بلوة الظابط

البارت التاسع

أول مشاوير العمر
چانت عيُونچ.
....................
ليال
وصلنه علمود نحتفل لكينا اهل بنين هنا وبنين واقاربنا دورت بين الوجوه ماكو هو
ليال:وينه
بنين:هسهه يجي
ليال:ها خوش.
اباوع شاهين عيونه ع بنين ما شالهم 😉
ليال:بنو شعندج ويه شاهيني باعي نضراته عليج 😉😂
بنين:انجبي لج الولد نضراته عفويه
ريفان:لالا صحيح ليال متجذب 😂
بنين:باع هاي الثانيه
ليال وريفان:هههههههه
واجه أرشد بس يايمه كلبي راد يوكع
أرشد:السلام عليكم
الكل:عليكم السلام
جانت عيونه عليه ومبتسم
ارشد:مبروك دكتورتنا
ليال:يبارك بيك ان شاء الله
أرشد:مبروك ريفان
ريفان:يبارك بعمرك خويه
واحتفلنه وبقينا نلعب وارشد راح المكان واتصل عليه
أرشد:هاا بويه تعالي
ليال:شلون
أرشد:انتي وبنين
ليال:تمام
اخذنا اذن منهم اني وبنين
شاهين:ليال خلي تلفونج بأيدج لاتضيعين 😂
ليال:ننننن يلا بنو امشينا
بنين:يلا
رحت ولكيته واكف ينتظرني وصلت يمه
أرشد:شطالعه اليوم
ليال :قمرر
بنين:احمم
أرشد:ها بويه
بنين:اني راح اروح هناك وانتو اخذو راحتكم
ارشد:لاتبعدين هناك اكعدي
ليال:ليش ترحين
غمزتلي وراحت
أرشد:ليال راح اخطبج
ليال:لا حبيبي الوضع متكركب
أرشد:براحتج
ليال:ايي حبيبي.
فتح علبه وطلع منها كلاده ذهب مكتوب بيها لياليي
أرشد:تستاهلين اكثر
ليال:عمريي هاي ليش تعبت نفسك
أرشد:ماكو تعب انتي مرتي
ليال:احبك والحسين
أرشد:والعباس اني هم
ليال:حبيبي اليوم شطالع شدعوه هيج حلو
أرشد:والله لو يسمعوج الي يتدربون عندي استغفرالله هههههههه
ليال:هههههههه
أرشد:ضحكة البرابيك اللي منعتج منها
ليال:شلون يعني مانضحك
أرشد:يلا روحي قبل لايضل بالهم
ليال:باوعتله صففح
أرشد:عيونج راح افكسهن
ليال:ننننن بنين
رحت البنين وعفته اذا اضل نتعارك
بنين:هاا ولج يلا امشي
دانمشي وصادفنه شاهين
ليال:هاا حبيبي
شاهين:ها ضل بالي
ليال:ضل بالك 😉
شاهين:امشي يلا كدامي
خلصت الحفله ورجعنا للبيت..
وراح نبلش بتحضيرات عقد ريفان وفهد
...................................................
ريفان
طبعاً بلشنا تحضيرات العقد وامي مو راضيه ع هالزواجه
ريفان:ليال شنو رأيج اخذ هذا الفستان لو هذاك
ليال:اخذيهم اثنينهم مو ماما
نرجس:شعليه اني مو انتن كلتن مالج دخل
ليال:نرجوسه حياتي عود اني اخذ وسام.. طبعاً لان اعرفهم ميطيقوني حجيت هالحجي 😂
كملنا مشتريات ومشت الايام بين الروحه والرجعه رحت للصالون اعدل شكلي قبل العقد
حيدر:يلا امشن عادد
ليال:اوييي شبيك مستعجل
حيدر:اكلي نعال واصعدي انتي
ليال:وايي طعمك يجنن درجه اولى
ريفان:خرب بيومج 😂😂
حيدر:ليال انزلي مترحين
ليال:دروح ميته ع سيارتك.. فتحت الباب حتى تنزل وهو حرك السياره وسدته.
وصلنا وبلشت بيه تغير شكلي 180 درجه
ليال:خرب بيومج تجننين والحسين
ريفان:عمري جمال عيونج
لزمت ليال بس هيج تعديلات لان هي مو عروس 😂
ليال:يربي والله اكثر شي يضوجني ماكدر ابوس نفسي
ام الصالون:فدوه لـ الله غير طالعات تخبلن
ريفان:عيونج الحلوه عمري
ليال:حياتي والله اعرف نفسي مخبلتكم 😂
خلصنا واتصلنا ع حيدر كال راح ادز شاهين اجه شاهين وطلعنا
شاهين:لك شني هاي عمي ريفان طلعتي من البيت جبار رجعتي أنثى وين اختي شسويتيلها
ليال:ذبحتهاا
شاهين:وانتي ام صماخ
ليال:لك ترا أفضح السوالف خليني ساكته ومتحمله
شاهين:ليش شنو تعرفين
ليال:بنونه 😏
شاهين:انجبي شعندي وياها اني رجال عندي سفرات كم يوم وراجع ماريد اتزوج
ليال:احمم ايي واني شنو حجيت
ريفان:ماذا يحدث هنا
ليال:رجعي نامي بنيتي
شاهين:هههههههه
وصلنا للبيت..
حجيت ويه فهد ونمت..
كعدت ع صوت ليال ومروه وبنات عمامي وخوالي
ليال:يلا كومي عاد حتى ترحين للصالون
ريفان:ايي
ليال والبنات:فهود خطبوله مرا يابويه ومرته وجه القندرا يابويه كلوووووووووووشششش
ريفان:الله يطيح حضجن
ليال:لالا اسمعن
ليال:‏جبنه النادره هيه وكلكسيها من نوم ضهر لحد يصحيها 😂
البنات:كلللووووووويش
ريفان:متت ضحك ع خبالهن
ليال والبنات:وفهودي جبنالك مره وعوف درب السرسره ... فهودي طفي الكلوب خدها يشع وي الروب...... وفهودي طفي الاله والعيون دلاله............. لفها بقميصك لايطيرها الهوى كلوووووووووووشششش
ريفان:وسمم 🤣🤣
ليال:يلا بنات بعد بعد صارلي اسبوعين احفظ هوسات 😂😂
البنات:هههههههه احنه هم
ليال والبنات:زوجنا الجان مسربت مايلفي آلة بنص اليل😂😂
الأم:لياللل شهل صوت يلا نزلن علمود تروحن مابقى وقت
ليال:ديلا عيني هسهه
ريفان:نزلت والكل مجتمعين وسلمت عليهم كلهم
الجده:ربي يسعدج يمه يوم الهاي العوبه ويفرك لسانها ويأدبها
ليال:بيبي لساني بشنو مضوجج متكليلي الا اضل ع كلبج ما ازوج 😏
الجده:ياععع عوذه شلون وجهه
ليال:بيبي هاي تعيبين ع وجهي متشوفين وجهج لو عندي حرامات اغسله واصرف مي
الكل:هههههههه
الجده:فوتي لا بارك الله بهل وجه جنج المنغولي
ليال:اهه اني جني المنغولي كسرتي قلبي
الام:ليال والعباس اشحطج تعال يمه شاهين اخذ هاي البلوه
الجده:تعال ولك كصلها لسانها
شاهين:شكوو ليش شسوت.
حجتله بيبي كلشي طبعاً هاي بيبي ام نرجس امي
الجده ام محمد:يمه غير انتن حاطاتها ويه هلفرخه شوفنها شلون حليوه
ليال:ع اساس هاي مدحتني تكول فرخه خلف الله عليج بيبي
شاهين:امشي كدامي يلا بالسياره حتى تروحون
رحنا للصالون وبلشت بيه ولبست الفستان وصاحت ليال
ليال:لك عمي اليوم فهد يتخبل
عمتي:ماشاء الله تبارك الله عين الحاره بارده تجننين
ليال:يلا حبي بلشي بيه راح يعيفوني اخر شي ويرحون 😂
بلشت بـ ليال وحده بلشت بعمتي وكملن
ليال:ها شلوني
ريفان وامنه:تخبلين يروحي
ليال:لك امون طالع تشك
امنه:هههههههه
كملنا واجه شاهين
شاهين:بلا زحمه اخواتي وين صاعدات
ليال:والله نعحبت بهل خلقه واريد اصعد وياك 😉😂
شاهين:عفت عمتي واخواتي هنا ممكن تصيحون عليهم وانتن نزلن لاتبلني هههههههه
الكل:هههههههه
وصلنه للبيت واعتلكت الهلاهل
دخلت كعدت ع الكوشه واني الكاع مو شايلتني من الفرح
الكل صار يهوس والاغاني
وصاحت ليال
ليال:‏ضوة البيت واركانة من
طبت ريفانه💃💃
الكل:كلللووووووويش
وبلشن يركصن هي ومروه وفاطمه ورهف شوي واجتي بنين وامها وأخواتها سلمن وباركن وتكابلن هي وليال
...............
ليال
اجتي بنين هي وأهلها سلمت ع امها
بلقيس:عمري فدوه شهل جمال كله نياله لأرشد تمنيت امي وبيبي يشوفنج
ليال:عمريي جمال عيونج ياعمري الله كريم
بنين:لك ابو اللول طالع تشك.
ليال:والعباس انتي تشكين حتى شاكه حلك اخويه المسكين
بنين:شنو
ليال:انحبي وتعالي نركص وبلشنا نركص ونهزز 😂😂
واخذنا صور النا وصورنا ريفو بعد عمري طالعه تجنن
شوي وكالو اجوو اهل العريس
ليال:معرس الغفله وصلل 😂
ريفان:لج سدي حلكج
بنين:هههههههه
البنات:هاا ليال بعتينا من اجتي بنين
ليال:لا بس هاي الحبيبه انتن يوميا اشوفجن بس هي لا
دخلو اهل العريس وسلمو وبلش الركص واباوع الريفو خايفه واضح عليها رحت يمها اني وبنين
ليال:امشي بنو نروحلها
بنين:يلا
ليال:ريفوو افرحيي مو هذا الكتلتي روحج علي
بنين:ايي لو فهد لو ما ازوج 😂
ريفان:يولن مرتبكه مدري شبيه
شوي وصاحو علمود العقد
راحت ريفان كعدت يم الباب
.............
ريفان
جنت خايفه مرتبكه وشعور حلو وغريب شوي وصاحو كالو خلي تجي علمود العقد لبست البرنص وكعدت يم الباب حطيت رجلي بمي ورد وحطو قرآن وهيل بين اصابعي
الشيخ: ريفان محمد.. هل تقبلين الزواج من فهد أحمد.. ع مهر المقرر حاضره.. ومعجله.... اذا كنتي موافقه فقولي نعم وانت وكيلي
ندستني ليال وكالت
ليال:لاتردين بسرعه اشلعي كلبه 😂
بقيت ساكته عادها مرتين يلا
ريفان:نعم وانت وكيلي وعله صوت الهلاهل
الشيخ:فهد أحمد هل تقبل الزواج من ريفان محمد اذا كنت موافق فقول نعم وانت وكيلي
اجاني صوته خشن اخذ روحي
فهد:نعم وانت وكيلي
الشيخ:مبارك لكم اعلنكم زوج وزوجه
اعتلك صوت الهلاهل والاغاني
جدة فهد:‏ مساء الخير ياهل الخير جينه نريد جنته كلوووووووووووششش
ليال:مخيل واخذله مسودنه يايمه تحملي😂 كلللووووووويش
عماته وخالاته:‏فرحنه واليحبنه يفرح ويانه هاذه اول فرح شفنا ابدنيانه............ طوينه أعلى الحزن خلي الحزن راح ربك عوضنه جاب الأفراح......... ذبو القوط يهل القوط فهودي لبس قاطه
ليال والبنات :كلوووووووووووشششش
ليال:‏احنه الخاام ابيض كل غش مابينه هلا هلا هلا
البنات:هلا هلا هلا كلوووووووووووشششش
جدة فهد:يلا يمه راح يدخل الولد يلبسها الذهب
من كالت هيج ارتبكت يعني حبنا انتصر دخل فهد ولابس قاط اسود طالع يجنن باسني من راسي وكال
فهد:الف مبروك النا تحقق حلمنا وهاي احنه عرسان
ريفان:الله يبارك بيك