المراهَقة المتأخّرة [مكتملة]

Part 14:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 14
يله وقفات عند لباب باب باش تخرج وقفتها زهرة بهضرتها

زهرة كتلبس في جلابتها : تي شوري تسنايني نمشي معاك ولكن الديني لشي بلاصة فيها التيتيز بغيت نخضر عويناتي أميمتي
فاطمة الزهراء عنقتها من كتافها : أودي نتي غير أمري نمشيو فينما بغيتي
زهرة كضحك : هكاك هاكا نبغيك الله يرضي عليك ديري ليا خاطري شي نهار تبقا غير لبلاصة او تولي تقولي مصاب غير ترجع ليا ميمتي
فاطمة الزهراء طلقت منها او تمات غادة سابقها مسحات دموعها لي هبطتو بلاما تحس بلعات لغصة لي تجمعات في حلقها او دارت عندها او نطقات

فاطمة الزهراء كضحك : تي حنا عاد بغينا نزوجوك او نفرحو بيك او نتي كذكري لينا لموت محشوماش زيدي زيدي نمشيو لواحد جريدة فيها غير الشباب داكشي لي كيعجبك

بدات كضحك او شدات ليها في يدها او بقاو غادين كيتمشاو او يضحكو مع بعضياتهم كيبان منظرهم زوين... غير وصلو لجردة زهرة بدات كتقلب بعينيها على شي موقع استراتيجي لي تقدر تنمم فيه على كولشي في خاطرها... تبسمات فاش لقات بلاصة مناسبة جرات فاطمة الزهراء او مشاو كلسو تم او بدات طلع او تهبط في بنادم او لي داز من حداها تبقا حاضياه هوما يحشمو او هي متحشم

بقاو كالسين تم او ينمنمو في عباد الله حتا عياو عاد رجعو لدار، فاطمة الزهراء طلعات لبيتها تبدل حوايجها او تنعس شوية او زهرة مشات لصالون تفرج كيف عادتها

عند فاطمة الزهراء غير دخلات لبيتها تلاحت فوق الناموسية باش تنعس حتا سمعات تليفونها كيصوني جبداتو من تحت لمخدة شافت شكون بتاسمات او جاوبات

فاطمة الزهراء بإبتسامة : الو
كمال : أهلا عاش من سمع صوتك أمدام
فاطمة الزهراء  :  سمحي ليا مزال موليت مدام آنسة الله يخليك
كمال : قريب قريب غتولي مدام ان شاء الله غير صبري
زهرة  :  تا واش صونيتي عليا باش تقولي هاد جوج كلمات؟!  قول خلاص شنو عندك را فيا لموت تاع النعاس او ضارني راسي مشكيت عليك
كمال : تي تقاضاي واه كاسيطة ياربي السلامة، انا غير شفتك غبرتي او بغيت نسول فيك البگرة صافي سيري نعسي ولكن في ليل صوني ليا باش نقاضو بلان داك خينا نشوفو شنو تحت راسو حتا هو
فاطمة الزهراء كتاوب : صافي صافي الا فقت بعدا
كمال كيضحك : غير سيري سيري موحال تفيقي نتي ماشي كتنعسي كتغيبي

قطع عليها او دار كيجمع في سلعتو في طريبورطور حتال غدا او يمكل لبيع... سالا او طلع ركب كسيرا حتا لحدا دارهم هبط غطا سلعتو مزيان او طلع لدارو يرتاح