المراهَقة المتأخّرة [مكتملة]

Part 9:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 9

             °•أصبحنا وأصبح الملك لله•°

فاقت على صوت التليفون كيصوني حالة عين او عين ساداها كتحاول تقرا سمية شكون لي معيط ليها على الصباح مقشعات والو جاوبات بلاما تعرف شكون

فاطمة الزهراء كتعاير: صبحنا على الله شكون نتي او لا نت لي مصبحين عليا بايتين تحلمو بيا يخ
مراد : أديك البگرة تگعدي خلاص را 8:10 هادي مناوياش تمشي لمدرسة او لا شنو

غير سمعات شنو قال قطعات عليه او لاحت التليفون بالزربة او خرجات تجري مشات لطواليط طرفات حالتها بالزربة او وقفات حدا المراية يد كتمشط بيها شعرها او يد كتحك بيها سنانها زربات على شعرها بالزربة جمعاتو او غسلات فمها او مشات تجري لبسات وزرتها فوق لبيجامة تاع النعاس

هزات شكارتها او تليفونها او خرجات من الدار كتجري لقاتو مزال واقف كيتسناها لابس سروال كحل او تشيرت في نفس اللون او شكارتو في ظهرو غير شافها بدا يضحك

مراد كيضحك :  تي واش ناوية تكملي نعاسك في القسم او لا شنو تي كيفاش بيجامة؟ اين هي الأناقة سيدتي؟
فاطمة الزهراء قلزات ليه : الأناقة خليتها ليك اوجه اللفتة زيد تحرك خلاص را حنا معطلين او زايد كتعطل فينا بالهضرة ليوم نسمعو خل وذنينا
مراد : كان عليا نخليك البقرة غير ناعسة او سارحة عجول الآخرة باش تكحليها مزيان درنا فيك فيقناك وليتي تنفخي دير خير ميطرا باس انا كون ملي خرجت من الدار مشيت بلاما نتسناك كون راني دبا كالس في بليصتي حاط الشكارة او مكمل نعاسي فوق الطاولة
فاطمة الزهراء : صافي صافي ليوم كولشي غيعرفك نت لي فيقتيني يخ تا غير دير الخير او خليه ثابت مالك مالك (رجعات ضحكات او ضرباتو لكتفو)  الصراحة العشير ديما كتفكرني شكرا ليك او صافي
مراد خربق ليها في شعرها :  تي راك ختي الهبيلة (هز راسو في باب ليسي لي كان باقي بعيد عليهم شوية) زيدي زيدي لباب باقي محلول معرت شنو جاهم موالفين يسدوه مع او 15 العجب عندنا الزهر الصكعة
فاطمة الزهراء كضحك : سكت سكت غنلقاو الحارسة لعامة عند لباب باينة غير غتشوف لبيجامة غترجعني نكمل نعاسي حدا زهرة

وصلو عند لباب الساعة من زهرهم ملقاو حد دغيا مشاو دخلو لقسمهم باش يقراو

بعد مدة زمنية ، كانت كالسة في بلاصتها كيف ديما مرة تنعس مرة تجبد تليفون بالتخبية تكونيكطا شوية او تردو بقات هكاك حتا صونات الساعة

خرجات شدات الطريق لدارهم بالزربة باش تسالي شغالها او تشوف بلان زهرة فين وصل

وصلات لدار دخلات كتقلب على زهرة بعينيها ملقاتهاش قالت يمكن مشات عند شي جارتها ، حيدات وزرتها او حطات شكارتها او توجهات لكوزينة تقلب على ما تاكل