بلوة الظابط

البارت الثامن والعشرون

في بيت اهل ارشد
مرت الايام وراح يصير شهر من تزوجنا وارشد باجر يروح للدوام خلصت اجازة العرس جانت شهر
ليال:كاعده دا احضر ملابس ارشد ودموعي تنزل
ارشد:بنيتي هسه ليش هالبجي وين رايح اني
ليال:راح تعوفني وحدي هنا وتروح شلون يمر 15 يوم انتضر بيك
ارشد:يلا حبيبتي اعتبري روحج مخطوبه ههههه امسحي دموعج
ليال:ان شاء الله حبيبي تروح وترجعلي بالسلامه
باسني من راسي وكملت تجهيز ملابسه الفجر يطلع
ارشد:يلا اني راح انزل
ليال:انتضرني ننزل سوا خوما تطلع
ارشد:لا ما اطلع بس للديوان
ليال:لبست شالي ونزلنا
محمد:ارشد يلا خلي نطلع مهند والولد ينتضرونك
ارشد:يلا ماشي
ليال:طلع ارشد واني رحت كعدت بالصاله كاعدات البنات وحبوبه وامي سماح وسهام
الجده:تعالي ييمه اكعدي
ام ارشد:يمه ارشد شوكت يطلع للدوام
ليال:والله كال الفجر
ام ارشد:بالسلامة
سحر بهمس:هاا خايسه باجر سهره صباحي محمد هم عنده شغل باجر ههههههه
ليال:ان شاءالله ههههه
سهام:ايي ليال ترا التزوجن وراج حبلن وانتي بعدج
ليال:كلشي رزق من الله وبعدي ترا شهرر صار يعني شعندي مستعجله
سهام:لا وين اكو واحد ميستعجل ع الضنا بس كولي اني ماخلف
الجده:سهامم شنيي هالحجي مو عيب
سهام:عليش عيب يمه متشوفين كدامج هذني الجنانين من تزوجن الهن 20 يوم وهنه حبلن
ليال:اباوع ع امي سماح اشرتلي بمعنى اسكت واني هم اشرتلها بمعنى ايي
سهام:والله يا الله نسوان اخر وكت
الجده:سهام اكوملج اشك حلكج عوفي البنيه ترا مو ضرتج
سهام:يمه عيب هالحجي شنو تكليلي ضرتج يعني معناها تحسسيني اغار منها
الجده:ايي والله تغارين منها وراح تجيج الجلطه ع هاي سوالفج
الكل:ههههههههههههه
دخل ياسين يغني من شاف حبوبه كال
ياسين:شلون جدتي الصغيره شلون لكيتلج عريس طلكي جدي واخذي بعده بحيله
الكل:ههههههههههههههههههه
الجده:دهرر صابك جيبوليا خلي اكسر عظامه
ياسين:موو صوجج والله باعي جد ليال خوش رجال صاكك اخذي مو ليال جدج يكول معجب بعلاهن
ليال:هههههه اييي هو من رحتلهم كلي لو اني اخذها لو الله ياخذها
الكل:هههههههههههههه
الجده: فلك طركم ان شاءالله ولج الكطمه هسه يجي رجلج واني اعلمج وانت التيل يجي جدك واكله
ياسين وليال:موصوجج سوي زين وذب بالشط
سهام:يالمسعدات متكومن تسون عشاا يلا ليال مو كاضيتها بس تمضحك انتي وهذا
ليال:باوعت الياسين
ياسين:عمه هسه انتي شعليج بالعشا واني اسمي ياسين حسين مو هذا
سهام:انت انجب لا اكوملك وانتن يلا للمطبخ
سمر:شنو تردون عشا حبوبه
الجده:سوون تشريب لحم علمود ارشد باجر يداوم خطيه
ليال وسمر ونهى:ان شاءالله
ليال:رحنا للمطبخ.. بنات هاي شبيها ترا انفصم عليها اطلعها من دينها الاسلامي والله مو عيشه هاي شلون تحملتنها كل هاي السنوات
سمر:جلب فاطس بكلبي والله
نهى:ايي يمعوده شنسوي الخاطر رجولتنا
ليال:مو كل مرا نتحملها مو عمل هذا
سمر:خيه عوفيها تولي نكعيلي التمن واني اطبخ
ليال:لا اني راح اطبخ
سمر:بس خاف متعرفين
ليال:انجبي شلون ما اعرف
نهى:والله ماواضح هالشي ههههههه
ليال:هسه اطبخ وذوقن
طبخته وكملته واجوي الكل صبينا العشا وحطينا السفره كعدو الكل ياكلون واني كعدت بصف ارشدي
ارشد:اكلي بويه لاتصفنين
ليال:امممم
الجده:يمه ليال عاشت ايدج ماتوقعت اكلج هيج طيب
ليال:الف عافيه حبيبتي
الكل:عاشت ايدج
ياسين:طلعن البغداديات يعرفن يطبخن ليال بربج امج ماتخلف وحده بعد
الكل:ههههههههههههههههههه
الجد:ياسين السانك ضبه
ابو ارشد:انت اذا تريد تزوج ربي نفسك عدل واني ازوجك
الكل:ههههههههههههههههههه
مهند:يابه هو ياسين وين يلحك يصرف ع مرته وجهاله يادوب بس اله
محمد:ههههههههههه يكضيها طوبه ولعب
ارشد:ع اساس انتو جنتو قبل راعين بيوت غير الا تزوجتو يلا صارت عنىكم مسؤليه
محمد:اين جبهتي انا لا اراها
مهند:يمكن طاحت جوا الصينيه
ياسين:ارووح فدوه الطولك اخويه العزيز
ارشد:اكل وانت ساكت
ياسين:رحم الله والديك
خلصنا ولمينا السفره دنكت حتى اشيل وياهم
ارشد:من شفتها دنكت ردت اكتله خزرتها..ليال عوفي المواعين روحي جيبيلي جاي راسي يوجعني
ليال:صار
رحت للمطبخ الجاي مخدر جان بس صبيت ورحت وديته اله وكعدت بصفه صارت الساعه ب9
ارشد:يلا اني تصبحون ع خير رايح انام لان اطلع الساعه ب5
الكل:الله وياك بالسلامه توصل
سلمت عليهم وصعدت وصحت ليال
ليال:هاا يبا اجيت يلا تصبحون ع خير
الكل:وانتي بخير
ليال:صعدت فوك فتحت باب الغرفه لكيته كاعد
ارشد:ليش الا اصيحلج يلا تجين
ليال:ترا هو من شفتك كمت اني هم اجيت حتى اكوم وانت صحتلي
ارشد:هذا الثول مالتج بطلي ومن تشوفيني اكوم تكومين وياي مو وراي حضريلي ملابس اريد اتمغسل
ليال:صار..(ضجت منه هو ليش هيج سوالفه) حضرتله ملابسه ودخل يسبح وطلع اني اخذت ملابس ودخلت غسلت بس جسمي شعري يتعبني اذا يتبلل لان طويل طلعت لكيته متمدد ع الجربايه حطيت مرطب الوجهي والحلكي
ارشد:يلا طفي ضوه اريد انام
ليال:تمام..كمت طفيت الاضويه واجيت نمت ع الجربايه شوي وسحبني بحضنه
ارشد:زعلانه اميرتي
ليال:لا شكو حتى ازعل نام انت باجر عندك طلعه
ارشد:ادري بيج ضجتي مني بس انتي لاتضلين ثوله يابنيتي
ليال:لا عادي مصار شي
ارشد:ليال لاتزعلين عندي دوام بعد كم ساعه اريد انام ماريدج تضلين زعلانه مني
ليال:عافيتي انت والله مزعلت بس ضجت وهسه لا مزعلانه
ارشد:عفيه بنيتي
اخذت شفايفها وهي بادلتني
ليال:اخذ شفايفي الي ان ختنكت وابتعد
ارشد:احبج
ليال:اموت عليك روحي من الدنيا يلا حبيبي تصبح ع خير
ارشد:وانتي من اهل الخير
ليال:بقيت العب بشعرات ارشد لحد ماحسيت جسمه ثكل معناها نام عمريي شكد يتعب دوام وديوان وطلايب كلها براسه رحتلك فدوه جعل ربي يديمك الي
شوي وغفييت...
حسيت ع صوت المنبه الساعه4 ونص شفت ارشد كعد
ليال:صباح الخير روحي
ارشد:صباح الورد بويه
ليال:تسبح مو
ارشد:ايي حضريلي ملابسي
ليال:كله محضر حبيبي هذني مخليتهم ع القنفه  راح انزل اسويلك ريوك وانت كمل ع راحتك
ارشد:عليش تسوين ريوك
ليال:لا والله مو بكيفك ماخليك تطلع منا بلا اكل حتى يكولون مرته خايسه متطبخ ههههه
ارشد:هههههههه
نزلت ليال واني دخلت للحمام
ليال:نزلت اسوي الريوك و خدرت الجاي
حطيت الجاي ع النار وصعدت الارشد
ليال:وكفت يم بابا الحمام..هاا حبيبي خلصت لو بعد
ارشد:ايي بويه خلصت
ليال:بقيت انتضره شوي ونزلت ع الجاي طلعت كيك من الثلاجه وجبن وخليت مربى وحميت الصمون وصبيت جاي وصعدته فوك فتحت الباب ودخلت لكيته دايعدل بالقميص مالت البدله
ليال:ترا الاسود سحلني من جنت طالبة متوسطه هههه
ارشد:هههههههه زاحفه
ليال:نننن تعال تريك لايبرد الجاي
ارشد:راح اسوي روحي ماسمعت ولاشفت
ليال:اممممم اكل ارشد شوي وشرب الجاي وصارت الساعه 5:07
ارشد:يلا بويه اني لازم اروح هسه يادوب اوصل
ليال بدموع:يعني هاهيه
ارشد:بويه لاتكسرين ضهري خليني اروح
نزلت واخذت جنطة وهي تمشي وراي لكيت امي كاعده
ارشد وليال:صباح الخير
ام ارشد:صباح الخير ييمه راح تروح يوليدي
ارشد:ايي والله يمه هاهيه يلا اودعناكم طلعت فتحت السياره بالكراج حطيت بيها الغراض والتفتت ليال واكفه فتحتلها ايديني
ليال:فتحلي ايده ورحت ركض حضنته حبيبي دير بالك الروحك وابقى خابرني مو تنساني احبك يبعد العافيه واهلها
ارشد:بنيتي ان شاء الله انتي هم ديري بالج النفسج وعمتي سهام اي شي تحجي تجاهليها ماشي بنيتي
ليال:ماشي بويه ماشي
ارشد:يلا بويه دخلي جوا راح اطلع اني
ليال:بسرعه دفنت وجهي بصدره راح اشتاقلك بعدت عنه وراح صعد بالسياره شغلها وطلع
اني دخلت جوا بوجهي للغرفه صليت ودعيتله يوصل بالسلامه ونزعت الجادر ولميت السجاده ورحت بمكانه لفيت روحي ونمت
..........................
ريفان
عشت حياة حلوه ويه فهد مرتاحين الحمدلله فهد مدللني كلش هواي
نزلت جوا فهد بالدوام  لكيت نبأ تسوي ريوك نفسي بلشت تلعب ورحت اتقيء
ام فهد:يمه شجاج خاف حامل ييمه
ريفان:لا عمه
ام فهد:شوكت اخر مرا اجتج
ريفان:قبل لانتصالح اني وفهد بأسبوع يوم وهسه هي موعدها بس منزلت
ام فهد:يمه اذا ماطلعتي حامل كولي عمتي مكالت
ريفان:والله عمه ماعرف
ام فهد:روحي بدلي نروح للمختبر
ريفان:تمام
رحت بدلت وطلعنا اخذو مني دم وطاعدين ننتضر النتيجه
البنت:ريفان محمد
ريفان:نعم
البنت:الف مبروك عمري حامل
ام فهد:يمه فدوه الحلكج ع هل خبر الحلو
ريفان:عمتي انطت للبنيه زياده فوق الفلوس
طلعنا وعمتي طايره من الفرح واني جنت فرحانه كلشش راح يصير عندي 3 اطفال عمريي
وصلنا للبيت
ام فهد:يمه كلللللللللووووويشش ريفو حامل
نبا:الف مبروك حبيبتي يبوو ثنينا حوامل ههههه
ريفان:يباركلج حياتي ربي يسهل علينه
اتصلت بأهلي كلهم فرحو واتصلت بليال اجاني صوتها
ريفان:الوو
ليال:هلا حبيبتي شلونج
ريفان:اني الحمدلله انتي شلونج اخبارج
ليال:والله ماشيه تمام
ريفان:شو احسج ضايجه خوما اكو شي
ليال:لا والله مابيه شي بس اليوم ارشد راح للدوام والضوجه تقراا الفففف
ريفان:ليش مأجيتي ويا الاهلنا
ليال:بربج وين اكدر اذا اجي راح يكولون هو ماخذها بس علموده من يجي تجي ومن يروح تروح ياكلون وجهيي وهاي عمته شالعه كلبي
ريفان:مالج دخل بيها ختولي صيري اعقل منها
ليال:الله كريم انتي شخبارج
ريفان:لج طلعتت حامللل
ليال:عمرري كوليي والله
ريفان:والله
ليال:الف مبروك حبيبتي
ريفان:يوم الالج وتفرحيني وتسويني خاله
ليال:امين حياتي يلا كلبي راح اروح اني بعدين نحجي
سديته منها وتغدينا وبقيت انتضر فهد هو دوامه يومي صارت الساعه 2 واجه اني جنت انتضره بالمطبخ
فهد:السلام عليكم
ريفان:وعليكم السللم هلا بحبي
تقرب حضني وكال
فهد:فرحانه اليوم
ريفان:حبيبي اني حامل
من كتله هيج حسيت الفرحه بعيونه
فهد:كولي والله حبيبتي انتتي ام جهالي
اجوي يركضون كنان وماسه
كنان وماسه:بابا اجه بابا اجهه
فهد:هلا ياروح ابوكم تعالو بحضني
ريفان:شالهم فهد ودخل سلم ع عمتي وصعد هو وياهم وصعدت ورا حضرتله ملابسه
ريفان:اصبلك الغده
فهد:ايي اسبح وصبي
ريفان:خوش لعد
فهد دحل يسبح وانيي نزلت احمي الاكل حميته وصبيته وصعدت لكيته هو والجهال يضحكون
ريفان:وهذا الغده الاحلى ابو كنان
فهد:عاشت ايدج حبيبتي
اكل ونزلت المواعين وصبيتله جاي ونام اجيت نمت بصفه الجهال نزلو يم بيبيتهم
فهد:تعالي بحضني
ريفان:ايي حبيبي
اخذ شفايفي ونزل ع صدري يبوس ونزعني ملابسي وصار فوكاي وووووووووووووووو.....
فهد:اخخ ولا اشبع منج
ريفان:والله اني هم
فهد:خلي اشبع منج عكب باجر رمضان وماكدر انتضرر ههه
ريفان:ههههههههه
فهد:وحضري روحج باجر اخذج للدكتوره
ريفان:ان شاء الله
فهد:كومي نسبح وننام
كمنا سبحنا ونمنا
مر 16 يوم  برمضان وعايشين طبيعي الى ان اجه اليوم اللي مجان بالحسبان دا انزل من الدرج وماحسيت الا واني بالكاع فقدت ماحسيت بشي بعد
صحيت ولكيت فهد يمي
فهد:هاا حبيبتي شلونج
ريفان:ابني خوما بي شي
فهد:راح يسسولج كورداش الدكتوره كالت الطفل ماات ببطنج
ريفان ببجي وصياح:لاااا هذاا ابننيي مايموت كلشي مابييي
فهد:حبيبتي اسكتي بلا هالبجي كافيي
ريفان:ماسوي  العمليه والله هئ هئئ
فهد:اششش كافي حبيبت امج هم اجتي بالطريق
ريفان:دخلوني للعمليات وجان وجعع مو طبيعي ردت اموت وجع كلبي ووجع جسمي
...................................
في بيت اهل ارشد
مر 10 ايام ع دوام ارشد لو بس تعرفون شكد متعلقه من داوم ماكدر انام تعودت الا ع ايده احط مخدته وانام عليها لان بيها ريحته  ومنا رمضان ومسحوله سحل
نزلت الصبح الساعه9 كملت تنضيف وصعدت اتصل بأرشدي اتصلت كام وجتني صورته
ليال:العافيه مالتي شلونها
ارشد:زين الحمدلله انتي شلونج بويه
ليال:ههههه شعرفك انت العافيه يمكن اقصد احد غيرك
ارشد:اطيح حضج اذا جان قصدج غيري
ليال:احبك انت وغيرتك
ارشد:بنيتي الحلوه مشتاقلج
ليال:اني اكثر
ارشد:يلا مابقى بس 5 ايام تحملي 😉
ليال:ارشد عوذه شكد نيتك وصخه شكو تغمز
ارشد:شبيج انغزتي هو اني شكتلج بس انتي نيتج وصخه
ليال:هو اني لو انت من سوالفك واضحه
ارشد:هههههههههههههههههههههه
سديته منه ومرو الايام وسهام طول هالفتره من تحجي شي اتجاهلها
اليوم نزول ارشد كعدت الساعه 8 الصبح عدلت الغرفه حضرت ملابسه واتصل علي اجاني صوته
ارشد:روح ارشد
ليال:عمريي شلونك
ارشد:والله هسه طلعت من مطار البصره (طبعا من اجي من الدوام لان تعبان مالي خلك اسوق ادز سيارتي بالمطار واجي اني بالطياره ومن اوصل مطار البصره اخذها
ليال: هلا بيك يروحي صايم اليوم انت مو
ارشد:ايي بويه بس اريد اتناول الجربايه وانام
ليال:محضرتلك كلشي حبيبي
سديته منه ونزلت جوا ماكو احد كلهم نايمين بس عمتي وحبوبه وجدو وعمي
ام ارشد:ارشد جاي مو
ليال:ايي يمه هذا جاي راح يوصل
الجده:يا هلا بي
الجد:راح تنور بصرتنا بجيت المعدل
ابو ارشد:ايي والله سبع الديره هذا. بويه ليال هو جاي طيران مو
ليال:اي بابا اجه طيران
ابو ارشد:ايي احسنله تعب علي الطريق
ليال:ايي والله عمو سمعت الهورن مالته يدك وطلعت ركض شفته نزل من السياره ببدلته السوده وشلون شكله واضح علي التعب ركضت عليي وحضنته
ارشد:نزلت من السياره وشفت سنفورتي اجتي تركض حضنتني واني حضنتها خرب بيومج ليال شكد مشتاقلج
ليال:حبيبي شتاقيتلك وشتاقيت الهل عطر اليجنن
ارشد:متروس ريحة بارود منين طيب هههه
ليال:والله العظيم ريحة العطر اللي احبها فايحه شنو تكول ماكو عطر
ارشد:هههههه يلا ندخل جوه
دخلت جوه سلمت عليهم كلهم وصعدت فوك
ليال:صعدنا فات للحمام هو سبح وطلع لابس شورت رياضي وتيشيرت
ارشد:شغليلي الشسوار خلي انشف شعري وانام
ليال:حاضر وليدي
ارشد:ولج سنفوره وليدج شنو ههههه
ليال:امممم هاي كل مرا تطلعلي لقب جديد نشفتله شعره وهو عله السبلت ع الاخير اني جنت مسويته ناصي انصى درجه
ارشد:ليش ناصي السبلت
ليال:بارده حبيبي لاتعلي
ارشد:انجبي يلا وتعالي اريد انام ولاتكعديني حتى ع الفطور اذا ماكعدت عوفيني
ليال:رحت بحضنه شلون اعوفك جوعان
ارشد:تعبان ميت تعب والله
حضنتها وحطيت راسي بركبتها ونمت
ليال:حسيت بجسمه صار ثكيل معناها نام واني من شفته نام بسته ونمت
كعدت الساعه 3 ونص العصر باوعتله لكيته غاط بالنوم بعد عمري تعبان سحبت روحي منه ع كيفي لان اذا ما انزل هسه سهام تكلب المطبخ فوك راسي غسلت و عدلت شالي ونزلت
ام ارشد:ها يمه ارشد نايم
ليال:ايي يمه نايم خطيه فاقد الوعي بكد التعب
الجده:ربي استودعتك وليدي بعينك الذي لاتنام
ام ارشد وليال:امين
سهام:زين هسه هو تعبان ونايم يالمسعده انتي شعندج نايمه ماتنزلين تكولين احير بفطور اليوم رجلي موجود
ليال:استغفر الله بلشنا
سهام:شنو قصدج
الجده:سهام كافيي
ام ارشد:ليال يمه تعالي وراي للمطبخ
ليال:حاضر امي
رحنا للمطبخ
ام ارشد:يمه مالج دخل بيها اي شي تحجي تجاهليها
ليال:ماما ترا والله ميصير هيج حاطتها وياي شوفي سمر ونهى مو نايمات كل وحده بغرفتها شو متحجي وياهم بس اني حاطتني وتتحكم بيه هي لا عمتي ولا شي انتي المفروض تتحكمين مو هيه
ام ارشد:بنيتي الحلوه اني ما اتحكم بيج وهي عوفيها اني شسوت بيه قبل شيبتني قبل بوكت بس تجاهلتها الخاطر عمج وانتي الخاطر ارشد خطيه يجي تعبان وكاتله الضيم يجي يرتاح لو يفزع بينجن وهي الله يسلمها من تشوفه تزيد بمشاكلها
ليال:هاهيه بعد مالي دخل بيها انطيني بوسه خوما زعلتي انتي مني
ام ارشد:يمه اكو وحده تزعل من روحها
ليال:بستهاا وحضنتها.. اوفيشش يبعد العافيه شكد احب ريحتج
ام ارشد:ههههه بنيتي الحلوه يلا سوي فطور حبيبه
ليال:شنو اسوي
ام ارشد:سوي تشريب لحم مثل ميحبه ارشد
ليال:صار حبيبتي
طلعت اللحم ونكعت التمن واجتي سمر ونهى
سمر ونهى:هلاو شنو كاعده تسوين فطور
ليال:هلا داسوي تشريب لحم
سمر:نكعتي التمن
ليال:ايي
نهى:لعد اني راح اسوي الشعريه
سمر:واني اساعدج اسوي التمن وانتي سوي المركه
ليال:ماشي
هنادي:هاا شنو تسون
البنات:فطور
هنادي:هاي سهيمه شكد تلح الخاطر ربها
ليال:ختولي وجهه البومه
البنات:هههههههههههه
سمر:ايي يمعودات بس رافعه هالخشم
نهى:انجبن واسكتن لاتجي هسه
ليال:بلشت اطبخ وكملنا باقي ساعه ويأذن
سمر:يلا هنادي كملي الزلاطه لاتضلين فاهيه
هنادي:انجبي انتي هههه
ليال:ديلا كملن اني راح اروح اكعد ارشد
البنات:يلا روحي
صعدت فوك دخلت للغرفه الضوه مطفي ورحب بصفه بسته
ليال:حبيبي ارشدي كوم اكعد راح يأذن يلا يروحي ارشد وليدي كوم اكعد عاد كافي نوم من الصبح انت نايم اكعد
ارشد:هاا بويه ماريد ما اشتهي
ليال:مو بكيفك يلا حبيبي عاد كوم كافي
ارشد:يلا حضريلي ملابسي اسبح واصحصح وانزل
ليال:من عيوني
رحت حضرتله ملابسه خليتهم بالحمام واجيت لكيته واكف يم المرايه حضنته من ورا وهو اندار عليه
ليال:مشتاقتلك ترا مشفتك من اجيت كبل نمت
ارشد:بنيتي المشتاقتلي اني هم اشتاقيت الهل وجه الحلو
ليال:اخجل ترا
ارشد:انتي وطولج لو بوحدج
ليال:ارشدددد شبيك تعيب ع طولي شوف وين اوصل ترا مو مهم الطول المهم وصلت كلبك
ارشد:ههههههه هاي كل هالطول وبيج بله لعد لو بيج طول جان شسويتي يحلوتي
ليال:حبيبي لاتعيب الله عليك
ارشد:بنيتي انتي بهذا طولج وسابيه عشيرتي لعد شحال لو طويله
ليال:اعشكك عشك بغدادي
ارشد:يلا لاتتحارشين اريد اسبح
ليال:كرصني من خدي وراح
طبعاً اني اوصل الارشد جوه كلبه 🙂
نزلت جوه
ام ارشد:يمه ارشد كعدتي
ليال:ايي ماما دايسبح هسه يخلص وينزل
رحت للمطبخ
ليال:هاا هنوده خلصتي الزلاطه
هنادي:ايي حبيبي
ليال:اجيت سحبت الكوب لكيته عند منتظر ابن مهند حتى احطه بالكاونتر ووكع من ايدي
واجوي ع صوت الكسر امي سماح وسهام
سهام:شكسرتي يمعزايه
ليال:اسم الله شكو تعزيني هو كوب وطاح الشر
ام ارشد:طار الشر فدوه
سهام:ولج المكموعه هذا مو الكوب مالتي كسرتي يكسر ايدج ان شاء الله
ليال:عمه والله هو وكع شعرفني الكوب مالتج جان عند منتظر واخذته منه
سهام:انكسرت ايدج هذا الكوب من صديقتي جابته اليه. صارله عندي 5 سنوات هسه انتي اجيتي وكسرتي
ام ارشد:طولي بالج خيه
ليال:عمه اني اجيبلج غيره واكتبلج اسمج واحط صورتج ع الكوب بس سدي حلكج راح يأذن
سهام:جعل الاذان يجي ومايلكاج
ام ارشد:صلي ع النبي خيه ميصير تدعين
دخل ابو ارشد
ابو ارشد:شكوو شنو هل صوتت هذا
سهام:خويه متشوف جنتك شلون حيه صفره ايي شي يخصني تتعمد تكسره الكوب اللي جابتليا صديقتي كسرته
ليال:عمو والله بدون قصد واعتذرت منها بس هي قافله
ابو ارشد:كافييي سهام مو عيب علمود كوب بهل المغربيه مسويتلج شالفه
سهام:خويه لعد متحجي وياها من اجتي وهيه شاده وياي مو عيب عليها
ابو ارشد:بويه ليال شعندج ويه سهام
ليال:عمو وداعتك ماعندي شي وياها الكوب جان عند منتظر وخفت لايوكع علي ويكسره وينجرح اخذته منه حتى احطه بالكاونتر وتزحلك مني
ابو ارشد:هاهيه بويه سدو الموضوع سهام اسكتي
دخل ارشد ع الصوت
ارشد:شكووو شنو هالصياح بهل المغربيه مايمر يوم بدون مشاكل
ابو ارشد:ها يبويه شلونك
ارشد:حضنت ابويه وسلمت علي
سهام:شوف مرتك الحيه
ارشد:شبييها شمسويه
سهام:تذكر الكوب اللي جابته صديقتي لان غالي عليه لزمته وكسرته اللهي يحرك كلبج ياليال مثل محركتي كلبي
ام ارشد:خيه اسم الله ميصير هالادعيه
ارشد:ليال ليش كسرتي
ليال:ارشد والله العظيم الكوب تزحلك مني جان شايله منتظر وكتلها اجيبلج واحد ثاني احسن منه اسئل البنات
سمر: ايي هي اجتي اخذته وتزحلك منها مجانت متعمده
ابو ارشد:سهام وتالي وياج حاطتها ويه الطفله
سهام:هاهيه خويه
ارشد:ليال اعتذري من عمتج
ليال:حاضر..عمه اني اعتذر منج
سهام:يلا هاهيه بس اطلبج كوب
ليال:ادللي
باوعلي ارشد وسوالي حركه بخشمه واني ابتسمت
وطلعو من المطبخ صبينه الفطور وشوي واذن  اخذت تمر ولبن حطيت الهم يفطرون واخذت منهم وانطيت الارشد
ليال:ارشد اخذ هذولي افطر بيهم
ارشد:تسلمين بويه
الجده:يمه دشوفو الدلال قبل لاتفطر هيه تفطره الله يرزقج بكد نيتج
ليال:حبيبتي حبوبه امين
ارشد:هاج اشربي وافطري
ليال:فطرت تمر ولبن بس نفسي مسدوده اكلت شوي وكلت الحمدلله
الجده:چا شكلتي انتي هذا اكلج مايوصلج للباب
محمد:هي ليال مو جديدين عليها يوميا اول وحده تخلص
مهند:عود كيوت يعني ههههههههه
ياسين:غير نازوكيه البغداديه
ليال:لا مو هيج بس اني ما اشتهي
ارشد:عوفيهم روسهم مربعه عوفوها
الجده:والله ليال اكلج مايعجبني
ليال:ههه لا حبوبه خلصت والله
رحت اغسل شوي ولحكني ارشد
ارشد:ليش مأكلتي
ليال:لا الحمدلله شبعت انت اكلت
ارشد:عاشت ايدج بنيتي
ليال:الفف عافيه
ارشد:بويه كوب چاي وحباية راس
ليال:مو يدلل زلمتي
ارشد:ههههه
رحت كعدت وليال راحت تصب چاي والبنات يلمون بالاكل
الجد:بويه شلون دوامكم
ارشد:والله الحمدلله بس عدنا عمليه بالموصل الشهر الجاي
ابو ارشد:بويه دير بالك ع نفسك
ارشد:ان شاء الله يابه
الجده:بحفظ الرحمن ان شاء الله
ام ارشد والكل:اميين يارب
ليال:جبت الچاي ووزعته وانطيت الحبيبي كلاص مي والحبايه شربهم وانطيته الچاي
محمد:ارشد المهره ولدت
ارشد:خير ان شاء الله
سهام:شوكت انت تفرحنا بوريث للعائله
الجده:ايي والله شوكت يمه
ارشد:الله كريم الرزق بيد الله وباوعت الليال شفتها تباوع
مهند:ارشد تجي نطلع ويه الولد
ارشد:راسي يوجعني هسه شوي ونطلع وصعدت الدرج
وتلفوني دك طلعته هاي ام ليال باوعت ع ليال ورديت
ارشد:هلا بيج عمتي بخير الحمدلله انتو شلونكم اخباركم ان شاء الله بخير
ام ليال:بخير اذا انتو بخير شو ليال اتصل عليها مترد خوما بيها شي
ارشد:تلفونها فوك
قبل لا ادخل الغرفه صحت ليال تعالي ودخلت للغرفه
ام ليال:يمه تكدر تجيب ليال ولو انت تعبان واليوم نازل بس خطيه اختها
ارشد:خير ان شاء الله خوما اكو شي
اجتي ليال وضلت تباوع عليه وكعدت بصفي
نرجس:والله يايمه مريضه بالمستشفى
ارشد:هاي ليال وياج
ليال:اخذت التلفون من ارشد وعلامات استفهام براسي
نرجس:ها يمه حبيبتي شلونج
ليال:زينه حبيبتي انتو شلونكم الولد وبابا شلونهم
نرجس:كلهم زينين بس اختج مو زينه
ليال:شنوو شبييهاا
نرجس:اليوم واكعه من الدرج وسقطت الطفل وراح يسولها باجر كورداش الطفل وماخذها النزيف
ليال:عزااا شلون هيج يلا ماشي امي بعدين نتفاهم
سديته منها ونزلت دموعي ع ريڤان لازم تطلعلها شي ويخرب عليها
ارشد:كافي بويه اني باجر اوديج الها الصبح نطلع
ليال:حضنته... حبيبي وانت تعبان واني ازيدها عليك
ارشد:لا بنيتي لاتنقهرين
اخذني بحضنه ونومني رغم جانت الساعه ب 8 ونمت بحضنه ماحسيت الا ويه السحور
لكيته هو هم نايم عمريي شكد تعبان
كعدته يتسحر
ارشد:ماريد جيبيلي مي بس
ليال:لعد اني هم ماريد مراح اسوي نشرب مي وننام
ارشد:اكلي انتي لاتضلين فاهيه
ليال:لا حبيبي ما اشتهي
شربنا مي وحطيت راسي بصدره وبقيت اشتم بي
ارشد:لاتتحرشين بويه
ليال:عطرك يسحلني ههههه
ارشد:نامي ورا الاذان نطلع
ليال:ماريد
ارشد:لعد اني هم ما نعسان
ليال:حبيبي هم يجي وتمل مني
ارشد:لا
ليال:ولا راح تعوفني وتتخلى عني
ارشد:ماعوفج والله مايفرقنا بس الموت
ليال:اسم الله عليك
ارشد:ليال اذا متت اني بيوم شنو راح تسوين
ليال:ارشد لاتحجي هيج كلبي ميتحمل
ارشد:احجي حبيبتي اريد اعرف اذا متت
ليال:اموت وراك
ارشد:تزوجين من بعدي
ليال:ضربته ع كتفه..لاتحجي هالحجي حبيبي الله عليك
ارشد:بنيتي الموت مايعرف احد اني اذا متت مو وحد عن العالم
ليال:دموعي نزلت ودفنت راسي بصدره لاتجيب طاري الموت بعد اموت وراك والله العظيم
ارشد:بنيتي لاتبجين اريدج تكونين قويه اذا يصيرلي شي
ليال:اني بدونك ولاشي بوجودك قويه اصير غير ياكلوني اسم الله عليك
مر الوقت واذن كمنا صلينا سوا وهو يقرأ قرآن بصوته
يجنن راحه نفسيه  واني هم كعدت اقرا ويا صدقنا وكال
ارشد:يلا كومي حضري الملابس شوي ونطلع
............
الى هنا وانتهى البارت صوتو واعذروني ع التأخير جنت مريضه وتابعوني انستا z8.690