𝘋𝘢𝘳𝘬 𝘛𝘩𝘦𝘰𝘣𝘳𝘰𝘮𝘪𝘯𝘦 𝘶𝘯𝘥𝘦𝘳 𝘵𝘩𝘦 𝘊𝘩𝘳𝘪𝘴𝘵𝘮𝘢𝘴 𝘛𝘳𝘦𝘦

여섯

စက္ကန့်လက်တံတစ်ခု​၏ ရွေ့လျားမှုကအစပြုခြင်းဟူ၍ ခေါင်းစဉ်တပ်ရမည်လား။
_______________________________________
၂၀၂၆,၁၂လပိုင်း ၃၁ရက်နေ့ ညဆယ့်တစ်နာရီ နှစ်ဆယ့်ငါးမိနစ်

အခုနကမှ ဆံပင်ညှပ်လာတာကြောင့် ဆောင်းဟန်ဘင်း​၏ ရှင်းလင်းနေသည့် မျက်နှာနုနုက ရှင်းလင်းစွာပေါ်လာသည်။အနည်းငယ်တိုသွားသည့်ဆံပင်တွေရယ် အရင်ကလို ခပ်အုပ်အုပ်ချထားတာမျိုးမဟုတ်ဘဲ ဆန့်ကျင်ဘက်အနေနဲ့ ဆံပင်တွေအကုန်ကိုလှန်တင်ထားတာက ဆောင်းဟန်ဘင်းနှင့် သိပ်လိုက်ဖက်လွန်းလှသည်။

အိမ်ကထွက်လာသည့် အဝတ်အစားပင်မဟူတ်တော့သည့် ဆောင်းဟန်ဘင်းက ကဒ်ထဲမှ အတော်လေးပင် ထွက်သွားခဲ့ပေမယ့် အဲ့ဒီ့အတွက် သိပ်တော့ ဂရုမထားမိပါဘူး။

အနက်ရောင်လည်ပိတ်ဆွဲတာကို ဂျင်းဘောင်းဘီထဲထည့်ဝတ်ထားပြီး ပဲနိစေ့အညိုရောင် လောင်းကုတ်အားထပ်ဝတ်ထားကာ လည်ပင်းရှိ သဲမှုန်တွေကဲ့သို့ အညိုဖျော့ရောင်ရှိသည့် မာဖလာဟာ ပနံသင့်လွန်းလှပြီး ဆောင်းဟန်ဘင်း​၏ ဆွဲဆောင််မှုကိုပိုလို့ ထင်ပေါ်စေသည်။

ပိုလို့မှောင်လာသည့်အခါ ဆောင်းည​၏ အချမ်းဓာတ်က တဖြည်းဖြည်းကဲလာသည်။စိမ့်လာသည့်အအေးဓာတ်ကိုပြေလိုပြေညား ဆောင်းဟန်ဘင်းက ပါးစပ်ထဲမှလေငွေ့တွေကိုမှုတ်ထုတ်လိုက်မိပြန်သည်။

အတိတ်​၏မြင်ကွင်းတွေက တရိပ်ရိပ်ကုန်သွားတဲ့နောက်မှာတော့ ဆောင်းဟန်ဘင်းက အတွေးတွေရပ်လိုက်ပြီး ဗလာကျင်းသွားသည့် ဦးနှောက်ကို အနားပေးလိုက်​၏။

လမ်းမထက်ဟာ အကောင်ပလောင်များ​၏ အော်သံသေးသေးလေးပင်မကြားရလောက်အောင်အထိ ငြိမ်သက်လျက်ရှိသည်။တချောက်ချောက်မြည်နေသည့် စက္ကန့်လက်တံတွေဟာ ပုံမှန်အတိုင်းရွေ့လျားလျက်ရှိသည်။

နာရီလက်တံသံတွေဟာ နားစည်သို့ ကပ်ကာမြည်နေသလိုမျိုး တိုးဝင်လာတာကြောင့် ဆောင်းဟန်ဘင်းက မျက်မှောက်ကျုံ့လိုက်ပြီး အိတ်ကပ်ထဲတွင်ထည့်ထားသော လက်အားအပြင်သို့ထုတ်လိုက်ပြီး ညာဘက်လက်ခုံပေါ်ရှိ နာရီပေါ်သို့အကြည့်ပို့လိုက်မိသည်။