بلوة الظابط

البارت الحادي عشر

طبعا اول شي كل عام وانتو بالف خير سنه سعيده مليئه بالخير عليكم
ولاتنسون تفاعلكم ويه الروايه
يهمني احبكم والعباس ❤️🙂
..........................................
ارشد
جنت طالع ورجعت كعدت ويه العائله ع اساس
ارشد:سلام عليكم
الكل:عليكم السلام
الجد:هلا بويه تعال اكعد
ارشد:هلابيك جدي شلونك
الجد:زين الحمدلله
الاب:ارشد انت تضل هيج
ارشد:ليش حجي صاير شي
الاب:ارشد الى متى تزوج وفظها عاد اخوانك الاصغر منك تزوجو وخلفو وانت لحد هسه كاضيها سفردح شني الجبير ماضله احترام لوو شنوو
ارشد:ع كيفك زواج اذا اني ممقتنع شلون بالله واخواني كل شخص يمثل نفسه
الاب:ارشد ريماس بنت عمك سلطان راح اخطبها الك وهذا اخر كلام عندي
ارشد:حجي البنيه لاتظلمها ترا عندي استعداد اعوفكم واروح وما اعقد عليها
الجد:ع كيفك ابو ارشد هو براحته 
الاب:لايابه ما اسكتله بعد اللي بعمره جهاله بالمتوسطه
ارشد:اللهم طولج ياروح
الاب:ارشد ريماس اليوم احجي ويه ابوها ونفض السالفه
ارشد:ماريدها اني ما اتزوج من البنات اللي عدنا اكو بنيه حاطها ببالي واريدها
الاب:ارشد مني هاي البنيه
ارشد:من بغداد مو منا
الاب:ولك تالي عمري ينكال علينه عافو بناتهم وراحو جابو البغداديات الغريبات تريد تنزل راسي عمك شنو اكله
ارشد:والله جبت عمري كله فاني علمودكم ومن اريد اسوي شي كلكم بوجهي لو يحظر مدري منو البنيه اخذها يعني اخذها
الجد:شنو تعلون صوتكم كدامي حسين كافيي عوف الولد هو مو طفل رجال شكبره يعرف مصلحته لاتلحون
الاب:والله وحق هو الله اذا البغداديه تدخل بيتنا احرك البيت ع راسكم
ارشد:لعد براحتك انت هذا رأيك واني اخذها ونكعد ببغداد
الاب:ولك تعوف اهلك وديرتك علمود البغداديات
عمة ارشد:ولك خويه هذني امهات السحوره كلشي يسون طاكات هالولد بسحر وفارات مخه فرر
ارشد:انتي رجاءً اسكتي لان ماريد اتجاوز عليج البنيه خوش بنيه ومن اهل الله ماعدها هالسوالف
عمة ارشد:راسلتك بالتلفون اكيد تراسل عشره غيرك
الاب:سوالف التيفونات وروحاتك البغداد الله اعلم اذا ماطلعت حامل منك ومصر هالصره عليها
ارشد:لاتكفرونا بدينكم
عفتهم وطلعت بوجهي البغداد بالطريق لان جنت امشي بكل سرعتي وطفر التاير لان جان طاك الويل ومادري بي ونكلبت السياره  نمت مستشفى ومتبيه شي كسر بأيدي وشويه رضوض رجعوني البيت اهلي وجنت نايم كعدت
الام:يمه وليدي شلون صرت
ارشد:الحمدلله
الام:يمه اتصلت عليك مريتك وتبجي تريد تحاجيك
ارشد:يا مريه هاي
الام:يمه مدري شسمها انت كاتب عليها بلوتي وكالت اني جنتج
ارشد:هاا ايي يمه هاي ليال
الام:يمه والله الواضح عليها خوش بنيه وتحبك كله واحسن من الحيايه اللي يريدهن ابوك
ارشد:لايمه ان شاء الله مابقى شي واخطبها
الام:الله كريم راح اكوم اسويلك
طلعت واتصلت عليها جاوبت من اول دكه واجاني صوتها
ليال:الوو
ارشد:هلا بيج
ليال:رويحتي انت ياشيخ كليبي وشيخ الزلم خفت عليك شلونك شلون صرت
ارشد:زين الحمدلله ليش خفتي هو دعائج استجاب يوم كلتي ان شاء الله تنكلب
ليال:ان شاء الله ينكص لساني قبل هالدعوه والله مو بقصدي
ارشد:انتي دعيتي بعد ميحتاج هالتبرير
ليال بجت:ارشد والله مو بقصدي متوقعت حيصير هيج اني لو خسرانتك مجان بقيت عايشه اموت بدونك والعباس
ارشد:صايره ام دميعه من شوكت
ليال:عليك العباس حبيبي لاتشاقه وطمني شلونك
ارشد:زين الحمدلله مو كتلج
ليال:محلو الزعل والله
ارشد:ايي بس لازم تتأدبين
ليال:تأدبت بما فيه الكفايه والعباس كلبي يوجعني من البارحه
ارد:بنيتي اني اخاف عليج وماريدج هيج تسوين راح تصيرين زوجة الشيخ ارشد غير تكونين ثكيله مثلي لو خفيفه وحالج حال الزعاطيط اريدج تكبرين وتعقلين انيرهذا السبب اللي مانعني اخطبج علمود تعقلين ويكبررعقلج فهمتي بويه
ليال:ايي عمري فهمت
ارشد:اي عفيه صيري ذيبه
فتحت الباب امي وجايبه الاكل
الام:يمه جبت الاكل
ارشد:تسلم ادينج
الجد:يمه شلون صرت
ارشد:زين الحمدلله حبوبه
الجده:ويامن تحجي
ارشد:احجي ويه ليال تردين تحجين وياها
الجده:يمه شني هالاسم انطيني خلشوف
انطيتها التلفون
الجده:الووو يمه
ليال:هلاو بيبي شلونج
الجده:شنهوو يولي شنهوو بيبي يعني اني بعدني جاهل
ارشد:كوه حاصر ضحكتي وامي هم
ليال:لا يعني جدتي ع كولة ارشد حبوبه
الجده: ايي هيج ناديني حبوبه حلوه بحلكج
ليال:ان شاء الله حبوبتي
الجده:ولج هي هاي انتي تاخذين ارشد وين تحطينه وانتي بعدج صغيره وهو وين يعلكج يايمه 😂
ليال:بيبي ميهمني المهم اني احبه وهو يحبني
حجن شوي وسدنه
....................................
ليال
مرت الايام وشاهين رجع سافر يخلص هالسنه ويتخرج ويرجع وحيدر خطب رقيه الشهر الجاي عرسهم
واني وبنين انقبلنا قسم طب اسنان وريفان علم اجتماع ريفان بغير جامعه واني بغير
وبلشنا نداوم
دك المنبه الساعه 6:00
فتحت عيوني وكعدت ريفان عدها دوام طبعا حيصير شهر من داومنا وارشد قليل اشوفه
ليال:ريفو يلا كعدي
ريفان:ايي هسه
كمت غسلت وخلصت وصليت ونزلت جوا ولحكتني ريفان لكيناهم يتريكون ماما وبابا وكروري طبعا كراري سجل مدرسه صف اول
البنات:صباح الخير
الكل: صباح النور
الام:يلا تعالن اصبلجن جاي لو حليب
ليال وريفان:لا جاي
اكلنا وبدلنا لبست فستان اسود وشال ابيض يجنن 🥲
اجه الخط مالت ريفان وراحت ورا شوي واجه الخط مالتي ودعتهم وطلعت..
وصلت نزلت وكفت يم الباب لان ارشد كلي انتضريني
اتصلت ع ارشد
ليال:ها عمريي وين انت
ارشد: بويه هاي اني صرت قريب ع الجامعه
ليال:تمام حبيبي
طبعا اليوم هو جاب بنين لأن ابو الخط سيارته عاطله مالتها وراح تسجل وياي بالخط هلا هلا 🥺
وصل ارشد ونزلت بنين وهو نزل عمري شلون جمال وهو لابس الاسود اخذ روحي والعباس هالأنسان سبب سعادتي
وصلت يمه
ليال:شلونكم
بنين:هلا حياتي شلونج
ارشد:هلا بيج الحمدلله وانتي شلونج
ليال:الحمدلله اسئل عنكم
ارشد: ليال اليوم خلينا نطلع عود ارجعج قبل لاتطلعون من الجامعه
ليال بخوف:حبيبي وين نروح
ارشد:متوثقين
ليال:اجي وياك لو نروح للموت
ارشد:لعد امشي
بنين:لوله روحيي وانجبي ولتخافين
ليال:هاا وانتي شلون
بنين:اني راح ادخل واخذ المحاضرات وادزهن الج
ارشد:بويه بنين دخلي جوا
راحت بنين واني صعدت بالسياره ومشه سريع
ليال:وين حنروح
ارشد:نفتر
ليال:حبيبي خفف السرعه
ارشد:تذكرين من دعيتي عليه وانكلبت بالسياره هسه جاي اخذج حتى ننكلب اني وياج واخليج تذوقيها شنو رأيج
ليال:لا حبيبي اني وين دعيت عليك اصلا اني ماعرف اندعي ع احد
ارشد:لا ابد
شغل اغنية محمد عبد الجبار شمسين
من طلع هذا المقطع لزم ايدي وبلش يغني
*من احضنك احضن الدنيا بأديه
حبيبي وغاليه عيونك عليه
بسرعه الوكت صاير يخلص وياك
هوى انت واذا رحت اختنكنا

ليال:عوضي ربي ميحرمني منك
أرشد:آمين بنيتي
  طلع مقطع وغنينا اني ويا
عيون الناس تحسد كل حبيبين
يردوني ابتعد عنك واعوفك
واذا انت جرح ماريدك تطيب
اوقف بصفك ولا ما اعوفك

وصلنا العماره جبيره
ليال:وين جايين احنه
ارشد:اريدج تطبخيلي فاصوليا الاحبها
ليال:بربك حبيبي غير لازم تتنكع من الليل
ارشد:كامل كلشي
ليال:نزلنا واباوع علي اخذ ايدي لزمها ودخلنا جان الحارس واكف وكال
الحارس:اهلا استاذ
ارشد:هلا بيك حبيبي
الحارس :تفضل استاذ شنو هاي مؤجر عندك جديد
ارشد:خطيبتي هاي
الحارس:مبروك الله يوفقكم ويسعدكم
ليال:اني صافنه الحالي صعدنا ولاكتنا عجوز وكالت
الحجيه:هلا يمه ارشد مني هاي
ارشد:هلا بيج خاله هاي مرتي
المهم
دخلنا الشقه جانت نضيفه وكلش حلوه ترتيبها نازك
ارشد:عجبتج؟
ليال:اكيييد تعجبني
ارشد:حبيبي هاي العماره من اعقد عليج انطيها الج تستاهليها
ليال:حبيبي يعني هاي الكك
ارشد:ايي بويه
ليال:الله حتى من نتزوج من نضوج نجي هنا
اجه حضني من ورا وحط راسه بركبتي
ارشد:تضوجين واني يمج
ليال:حبيبي لا مو هيج بس اقصد يعني نضوج نجي نبقى بروحنا
ارشد:ايي
نزعت شالي
ليال:ها اسوي اكل لو لا
ارشد:لااوصي جاهز تعالي اكعدي
ليال بأرتباك:اجيت كعدت بس شوي بعيده عنه
اجه تقرب وصار بصفي
ارشد:ليش خايفه بويه اني امانج لاتخافين وانتي وياي
ليال:خاف احد يعوف من اهلي
ارشد:ليال اجيت احاجيج بموضوع
ليال:ايي احجي
ارشد':اسبوع الجاي اخطبج توافقين؟
ليال:بدون تفكير اكيد
ارشد:حضني وكال راح اخلي النسوان يجون
ليال:الله كريم حبيبي
بقينا نتابع فلم واني حاطه راسي ع كتفه
جان اسعد يوم بحياتي ورجعني للدوام ورجعت للبيت
لكيت ريفان جايه
ليال:السلام عليكم
الكل: وعليكم السلام
الام:فوتي يمه غسلي حتى تاكلين
ليال:مامي اكلت مو جوعانه
نرجس:بنات ام فهد اتصلت عليه وكالت اليوم نجيكم
ليال:خير ياطير شعدها
ريفان: انجبي
نرجس:ليال انلصمي
عفتهم وصعدت بدلت ونمت كعدت الساعه 8ونص كعدت غسلت وبدلت وحجيت ويه ارشد كتله جنت نايمه ونزلت لكيت اهل فهد هنا سلمت وكعدت وحجت ام فهد:عيني العرس نهاية الاسبوع الجاي البنت احنه جهزنالها ونيشناها وكملنا كلشي وميصير الخطبه تتأخر
الام نرجس:الله كريم ان شاءالله اللي بي خير ربج يقدمه
عفتهم وكمت للمطبخ وتذكرت اليوم اللي عشته ويه ارشد جان يوم حلو وتخيلت سعادتي ويا بالخطوبه والعرس وبعدين وطول العمر
راحو اهل فهد وريفان ممقتنعه
ريفان:شلون مملحكه ع كلشي
ليال:شعليج انتي بس نضفي وسخج والباقي عليهم
ريفان:ههههههه
وبلشنا من وقتها نحضر علمود عرس ريفان..
الي ان اجه يوم الحنه
كعدنا من الصبح الكل ملتمين عمام وخوال وكرايب اييع وبنون اجتي حبيبة الروح
بنين:ايي لج ان شاء الله يوم الالج
ليال:الله كريم
بنين:مو ع اساس خالي يتقدملج
ليال:لا مو من عرفت بعرس ريفان كتله خلينا نفض عرسها واحنه وراها
بنين:الله كريم
طبعا رحنا للصالون وطلعنه بيرفكت اني لبست فستان ماروني نفخ وريفان بدله لونها. ماروني وجايبه وياها جويتي كلش حلوه تغير بيها تلبسها بليل من يجي يحنيها والبنات كلهن لبسن ماروني حتى بنين
ريفان:لجن طالعات تجنن هيو بنينه شهل جمال
بنين:عروستنا الحلوه فدوه الوجهج تسلميلي انتي الاحلى
ليال:ترا ما اخذج الاخوي 🤣
بنين:ما اخذج الخالي 😂
ليال:ماينكض خالج فوديتو 🥺😂😂

....................
الى هنا البارت انتهى اتمنى تعبجكم البارت الجاي حيكون كلش حلو بس لاتنسون تفاعلكم ويه البارت علمود استمر احبكم ❤️