المراهَقة المتأخّرة [مكتملة]

Part 16 :

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 16
بدا كيعاود ليها على لخطة لي طاحت في بالو او هي غير ساكتة او كتسمع ليه على غير عادتها، حتا سالا عاد نطقات

فاطمة الزهراء : صافي مشات العشير غدا نديرو هادشي لي قلتي
كمال بنبرة غاضبة نوعا ما : قلت ليك متبقايش تقولي ليا هاد لعشير كون كنتي حدايا كون صمكت مك، اجي نتي بعدا معاش قارية غدا؟
فاطمة الزهراء كضحك : غير كنبغي نشد فيك أو صافي متقلقش
كمال بابتسامة : اديك بوبريصة كاين شي حد كيتقلق من قلبو را كينتوفى على مك
فاطمة الزهراء : الحب المشعكك هو هدا عندك سير اخويا رجع تنعس سير خليني نعس حتا أنا را غدا قارية مع 8:30
كمال : يله تلاحي انا نعست غنخرج دبا نضرب شي دويرة شوية نشوف الناس او يشوفوني عاد نرجع
فاطمة الزهراء بتساؤل : كنت باغا النعس ولكن دبا مبقيتش باغا النعس، شكون هاد الناس لي باغيهم يشوفوك أسي كمال أممم لاش نت باغي تخرج سير تنعس
كمال كيضحك : تي ماشي داكشي لي في بالك نتي را عارفة كاينة غير نتي هاديك را عمري كنت مسوق ليها او عمري غنتسوق ليها غير هني بالك نتي لي كاينة او مكاين ما حسن

بتاسمات ابتسامة عريضة او قطعات عليه ، او خلاتو كيضحك حتا شوية وصلو ميساج من عندها فيه «كنبغيك»
بتاسم او جاوبها او رجع دخل لبيتو ينعس دار بناقص من شي خروج كاع

           ~~أصبحنا وأصبح الملك لله ~~

عند زهرة ضرباتها لفايقة هزات عينيها في الساعة لي معقلة قبالتها في لحيط غير شافت شحال في الساعة ناضت من بلاصتها غادا متوجهة لبيت فاطمة الزهراء  غير دخلات لقاتها ناعسة على كرشها كتشخر سارحة عجول الآخرة

زهرة كتنغز فيها :  أديك البگرة تي نوضي خلاص (بدات كتغوت) وا فاطمة وا البوالة
فاطمة الزهراء كتهضر او مغمضة عينيها : ومي خليني النعس

شافتها مغاديش تفيق غير زادت تقادات في نعاسها او جرات لغطا عليها، مشات رجعات لكوزينة عمرات كاس تاع لما او رجعات عندها وقفات ليها عند راسها

زهرة : مبغيتيش تفيقي البگرة

هزات يدها لفوق او كبات ليها داك لكاس تاع لما فوق وجهها خلاتها ناضت قافزة

فاطمة الزهراء ناضت قافزة وقفات فوق الناموسية او  دارت تحية لبوليس : اهيا الحفيظ الله عاش الملك، الله الوطن لملك

بقات كتشوف فيها او شوية تحنات حيدات سندالتها او تمات قاصداها

زهرة : تهزي من فوق ديك الناموسية خلاص را غادي يدوز عليك الحال او عاد غادا تصوريها من ورا داك خايب لحالة تاع كمال لي ليل كامل او نتي تفرنسي نتي وياه متحشمو متراعيو لمشاعر  لعازبين الله يعطيكم البواسر قولي آمين