المراهَقة المتأخّرة [مكتملة]

Part 13:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 13
دخلات لبروفيل بان ليها باقي شاد في راسو او عندو حقو في الزين ضحكات حتا بانو ضروسها  قالت مع راسها صافي لقات عريس لغفلة او دخلات بالزربة جوباتو

فاطمة الزهراء : وعليكم السلام ورحمة الله وبركاته
الرجل : مدموزيل زهرة أنا موافق نتزوج بيك أو ان شاء الله غنكون ليك نعمة الزوج غير إلى كان ممكن بغيتك تبعثي ليا شي صورة تاعك بغيت نشوف الجمال الخلاب تاع زوجتي المستقبلية
فاطمة الزهراء كتجاوب فيه او تميق : سمح ليا منقدرش نصيفط ليك تصويرتي أنا مبغيت تحد يشوفني من غير لي غيكون راجلي الى بغيتي تشوفني نديرو شي وقيتة او نتلاقاو او نشوفك او تشوفني او ديك الساعة يكون خير
اجي قول ليا شحال عندك من عام؟
الرجل : العمر غير مجرد رقم مكاين لاش نتسوقو ليه انا متافق معاك في هادشي لي قلتي أآنسة هانتي شوفي الى مكان عندك حتا مشكيل نقدرو نتلاقاو غدا فشي جردة او نشوفك او تشوفيني او نهضرو
فاطمة الزهراء : صافي واخا غدا ان شاء الله نقولك فين نتلاقاو دبا غنمشي نجمع الدار او نطيب لعشا را تقول محادگاش

سالات معاه او دخلات بالزربة صونات لكمال باش تقولها ليه دوزات لخط او بقات كتسناه يجاوبها ثواني قليلة او سمعاتو جاوبها

كمال كيتاوب : مالك اختي يله نعست نرتاح فيقيتيني شنو كاين
فاطمة الزهراء كدوي بالجهد : وا البغل تا توگد او فيق معايا را جايبة ليك خبار ناضية
كمال بعد تليفون من وذنو : دوي بالشوية البغلة هي او قولي ليا شنو هاد الخبار لي جايبة ليا الى كانت غير بحال خباراتك لملاوطين غير خليني نرجع النعس
فاطمة الزهراء: تا سكت سكت را واقيلا لقيت عريس لزهرة(عاودات ليه كولشي)
كمال ناض كلس : ايوا صافي غدا نشوفو بلانو او نتي الى صيفط ليك هاد المرة متبقايش تجاوبيه كتفهمي خليه داوي بوحدو، يله سيري بسلامة خليني نرجع النعس

قطع عليها او هي ناضت حطات تليفونها في الشارج او خرجات من لبيت مشات لكوزينة باش تاكل... كلات بالزربة أو رجعات لبيتها هزات شكارتها جبدات دفتار تاع لمات بدات كتخرج في التمارين... شافت راسها مقشعات والو لاحتهم او دارت رجل على رجل أو نطقات

فاطمة الزهراء كدوي بوحدها : أصلا أنا غنتزوج الا مديت لباك غندي كمال

لاحت كولشي من يدها او ناضت لبسات حوايجها أو مشات عند زهرة وقفات ليها عند راسها

فاطمة الزهراء بترجي : مي يله خرجي معايا شحال هادي مخرجنا بجوج
زهرة هزات عينيها فيها : سيري بدلي ساعة بخرى دبا ممسالياش
فاطمة الزهراء : تي مال الفيلم غيهرب أمي راهم غير كيضحكو على عباد الله لي معندهم ميدار بحالك
زهرة بلاما تشوف فيها عينيها في التلفازة : ناري ناري كحلها السگع غيقتلو... راه وراك دور دور الله يرضي على وليدي
فاطمة الزهراء قاطعتها : طزز معامن انا شوفي هانا غنخرج شوية او نرجع