بلوة الظابط

السارت السادس عشر

يا عسى الأيام تضحكلنا وكل مبروك مبروك قالوها تبارك لنا
................
ليال
دخلت للبيت واعتلكت الهلاهل  وامي شافتني
نرجس:كللوووووويش طالعه اميره
الجده ابتسام:يمه بنيتي صلاوات ع محمد شنو هالجمال
كعدت ع الكوشه وحجت بيبي شهلاء
الجده شهلاء:الف عل خير يالوله  يمزيونه وخذتيلج سبع من فدوه لعيونه
وشغلو اغاني وبنين يمي
البنات:تزامط بي اخته وبت عمه
هوا الشافها هوا انعجب بيها هوا الگال لـ امه روحي خطبيها
هوا الرادها وامه الي خطبتها خذها النادره هيه وشهادتها 😂
وهلاهل معتلكه ومشغلات اغنية
اني كلبي يريد يطلع من مكانه واباوع الامي عيونها مغوركه اجتي
ليال:مامي تعالي ناخذ صور
صورتنا بنين شوي وسمعنا صوت طلقات والشارع انترس هورنات معناها اجوي انخبصو خبص اني عدلت كعدتي وطبعاً اني جنت لابسه فستان العقد مو البدله اللي اشتريتها الفستان جابتليا بلقيس ام ارشد جايبته من البصره لونه ابيض كلش حلو بي مثل الوشاح يغطي الادين
دخلت امه واخواته ونسوانهم وبيبيته واني كلبي معصور يعنيي صارت صدك مدا يشاقون 😭😂
دخلو يصيحن:
اخونا خوش اخو يستاهل الهوسه
ولا تكولون وحيد كلنا احنه اخوته
شايف خير ومستاهلها
ام ارشد وبيبيته:مساء الخير يهل الدار جينه نريد جنتنه
وصلن يمي بوسني وكعدو وشغلو اغنية نيشان الخطوبه اليوم جابولي
شوي وحيدر صاح امي وكللها راح يعقدون
نرجس:يلا حبيبتي تعالي يم الباب علمود العقد
جدة ارشد:يلا حبيبه كومي
كمت واني جسمي كله يرجف مدري شبيه شبيجج ليال مو انتي كتلتي روحج ع ارشد هسه شكو خايفه
بنين:ليال شبيج
ريفان:ليال هاي معقوله انتي 😂
ليال:انجبن توترت
نرجس:يلا ريفان جيبي القرآن
كعدت ع الكرسي بصف الباب وحطو رجليه بطاسة مي وبيها ورد والقرآن فتحو وحطو اديني علي وبينهم هيل
وبلش يردد الشيخ
الشيخ:بنتي هل تقبلين بالزواج من أرشد حسين علي ع المهر المقدر  (........) ومؤجله (........)  اذا كنتي موافقه فقولي نعم وانت وكيلي
بقيت ساكته محجيت
الشيخ:اذا كنتي موافقه فقولي نعم وانت وكيلي
هو يحجي واني جسمي يطكطك ماكدر احجي
الشيخ:هل تسمعيني اذا كنتي موافقه فقولي نعم وانت وكيلي
حسيت ع كرصة البنات
ليال:نعم وانت وكيلي
الشيخ:ارشد هل تقبل الزواج من ليال محمد جمال اذا كنت موافق فقول نعم وانت وكيلي
حجه بنبرة صوته الحاده
ارشد:نعم وانت وكيلي
الشيخ:وجعلنا بينكم موده ورحمه وحياة سعيده اصبحتو زوج وزوجه
اعتلكت الهلاهلل
الكل:كلللوووووووووووويشششششش
باركولي ام ارشد وبيبته وامي وبيبياتي وعماتي وخالاتي
رحت كعدت ع الكوشه واباوع نضرات اكو بنات من اقارب ارشد يدردن ياكلني اجتني زوجة اخو مهند
سمر:الف مبروك حياتي
ليال:يبارك بيج يروحي
سمر:عمريي اني زوجة مهند اخو ارشد
ليال:حبيبي تشرفت بيج
نهى:عمري الف مبروك واني زوجة محمد اخو
ليال:يروحي يبارك بيج وتشوفت بيكم كل الهلا
اجتي عمته
سهام:الف مبروك
ليال:يبارك بيج عمه
وبناتنا بلشن 😂
البنات:شكو شكو عدنا عرس و لما يصلي ع النبي بعينه فگس
بناتهم:من تدبج عراضتنا رجيج ايصير بيها الكاع
و زفينا بصايت حيدر
اخونا خوش اخو يستاهل الهوسه
ولا تكولون وحيد كلنا احنه اخوته
شايف خير ومستاهلها
الجده:وارشد رايد رادته وعايف بنات ولايته
بلقيس:اسمره و يخبل كله القوط تلوك علي  ذبو القوك ياهل القوط ارشد لبس قاطه
ليال:بنين هذني اني كاتله ابوهن
بنين:معليج منهن هذني بنات عمات امي وهذني بنات عمها
ليال:كبررر 😂
جدة ارشد:تسترن ينسوان العريس يريد يجي ع مريته.
من حجت هيج كلبي ماريد اباوع بوجهه خايفه 😭😂
دخل ارشد وجان لابس قاط لون اسود طالع ينكرط ابن الحلوه 😂 وصل يمي وباسني من راسي
ارشد:اليوم المنتظر الف مبروك النا
ليال:يبارك بيك
ارشد:شبيج
ليال:لا بس متوتره 😂
كعدنا وهنه يهوسن
جبنالك ورده تشتم بيها بس كون الورده اداريهاا🤎
ارشد وهو يبستم:اكيد احطها بعيوني
نور اخت ارشد:اتونس خويه اتونس والمال هوايه 😂
الكل:عفيه عليك شلون دبرتها وهاي الحمامه من القفص خذتها
ارشد:يحمامة كلبي شطالعه اليوم
ليال:وانت طالع تشك 🥺
ارشد:نيتي ترا راح تطفر
ليال:لا يمعود رجعها 😂
وبلشو يجون يباركولنا
واجتي بنت عمه تباركلنا رادت تبوس ارشد بس نو انطاها بس ايده وصلت يمي وهمست
سرى:مو مبروك وراح يضل منفوس زواجكم
باستني وراحت ملامحي تغيرت وارشد انتبه
ارشد:شبيج
ليال:ماكو شي وابتسمت
نلعه ع بليسج ام الوصخ تنفسين ارشد الا اطككج
ليال:بنين حبيبي شغلي اغنية يارا مابعرف اريد نركص
بنين:ديلا روحي لبسي فستانج وتعالي علمود هم يلبسج الذهب
ليال:يلا
ارشد:وين رايحه
ليال:ابدل وارجعلك بيبي 😂
رحت بدلت
ليال:لج يلا خلروح راح يبوكون رجلي 😂
ودخلت ومن شافني ابتسم وصلت يمه
ونسوانهم:صاحن..حبها ولاتخاف من امهاا
ارشد:لا ما اخاف ههه باسني من خدي
بنين شغلت اغنية يارا واجتي
بنين وريفان وهنادي ومروه وفطم:يلا كومو حتى تركصون
ارشد:لالا
مروه:والله مو بكيفك كوم هي مرا بالعمر
ليال:باوعتله وابتسمت
ارشد:يلا
اخذ ايدي وصرنا بالوسط والمصوره تصور لحظه بالحظه
حاوط خصري بأدينه واني حاوطت ركبته بأديه وانفاسه الحاره تضرب بوجهي وبدينا نركص واني اسوي حركات واغني ويه الاغنيه ودخلنا بعالم بس احنه
بدت الاغنيه