المراهَقة المتأخّرة [مكتملة]

Part 19:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 19
تحركو بالزربة من تم شدو طاكسي غير وصلو نزلو خلصوه او بداو كيدورو في عينيهم كانت قبالتهم جردة لي نوعا ما خاوية دورو عينيهم مزيان مبان ليهم حد مشاو لواحد لكرسي او كلسو او بداو مقابلين الناس كيشوفو واش كاين شي حد تالف او لا كيستنا فشي حد بقاو هكاك حتا نطقات فاطمة الزهراء

فاطمة الزهراء كدور في عينيها على الناس : كيبان ليا هاد خونا كاعما غيجي كاع
كمال : لا لا غيجي انا متأكد زيدي زيدي نتمشاو غير شوية بينما جا جاني لملل

ناض وقف او وقفات حتا هي او بداو
غادين كيتمشاو حتا وصلو حدا واحد الثلاتة مرة او جوج رجال غير فاتوهم شوية سمعو لمرة نطقات

المرأة كتهضر بفقصة : كيبان ليا موحال غتجي ديك المرة باينة حتا هاد البلان مغيصدقش  ناري ناري منين غنيجيبو ليه هاد للعروسة

ضارو شافو بجوج في بعضياتهم او او بتاسمو ابتسامة غريبة بحال الحماق دغيا قلبو الروايد او رجعو وقف عليهم او بقا شي كيشوف فشي بحال طاجين لحوت

بقاو شي كيشوف في شي حتا كسر داك الصوت كمال بعدنا نطق
كمال : السلام عليكم الإخوان
الراجل : وعليكم السلام كاين ميتقضا أخويا
كمال شاف في فاطمة الزهراء او رجع شاف فيه او نطق : كاين غير لخير أخويا غير بالصدفة سمعتكم انا او لمدام داوين على شي عروسة تالفة ليكم ما عروسة شوفو الا كاين فاش نعاونوكم مرحبا

قطعاتو فاطمة الزهراء بعدما نطقات : متلفو ما والو للعروسة عندنا ( قاطعها بالزربة بعدما عيا ينغز فيها باش تسكت )
كمال : احمم بغات تقول زعما الا كان كيفاش نعاونوكم باش تلقاوها حنا موجودين

الراجل دار شاف في لي معاه او هي تجرو المرأة لي كانت معاهم بعدو عليهم او بداو داوين

الرجل: شنو بان ليك في هاد الجوج شنو بان ليك نغامرو او نعاودو ليهم متعرفي يعاونونا
المرأة  : حتا انا قلت نعاودو ليهم سير على الله زيد يله نرجعو عندهم

رجعو وقفو حداهم او هضرات المرأة بنبرة حزينة مسطنعة
خديجة : ايوا شنو غنقول ليكم جدنا بدارو او برزقو ماتت ليه مراتو شحال هادي او بقا البوحدو او حنا دبا خرجو لينا لوراق باش نمشيو برا او مبغيناش نخليوهم مورانا بوحدو قلنا شوفو ليه شي مرة نزوجوها ليه تونسو الساعة كنا دايرين مع واحد المرة تجي باش نتفاهمو معاها الساعة مجاتش ايوا هادشي لي كاين الا عندكم فاش تعونونا عاونو معندكم سيرو كملو طريقكم

فاطمة الزهراء شافت في كمال او شاف فيها او نطقات بتساؤل : او هاد جدك شحال عندو من عام اختي
خديجة: عندو 78 اختي علاش كتسولي
فاطمة الزهراء: لا والو غير سولت اجي وريني شي تصويرة تاعو نشوفو كيف داير را عندنا في حومتنا بزاف تاع لعيالات باغين يتزوجو