المراهَقة المتأخّرة [مكتملة]

Part 22:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 22
قطعات معاه الهضرة او طفات التليفون او غمضات عينيها مستسلمة للنوم

٠ضربات 11 تاع الصباح عاد لالة لبنات فاقت كتسكسل ناضت مشات غسلات وجهها او توجهات لكوزينة تقلب على زهرة ملقاتهاش او خرجات مشات طلات في الصالون او هي تبان ليها حالة فمها في التلفازة كيف عادتها.. رجعات لكوزينة فطرات او مشات لبيتها لبسات سروال تاع الثوب او قبية كحلة او لبسات سبرديلة عاد مشات عندها تعلمها بلي غتخرج

فاطمة الزهراء : مي هانا غنخرج ندور شوية او  نرجع
زهرة دارت شافت فيها : اديك عزري الدوار فين غادا دايعة

فاطمة الزهراء :  غنخرج يضربني غير لبرد قنطت
زهرة كتهضر او عينيها في التلفازة : واخا سيري خرجي غير متعطليش بزاف شوية او رجعي
فاطمة الزهراء : كوني هانية امي مغنتعطلش

صيفطات ليها بوسة في الهوى او توجهات جيهة لباب حلاتو او خرجات دارت لكيت في ودنيها او خشات يديها في جياب قبيتها او بقات غاديا في جناب الطريق... حتا وصلات لواحد جريدة كلسات فيها حاضية لغادي او الجاي حتا قنطات عاد تمات راجعة لدرهم او في طريقها دازت على كمال باش تشوفو

وقفات حداه حاجبة عليها ضوء الشمس الشي لي خلاه يهز فيها راسو بعدما كان حانيه كيشوف في تليفونو.. شاف فيها او بتاسم او هو شاد في قلبي

كمال بإبتسامة : اه اقلبي شفت لكحل او انا نوحل، عاش من شافك
فاطمة الزهراء كضحك : اش كتعاود البغل شفت القضية عندك زاوية(كدور في عينيها) شفت معندكش لكليان تا مالك غير ساكت غوت باش الناس يشوفوك او يجيو عندك
كمال رجع لور : زيدي اختي نتي في بلاصتي او وريني حنة يديك

هي طبعا ماشي من لعاگزين دغيا مشات وقفات حداه او بدات تغوت

فاطمة الزهراء كتغوت : خيزو مية دريال... بطاطا مية دريال زيدو زيدو مبقاش

بانت ليها واحد لمرة جايا دارت عندو او غمزاتو هانتا حيد خليني نبيع او لي صورتها حلال عليا

كمال بدا كيضحك : جاتك الالة

بقاو خدامين بجوج او خالقين جو زوين مع لكليان بالضحك او التقشاب بقاو هكاك حتا وقف عليهم واحد الراجل كبير شوية في لعمر... لابس كومبلي تاع 1900 او رجع لور،خاشي واحد جوج نعناعات في جيب لافيست او راد شعرو لجنب...او هاز في يدو جوج قوالب تاع السكر او باينة عليه تالف

الراجل كيشوف في كمال : السلام عليكم اوليدي
كمال شاف فيه باتسغراب :  وعليكم السلام اسيدي
الرجل  : ممكن نسولك اوليدي نت ولد هنا ياك؟
كمال : اه اعمي علاش كتسول؟ اجي نت مكتسكنش هنا؟
الرجل : انا سميتي حمد اوليدي كنسكن لهيه (بدا كينعت ليه بيدو)  شفتي ديك الشجرة كتوصل حداها او دور مع ديك الزنقة را داري كاينة في ديك الجيهة او انا جيت هنا كنقلب على زهرة باغي نكمل معاها ديني الا كتاب راها واحد المرة عندها بارطمة تاعها من لفوق لتحت او معندها لا ولاد لا والو قالو ليا كتسكن هنا، عرفتيها اوليدي؟