بلوة الظابط

البارت 31

هلاو حبايبي تفاعلو ويه الروايه احبكم
.................................
ليال
بيومها من ارشد اجه حجالي عن سالفة حبوب المانع جد كهرتهم كره عظيم اني مجنت اشرب ايي حبوب مثل هاي لكن كتله جنت اشرب حتى يطلكني وبيومها طلكني وشمرني باب بيتنا دخلت للبيت ابجي بحركه
نرجس:يمه شكووو شبييج ليش هالبجي حبيبه
ليال:هئ هئ يمه خلاص انتهى كلشي
نرجس:احجي ولج ييمه شكو
رقيه:ولج شبيج مو جنتي بالدوام شصار
ليال:طلكني يمه
نرجس:يمه مو انتي ردتي الطلاك منه شيسوي الولد بعد عليمن هسه تبجين وانتي ردتي الطلاك
رقيه:عزا بعينج مو جنتي تحبي ليش هيج وصلتو الهل مرحله
ليال:باوعتلهم وصعدت فوك الغرفتي ولاكتني بنين
بنين:هاا ياروحي شبيج ليش هيج عيونج
ليال:حضنتها وبجيت بنين حبنا اللي دام اكثر من 7 سنوات انتهى
بنين:لج احجي شصار شلون انتهى
ليال:طلكني وانتهت قصتنا
بنين:لج ليشش لحيتي علي يطلكج اذا جنتي تردينه
ليال:تعالي ندخل للغرفه افهمج
دخلنا للغرفه وكعدت ع السرير وبقيت اذرف دموع
بنين:لج ليش هيج سويتو وصلتو نفسكم الهل مرحله
ليال: حجيتلها اللي صار
بنين:عزاا وانتي ليش هيج كتيله لج يعني هسه يفكر جنتي تضحكين علي
ليال:بنين اقسم بالله اذا كلمه وحده وصلت الارشد وكتيله جانت تجذب بخصوص حبوب منع الحمل والله وجهيي متشووفي وتحلمين احجي وياج لاتخربين صداقتنا
بنين:لا يروحي هاهيه
ليال:راح انام اني
بنين:تعالي اكلي ونامي
ليال:نفسي لعبانه مالي خلك
راحت بنين وبقيت اني صارلي فتره عندي لعبان نفس من جنت يم ارشد اتوقع جرثومه عندي اشتريت علاج معده وشربتلي وحده ومسحت دموعي لان اني قويه ونزلت
الاب:ها بويه شلونج
ليال:الحمدلله بابا اليوم ارشد طلكني وبقه بس يدزلي الورقه مالت الطلاك وافتك منهم
محمد:بابا انتي متأكده من اللي ديصير ترا مصارلكم 5 اشهر من تزوجتو
ليال:ماتفقنا سوا بابا وانت شفته راح وتزوج واني ميهمني بعد
محمد:هاهيه بويه
حيدر:شلونه وياج الدوام
ليال:كلش زين
شميت ريحة الاكل اللي داتسوي امي ورحت ركض للحمام بقيت اتقيء بقوه ولحكني ابوي وبقه يفرك بضهري واني صرت ابجي واتقيء
محمد:بابا خاف متسممه اكلتي شي برا
حيدر:شبيج هاي صارلج من يوم اللي اجيتي وانتي هيج
ليال:ابويه غسلي وجهي وباوعت عليهم مابيه شي البارحه فحصني الدكتور وكال جرثومه بالمعده ماكو شي يخوف
محمد:يابويه اخذتي علاج
ليال:ايي بابا اخذت
طلعت ابويه كعدني القنفه وامي جابتلي عصير ليمون
بنين:سلامتج يحبيبتي
رقيه:عمرري لاضلين تقهرين بروحج باعي بسبب القهر الوين وصلتي
ليال:مابيه شي لايضل بالكم يمعودين اني راح اصعد فوك نعسانه
صعدت فوك تغطيت ونمت كعدت باليل ع صوت بنين
بنين:اكعدي ليال
ليال:هاا
بنين:اكعدي خلي اكلج شغله
ليال:ايي لحضه كعدت رفعت راسي احجي يلا
بنين:خاف انتي حامل
ليال:لالاااا مستحييلل شلونن احمل
بنين:اذا هو يتقربلج اكيد تحملين
ليال:لا ع بختج ماريد اصير حامل
بنين:انجبي يولي وباجر اخذي تحليل حمل
ليال:تمام هسه اني رراح ارجع انام تصبحين ع خير
بنين:كومي اكلي
ليال:روحي من يمي لا اتقيء بحلكج
بنين:ايييع الخايسه
ليال:راحت بنين وبقيت طول الليل افكر ياترا اذا اني حامل هالطفل راح يخليني ارجع الارشد بس اني ماريد هالشي واذا ارشد عرف راح يرجعني لالا هو منين راح يعرف قابل ياربي مو حامل بقيت افكر وغفييت
كعدت الساعه 7:00عندب دوام بدلت ونزلت لكيت اهلي دايتريكون صباح الخير
الكل:صباح النور تعالي تريكي
ليال:الف عافيه اكل هناك بالدوام
الام:هو شلعب ع معدتج غير هالاكل
محمد:شلون صرتي بابا
ليال:زينه الحمدلله يلا حروح اني حيجي ابو الخط
بنين:اوكفي ليال
ليال:هاا طلعنا بالكراج وحجت
بنين: عود لاتنسين سوي تحليل هناك تمام
ليال:ان شاء الله يلا حياتي ابو الخط برا
بنين:الله وياج يروحي
ليال:طلعت واني حسبه تاخذني وحسبه ترجعني استغفر الله بقيت افكر وصلنا للمستشفى ودخلت للغرفه مالتي لكيت اكو ورقه ع الميز شلتها وقريتها وجانت هاي ورقة طلاكي من ارشد دازها وكعت دمعه من عيني ومسحتها دخل امير
امير:هلاو دكتوره شبيج
ليال:لا مابيه شي شلونك دكتور
امير:ليال لاتضمين عليه احجي شبيج هاي شنو الورقه اللي بأيدج
ليال:هاي ورقة طلاكي وابتسمت
امير:يعني تطلكني نهائي
ليال:ايي تطلكت خلاص
امير:الله كريم مجان. اكوو قسمه بينكم العوض على ربي العالمين لاتيأسو من رحمته
ليال:الحمدلله والشكر ونعم بالله
امير:يلا وين دكتورتنا الفرفوشه اللي يوميا تشاقه اليوم معبسه انتي ليال القويه اللي مايهزمج شي لاتنهزين من اول الطريق
ليال:هههههه لا اني قويه مابيه شي طلع امير واني كملت شغلي ومراجعين يرحون ويجون