بلوة الظابط

البارت العشرون

هلاووو عمري شلونكم صوتو للروايه وتابعوني يحبايب حتى يوصلكم كلشي انشره
.......................................
ريفان
مرت 3سنوات وصرت مرحله رابعه ماسه وكنان كبرو صار عمرهم 3 سنوات عمريي يخبلون ماستي شكره وعيونها خضر تشبهني وكنان هم يجنن يشبه شاهين
فهد بعده بسوالفه المكسره وعرفت انو هو متزوج ايه زواج متعه كل شهرين يجدد العقد ومايصرف علينه وحتى مايتقرب مني كل شخص ينام بمكان ثاني
فهد:ريفان انطيني الذهب مالتج
ريفان:ليش شتسوي بيي
فهد:مطلوب واريد ابيعه
ريفان:فهد راتبك مليون ونص وين تودي ربع دينار مدا تحطه علينه وين يروح مو زين متحملتك انت وسوالفك المكسره كعدت عليك الخاطر هذوله الجهال
فهد:بابا انتي بكيفج تحجين الذهب اني جبته واريده وشعليج بالراتب وين اودي هالشي يخصني
ريفان:فهد انييي مرتك شنو السوالف جهالك محتاجينك تكون وياهم شوفهم شكبرهم صارو وانت تجيهم بالصدفه حفاظات متذكر تجيبلهم لو ما اهلي ينطوني واهلك يصرفون علينه ليش شنو ناقصني اني حتى تطلع ع كحا**
محسيت غير صفكني راشدي
فهد:ريفان لاتخليني انعل والديج هواي زودتيها
ناديه ام فهد:فهد ولك شخبلك ليش هيج شامر جهالك شوفهم يكول ذهبات ومريتك شوف اخوك شلون مهتم ببيته وعياله وانت رحت بطريق السوء
فهد:يمه لاتدخلين انتيي
احمد ابو فهد:فهد والله اكوم انعل والديك يا ابن الكلب ماعرفت اربيك ظلمنا بنت العالم وياك شوفها البنيه اصيله لليوم وبعد ماشكت الاهلها
ناديه:لو عاد راضي حرامات بيك ل9 اشهر
فهد:يبوووو شكد تلحون وسوالفكم تافهه هيي انتي انطيني الذهب خلي اولي
ناديه:شلووون تريد ذهبها والله لوو تموتت ماخليها تنطي الك يصير بخت الكحاا*
فهد:يمهه لاتخليني انجلب عليكم
احمد:فهد اطلع براا لابارك الله بيك
فهد:لجج وين الذهب
ريفان:مو عندي مضموم يم عمتي وما ننطي الك لو تموت يانذل
عافنه وشغل سيارته وطلع
ناديه:يمه لاتبجين ربج يحلها ادعي ربنايهدي لطريق الصحيح ويرجع مثل قبل
ريفان:شكد اضل ادعلي مر على زواجنا 3 سنوات واني اكول ميخالف الخاطر عين تكرم الف عين
احمد:انتي اصيله وهذا بعد اذا حاجاج اشك حلكهه
ماسه:ماما دوعانه
كنان:اني هم دوعان دومي ثويلنا حليب
ريفان:ايي يروح امكم هسه
كمت اسويلهم حليب مالي غيرهم انتضر هالسنه اتخرج حتى اشتغل وما اعتاز الاحد
.............................
ليال
صرت مرحله رابعه وحبي الارشد كل يوم يزيد وقررنا ورا التخرج العرس يصيرر
وشاهين اجا ولد كلش حلوو اسمه امير وحيدر اجا ولد هم يجنن اسمه همام صار عمرهم سنه ومدبدبين  وبيضان
ليال:لج بنين هاج امير لا اركع راسه بالحايط ابو صماخ شعل جدودي السبعه بس يبجي
بنين:انجبي يولي هسه بس خلي اشر الملابس
ليال:اسكت ابن الجلبه لاتضل تبجي
كرار:ليال عليج الله عندي امتحان رياضيات قريني
ليال:بس خلي تجي هاي تاخذ ابنها وادرسك
شوي واجتي
بنين:امداج ايي والله خبلتي للولد تعيطين بوجهه
ليال:دروحي هو ابنكم نص عقل
بنين:ع عمته طالع غير
رقيه:لوله تخلين همام يمج
ليال:خيرر ان شاءالله وين
رقيه:يولي اريد اروح اخذ تحليل يمكن حامل
ليال:صخاممم الصخمج انتي مربيه هذا حتى تجيبين غيره
اجتي امي تصيح
نرجس:ليال صوتج عالي شعندج
ليال:يمهه تعالي يمكن رقيوه حامل
نرجس:صدكك يمهه يوم السعد اذا صحيح
ليال:لا يمه يوم مشؤوم
اجه حيدر
حيدر: يلا رقيه امشينا
ليال:اخويه شبيك مشايف يوميا شامرين فرخ
حيدر:خلشوفج من تزوجين كم جاهل تخلفين بالسنه
ليال:يبوووو قحط كرهت الجهال من ورا جهالكم وجهال ريفان
حيدر:طيح الله حضج يلا وانتي الثانيه امشي كدامي
راحو حيدر ورقيه بقينا اني وامي وبنين وكرار ابويه رايح البيت جدي وشاهين طالع ويه عمو عزيز شاهين فتح عياده دكتور اطفال
كرار:يلا خلينا نقرأ
كعدت درستهه
واجوي رقيه وحيدر
نرجس:بشرووو
رقيه:حاملل
ليال:اسم الله
نرجس:مبرووك يروحي باست حيدر ورقيه
حيدر ورقيه :يبارك بيج حبيبتي
بنين:الفف مبروكك ياعمري
حيدر ورقيه:يبارك بيج الغاليه
ليال:الف مبروك اللي يسمعنا يكول اول مرا تحمل رقاوي
رقيه:حاطتها وياي ام صماخ اني اعلمج
ليال:ههههههههه
راحو كلمن الغرفته واني صعدت فوك
اتصلت ع ارشد
ليال:شتاقييت ترا
ارشد:هههههه الحبيب مشتاق
ليال:ايي والله شتاقيتتلك
ارشد:تريدين امر عليج ونطلع
ليال:والدوام مالتك
ارشد:ميهمج حبيبي الخاطرج يهون كلشي حضري روحج راح اتصل ع حيدر واجي اخذج
ليال:ايي انتضرك
سديته من ونزلت ع امي
ليال:ماما ماما
نرجس:ها يمه شكوو
ليال:راح يجي ارشد ياخذني
نرجس:ايي ماما روحي بس كولي الاخوانج
ليال:ارشد راح يتصل ع حيدر
نرجس:هاا انتي هم روحي كليله
ليال:تمام
طلعت ورحت الحيدر دكيت الباب
حيدر:تعال فوت منو
ليال:انيي
فتحت الباب ودخلت
حيدر:هاا تعالي
ليال:حبيبي ارشد راح يجي حتى نطلع
حيدر:ايي حبيبتي خابرني روحي
ليال:تسلم حبيبي حروح ابدل
رقيه:اخذي وياج همام 😂.
ليال:وينه هو
رقيه:نومته
رحت بسته
ليال:بعد روحي والله احبهم بس بجيهم يضوجني
رقيه:تتوعدين من يصير عندج اطفال
ليال:الله كريم حبيبي يلا باي
عفتهم وصعدت لبست فستان لونه اسود وشال رمادي وحذاء رمادي وجنطه رمادي وتعطرت وكملت ونزلت جوا
بنين:هاا خبله وينن
ليال:خالج اجه يالطريق حتى نطلع
بنين:والله خالي صاير كاطع ميجي مشتاقتله
ليال:لعد اني شكول هم ماشوفه
بنين:هههههه
سمعت صوت سيارته وطلعت افتح الباب اندك الباب وفتحته صارلي شهر ونص مشفته مشغول
كمزت حضنته وبسته
ارشد:بنيتي شلونج
ليال:زينه بشوفتك
دخلنا جوا سلم ع امي وبنين وحيدر  وشال امير
ارشد:امير حبيبي
وضل يبوس بي
ليال:حبيبي لاتبوسه ترا اضوج لاتخليني اكتله هسه
بنين:شكد نذله خالو ترا ليال متحب امير
ارشد:ليال ليش
ليال:لا والعباس احبه ليش تجذبين يوميا من اطلع مو اجيبله العاب بس لان يبجي هواي اضوج منه
الكل:هههههه
ارشد:يلا بويه امشي نطلع حتى نرجع بوكت
سلمنا وطلعنا صعدت بالسياره وحرك السياره
ليال:ياحبيبي شتاقييت العطرك
واخذت ايده شميتها لان بيها العطر اللي احبه
ارشد:هو اني اليي مشتاقلج بس شغل وتراكمات ماكدر اجي
ليال:لا عادي
فتحت الجكمجه مثل كلمرا طلعت العطر اللي يحط منه وحطيت
ارشد:اخذي الج هذا
ليال:كول والله
ارشد:والله
اخذته وضميته بجنطتي
ليال:هذا مراح احط منه راح اضمه
ارشد:هههههه ليش
ليال:احب عطرك اني جنت احط منه حتى يبقى بيه بس هسه اخذتها بعد شكو احط
ارشد:هههههه شكد احبج تعرفين
ليال:لا شكد
ارشد:ماحبج اني
ليال:اممممم
وكف السياره وباوع عليه وسحب شفايفي وباسني واني بادلته احس جسمي ثكل واختنكت وهو حس بيه وابتعد
ارشد:اخخخ مو بوسه ضيمم
جنت حاطه راسي ع صدره ومارديت
ارشد:بويه هاي بوسه وهيج خدرانه لعد يصر الحدث الاكبر تموعين بأيدي
رفعت راسي
ليال:شكد متستحي انتت
ارشد:اهه سويت صوج
ليال:لا
شغل السياره ومشه
رحنا المطعم اكلنا ورجعنا للبيت نزل سلم ع ابويه وشاهين وراح بقيت اشم بي قبل لاراح
ارشد:يلا بويه لاتخليني اضل
ليال:ابقى
ارشد:لا بويه ميصير
ليال:تمام الله وياك يعافيتي
ارشد:استودعتج الله
وراح للدوام واني رحت فوك شو احس نفسي تعبانه باجر سبت وراها عندي امتحان مابقى شي وناخذ صور التخرج
رحت بدلت وحطيت العطر مالته ع الميز وراها خابرت حبيبي اطمنت عنه شفته وصل وبيقنا نسولف وهو راح نام واني نمت....
وماحسيت الا الصبح الساعه ٧ ونص ع صوت التلفون واني نعسانه جاوبت بلا ما اشوف منو اجاني صوت هوسة اطفال وحجت
ريفان:الوووو ها ولج نايمه لو كاعده
ليال بنعاس:منو
ريفان:لج هاي اني ريفان وسم شعندج نايمه
ليال:هيي ترا الساعه ٧ اضن انتي مخربطه بالارقام 
ريفان:دنجبي ... لك كناننن عوفف اختك راح اكوم انعل بليسكم الوو انتي الثانيه ماتحجين
ليال بنعاس:هاا لج شوكت كعدتي
ريفان:ولكم مو تريكتوو شنو ماشبعتو حتى تردون حليب
وصوت جهال زرف اذني
ليال:لج شوكت لحكتو تتريكون
ريفان:ولج كعدت نضفنا البيت وريكنا الجهال
ليال (غفت )
ريفان:لج ماتحجين شلونكم كلكم زينين
ليال:هاا ايي ايي زينين
ليال:اكلج امي مو كالت ادزلج واحد من الولد يجي ياخذج لان عمر بالشغل وامي اتصلت عليها ماعدها نت بس انتي
ليال:ساعة السوده من خليت النت مفتوح
ريفان:الله يغسلج امي وين
ليال:لج امي نايمه البيت كلهم نايمين الولد نايمين وامي ماتقبل احد يكعدها قبل شويويلا نامت للضهر يلا يكعدون يعني للضهر يلا يفتحون الباب الج والقرودتج
ريفان:دولي عبالي اجي
ليال:هلا بيج بس اريد انام تصبحين على خير سديته بوحها ونمت
ماحسيت الا مدري منو يسحب بشعري
ليال:نعله ع الخلفوكم رفعت راسي  وشفته كنان وماسه وريفان
ريفان:هلاووو احنه اجينا
ليال:لا هلا ولا مرحبا هسه الساعه ب ١٠ ونص شكوو شعندج عماله
ريفان:طاح حظج تعالو ماما هاي خالتكم نفسيه
ليال:من اصحصح اسلم عليكم
غطيت راسي وسمعت صوت شي انكسر رفعت راسي وشفت كنان كسر عطر ارشد
ليال:انعل ابوك لابو ابوك كمت ركض ومديت ايدي ع العطر وانجرحت اخخخ انعل عشيرتك اليوم كسرت عطر ارشد هو اني بكته منه وانت اجيت كسرته ونزلت دموعي
ريفان:ع كيفج هو عطر عود اجيبلج نفسه هاج كلنس ايدج انجرحت
ليال:ريفان انتي انجبي لمي جهالج جنهم قروده
كنان:اكلي خلا امداج
ليال:فوكاها توكلني خرا يا ابن الخرا
ماسه:تفففف
ريفان:ماما عيب امشو خالتكم متحبكم
ليال:يا ماحبهم غير ايشي يحطوم ايدهم بي ويكسرو
شديت ايدي والعطر فاحت ريحته شكد انقهرت بقيت ابجي وريفان نزلت هي وجهالها خرب ببليسهم شكد خبيثين رحت سبحت وطلعت وكل ما اتذكر انقهر يعني عطرر بأمان الله يجون يكسرو
كعدت لكيت الكزاز وذبيته واجتي ريفان وبنين
بنين:يولي كل عقلج علمود عطر تبجين
ليال:انجبي هو مو مجرد عطر هذا ذكرى اخذتها من ارشد احوي وكسروها
ريفان:اجيبلج غيره يولي
ليال:ماريد اني خوما اريد احط منه غير هيج لان مالته اخذته
بنين:ايي عود اخذي غيره شبيج شو خلشوف ايدج
ريفان:الخبله داست الكزاز وانجرحت
بنين:اخخخ شكد خبله
ليال:والله لو الزم كنان الا انعل اهله وهاي ماسه بنت الجلب تتفل عليه
ريفان وبنين:ههههههه
سمعت تلفوني يدك جابته بنين
بنين:هذا خالي خلي اجاوبه
جاوبته وفتحت مكبر الصوت
بنين:الوو هلا خالي العزيز شلونك
ارشد:هلا بويه زينالحمدلله انتي شلونج
بنين:بخير الحمدلله
ارشد:خوما صاير شي ليال وين
بنين:خالي ليال كالبتها مناحه واليوم تريد تشوي كنان وماسه وتطبخهم
ارشد:ههههه ليش
بنين:خطيه جانت نايمه بأمان الله كعدت ع صوت الكسر كاسرين العطر مالتك وايدها نجرحت بالعطر وهي تبجي ع العطر
ارشد:فدوه الهم شكو تبجي انطينياها
ليال:هاا حبيبي
ارشد:شببج حبيبتي تبجين علمود عطري وايدج مجروحه عليمن اني اجيبلج غيره
ليال:لا اني ردته لان انت استخدمته
ارشد:انطيج غيره وانتي متبقى غير شهر وتجين يمي
ليال:ان شاءالله
سديته منه ونزلت كعدت يمهم
بنين:اليوم ليال كنان وماسه كاسرين غراضها وتبجي جانت ههههه
الكل:هههههههههههههههههه
ليال:ماكو شي يضحك وفوكاها يتفلون عليه الحقراء
نرجس:هي ليال حبيبتي انتي كرار هذاك اليوم يلا حبيتي ماحبين الجهال بسرعه ههه
شاهين:ليال صايره ام دميعه موو
ليال:لا بس تعرفوني اذا انكسر شي احبه شسوي
حيدر:ايي تذكر شاهين من انت دست ع لعابتها وانطعجت شسوت بينا نكللها نجيبلج غيرها تكول لا الا هاي وتبجي
شاهين:ايي جبتلها غيرها وكسرتها تريد مالتها وضلت بس تنوح
الكل:ههههههههه
محمد:ليال تربايتها جانت صعبه
شاهين:ايي والله صحيح هههه
ليال:غيرر انتو كسرتو لعابتي اني ماحب الاشياء غير اشيائي وبابا شنو قصدك بتربايتي صعبه
محمد:يعني جنتي كلشي لازم تاخذينه بس انتي
ليال:اممممم
مرت الأيام وصار تصوير التخرج بجامعة ريفان
ورحنا وياها كلنا واباوع الفهد شلون حقير تحجيلي عنه ريفان مسكينه اللي ديصير وياها مو قليل
اخذنا صور
...................
ريفان

ريفان:فهد يعني حتى بالصور مالت التخرج متجي هسه شنو راح يكولون اهلي
فهد:شعندي جاي
ريفان:فهد انت بولادتي ماحضرت بعرس اخواني ما حضرت ليش ولك امي تسئل عنك تكلي ليش هيج فهدد روح شوف ارشد شلون مكتفي بليال ميشوف غيرها رغم ليال تصرفاتها طفوليه وهو وعي وفاهم بس مسايرها وانت شوف تصرفاتك
فهد:لاتلحين راح اجي
جهزت زي التخرج وجبت الماسه وكنان زي تخرج
ورحنا وحضرو اهل فهد وفهد واهلي كلهم
ليال:عمريي مبرووك
ريفان:يباركلج يروحي
باركولي الكل واخذنا صور ورجعنا
وتصوير ليال الاسبوع الجاي
........................
ليال
اليوم راح يكون تصوير التخرج مالتنا اني وبنين واجه ارشد واهلي وريفان واطفالها
ارشد:الف مبروك دكتورتي ا
ولبسني دنبوس ذهب مكتوب علي اسمي
ليال:حضنته تسلم ياعوضي
واخذنا صور وباركولي اهلي كلهم
ومرت الايام وتخرجنه رسمي
وبيوم جانت ريفان يمنا وجنت اسولف الارشد عن
فهد وسوالفه
ارشد:هذا اذا يلزمه القانون ينعنع ضلوعه
ليال:اييي والله واحنه شايفين
ارشد:انتي انجبي ريفان اذا تريدين ادز جماعه ورا تلزم علي لزمه واخلي يعفن بالسجون
ريفان:لا خيي ماريد اسوي هيج بس اذا تكدر حاول ويا بلكي ينصلح
ليال:هيي والله هذا فهد الزمه ساعه اكتله كتله من هاي الزينه
ارشد:الفاره صايره تكتل من ايمتى
ليال:ننننننن
ريفان:ههههههه
سدينا من ارشد ومخابرين ابويه بخصوص موعد العرس
اجاني كرار
كرار:ليال ابويه يصيحلج
نزلت
ليال:ها بابا
محمد:ليال عيالج محددين العرس بعد اسبوعين
ليال:شو اني مادري ارشد ماحجه
محمد:بويه هو ابو لرشد خابرني
نرجس:ايي هاهيه يمه الخطوبه من تطول موزين وانتي تخرجتي وهو انتضرج هواي
حيدر وشاهين:هاهيه يابه
.........................

وانتهى البارت اتمنى يعجبكم لاتنسون تتابعوني وتصوتون احبكم كلش انتضرو البارت الجاي