_انتِ يا حيوانة! ياللي مالكيش لازمة غير الأكل و المرقعة!
كان يوم مثله مثل غيره، أقضيه في النوم و الأكل و مشاهدة مسلسلاتي الرومانسية المفضلة، و هذا صياح و غضب جدتي المعتاد و أني بلا فائدة، فأنا أعيش معها منذ سنوات عديدة بعد وفاة والدي و ليس لها في الدنيا غيري و أنا أيضًا، و بعدها ليلًا أقرر الخروج مع أحد أصدقائي الكثيرين، فأنا و بلا فخر شخصية مشهورة و الجميع يعرفني و أعرفه في محيطي.
لكن في تلك الليلة الجهنمية رجعت بدري عن عادتي، و كانت جدتي لا تتوقع مني الرجوع، بحثت عنها حتى وجدتها في قبو الفيلا المحرم:
_إيه يا تيتا بتعملي إيه هنا دلوقتي!
كنت متوقعة غضبها علي كالعادة خصوصًا إني أخيرًا دخلت هذا المكان، لكن لم يحدث، بل ظلت تناظرني بسكوت لبعض الوقت وسط استغرابي حتى تحدثت أخيرًا على مضض:
_مقداميش غيرك للأسف عشان تورثي السر
_سر!
شاورت على ركن ما و قالت:
_شيلي الملاية اللي هناك دي
فعلت مثلما قالت و وجدتُ مرآة كبيرة ذات نقوش غريبة من الجوانب، ملفتة الشكل و غريبة، تجعلك تنظر إليها دون الحياد عنها. وقفت جدتي بجانبي و قالت:
_اللي هاقوله دلوقتي مايتصدقش بس هو حقيقي و بيحصل، ورث من زمن الزمن، ورثته عن امي و امي ورثته عن جدتي و هكذا، و لأن مافيش غيرك باقي للعيلة انتِ الوريثة مع الأسف...
_إيه يا تيتا قلبتي فيلم فانتازيا ليه!
_ماتقطعنيش يا تورة!
_حاضر
_المراية دي سحرية، من زمن بعيد مش عارفة من قد إيه و لا ليه و لا ازاي بس اللي اعرفه أنها حقيقة و سر ماحدش لازم يعرفه غير اللي هايورثها و بس. سرها و قدرتها في اخفائها و كتمانها عن أي حد مهما كان...
_و بتعمل إيه بقا دي!
_بتنقل لعالم تاني، أرض وزمن و ناس مختلفين عن هنا، تعيشي فيه كأنك منه
_تيتا حضرتك اخدتي الدوا! شكل عقلك في رحلة دلوقتي
زغدتني و قالت بغضب:
_مابهزرش بقولك!
_حاضر
_عايزة تصدقي!
_آه بس هنكر
_عشان تعرفي قدرتها، لازم تهمسي بسرها، و اللي مش لازم حد غيرك يعرفه بعد ماقولهولك غير اللي هتوريثهاله من بعده، بس لازم تكوني عارفة إنك في رحلتك دي ممكن ماترجعيش زي ما كنتِ...
لم أهتم كثيرًا بل فكرت أن أجاريها، كما أن الفكرة راقتني
_و إيه بقا كلمة السر؟
همست لي بالكلمة السحرية، وقفت أمام المرآة و بالفعل همست بالكلمة و عندها وجدت أن المرآة تلمع بشدة ثم الزجاج يتحرك حركة موجية بشكل غريب! قربت إصبعي ببطئ و جدته ينفذ داخلها! و ببطئ أدخلت يداي ثم ذراعي كاملاً، ابتسمت و أنا انظر لجدتي:
_شكلك هاتطلعي صادقة ياتيتا
