بلوة الظابط

البارت 33

ليال
رجعت للبيت وبقيت افكر نومت جسوري ونمت بصفه
كعدت المغرب ع صوت جاسر
جاسر:ممام نمنم
ليال:هاا حبيب امك تريد نمنم
كمت غسلت وجهي وشلته ونزلنه جوه لكيت امي بالمطبخ هي وبنين رقيه يم اهلها
ليال:هيلاوو
نرجس وبنين:هلا
نرجس:ولج تعالي اكلي انتي شو صايره لاتاكلين لاتصخمين
بنين:ايي والله
ليال:منو يصدك الخراب اللي بداخلي واني وجهي بي كيلو خدود ههههه
بنين:الا منين خدود يحضي
ليال:هههههه اندري شو صايره وجهه النعال اني ههه
نرجس:انجبن وانت انطيني جسوري خليني اوكله اليوم ماخذته وياج وكاتله الجوع وليدي
جاسر:ددد ننمنم
ليال:انجب لكك تعال اني اريد اسويلك اكل ضل يم بيبي
نرجس:جيبي وانتي سوي سريلاك
ليال:سويت ماعون سريلاك الي والجاسر هههههه
يمه انطينيا خليني اوكله اخذته وكعدنا ناكل اني ويا
دخل شاهين::هاا شلونكم
الكل:هلا شلونك
شاهين:هاا نرجوس شلونك اليوم
نرجس:زينه بشوفتكم ييمه
شاهين:هاي شنو داتكلين صخلهه
ليال:تعال اكل داناكل سريلاك
شاهين:ععع هاا يحبيب خالك
همام:بابا ثنو جبتلي وياك
شاهين:تعال ياروح ابوك هذا كندر الك والامك
بنين:شكرا حبيبي
ليال:چا واني ربيي وحد
شاهين:انت الحبيب ماتنسي جبتلك الك والابنك
ليال:حبيب الروح تعال ابوسك
جايبلي علاكة حلويات كندر وجبس ليز اللي احبه وببسي
شاهين:اهمشي الببسي ما انسى ههه
ليال:عدنا بالثلاجه بس النكهه اللي انت تجيبها احسها تجي خاصه
شاهين:لوكيه بنيتي
ليال:هههه راح شاهين وبقيت اني والحب ناكل
مر الوقت عادي واتصل عمي مسوين عزيمه ببيت جدو
محمد:باجر معزومين للغده ببيت جدكم
الكل:ان شاءالله
ليال:واني عندي دوام
محمد:بابا عادي ابقي باجر لاترحين للدوام
ليال:ايي ماشي هسه اشوف وحده من البنات اكللها ما اجي
نام جاسر بحضني واخذته وصعدت حتى ننام اني ويا ياجماعه متعرفون جاسر شلون حبي اله قطعه من روحي شكد اضوج من الاطفال بس هذا هيج يجري ويه دمي كلها تكلي ترا مو هيج الخوف والحرص اني مابودي احد ياخذه مني ضميته عن ارشد لان ماريد احد يشاركني بي وصلت المرحله من الانانيه جوسي مستحيل يجي يوم واعيش بلا
ليال:‏جاسر ياضحكة الدنيا وحلاها
جوسي يا ماي البعيني وضواها يا ضحكي وفرحتي وعوض دنياي يروح الروح وياسلوة مناها
يابكري وحيدي واول الناس ويبزر الكعدة والشيب وصباها علي الناس كالو جنها مو ذيج ومو هيج اليحب مدري شجاها بس حقهم صعب يتفسر الحال لغز واليفهم الام وضناها احب الي يحبه واليداريه وايد الشالته روحي فداها وليتجرأ يمس ظفره فد يوم احرك الدنيا والي يطلع وراها جاسر شكراً لان وياي ظليت قبلك جنت اعيش بنص متاهه.
ليال:اتصلت بمرام ماردت واضطريت اتصل بأمير رن مرتين ورد
امير:ياهلاا بهالحسن
ليال:شلونك امير
امير:زين الحمدلله انتي شلونج اخبارج
ليال:زينه الحمدلله اكلك اميرر
امير:تفضليي كولي
ليال:باجر مراح اكدر اجي
امير:ليش
ليال:عندي ظرف  ومراح اكدر اجي
امير:تمام براحتج كلبي
ليال:يلا تصبح ع خير
امير:وانتي من اهل الخير
طبعا قبل لاتتصل ليال جنت احجي ويه نور وافهمها اني ماريدها وراها حجيت ويه ليال وسديته ونسيتها
نور:امييرر وينن جنت وليش انتضار
امير:صورت سكرين الاتصال بيني وبين ليال
نور:يصير خير اميررر تصبح ع خير
امير:شبييج هييوو كتلج لا حبيبج لاشي انتي مجرد زميله
نور:لعد ليال شنو موقعها
امير:سديت التلفون بوجهها
نور:اني النذل يسده بوجهيي لج ليال انيي اعلمج بواكة الزلم 
رحت سويت صفحه جديده وعندي كم صوره الابن ليال وهم جنت جايبه كلشي ومخططه الهاي الخطه صارلي شهرر
طلعت حساب ارشد
نور:السلام عليكم عيني عندي موضوع مهم وياك
اخخ بلكي يرد
أرشد:جنت ادخن بالغرفه وراسي يوجعني رحت فتحت تلفوني لكيت اكو حساب جديد مفتوح مراسلني ويريد يحجيلي موضوع
ارشد:ايي تفضل منو
نور:ميهم منو اريد نلتقي واسولف الك عادي تجي باجر البغداد
ارشد:شنو يظمنلي شي مهم
نور:والله هو بخصوص مرتك السابقه ليال اريد اكشفلك سرر يخصها
ارشد:تمام باجر نلتقي
من شفت حجت هيج ضلت حسبات بمخي اخر شي نمت
ليال:اني حضنت جوسي ونمت
ارشد:كعدت الساعه ب5:24 سبحت وبدلت ونزلت لكيت امي كاعده 
ارشد:صباح الخير حجيه
ام ارشد:صباح العافيه وينن رايح يمه تعال تريك
ارشد:رايح البغداد كم شغله عندي اكملها وارجع
ام ارشد:بالسلامة اكل لكمه واطلع ماخليك تروح بدون اكل
ارشد:كعدت اكلت ورا مخلصت طلعت بوجهي البغداد
ليال:كعدنا الصبح سبحت وبدلت الي والجوسي لبسنه نفس اللبس لون اسود
طلعنا البيت عمو
الكل رحب بينا لكن كم وجهه يباوعلي بشماته كبرر تجاهلتهم والتهيت ويه جاسر من احينه وهو معاجبني مصخن
الجده ابتسام:يمه شبي وليدج
ليال:بيبي والله شو مصخن مدري شبي يمكن ماخذ برد
نرجس:اسم الله وليدي راح اخلي شاهين يجيبله علاج
ليال:لا امي عندي بالبيت راح اخذه واروح للبيت انومه هناك اني هم تعبانه
الجده ابتسام:ليال ابقي ونومي بغرفتي
ليال:لابيبي اروح احسن
ضجت منهم وجوهم كبرر عود بنات عمي المعفنات
سهام:يمه وين تريدين تغدي وروحي
ليال:لا والله اصلا اني عندي دوام اليوم واخذت اجازه اريد ارتاح هو بس اليوم راحه وجاسر مريض اريد انومه
حاولو وياي بس اني رفضت ابقى اخذت جاسر ورحت لحيدر
ليال:حدوو حبيبي وصلني للبيت وارجع انت
حيدر:وين ترحين وحدج للبيت
ليال:اني وجاسر لان مريض واني هم تعبانه وهذني بس يسولفن
حيدر:يلا امشي اني اظل يمج
ليال:لالا حبيبي اني اقف البيت واكعد وانت تغده وتعال يمي لاتتأخر
حيدر:ماشي حبيبتي
ليال:وصلني للبيت
حيدر:حبيبي لاتفتحين الباب الاحد وديري بالج النفسج اي شي تحتاجين خابريني
ليال:صار ياروحي
حيدر:يلا في امان الله
ليال:راح حيدر وبقيت اني شربت جاسر علاج ونيمته نزلت اكلت كيك وعصير وصعدت الجاسر نمت بصفه وكلبي يتكطع واني اشوفه تعبان ونايم
........................................................
ارشد
وصلت بغداد واتصلت ع البنيه اللي راسلتني
ارشد:الوو بويه
نور:هلا بيك عيني شلونك
ارشد:بخير وانتِ
نور:زينه الحمدلله باع خويه اكو مطعم قريب من المستشفى اللي نداوم بيها اني راح اجي هناك نتواجه
ارشد:ماشي
حركت السياره ورحت اريد اشوف شني الدنيا ضامتلي بعد
وصلت للمكان وشفت بنيه اجتي تمشي بأتجاهي
نور:السلام عليكم اني دكتوره نور
ارشد:اهلا بيج اني تعرفين كلشي عني ميحتاج
نور:ههههه طبعا تعال خلينا نكعد
ارشد:كعدنا وهي بلشت تحجي
نور:شوف عيني اول شي تنطيني الامان انو انت مشفتني ولاحجيت وياي
ارشد:صار
نور:اوعدني
ارشد:وعد بس احجي عاد شصاير
نور:زوجتك ليال من تطلكتو هي جانت حامل منك وهسه هي عدها طفل وفوكاها ظامته عنك وتريد تزوج
ارشد:بقيت صافن عليها هاي شنو تحجي اكلج ليال وييننن
نور:اليوم ليال ممداومه ابنها يمكن مريض
ارشد:عفت هاي تحجي وطلعت بسرعه بوجهيي لبيت اهل ليال وعروك كصتي ناطه من العصبيه
وصلت ودكيت الباب
ليال:جنت دا اشرب مي بالمطبخ والباب اندك حسبالي حيدر طلعت حتى افتح الباب جان شعري منكوش ومفتوح ع طوله ههههه حطيت شال ع راسي وفتحت الباب واجتني الصدمه هذا ارشد
ليال:ارشدد محد موجود بالبيت
ارشد:هو الزين خلينا ندخل جوا بالكراج وسدي الباب من الشارع مو مسويه عرض بشعرج وجسمج بالشارع
ليال:خفتت لايكعد جاسر ويكشفني ارشد
سديت الباب وهو واكف بالكراج والتفت عليه
ارشد:ليال من طلكتج جنتي حامل
ليال:منو ضاحك عليكك بهل سوالف اني يلا ويلا خلصت منك لو عندي طفل منك اكص راسه واشمره للجلاب
ارشد:لزمتها من شعرهاا ولج ضامه عليه سالفه جبيره مثل هاي اني الطفل اتحسر علييي وشيبت وانتي ابني ضامته يمج ع اييي اساسس تسوين هالسوايه لا وتريدين تزوجين وتخلين ابني يربي الغريب شكد شفت صلافه مثل صلافتج ماشايف
ليال:اهه وخرر عنييي ارشد ماعندي ايي طفل
ارشد:ولج تجذبينن عليه اني عتبي مو عليج ع بنت اختي الماحجت وضلت ساكته
ليال:ارشدد انت مو رحت تزووجتت ومسئلت عني بعد ما الك حقق تسئلني عن طفل خلاصص ابني ما انطي الكك مو لمن كبرته انت تجيني ع الجاهز تاخذه وتروح
ارشد:عصبتني حييل دفعتها ودخلت وهي تركض وراي صعدت الغرفتها وفتحت الباب لكيت طفل نايم نفسه اللي شوفتيليا البنيه شلتهه بحضني وبسته وشميته
ليال:ارشد والله اكتل روحي وابليك اذا اخذت جاسر
ارشد:اللي تريدي سوي تأذين نفسج اني مالي دخل يلا الولد بعد ميبقى عندج لو تموتين واخليج بحسرته مثل ماسويتي بيه اخذت جاسر وطلعت
ليال:جاسسرر ارشد الله ياخذك رجعلي ابني حسبيي الله بيكم بقيت اشهك وابجي وهو اخذ جاسر وراح
اتصلت بحيدر ودموعي عشره عشره
حيدر بخوف:شبيج ليال
ليال:ولك ابني راحح
حيدرر: لج احجيي
ليال:ارشد اخذه مني وحرمني منه
حيدر:يلا جايين احنه للبيت
اخذت شاهين ورحنا للبيت وصلنا وفتحت باب الكراج ودخلت لكيته بالمطبخ تبجي
ليال بدموع وشهكه:رحت حضنتهم ولكمم روحيي من الدنيا ليش هيج يصير ليش يانذل راح وكله ليال عندهاا طفللل منوو سوا هيج حسبي الله
شاهين:يرجعه لاتبجين حبيبتي كافي
حيدر:كافي بنيتي لاتبجين
ليال:ولككممم قطعه من روحي اخذه مني ع الجاهزز لييش ربيي لييش
................................
وصلنا نهاية البارت قصير بس نزلته لان انتو لحيتو شوي واعذروني ع التاخير بس اني هم عندي دوام جامعه ومريضه اعذروني حبايبي ++ اكتبولي توقعاتكم شنو للروايه