بلوة الظابط

البارت الخامس عشر

هلاو ياروحي شلونكم صوتو للبارتات وتابعوني احبكم واريد رأيكم بالقصه
يلا نبلشش
.................................
ليال
كاعدين اني واهلي وابوي كال
محمد:راح اتصل ع ابو علي علمود يشوفلي اهل ارشد لان عيب صار كم يوم واحنه ساكتين
حيدر:ايي بويه شوفه بس اني اللي اكول مامنهم العيبه خوشي زلمه ارشد
نرجس:ايي والله صحيح
محمد:هسه خلنشوف
ابوي اتصل وفتح صوت المكالمه رن مرتين والثالثه رد
ابو علي:هلا والله عاش من سمع صوتك
محمد:انت العايش حبيبي شلونك اخبارك الاهل شلونهم
ابو علي:والله بخير ونعمه انت شلونك الاهل شلونهم
محمد:كلنه بخير نسئل عنكم
ابو علي:تسئل عنكم العافيه
محمد:الغالي ابو علاوي
ابو علي:حبيبي ابو حدوري الغالي
محمد:اكلك ابو علاوي
ابو علي:الغالي كول
محمد:اريد اسئلك عن ناس
ابو علي:ايي تفضل تأمر امر
محمد:ميأمر عليك ظالم حبيبي بيت الشيخ علي ابو حسين بمنطقة(......) شلونهم سمعتهم
ابو علي: هذوله شيوخ عشيره حيل خوش ناس كلها تمدح بكرمهم وطيبهم وزلامهم اجاويد
محمد:اسئلك عن ابنهم ارشد
ابو علي: الا ارشد ميحتاج سؤال عنه كلها تعرفه بكرمه وهيبته والناس تحسبله الف حساب شيخ عشيره بمكان جده علي ليش شسوي بيهم
محمد:والله ارشد خطب ليال
ابو علي:والله هاي ليال ام الجبوسه كبرت وصارت عروس ههههه
محمد:ايي والله شنسوي هههه
ابو علي:والله ليال متلكه احسن من ارشد وحرامات اذا ترفضونه يابه البنات يتمنن قسمتهن مثل ارشد
محمد:هاهيه حبيبي خير ان شاء الله
سلم علي وسده وباوع عليه
محمد:ليال مقتنعه
ليال:ايي بابا
محمد:ليال اهل البصره ماعدهم بنات يدرسن وماعدهم بنات يضلن بس طالعات مو منتورطين نفسج وتورطينه تكولين ماريد اني اعرفج شلون تصرفاتج
ليال:لا بابا موافقه
محمد:هاهيه بويه هسه اخابر شاهين واكله واشوف شنو رأيه
ليال:ايي
اتصلنا بشاهين وفتحنا كاميره
شاهين:شلونكم
الكل:الحمدلله وانت شلونك
وبقينا نتسالم الى ان بابا حجه
محمد:شاهين بويه اختك اجتها مشيه
شاهين:ياتعيس الحظ راح يبتلي بليال

طبعاً محجيت لان بابا موجود وماريد ابين اني اريد اتزوج 😂
محمد:ارشد خال صديقتها سئلنا علي وما اجه منه غير الحجي الزين شتكول انت
شاهين:بابا ارشد خوش ولد واصلا اني ناوي اخذ منهم مرا من اجي يصير خير وافقو ع ارشد خوش رجال من شفته رتاحيتله
محمد:هاهيه لعد
ضلو يسولفون وراها سده منه
محمد:نرجس شنو رأيج
نرجس:ايي والله خوش ناس وامه وبيبيته واخته فد ينحطن ع الجرح يبرد
دك تلفون ابوي
محمد:هذا ارشد هو دك
جاوب وفتح الصوت
محمد:الوو
ارشد:السلام عليكم شلونك عمي
محمد:ياهلا وعليكم السلام زين الحمدلله وانت شلونك
ارشد:عمي شصار ع موضوع موافقتكم مو راح يصير اسبوع
محمد:ايي حبيبي ان شاء الله البنيه الك وجيب اهلك وعمامك وتعالو هلا بيكم بأي وقت
ارشد:يشرفنا نزوركم ان شاء الله من انزل من الدوام نحدد يوم المشيه والعقد
محمد:ان شاء الله حبيبي
سده وباوعلي
محمد:هاهيه ليال بعد راح تزوجين اللي اطلبه منج تعقلين