المراهَقة المتأخّرة [مكتملة]

Part 18:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 18
بعد مرور مدة زمنية، خارجة من المدرسة بعدما قرات ساعات لي كانو عندها توجهات نيشان لدار، دخلات لقات الدار ساقلة عرفات زهرة مكيناش لقاتها من الجنة والناس، توجهات بالزربة لبيتها ... بدلات حوايجها بعباية في لكحل او فولار في نفس اللون او زادت نضاضر على عينيها عاد هزات تليفونها او سوارت او خرجات من الدار

عند كمال لي كان كيتسنا فيها عند راس الدرب غير بوحدو معندو لا كروسة لا والو غير بانت ليه بتاسم او تقدم عندها

كمال كيضحك : ناري جيتي كي لغراب مالك اختي على هاد لكحل في لكحل

جوباتو بعدما طلعات فيه او هبطات مزيان...كان لابس قبية في لبيض مع سرول في لكحل او سبرديلة في لكري

فاطمة الزهراء : زيد زيد تحرك نمشيو نكلسو فشي بلاصة او نهضرو او قابل شي حاجة خرى من غيري بقا مقابل غير لباسي لي لبستها وحدة معاك

مشاو لواحد الجريدة او كلسو عاد جبدات هي تليفونها او مداتو ليه

فاطمة الزهراء : شد شد قبل منشوفو داك لبلان قاد ليا هاد المشقوف را عاوتاني طلبو مني ميزاجور او لا منعرف
كمال شدو من عندها او نطق : ختي شحال من مرة قاديت ليك ليه هاد ميزاجور را خاصك غير تخدمي عقلك
فاطمة الزهراء كتشوف ليه في عينيه : لاش غنخدم عقلي او عقلي حدايا

شاف فيها او بدا كيضحك دور راسو بلا حول او قاد ليها تليفون عاد مدو ليها

فاطمة الزهراء شافت فيه : لاش مديه ليا لاش دخل دخل هضر مع داك السيد شوف شنو غيقول ليك

رجع التليفون عندو او دخل عندو
صيفط ليه السلام او تسناه يجاوبو دقائق قليلة او طلع ليه بلي شاف لميساج
الرجل : وعليكم السلام زهرة تعطلتي عليا تسنيتك بزاف باش تصيفطي ليا ميساج

هز عينيه فيه فاطمة الزهراء في نطق :في آخر ايامي ولات سميتي زهرة
فاطمة الزهراء  : سكت سكت او جاوب الراجل خلاص

رجع عينيه في التليفون او جاوبو : حتا انا تعطلتي عليا
الرجل : غير سمحي ليا آنسة او صافي دبا قولي ليا فين بغيتينا نطلاقاو فينما كنت نجي عندك
كمال : صافي نطلاقاو في **** الا كنتي مسالي نطلاقاو دبا نيت
الرجل : انا مسالي ليك في اي وقت يا حبيبتي

كمال شاف فيها او نطق : شوفي ليك هاد الشرف مساهلينش والله عندهم ميعاودو
فاطمة الزهراء كضحك : لاهيلا تقول يله حلو عينيهم على الدنيا
كمال : حيدي حيدي نجاوبوه مسكين حشومة نتعطلو عليه

كمال : صافي من دبا نص ساعة نطلاقاو تم عنداك تعطل عليا
الرجل : دبا نكون عندك الآلة لعيالات زهرتي

كمال ناض وقف او شاف فيها : زيدي زيدي نشدو شي طاكسي نمشيو لبلاصة لي درت معاه غنبقا داوي معاه مغاديش يسالي من التعناب