بلوة الظابط

البارت 35 والأخير

في بيت اهل ليال {بعد مرور يومين}
حيدر:اني الخميس السفر مالتي ليال ترحين
ليال:ايي اني اريد اروح وياك واخذ جاسر لان اذا بقينا راح ياخذه مني او يرجع يتزوجني
نرجس:يمهه رايحه بالغربه شبيج مخبله
ليال:لا ماما صاحيهه
نرجس:محمد شوف بنتك ولدك يمشون ع وجههم
محمد:نرجس عوفيها هي عقلها براسها وتعرف خلاصها
ريفان:لا ليال لاتخطين هالخطوه ارشد انطاج مهله اسبوع
ليال:كافي ترا اني قبل لا ارشد يعرف بأبنه اني كملت جواز جاسر وجنت ناويه اروح اربي بعيد عنهم
شاهين:ايي حبيبتي هاهيه روحيي ابقي هناك واني كل فتره اجيج ويمكن نكعد سوا هناك
نرجس:يايمه هايي شبييكم تريدون تموتوني
ليال:ماما كافييي ترا اني متدمره دمار محد يعرف شبيه غير الله عوفوني بحالي خلوني اروح
نرجس:هاهيه يمه اني شعليه
بنين ورقيه:ليال ابقي يمعوده
ليال:واذا بقيت واخذ ابني مني راح تخسروني للأبد 
حدو احجزلي وياك
حيدر:تمام
ليال:عفتهم وصعدت فوك اباوع الابني بقينه نضحك ونلعب اني ويا وبقيت احجي ويا وهو يضحك
جاسر:غغغغ نننن
ليال:‏باجر تكبر يا وليدي وتصير رجال
وتصير لطول الشوارب سندها
وابني عليك امال و امال
ويكولون أنا اشهد أنه ولدها
حطيته بحضني ونمنا
مرت ايامي عادي بتجهيزات السفر واجه الخميس اليوم اللي نروح بي جانت طيارتنا الساعه ب 9 الصبح وطبعا المهله اللي انطانياها ارشد يوم السبت تنتهي 
ليال:ودعنا اهلي وامي تبجي
نرجس:ولجج يمه ينطيج كلبج تعوفينا وترحينن
ليال:يمه اللي شفته مو قليل ادعيلي ارتاح بحياتي
محمد:بويه ديري بالج النفسج وايي شي تحتاجين بس اتصلي عليه
ليال:متقصر ياروح الروح وحضنت ابوي وامي
طبعا ابوي وامي واخواني تعبو وياي كلش وجانو سند الي والابني
ريفان:يحقييرهه راح تعوفيني وترحين انت اختي الوحيده ليش هيج
ليال:حبيبتي ادعيلي ارتاح وكلبي يرتاح بسس وحضنتها
ريفان:امين ياروح اختج
بنين:حضنت ليال عمرري سامحيني ع اللي صار وياج خالي هواي اذاج
ليال:يروحي انت مالج علاقه
رقيه:صخلهه حنشتاقلج وحضنتها
كرار:الخائسه راح تاخذين جاسر وتعودنا علي
ليال:حضنته وضحكت ياروحي لاتخاف ما اطول عليكم
واخر شي شاهين حضنيي وكال
شاهين:ليال اريدج ترجعين ليالي الاعرفها اللي متخاف من شي كوني مثل اللبوه من تحافظ ع ضناها
ليال:ان شاء الله وطلعنا اني وحيدر وصلنا شاهين
وصلنا للمطار
ونزلنا دانمشي اني وحيدر وشاهين شايل جاسر  محسيت الا ايدي نسحبت رفعت راسي
ارشد:تلعبين بذيلج عبالج ما الكفج
نرجع شوي لقبل كم يوم
ارشد جنت كاعد ادخن نركيله واتصلت بيه بنين طبعا بنين كتلها ايي حرف تحجي ليال تجين تكولين واذا عرفت ليال مسويه شي ومكلتي الي ساعتها يصير شي ميعجبج
بنين:هلاو خالو شلونك
ارشد:هلا بويه بخير انتي شلونج
بنين:زينه الحمدلله اكلك خالو
ارشد:ايي كولي
بنين:ليال قررت تاخذ جاسر وتسافر وهي اذا مسافرت راح تضطر ترجعلك حاول ترجعها وتزوجها لان تحبك هي والله
ارشد:هي شوكت تروح
بنين:الخميس الساعه ب 9 الطياره
ارشد:عوفيها ع راحتها خليها تسافرر
بنين:هاا معقوله
ارشد:ايي هاهيه شسويلها الرايد يروح لو تسجدله هم يروح
بنين:هاهيه خالو اخذ راحتك بس كلت خاف تزعل اذا مكتلك
ارشد:كفيتي و وفيتي بويه
سديته من بنين وكلت خليني اعوفها الا بيوم اللي تروح بي يلا اطيح حضها
{نرجع للمطار}
ليال:رفعت راسي هذا ارشد خفت كلشش
شاهين:ارشد شعندك هنا
ارشد:والله اني اسئلكم شعندكم هنا وابني شعنده وياكم
ليال:اريد اخذه واسافر عندك إعتراض
ارشد:ابني يبقى عندي وانتي سافري بكيفج عساج الجهنم انطيني جاسر
ليال:والله لو تموت متاخذه مني بعدين منوو كلك انيي اريد اروح يانذل
ارشد:انتي حتى من تتنفسين اعرفج كم مره تنفستي اعرف بسوالفج وعنادج المهم متهميني انتي اني اريد ابني لاتخليني ارفع عليج قضيه واسحبه
شاهين وحيدر:طولو بالكم
حيدر:ارشد هاهيه ليال ماتروح اني رايح لان راح تطير الطياره وانتي ارجعي وياهم وتفاهمو ع اشياء ترضي الطرفين وترضي هالطفل اللي ماله ذنب بعلاقتكم الفاشله
شاهين:ايي عيب هنا تتعاركون
ليال:اني بقيت ساكته ودعنا حيدر وراح
ارشد:ليال راح اجي الابوج ويصير خير اطلعو كدامي انتو
شاهين:خير إن شاء الله
ليال:رجعنا للبيت وارشد سيارته ورانا نزلنه وهو نزل دخلنا للبيت الكل متفاجئ برجعتي
دخل ارشد وراي
ارشد:السلام عليكم
الكل:وعليكم السلام
الاب:تفضل بويه تفضل
ارشد:يزيد فضلك عمي كعدت
ليال:بقيت صافنه وحاضنه ابني شوي وحجه ارشد
ارشد:كدام الكل اني مو انطيت شروط البنتكم
الاب:ايي
ارشد:عمي بنتك خلفت بالشروط وجانت ناويه تحرمني من ابني طول العمر المهم اني جنت منطيها المهله اسبوع بس اليوم تغير كلشي بهاي اللحظه ليال تقرر شنو مصيرها تقرر يا أما اعقد عليها وترجع تربي ابنها يا أما تبقى عندكم والولد اخذه وياي
ليال:نصدمت من كلامه
محمد:زينة الكلام هذا ليال يلا احجي
ليال ببجي:مستحيل اكدر بلا ابني موافقه بشرطك الاول
شاهين:بنيتي انت متأكده موافقه
ليال:لعد ابقى وابني تربي الغريبه
ارشد:حضري روحج الضهر اجيب الشيخ يعقدلنا
ريفان:بس انتو بعدكم زوج وزوجه حرام الوحده تطلك وهي متعرف بحملها يعني باطل
ارشد:للضروره نتأكد يلا اترخص انيي
سلمت عليهم وطلعت راسي يوجعني هاي ليال راح تجلطني
ليال:راح ارشد وبقيت اني خايفه وافكر حروح واشوف ضرتي والله شي لايعقل
ملابسي مرتبه جنت رايده اخذهم وياي للسفر محظرات بقى عندي ملابس يم اهلي كل ما اجي اخذ منهم وملابس جوسي وغراضه والالعاب مالته
كملت ونزلت امي داتطبخ دولمه
نرجس:ليال هيج احسنلج يمه
ليال:شنو هو
نرجس:كتلج لاتسافرين بس انتي
ليال:مسافرت مو هياتني يمج
نرجس:بعديش بعد ماثقته انعدمت وراح ياخذج اليوم
ليال:اعيش ويه ضيم الضره ولا اعيش فراق ابني واني شايفه نسوان الاب مترحم
نرجس:الله كريم يمه
ليال:مر الوقت واجه العصر واجه ارشد وجان ويا شيخ
وعقدلنا بيومها وجانت كل هموم الدنيا متكومه ع راسي عقدنا وخلصنا ودعت اهلي وطلعنا للعماره مالته وصلنا وصعدنا للعماره
ارشد:اني راح اسبح وانام لاتكعديني
ليال:ماشي
راح هو واني شلت جاسر وبقينا نحجي اني ويا شفت ابوك يحبيبي
جاسر:غغغننهه
ليال:بقينه شوي نلعب شوي وبلش يبجي الحاله
ارشد:ليال سكتي خليني انطمرر
ليال:ايي اششش يروح امك اشش
جاسر:نمنمنمنمنمنم عااااااا
ليال:ماكو حلويات مجبنا ياروحي تعال امشي نروح نكعد بابا
جاسر:هئ هئ هئ عاااا
ليال:اخذته للغرفه وكعدت ع السرير وكعد ارشد
ارشد:ليش تبجي حبيبي
ليال:جوعان يريد حلويات وماكو
ارشد:كافي حبيبي هسه نجيبلك ليال كومي ناخذ حلويات ونطلع للبصره ممرتاح هنا
ليال:ماشيي كمت حضرت روحي وحضرت جاسر والغراض هم بالسياره منزلتهم طلعنا ونزل ارشد اخذ حلويات وعصاير للجوسي ومشينا بطريقنا للبصره
ارشد:ليال ليش هيج وصلتينا
ليال:بدون رد*
ارشد:احجييي مو احجي وياج ليشش
ليال:الطفل ويانه مشاكلنا نحلها وحدنا مو كدامه وتخلي يتخبل
ارشد:انتي وصلتينا الهيج مرحله اني ابني يتربى بالغربه بين البغدادين
ليال:ايي هاهيه وصلنا البصره بليل لكينا جردو وعمو وعمتي ام ارشد وبيبي موجود كأنهم يعرفون بجيتنا نزلنا وارشد شال جاسر لان نايم
ارشد وليال:السلام عليكم
الكل:وعليكم السلام
ليال:بقيت صافنه رحت بوستهم بس وجهم ثكيل عليه سحبت جاسر من ارشد وصعدت بوجهي للغرفه حطيت ايدي ع الباب طلع مقفول باوعتله من فوك وهو صعد
ارشد:هااا
ليال:افتحلي الباب
ارشد:مو تدللين
ليال:دخلت لكيت غرفتي نفس ماتركتها عطوري بعدهم ومكياجي رايدلهن تصفيه لان خربانات
بعده كلشي ع حطة ايدي وومغيرين كلشي دخلت سبحت ونومت جاسر وطلعت لابسه البرنص وانشف بشعري ارشد يباوعلي من فوك الجوه
ارشد:منعولة الاهل طلعت لابسه برنص والجسم شلون وشوي جسمها صاير احلى من قبل خلفيتها هسه كبرانه قبل ماعندها
ليال:اباوع علي شوي وكال
ارشد:حضري الحمام اريد اسبح
ليال:ايي ماشي
حضرتله الحمام ورحت نشفت شعري ونمت بصف جاسر ع السرير نومته بصفي شوي وطلع ارشد مشط وكمل وطفه الضوه واجه نام صار جاسر بيناتنا
نمنا لأن تعبانين
الساعه ب 3 كعدت ع صوت جاسر وارشد
ارشد:نام لا انعل والديك خلينا ننام مثل الاوادم
جاسر:هئهئئهئ عاااا ماماما
ليال بنعاس:ها يماما
ارشد:سكتي لا اطلعكم برا انتي ويا
ليال:ايي ماشي
اخذت جاسر بحضني رضعته وشبعته ونام بحضني حطيته بحضني ونمت صار من الجهه الثانيه وصرت اني بصف ارشد محسيت الا ارشد سحبني بحضنه وصرنا اني وجاسر بين ادينه
ليال:ارشد وخرر عني لاتلزمني
ارشد:اششش بدون كلام وانطمريي عاد
ليال:بقيت احووص اريد ابتعد عنه
ارشد:شلون ما انام اليوم راح اكوم اشمركم براا
ليال:لزمت الصمت وبقيت بحضنه وغفيت وبلا ما ادري طبعا ارشد اللي عرفته مسوي دوامه يومي ومنتقل للبصره
مرت الايام طبيعي بين تجاهلي اني وارشد وبين مشاحنتي اني وعمة ارشد وحبوبه وامي سماح تراضينه اني وياهن مر شهر ع رجوعي الارشد واني احاول اضوجه كل يوم بليل البس واتعطرر واعوفه وانام واخلييي يجي يحضن ههههه صارت الدنيا ليل قبل لايرجع ارشد رحت لبست تراك لون رصاصي وحطيت حُمره حمراا نيمت جوسي وكعدت اتابع فلم شوي ودخل ارشد
ارشد:السلام عليكم
ليال:وعليكم السلام
ارشد:حضريلي الحمام
ليال:حاضر
راح يسبح شوي وطلع نشف شعراته واجه يمي
ارشد:ليال اكو سؤال ببالي شلون جنتي تاخذين حبوب منع حمل وصار عندج جاسرر
ليال:منو كلك اني اشرب هيج حبوب
ارشد:ليش لعدد من سئلتج كلتي ايي
ليال:حتى تطلكني
ارشد:هااا
ليال:وانت رحت صدكت منو بالله انطاك الحبوب
ارشد:عمتي
ليال:وصلت الفكره هي اللي وصلتنا الهل مرحله
ارشد.:الله كريم
ليال:وانت شلون تزوجت
ارشد:حجيتلها كل الموضوع وضلت تباوع بعيوني وعيونها مدمعه
ليال:صدكك
ارشد:اني جنت منطيج عهد ما تجي مره لا قبلج ولابعدج وازين شاربي اذا احب بعدج
ليال:حضنت ارشد وبجيت ع ايامي الضاعت واني زعلانه
ارشد:اخخ بنت اللذيينن
ليال:حضني ارشد وطفه الضوه ونام فوكاي واخذ شفايفي وبعدين نزل ع صدريي اذاني كلش جان يطلع اشتياقه بالبوسات
ارشد:هذا ابن الخره ذاق طعم هذني قبلي
ليال:هههههههههه
ارشد:بربوك ضحكة الراقصه
ليال:حضني ونزعني التيشيرت والبجامه ووووووو
ورجعت علاقتي بأرشد تخبل وعاهدنا بعض مانظم شي ع بعض وتبقى علاقتنا مايخربها شي وحالياً عندي جاسر عمره 7 سنوات صف اول وحسين عمره 4 سنوات  واخر العنقود بنوته اسمها روح عمرها سنه هاي مدللة ارشد ههههههههههههههههههه
طبعا الزبده من قصتي انو الانسان مهما شاف صعوبات بحياته لابد يجي يوم ويشوف الفرح
اني شكد شفت دلال من اهلي هالكد متعذبت بزواجي بالرغم جان ويه حب عمريي فيا بنات لاتفقدن الامل تفرج عليجن منو جان يكول اني وارشد نرجع البعض ورجعنا وهسه عندي درزن جهال 😂
................
الى هناا ونكون ختمنا قصتنا بأكمل وجه وليال تسلم عليكم وتحبكم وتقرا تعليقاتكم انطوها رأيكم بالروايه ونصيحه منكم هي داتشوفكم واني هم احبكم والتقيكم بقصه اخرى واحداث جديده
واعذروني لمن تأخرت عليكم فد سالفه صارت عندي ومنشرته