نرفع الزحمه احنه
محمد:بعد وكت
شاهين وحيدر:ابقو يمعودين ماشفناكم
ارشد:والله ماكدر اعذرني حبيبي
ليال:ريفان حبيبي ديري بالج ع ميوسه وكنوش
حضنت امي والبنات سلمت عليهم
نرجس:ليال ما اوصيج يمه رجلج رجلج ديري بالج علي
ليال:ان شاءالله
رحنه صعدنا بالسياره ودعناهم
ارشد:ردتي تبقينن مو
ليال:اييي ماريد اروح واشوف سهام
ارشد:مراح نروح للبصره
ليال:دنيا الضهر وين نروح مثلا
ارشد:اصبري لاتلحينن رحمه الوالديج
ليال:وصلنا كدام العماره اللي اجيت عليها اني ويا قبل
ارشد:يلا انزلي
ليال:بنبرة حزن احنه شنسوي هنا
ارشد:انزلي
نزلت وهو قفل نزل ملابسنا وقفل السياره سلم ع الحارس ولزم ايدي وصعدنا فتح الباب شفتها نضيفه تنضيف جديد
ليال:هايي منو يجي هنا
ارشد:محد بس خاله سعاد كتلها تنظفها
رحناا للغرفه ودخلت سبحت وطلعت لكيتها تريد تسبح
ليال:دخلت اسبح وطلعت لكيت ارشد لابس بس خاولي ع جسمه لافه واني هم جنت لافه البرنص اجه تقرب عليه
ليال:هاا
ارشد:ليال خلينا نفتح صفحه جديدة
.......................... ................................
الى هنا وانتهى البارت شنو رأيكم صوتو وتابعوني
++ اكتبو توقعاتكم ليال تسامح ارشد وتنطي صفحه جديده لو لاا؟ احبكمم