المراهَقة المتأخّرة [مكتملة]

Part 29:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 29

فاطمة الزهراء بفقصة : تي حيدي امي من السرجم ويلي درتي الشوهة
زهرة كتفرنس : راني فرحانة يا بنت ولدي زيدي جيبي الطعارج نشدو شي طرح جاوني هوايشي على الشطيح
فاطمة الزهراء بدات كضحك : هي متعادش امي تسناي هانا جاية

مشات تجيب الطعارج او كمال ناض وقف بعدما كان غير كيتفرج فيهم او يضحك

كمال : خليتكم على خير ازهرة حتال غدا او هانا معاكم
زهرة بتاسمات :  واخا اوليدي سير بسلامة عليك سلم ليا معاك على مك ديك لمرة الله يعمرها دار معرت كيفاش ولدات سطل بحالك ولكن واخا هكاك دغيا كدخل لخاطر الخوينز

كمال بدا كيضحك او قرب باس ليها راسها او نطق : مقبولة منك غير عيري كيف بغيتي عارف لي كاين في القلب المهم خليتك على خير

غير مشا بحالو فاطمة الزهرة تمات جاية هازة جوج طعارج لي ملقاتهم غير بزز...دورات عينيها مبانش ليها عرفاتو غيكون مشا كلسات فوق السداري مدات طعريجة لزهرة او طعريجة شداتها هي او بدات كطبل او تغني
فاطمة الزهراء كتغني بصوتها الرنان : حيدو حيدو زوجت مي او حيدت لوما عليا (بدات تزغرت)

بقاو لعشية كاملة او هوما يغنيو او يشطحو ناشطين مع بعضياتهم او خالقين السعادة بقاو على حالهم حتا وصل ليل عاد سالاو او مشات فاطمة الزهراء تقاد شي حاجة ياكلوها اما زهرة مشات شعلات التلفازة تفرج كيف ديما

وجدات الماكلة او حطاتها في الطابلة عاد شمات عيطات على مها باش تجي التاكل معاها... كلاو كيف ديما في جو عامر غير ضحك او تقشاب او نگير... سالاو او كل وحدة مشات لبيتها تنعس

~أصبحنا وأصبح الملك لله ~

فاقت هي لولا على غير عادتها ناضت جمعات فراشها او مشطات شعرها او جمعاتو بزيف حياتي عاد خرجات من بيتها مشات لحمام غسلات وجهها او فاش تمات خارجة خرجات معاها مواد التنظيف لي كانو تم او بدات كتجمع في الدار بدات بالصالون هو لول جمعاتو او سيقاتو عاد سيقات المرح او الكوزينة... سالات عاد بدات كتوجد في لفطور شوية حتا جات عندها لالة لعروسة

زهرة : هاي هاي كون مشفتش وجهك والله منعرفك بنت ولدي اي شنو طرا في الدنيا حتا فقتي بكري معززة هادي
فاطمة الزهراء مكملة شنو كدير : او را عندنا خطبة زعما ضروري نجمعو الدار

بقاو كالسين تم يتناكرو كيف ديما سالاو او ناضت كل وحدة شنو دير حتا داز الوقت... مشاو وجدو راسهم او فاطمة الزهراء قادات لالة لعروسة مزيان شوية او سمعو الدقان...