ဇဗ္ဗူဒီပါတောင်ကျွန်းသခင်အပိုင်း - ၉
•••
" ဘယ်လိုဖြစ်ပြီး နောက်တစ်ယောက်က ပါနေရတာလဲ။"
" ဘယ်သူလဲ။ ဘယ်သူလဲ။"
မေးခွန်းမေးသော သူ၏ အသံပင် တုန်ယင်နေ၏။
လူတိုင်း၏ ဆဲလ်ဖုန်းများ မီးလင်းလာပြီးနောက် ပတ်ပတ်လည်ရှိ လူတိုင်းကို အထိတ်တလန့် ကြည့်ကြပြီး ထူးဆန်းသည့် မျက်နှာက ရုတ်တရက် ပေါ်လာမည့်အရေးကို စိုးရိမ်နေကြသည်။
အချင်းချင်း မှတ်မိနေကြပြီးသား လူများကမူ ပူးကပ်နေလိုက်ကြကာ ပတ်ဝန်းကျင်ကို ကြောက်လန့်တကြား ကြည့်သည်။
ထိုအခိုက် လူတိုင်းကလည်း လူပိုတစ်ယောက်ရှိနေကြောင်းကို သိလိုက်ရသည်။ ထိုသူက သိပ်မဝေးသောနေရာထောင့်နားတွင် ရှိနေသည်။
" ဘယ်သူလဲ။ မင်းက ဘယ်သူလဲ။"
" လူလား။ သရဲလား။"
လျှို့ဝှက်ဆန်းကျယ်အခေါင်းတွင် ရောက်နေပြီးနောက် ဘာမဆို ဖြစ်လာနိုင်လေရာ လူတိုင်းက မသက်မသာခံစားနေရသည်။
ထိုမှောင်မဲသော ထောင့်မှ ချောင်းဆိုးသံ ထွက်လာခဲ့သည်။ အနက်ရောင်ပုံရိပ်က ခန္ဓာကိုယ်ကို လှုပ်ရှားလာပြီးနောက် လေသံတိုးတိုးဖြင့် ပြောသည်။ အသံက သြရှနေသည်။
" သ...သရဲ။"
သြရှသောအသံက ကြေးနီရောင်အခေါင်းထဲတွင် ပဲ့တင်င် ထပ်လာသည်။ ထိုအခါ လူတိုင်းက ကျောချမ်းသွားကြပြီး ဆံပင်မွှေးများက ထောင်သွားကြကာ ကြက်သီးမွေးညင်းများပင် ထကုန်တော့သည်။
ရေခဲအခေါင်းထဲသို့ ကျသွားသလို အေးစက်မှုကိုလဲ ခံစားလိုက်ရလေသည်။ အများစုကမူ တုန်လှုပ်ခြောက်ခြားနေကြသည်။ ကျောင်းသူအချို့ဆိုလျှင် စူးရှသောအသံကိုပင် ထုတ်ပြီး တုန်လှုပ်ခြောက်ခြား၍ ကျယ်ကျယ်လောင်လောင် အော်ငိုကြကာ မြေပြင်ပေါ်သို့ ထိုင်ချမိ လုနီးပါး ဖြစ်ကုန်ကြသည်။
" သရဲ ... နေရာ..."
အသံက အနည်းငယ် အားဖျော့နေသည်။ ထိုသူက အလွန်ပင်ပန်းနေပြီး ခန္ဓာကိုယ်ကို မတ်တပ် ထနိုင်အောင်ကြိုးစားသည်
။
" ဘယ်...ဘယ်နေရာက သရဲလဲ။ ငါတို့က ကြေးနီရောင်အခေါင်းထဲမှာ မဟုတ်လား။"
YOU ARE READING
ဇဗ္ဗူဒီပါတောင်ကျွန်းသခင် (Uni+Zawgyi)
Aventuraနဂါးအလောင်းကိုးလောင်းဆွဲလာသည့် ထူးဆန်းသော ကြေးနီ ခေါင်းတလားကြီးသည် သူငယ်ချင်း သုံးဆယ့်သုံးဦးကို အခြားလောကသို့ ပို့ဆောင်လိုက်လေသည်။ ရှင်သန်နိုင်ရန် ပြင်းပြသော ဆန္ဒသည် ထိုသူတို့အား ရှေးနတ်ဘုရား ဖြစ်ရန် ကျင့်ကြံသော လမ်းဆီ တွန်းအားပေးကာ ရောက်ရှိစေခဲ့သ...
