ဆောင်းကိုသဘောကျလာတာလည်း မင်းကြောင့်၊နှင်းတွေကြောင့်ပြုံးမိတာလည်း မင်းကြောင့်၊ ဒီဇင်ဘာကို ချစ်တာကလည်း မင်းကြောင့် ခရစ္စမတ်နေ့တွေနဲ့ နှစ်ကူးရက်တွေကို မြတ်နိုးမိတာကလည်းပဲ မင်းကြောင့်၊ငါ့ခံစားချက်တွေ ဖြစ်တည်မှုအကုန်လုံးက မင်းကြောင့်။မင်းနဲ့အတူရှိတဲ့နေ့ရက်တွေမလို့ မင်းကိုဗဟိုတည်ပြီးမှ တစ်ဆင့်ဖြစ်ထွန်းလာတဲ့ခံစားချက်တွေ။
_______________________________________
၂၀၂၀ခုနှစ် ၁၂လပိုင်း ၂၅ရက်နေ့ ည ရှစ်တစ်နာရီ နှစ်ဆယ့်ငါးမိနစ်
"ဟန်ဘင်းနီး ဖက်ထားတာ လွှတ်ဦး နည်းနည်း"
ပြောကာမှ ခါးကလက်တွေကို ပိုတိုးလို့ဖက်လာကာ ပခူုံပေါ်မေးတင်ရင်း ပါးအားလှမ်းနမ်းလာသူကြောင့် ကျန်းဟာအိုက မနိုင်ဟန် ခေါင်းအသာခါယမ်းလိုက်ရင်း
"ချောကလက်တွေ အေးကုန်တော့မယ်"
"ခန္ဓာကိုယ်ထဲ သီအိုဘရိုမင်းဓာတ်တွေ ချို့တဲ့နေလို့ပါဆို"
ဆောင်းဟန်ဘင်း၏စကားအား ခပ်ဟဟရယ်ရင်းတစ်ပြိုက်နက်တည်းမှာပဲ ကျန်းဟာအိုက မသိချင်ယောင်ဆောင်ကာ
"ဒါ့ခ်ချိုကိုစားမလား ဘူးသွားယူပေးမယ်လေ"
"ဟင့်အင်း ကျွန်တော်လိုနေတဲ့ သီအိုဘရိုမင်းဓာတ်က ပေါင်ပေါင်းဆီမှာပဲရှိတာ"
ဆောင်းဟန်ဘင်းကပြောရင်း လည်ပင်းနားသို့ တိုးဝှေ့ကာ ခပ်ဖွဖွနမ်းလာတော့ ကျန်းဟာအို၏ နားရွက်ဖျားတွေက နီရဲလာပြီး မျက်နှာတစ်ခုလုံးက ပူတက်လာသလိုခံစားလိုက်ရသည်။
ဒီကလေးကတော့!
"တကယ်ကို သီအိုဘရိုမင်းတွေက ပေါင်ပေါင်းရဲ့ တစ်ကိုယ့်လုံးစိမ့်ဝင်နေတာ သိလား"
လည်တိုင်ကို တရှုံ့ရှုံနမ်းရင်း ပြောလာတာကြောင့် နီးကပ်နေတဲ့အနေအထားမှာ အာငွေ့တွေဟာ အသားကိုတိုက်ရိုက်လာရိုက်ခတ်သည်။
"ဟင်လို့"
ပုံမှန်ထက်ကိုပို၍ ဩရှရှဖြစ်နေသည့်အသံဟာ ဆွဲဆောင်မှုအပြည့်ရယ်။နားရွက်နားသို့တရွေ့ရွေ့တိုးကပ်လာပြီး ခပ်နွေးနွေးလေအချို့ဟာ နားစည်ထဲအထိတိုးဝင်လာသလိုမျိုး ခံစားလိုက်ရတာကြောင့် ကျန်းဟာအိုကကြက်သီးတွေထလာကာ လန့်သွားတာကြောင့် ခန္ဓာကိုယ်က အနညငယ်တုန်တက်သွားသည်။
YOU ARE READING
𝘋𝘢𝘳𝘬 𝘛𝘩𝘦𝘰𝘣𝘳𝘰𝘮𝘪𝘯𝘦 𝘶𝘯𝘥𝘦𝘳 𝘵𝘩𝘦 𝘊𝘩𝘳𝘪𝘴𝘵𝘮𝘢𝘴 𝘛𝘳𝘦𝘦
Romanceအချစ်ရယ် ငါ့မှာ တကယ်ကို မင်းတစ်ယောက်တည်းရှိတာပါ။ Binhao/Haobin fanfiction
