بلوة الظابط

البارت الثلاثون

ليال:كعدت ع صوت الباب يدك باوعت لكيت الساعه 10 الصبح صحتت منووو
شاهين:حبيبي افتحي الباب اريد احجي وياج
ليال:ماريد احجي ويه احد وتذكرت الموقف وبلشت تنزل دموعي
شاهين:بنيتي افتحي الباب واللي تردي يجرالج والله
ليال ببجي:مارييد كلشيي عوفونييي بحاليي عوفني الوحدي
شاهين:براحتج
ليال:راح شاهين واني احس جنت فاقده الوعي اصعب نومه جانت هي ماعرف شلون نمت بعد الكسر اللي عشته بعد الخيانه اللي شفتها من الشخص اللي جنت افدي بروحي بقييت ابجي واسحب بشعري ولطخت راسي بحافة السرير وبقييت اشهك بصوت حسيت روحي راحت لييشش ارشد ليش سويت هيج لييش
اندك الباب
بنين:ليال حبيبتي بس افتحي الباب عمو وامي نرجس كلهم يردون يحجون وياج
ليال بصياح وشهكه:بنين روووحيي رجاءٍ بنين رووحي كتلكم ماريد احجي ويه احد
بنين:تمام اني اسفه
رقيه:ليول امانه افتحي لج والله محد يستاهل تسوين بروحج هيج علموده
ليال:رقيه ماريد اني مو علمود احد ع حضي اللي خلاني اوصل لهل مرحله بقيت وحدي بالغرفه ابجي واندب بحضي اباوع تلفوني يتصل ثالث والديني
من شفته زادت دموعي لييش الله لايوفقك ع هاي السوايه شنو سويتلك اني عفته مارديت وراها رجع اتصل مره الخ جاوبته واني كاتمه دموعي وشهكتي وجسمي يرجف
ارشد:كافيي ليال افهمي الموضوع بالاول
ليال:ارشدددد كلمه وحده ما اسمع بعد جنت اخاف طرف ثالث يخرب علاقتنا طلعت اني الطرف الثالث بكل اللعبه ليييش اذا جان عندك انتقام مني ليش سويت وياي هيج وكسرتني الله ياخذك ان شاءالله
ارشد:ضلي بهاي عقليتج
ليال:سديته بوجهه وشمرت التلفون ع السرير وبقيت ابجي وقافله الباب واهلي عجزوو وهم يدكون ومافتحت مرت يومين واني ع نفس سدة الباب اشرب بس مي ومحجيت ويه احد بالبيت
....................................................

ارشد نرجع للماضي
ورا زواجنا بشهر جنت بالدوام وعرف احمد صديقي جان رايد ينتحر
ارشد:احمدد انت كل عقلك تغضب ربك وانت من حماة الوطن موت شهيد ولا تموت منتحر
احمد:ارشدد ماكدر اني راسي نزلل بعد ماكدر ارفعه اكتل نفسي اشرف الي ماكو حل المصيبتي
ارشد:كلشي اله حل لاتسوي هيج حرام قتل النفس احجيلي موضوعك واني اساعدك
احمد:ارشد بيتنا اقتحمو عصابه واغتصبو اختي شرفي تطشر
ارشد:استغفر الله لا اله الا الله لاتحجي هيج
احمد:اني شسويي هسه نزل راسي صار بالطين اني ظابط وعليه العمد هيج يصير
ارشد:حمودي ارفع راسك ودوومك راسك عالي اختك اني اخذها واستر عليها
احمد:ارشد حبيبي هالشي ميصير ماريد ادخلك بهل مشاكل انت تزوجت جديد وماريد اخرب عليك
ارشد:معليك من هالشي واذا تزوجت اختك اخذها استر عليها ومرتي مراح تعرف اني اختك ازفها من بيتكم والعالم مراح تحجي
احمد:صدكك خويه والله العظيم خجلان شلون اباوع بوجهك
ارشد:ماشويت شي اني لو غير شخص هم جان سويت ويا هالشي لاتضوج خويه وامشينا نروح البيتكم ناخذ شيخ واعقد عليها وازفها من اخذ بيت واكعدها ببيت بصف بيتكم
احمد:خويه والله متقصر والله خجلتني
ارشد:ماكو هالرسميات يلا امشينا
رحنا البيت اهل احمد واخذنا الشيخ وصار وقت العقد وحجه الشيخ: سراب مهدي هل تقبلين الزواج من ارشد حسين ع مهر (......)
سراب:نعم اقبل
الشيخ:ارشد حسين هل تقبل بالزواج من سراب مهدي
ارشد:نعم اقبل
الشيخ:الفف مبروك اصبحتو زوج وزوجه
احمد:الفف مبروك خويه ماعرف شلون اوفي حقك
ارشد:الشكر لله دزني الك
عفتهم ورحت
ورا كم يوم حصلتلي بيت بصف بيت اهلها ورحت اخذتها سكاتي بحجة عندي حالة وفاة ومحد حجه دخلنا للبيت وشفتها مجان شكلها يعجبني يمكن لان جانت ليالي كبال عيني
ارشد:شوفي يبنت الناس اني مثل ماعرفتي اني انسان متزوج وتزوجتج علمود الستر لا اني اتقربلج ولا اي شي كم شهر واطلكج بحجة متوالمنا ماشي
سراب:ماشي اللي تريده يجرالك
ارشد:انتي بصف اهلج ادزلج مصرف ومسواك بس جيه ومبيت هنا ما اجي تمام
سراب:تمام
ارشد:وره فتره اكتشفت سراب حامل وعبرت الموضوع وكلت طفل ماله ذنب
ارشد
نرجع بيوم اللي وديت ليال البيت اهلها ورحت البيت سراب دكيت الباب وفتحتلي
سراب: ارشد شصاير ليش جاي بهل وقت
دخل للبيت بدون ما احجي كلمه
ارشد بصوت عالي: سرااببببب ليال مو حذرتج توصلين يمهاااا حذرتج لو ما حذرتج
سراب:ايي بسس
ارشد:صفكتها راشدي ونزلت بيها ضرب كح** فوك ماسترت عليج وخليتج ببيت تجازيني هيج تعضين الايد اللي تنمد الج
سراب:اسفهه والله اسفهه بس كلت لازم اكللها وهي راح تعرف اليوم او بعدين
ارشد:اتصل تلفون سراب وشلته مكتوب علي فطميي
جاوبت احاني صوت ولد
الولد:هاا حبيبتي وليدي بعده مأذيج
ارشد:انعل ابوك لابو وليدك كبل سده بوجهي
باوعت عليها منو هذا
سراب:هاا شسمه
ارشد:ياولد قصده تعالي افتحي التلفوننن بالكوه فتحته دخلت للمحادثات وقريت وياريتني نقريت عرفت انو هاي هي بايعه شرفها الهذا الاسمه علي وحامل منه
اتصلت ع اخوها اجه
احمد:هاا خويه شصاير
ارشد:حجيتله كلشي ونزل بيها ضربب وغلط الا صار عندها نزيف
احمد:نزلتي راسي الله لايوفقج وطعنتي بصديقي اللي ستر عليج رحتي خربتي بينه وبين مرته
ارشد:اني راح اطلكها سراب انتيي طالك طالك طالك
عفتهم وطلعت رحت للعماره نمت بيها ومن كعدت شكد اتصلت بليال مترد اخر شي ردت وصوت شهكتهه كص كلبي كص لكن جانت تريد طلاك عفتها ع راحتها
خابرني احمد
احمد:هاا خويه سراب سقطت الطفل بسبب الضرب الحمدلله خلصنه من هل مسؤليه
ارشد:هاهيه خويه
سديته منه وبقييت ادخنن
.........................................
ليال:
مر اسبوع وحاولت ارجع الطبيعيتي نزلت جوه
نرجس:يمههه هلاا هسه نور البيت بنزلتج
ليال:رحت بتعب بست امي حبيبتي انتي ماكو شي يسوه يخليني اسوي أشياء واضوج روحي علمود ناس متستحق وقررت بعد تفكير طويل اداوم بالمستشفى
نرجس:عفيه بنيتي
دانحجي ودخل ابويه
محمد:هايي منو منورنا اليوم بنيتي الحلوه
ليال:رحت حضنت ابويه حبيبي انت النور كله
محمد:سمعت بقرار جديد شنو
ليال:اداوم بالمستشفى اني تركتها لان تزوجت وطلع ميستاهل هالتضحيه لذلك حرجع اداوم لان اني بعد مالي رجعه
محمد:سوي اللي يعجبج يبويه
ليال:حروح اني وشاهين اليوم للعياده مالت صديقتي كالت طالبين دكتوره اسنان ويه الكادر مالتهم
محمد:براحتج يبويه
ليال:احبكم
رحت الغرفة شاهين دكيت الباب وطلعلتلي بنين
بنين:لك شني هايي واخيرا نفكت الجبسه
ليال:انجبي لا اسحكج ههههه وين شاهين
شاهين:لا اني بحلم واخيرا طلعتي هههههه
ليال:حبيبي اكلك اريد هسه نروح نقدم علمود الدوام مالتي
شاهين:من عيوني بدلي وامشي
ليال:عمرري انتت
رحت ابدل ونزلت كاشخه
حيدر:شنيي هايي لول شطالع اليوم
ليال:عمرري انت
رقيه:يرادلها هلهوله هههه
كرار:ليال واخيرا رجعت حتى تسويلي حلويات
شاهين:يلا بويه امشي نروح
ليال:طلعنا اني وشاهين بطريقنا للعياده
وصلنا وقدمت اوراقي وانقبلت بالشغل الحمدلله والشكر من رجعنا للبيت لكيت سيارة ارشد يمنا انقبض كلبي
شاهين:لاتخافين انزلي
ليال:شاهين ماريد ارجعله
شاهين:اللي تردي يجرالج مترجعين يعني مترجعين
دخلنا للبيت سمعت صوت امي سماح وحبوبه يحجن ويه امي دخلت للمطبخ
رقيه:لج هذوله عيالج عمج ورجلج وعمتج والحجيه
ليال:شيردون منيي بعدد
بنين:ليال الخاطري لاتزعلين
ليال:تمام
دخلت للاستقبال
ليال:السلام عليكم
الكل:وعليكم السلام
رحت بوست حبوبه
الجده:شلونج لويله
ليال:هلا بيج حبوبه شلونج انتي
الجده:الحمدلله
ليال:بوست امي سماح
ام ارشد:شلونج يمه
ليال:زينه يمه الحمدلله اسئل عنكم
كعدت وحجت حبوبه
الجده:يمه ليال ليش مترجعين البيتج ورجلج استهدي بالرحمن
ليال:حبوبه اني ما ارفضلج طلب وجيتكم ع راسي بس تعذريني بعدني عروس وتزوج عليه شنو اتوقع منه بعد متكليلي شنو اتوقع اني خلاص كلشي قسمه ونصيب واني وارشد مابينه نصيب حنى اطفال الله مرزقنه لان يعرف مامو بينه نصيب لذلك هاهيه خلي يطلكني
ام ارشد:يمه ميصير هالحجي انتي مو اول ولا اخر بنيه يتزوج عليها رجلها افهمي السالفه وبعدين دوري طلاك
ليال:اني اسفه عمه ماريد اصوجكم بكلامي هذا اخر كلام عندي اريد الطلاك
الجده:يمه استهدي بالرحمن
بنين:ليال جدو حسين يصيحلج
ليال:ماشي رحنا كلنه يمهم
دخلت وكلت السلام عليكم
الكل:وعليكم السلام
ارشد:اباوع عليها شلون لابسه مدري وين جانت رفعتلها حاجبي ومحجت شي
حسين:بويه ليال انتي مو اول بنيه ولا اخر بنيه رجلها يتزوج عليها والشرع محلل اربعه
ليال:عمو الشرع محلل بس علينه احنه لو وحده من بناتكم جان وكفتو وياها بس اني لا لان هو ابنكم اني احجيها الكم بالمختصر اريدك تطلكني ماريد ايصيرلك مره بعد
شاهين:هاهيه ارشد طلكها وفض السالفه
حسين:مو كلشي ينحل بالطلاك
ليال:عموو ماكو قسمه بيناتنا احنه انجمعنا بالغلط لذلك افترقنا
ارشد:ليالل تريدين تطلكين
ليال:ايي
ارشد:متأكده
ليال:اييي متأكده
ارشد:لزمتها من فكها بقوه وكضيت ع سنوني اللي تردي يجرالج
اخذت اهلي وطلعنا
الجده وام ارشد:ولك ييمه ليش طلكتها شلون هسه ولك
ارشد:هاهيه انعل ابوها لابو الخلفها شنريد اكثر من هالدلال
طلعت بوجهي للبصره وصلنا وصعدت فوك شوي وعمتي صاحتلي نزلت كعدت وطلعت باكيت حبوب
سهام:ارشد يمه اني صح ليال محبيتها بس جنت اتمنى يرزقكم بطفل بس دحك شنو لكيت
ارشد:شنو هذا
سهام:مانع حمل منو بالبيت غيرها ماحبلت لان تشربه غيرها كلهن هنا ثولات بس هي من تروح البغداد تجيب من اختها بس اني سكتت لكن طفح الكيل هي متريد منك اطفال حتى تعوفك بأقل زله
ارشد:اخذت منها الحبوب وشفتهم حبوب منع حمل نهى سمررر تعاللووو
نهى وسمر:هاا خويه شصاير
ارشد:هذني الحبوب المنو بيجن
نهى:مو اليي اني والله
سمر:ولا اليي والله ماعرف المنو
ارشد:يعني مو الجن متأكدات
سمر ونهى:والله خويه مو النا
ارشد:خلص روحن
بقيت افكر حسبه تجيبني وحسبه توديني معقوله هيج ليال تسوي بيه واكتشفها تاخذ حبوب منع حمل حتى متخلف مني
الجده:يمه ارشد هاي مريتك تأكد منها لاتفهمها غلط
ارشد:يصير خير اني اسئلها والله اذا عرفتها مسويه هالدكه الناقصه الا اندمها طول حياتها وانعل والديها
ام ارشد:ع كيفك يمه انت مريض ضغطك يرتفع
ارشد:عشاني بالموت ع هل الاشياء اللي تصير وياي شوكت ارتاح منكم لامن الاهل مرتاح ولا من المره مرتاح ولا بداوم مرتاح ربي وين اروح وارتاح عفتهم وصعدت سبحت ولبست بدلتي العسكريه واخذت الجنطه ونزلت
الجد:ارشد وين رايحح
ارشد:للدوام اودعناكم
عفتهم وطلعت بوجهي البغداد واعصابي صايره نار اذا اشوف ليال كدامي اذبحها يمكن
وصلت الفجر رحت للدوام وبقيت مارحتلها كلت الا اهدئ لان اعرف روحي اذا رحتلها ابتلي بيها مر اسبوع واكتشفت ليال تداوم بمستشفى كلت خليني اروحلها واعرف منها الموضوع ركبت سيارتي ورحت وصلت وسئلت عن الغرفه اللي بيها هي ورحت لكيتها واكفه هي ويمها دكتور من شفتها ردت اروح اكسر راسها
ارشد:دكتوره ليال ممكن شويه من وقتج
ليال:التفتت هذاا ارشدد شجابه هلا بيك عيني تفضل
دكتور امير:دكتوره ليال اخذي راحتج اترخص اني
ليال:الله وياك دكتور
ارشد:ايي عيني ليال رحتي وكملتي وهسه ويه الدكاتره وعادي عندج وانتي بعدج ع ذمتي وماخذتي رأيي
ليال:اولا احنه اللي بيناتنه انتهى ثاني شي اني اريد اكمل حلمي اللي تركته علمودك
ارشد:ليال امشي نطلع عندي موضوع وياج
ليال:ما اطلع لو تموت كلشي منتهي بعد شكو
ارشد:ليال اطلعي كدامي ولاتخليني اسحلج هنا وكدامهم
ليال:خفت منه لان اعرفه يسويها وطلعت ورا وهو يمشي كدامي
ارشد:اصعدي يلا
ليال:فتحت الباب الورا وكعدت
ارشد:اني مو سايق الخلفوج تعالي هنا اكعدي
ليال:هيج مرتاحه
ارشد:اكعدي كدام كلت
ليال:نزلت كعدت كدام ومشه سريع وينن ماخذنيي ارشد:سدي حلكج ما اسمعلج نفس
ليال:وصلنا للعماره مالته ارشد شعدنا هنااا شتريد
ارشد:ليال انزلي بحلك ساكت لاتخليني انفجر عليج
ليال:نزلت وصعدنا دخلنه الشقه وسد الباب وتقرب كدامي صار وطلع شي من جيبه
ارشد:ليال شنو هذااا
ليال:شنوو اخذته منه وقريته هاي حبوب تمنع الحمل
ارشد:ايي هو هنا اللي اريد اوصله جنتي تاخذين من هذني
ليال:ارشد طلكني ولاتضل طلعلي هالسوالف
ارشد:بعد متجاوبيني راح اطلكج يعني
ليال:اييي فعلاً اني جنت اخذ حبوب منع حمل
ارشد:ليشش لييال هالدرجه كارهتني وماتريدين مني طفل وتريدين تحرميني من الجهال
ليال:اكثر متتصور كارهتك اني يايوم عشته وياك جان حلوو شو ابسط شي هي ليلة العرس اللي نكلبت عليه عزااا مو عرس اني من يومها فكرت حتى اذا انطيتك نفسي مراح اخلف منك طفل لان لابد يجي واتركك واجه هذا اليوم
ارشد:ليييالل لاتخليني افقد اعصابي علييج ليش سويتي هالشيي يعني انتي جنتي حيه و سهام كاشفتج بس تسوين روحج غشيمه
ليال:طززز بيكم وطزز باليوم اللي تورطت وحبيتك بي ومنو كلك انيرحبيتك انت جنت اكبر غلك اني سويته بكل حياتي جنت غشيمه ع كولتك لمن حبيت واحد مثلك انت اصلا مو احلامي مجرد جنت اتمنى اتزوج ظابط وجنت حسبالي حتكون خوش وياي بس انكلبت عليه لذلك ماحبيتككك اببدد
ارشد:فقدت اعصابي عليها وصفكتها راشدي وكعت بالكاع
ليال:ماحسيت الا حراره ع خدي ووكعت بالكاع بقييت اشهك وهو نزل المتسواي
ارشد:واني تزوجت عليج هم ماجنت احبج اخذتها حتى اكسر خشمج بيها وانتي بعدج عروس كسرت خشمج لاتفكرين كاسرتني بشغلة منع الحمل انتي وحده قليل بحقج ينكال عنج كح**
ليال:وخرر عنيي حقير الله ياخذك وياخذ مرتك ما تتهنى بحياتك ان شاء الله كل دمعه وكعت من عيني تحركك حرك انت ومرتك وابنك
ارشد:ليال انتيي طالك طالكك طالكك ورقة طلاكج توصلج الباب البيت باجر
وهسه كدامي اوديج الاهلج
ليال:بشهكه:حسبي الله عليك واخيرا افتكيت منك
ارشد:عصبتت منها ورفعتها من زندها بقوه واخذتها بالسياره حطيتها وشخطت السياره وهي طول الطريق بس تشهك شمرتها باب بيتهم ورحت جنت مكسور كسره عمري مانكسرت هيج لمن عرفت بنت كلبي اللي ربيتها ع ايدي تعض ايدي اللي مديتها الها تطلع منها هيج سوالف والله حسافه الوكت كواد
ارشد:عليمن اعتب ياروحي اذا هو الوكت كواد
...................................................
الى هنا وينتهي هذا البارت شنو توقعاتكم للبارت الجاي وليال معقوله جانت تاخذ حبوب وليش شنو السبب توقعو يحبايب 🥲🤎احببكم وتفاعلو ويه الروايه وتابعوني