المراهَقة المتأخّرة [مكتملة]

Part 3:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 3

بعد مدة صونات الساعة عاد الأنسة فاقت كتحك في عينيها بحالا مناقصها تخير حتا قفزها صوت الأستاذ

الأستاذ : لمرة الجاية جيبي معاك مانطة او مخدة باش ترتاحي في النعسة الالة فاطمة

فاطمة الزهراء هازة شكارتها او غادا متوجهة لباب او في نفس الوقت داوية : صافي شكرا على النصيحة أأستاذ غدا ان شاء الله نجيب معايا مانطة كون هاني

خرجات من ليسي غادا للدار نيشان التعطل تكحلها من عند زهرة... غادا دايرة لكيت في وذنيها او كتمزك حتا وقف واحد الموطور عند رجليها خلاها تقفز او ترجع خطوة لور... هزات عينيها حتا بات ليها شخص طويل وحروفوا زوينين ، عينيه كخلين وحتا شعروا نفس شي وكان ما غليض ما رقيق... رسمات ضحكة من لوذن تال لوذن

فاطمة الزهراء كتهضر او الضحك : هاي هاي بالصحة الموطور هي ليوم غنضربو شي تسركيلة بيه 
كمال خربق ليها شعرها : نضربو دورة علاش لا
فاطمة الزهراء قفزات فاش تفكرت زهرة : شييت شنو غنقول لزهرة الدوز بخير ليوم التاكل عليا كسكسو بالتفاية

خلاتو واقف مضهشر او عطات رجليها لريح تجري باش توصل لدار بالزربة ، ليوم زهرة تخرجها في الجورنال عندها الوقت هو الوقت

كمال حك شعرو او هضر او هو كيضحك : حقمة ، او محمقاني معاها

ركب في الموطور تاعو او كسيرا مشا بحالو اما عند فاطمة الزهراء بي ضربتها بجرية حتا وصلات لدار او حلات الباب داخلة بشوية باش الطلع لبيتها نيشان قبل متشوفها زهرة

يلاه حطت سبرديلتها او دارت باش تمشي لبيتها حتا حسات بوذنها غطير من بلاصتها

زهرة كدوي مغددة او باقا شادة ليها في وذنها  : فين تعطلتي أديك عود السبسي
فاطمة الزهراء كتنقز في بلاصتها باش تحيد ليها يدها : وا مي تي طلقي او نقول ليك را وذني غطيريها من بلاصتها
زهرة طلقاتها : يلاه دوي كنسمع او شوفي ها داك الكذوب ديالك را ميدوزش عليا انا لي عارفاك الصوبيصة (طولات فيها شوفة وهيا مخنزرة) بقاي الدوري عليا في عينيك بحال بوبرايص
فاطمة كتبرد في القرصة : را غير تعطلت في القسم مع الأستاذ كتب لينا بزاف تاع الكتبة في الصبورة او صونات الساعة او بقيت نكتب كيف كتعرفي راني قراية أمي واش تبغي نخلي الدروس يفوتوني؟
زهرة بإبتسامة : وا هكاك ابنيتي قراي على راسك ديك التفلية معندها باش تنفعك

مشات رجعات الكوزينة او خلات فاطمة الزهراء غغجة داخلة للبيت تاعها وهيا كتطلب الله يسمح ليها على هاد الكذوب

فاطمة الزهراء : ياربي تسمح ليا على هاد لكذوب او سير يا كمال بغيت ليك صريصرا ديما جابد ليا الصداع