هلاو شو ماكو تفاعل شبيكم 🌚
..........
ريفان
طبعا اليوم الحنه مالتي رجعت من الصالون وجنت لابسه بدله ماروني والبنات كلهن لبسن نفس اللون مالتي
ليال:لك حبيبي باجر راح تعوفنا وتروح
ريفان:دمعت عيوني..عمرري لاتقهريني
ليال:حبيبي ضمي دموعج بطلنا راح نسكت
بنين:لك ريفو طالعه ملكه تجننين ربي يسعدج
ريفان:ياروحي يوم الالج ونفرح بيج انتي وهاي الخايسه
ليال:عيني شطالباتني دخلوني اتمتع بعزوبيتي قبل لايلزمها زوجي المستقبلي ويدكها بالنعال😂💔
البنات:ههههههههههه
دنيا:ليال والله ما اتوقع اكو شخص يكدر يتحملج 😂
ليال:لج شنو قصدج اصلا كلهم يتمنون اني عندهم بس شسوي اني ما اقبل بيهم 🙂
فاطمه:لالا اصلا لوله منو ميحبها كلها تعشقها واني اشهد 😂
بنين ومروه:واحنه نشهدد 😉😂
رقيه خطيبة حيدر:لكم غير ليال اني حاجزتها الاخوي
ليال:خاب دطيري ع اساس تردين تكحليها عميتيها عوفيني ماريد اتزوج 😂
رقيه:دطيري انتي اصلا مانريدج امي مريضه تجلطينها اذا اخذتج
ليال:والعباس يوميا صياحهم علكان تلاكينه الجيران تفزع علينا 😂
ضحكنا وركصنا كلنا احنه البنات وليال والبنات ذبن لحم 😂
كعدو اكلو كيك وبلشت تغورب الدنيا وكالو اجه العريس يحني العروس
جنت كاعده بالكوشه والبنات تسترو لان الولد راح يدخل دخل فهد وجان لابس قاط نيلي شطالع بعد روحي يجنن
باسني من راسي وكال
فهد:واخيرا مابقى كلها 24 ساعه وتجين يمي
ريفان:ابتسمت بخوف
وبلشن بالهوسات
الحجيه والنسوان والبنات كلها بصوت واحد:حبة ولك حبة لتخاف من امهة 💃💃💃
فهد:هههههه لا وين اخاف
باسني من راسي وجابو الحنه
الكل: الليله حنته وباجر يزفونه اخونه خوش اخو ويستاهل الهوسه كللللللوووووش
خلالي الحنه وكال
فهد:اخخ شتعلت عشيرتج شطالعه امشي خلنعرس اليوم شعدنا ننتضر الباجر 😂
ريفان:ابتسمت اثكل حبيبي
فهد:شنسوي 🙂
وكصينا الكيكه واخذنا صور وطلع
وجان يوم كلش حلو بس شعوري جان مختلف وغريب كلش
الجده ابتسام جدة ريفان :كلللللللووووششش عين الحاره الحمزه يطفيه وعين البارده كل الهلا بيه
خلصت الحفله وبفرح واجه ابوي باسني واخواني بس اللي قهرني شاهين ما اجه
اتصل عليه كام
شاهين:حبيبتي اعذريني ماكدرت اجي لاتبجين
ريفان ببجي:تمنيتك وياي حقير ليش رحت
شاهين خوما بكيفي يابنتي طالعه تخبلين وربي يسعدج يروحي وديري بالج النفسج
مدت راسها ليال
ليال:لكك هلاا
شاهين:هلا خايسه شني هاي شطالعه عمي خربطت حسبالي انتي العروس احلى من ريفان 😂😂😂
ريفان:هاي صدك عود
ليال:حبيبي ادري بروحي حلوه والعباس خجلتني
شاهين:جذب حبيبي ريفان تخبلين هاي الخايسه مو احلى منج لاتزعلن ثنينجن حلوات
ليال:يحبيبي والعباس مكانك خالي عود ع عرس حيدر لازم تجي اطيح حضك والعباس اذا تعذرت
شاهين:انجبي 😂هو ماضل شي وارجعلكم
سدينا من شاهين ورحنا
اليوم كلهم يباتون يمنا بنات عمي وعماتي وخالاتي
صاحنلي
نرجس:يمه هي هاي سنة الحياة البنت نهايتها بيت زوجها هو سندها والمره السنعه تعرف شلون تحافظ ع زلمتها هاي احنه كلنا شفتينا شلون اني وخالاتج عماتج كلهن كلشي يصير بينكم يبقى بينكم وتهتمين بي وتنفذين طلباته واحتياجاته
عمه نهى:حبيبتي باجر هو ليلة عرسكم يعني ليلة الدخله تعرفين شنو راح يصير
ريفان:لا
عمه نهى:بنيتي لازم تسلمينه نفسج اي شي يطلبه منج لازم تسوينه هو يعلمج ع الباقي بس ترا راح يصير.....ووو
ريفان بخجل:الله كريم
عفتهم ورحت صعدت حتى انام
...................
ليال:راحت بنو ونضفنا وتعشينا وصعدنا فوك يعني وقت النوم وريفان صاحتلها امي واتصل عليه الحبيب الوفي 😂
والبنات حاطات اذانهم (طبعا بنات عمي صديقاتي كلشي يعرفن عني ما اخاف منهن لان اوثق بينهن اسرارنا وحده)
ارشد:الوو
ليال:هلا حبيبي
ارشد:هلا بالحبيبه شلونج
ليال:زينه الحمدلله وانت
ارشد:زين حبيبتي منو يمج
ليال:ماكو احد
ارشد:حبيبي لعد ليش احس اكو انفاس هواي يمج
ليال:هههه حبيبي لا غلطان
ارشد:بعدم تصديق:ايي خوشش
ليال:حبيبي شنو رأيك بشكلي اليوم
ارشد:غير شكلج يطيحين العكل
ليال:حبيبي والله اخجل
ارشد:حبيبي غير انتي صلفه منين يجيج الخجل
ليال:لا بويه منين صلفه
ارشد:شكد حلو بحلكج بويه
ليال:امممم
ارشد:حضري نفسج الاسبوع الجاي اهلي يجونكم
ليال:حبيبي خليني اتنفس هسه توني اريد اعيش ععزوبيتي 😂😂
ضحكت مروه بصوت عالي وكلهن ضحكن:
ليال:بهمس نعله ع بليسجن 😂
ارشد:تعيشن عزوبيتج بنت الاوادم اذا اجيج هسه انتفج وتكولين ماكو احد وهذني صوت ضحكهن واصل السابع جار ضحكات البرابيك انتي وياهن
مروه:شوف عيني شني احنه برابيك معقوله كسرت جزء من قلبي
ارشد:الله هاي كلجن نفس الصنف كملت السبحه
فاطمه:شوف عمو ترا انت هنيالك راح تاخذ وحده من عدنا واخذت شمعتنا لوله كلهاا تتمناها مو زين رضت بيك
ارشد:والله عمي عائله كلها لسونتها مبرد
ليال:حبيبي شنو تقصد
ارشد:لا بويه رجعي نامي مو يمج الحجي
ليال:احبك ابو جاسر ☺️
ارشد:واني هم بنيتي يلا روحي نامي وباجر تلبسين حجابج ومتنزعينه ابد القاعه مختلط؟
ليال:ايي حبيبي مختلط
ارشد:خوش تلبسين لبس ماات محجبات ومتختلطين بأي ولد وبنين وامها واخواتها راح يجون ضلي يمهن
ليال:تمام حبيبي
ارشد:شكلنا
ليال:اقصد صار حبيبي وانت متجي
ارشد:بنيتي مو تعرفين هذا نزولي واني هسه بالبصره شيجيبني
ليال:ان شاء الله جبيبي تصبح ع خير
ارشد:وانتي من اهل الخير بويه
سديته منه
واجتي ريفان محمره 😂
ليال:شبيج
ريفان:مابيه شي نعسانه
مروه:والله خطيه باجر راح تنعلس ام الروڤ
أنت تقرأ
بلوة الظابط
General Fictionالروايه تتكلم عن بنت اهمشي بالدنيا حبها النفسها وغرورها وطاحت بحب رجل صعب هل راح يستمر ويتوافقون سوا ام لا تابعو الروايه للنهايه
