المراهَقة المتأخّرة [مكتملة]

Part 6:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 6

قطعات عليه او لبسات واحد جلابة تاع زهرة نيت جاتها بحال الخنشة او لاحت عليها الزيف على شعرها عاد خرجات من لبيت او تمات قاصدة باب باش تخرج حتا قفزها صوت زهرة

زهرة : فين غادة اديك عود السبسي او شهاد الجلابة لابسة كتباني بحال شي سحارة ياربي السلامة تف تف متشوف فيك لا موحمة لا شادة في حبل
فاطمة الزهراء بعصبية : راني غادا نقلب ليك على فارس أحلامك أمي (دوات في خاطرها) الدودة لي فيك مافياش تانا اميمتي
زهرة : وا لكان هكا سيري الله يرضي عليك وا متنسايش يكون بحاال شاهيين

دارت رجعات لبيت تكمل شغالها اما فاطمة الزهراء حلات الباب أو توجهات لراس الدرب

كان واقف حدا كروستو كيف ديما حتا لمحها جاية بتاسم ليها بينما هي جاية معبسة طالعة ليها لقردة ، وصلات حداه او بقات حاضياه او هو مكمل خدمتو

كمال كيعبر لواحد السيدة في الخضرة : شحال قلتي باغا الالة من كيلو تاع خيزو؟
المرأة كطلع او تهبط في فاطمة الزهراء : جوج اوليدي جوج (طولات الشوفة في فاطمة الزهراء او هضرات) هادي مراتك اوليدي؟
كمال بتاسم او هضر بصوت شبه مسموع لوصل لمسامع فاطمة الزهراء : الى خلاتنا واحد الشارفة نتزوجو غتولي مراتي
المرأة : اش قلتي اوليدي
كمال : ايه مراتي مراتي
المرأة : الى ساليتي مد ليا لميكة او هاك تخلص او الله يخليكم لبعضياتكم

كمال عطاها ميكتها او خدا خلاصو او رد ليها الصرف تسناها حتى بعدات منهم عاد دار عند فاطمة الزهراء

كمال : مالك واقفة ليا عند راسي بحال البوليسية دوزي حطيها للأرض شوية أو فكي ديك التخنزيرة
فاطمة الزهراء مشات كلسات فوق واحد لكربة حداه : شوف اداك راس الطارو زهرة راها مي بلاما تبقا تعير فيها حيت مغادي يعجبك معايا حال
كمال كيضحك : ويلي لقطيطة تقلقت ، تي را غير كنضحك نتي عارفة زهرة شحال عزيزة عليا واخا هي مكتحملنيش ، المهم نساي هادشي او قولي ليا شنو الحل لي نديرو مع زهرة
فاطمة الزهراء سكتات لوهلة او دارت صبعها في فمها زعما كتفكر : اممم الحل هو نزوجوها
كمال بدا كيصفق : واو الصراحة تبارك الله عليك ما شاء الله عليك ، وتي را هادشي عارفينو وا خاصنا منين نجيبو ليها هاد عريس الغفلة لي يكون سايط ليه لبرد في مخو كثر منها
فاطمة الزهراء : غنلقاوه غنلقاوه دبا نتا خدم مخك معايا او فكر فين ممكن نلقاو ليها هاد الراجل

سكتوا بجوج لمدة طويلة وهوما كيفكروا فهاد الحريرة حتا نطق كمال لي خلاهم يخرجوا من سهوتهم بجوج

كمال : اجي شبان ليك نمشيو لشي دار لعجزة او نجيبو ليها شي واحد من تم
فاطمة الزهراء : تا سير دار العجزة غنلقاو فيها شي واحد بحال شاهين كتحلم لا
كمال خرج عينيه : على هي باغاهاش بحال شاهين واو واو زهرة مبقاتش ساهلة هاي هاي كنت حاگرها وا الزغبية تي فين غنلقاو ليها هادا لي بحال شاهين
فاطمة الزهراء : كاينين مواقع تاع التعارف او الزواج غنحطو معلوماتها او ضروري غيجاوبنا شي حد
كمال بدا كيضحك : هاا وا دبا عجبتيني (سكت بعدما تفكر شي حاجة) او شنو غادا الديري في التصويرة غيشوفو وجهها غيفوتو السيفي تاعها را مك شاارفة
فاطمة الزهراء : متخممش غنقاد كولشي (ناضت وقفت او مدات ليه يدها) كحب
كمال بدا كيكحب : كح كح هانا كحبت
فاطمة الزهراء : اتا كحب 20 درهم باش ندير الروشارج باش غندخل لموقع بي البرد
كمال : وا ختي راك باقا موليتي مرتي حتا تولي او نعطيك
فاطمة الزهراء : تعطاك مكمدة قول آمين تلقني خلاص را باغا نمشي

شاف حتا عيا او ضحك او خشا يدو في جيبو جبد منها 50 درهم مدها ليها ، غير خداتها او عطات رجليها لريح باغا تمشي تقاد داكشي بالزربة او هو دار مكمل خدمتو