المراهَقة المتأخّرة [مكتملة]

Part 20

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 20
لاخرا غير سمعات شنو قالت فرحات او دغيا جبدات تليفون من ساكها او دخلات لتصاور باش توريها شي صورة تاعو بقات كتقلب حتا لقاتها عاد قلبات تليفون جيهتها ...كان رجل كيبان عندو
ديك 40 او لا 50 عام باقي شاد في راسو

فاطمة شافت في الصورة مصغرة عينيها او رجعات هزاتهم فيها او نطقات : متأكدة اختي هادا هو لي عندو 78 عام ؟؟

خديجة نطقات او هي كدور في عينيها: اه را هو هداك غير هاد التصويرة قديمة شوية او صافي
فاطمة الزهراء  :ختي وريني شي تصويرة جديدة متغمقيش عليا بهاديك

لاخرا رجعات كتقلب مع التصاور حتا لقات صورة آخرة او وراتها ليها(كيبان فيها راجل قرع او كيضحك فمو رايب معندو حتا سنة )

فاطمة الزهراء شافت في الصورة او رجعات شافت في كمال او نطقات : شوفو خليناكم على خير الا لقينا شي مرآة غنعلموكم كونو هانين

جرات كمال بالزربة او تمات غادا هي او وياه حتا بعدو منهم عاد وقفو ، غير وقفو نطق كمال بتساؤل باغي يفهم شنو لي خلاها تزرب عليهم

كمال بتساؤل : تي مالك زربتي عليهم بانو ليا ناس مزيانين غيديرو فينا خير او غنديره فيهم حتا حنا
فاطمة الزهراء  تمات غادا : سكت سكت حتا كنقول لقيت حل لهادشي تاعنا او في اخير مكيصدق لينا والو

تبعه بالزربة او نطق : تي دبا قولي غير مالك علاش مقبلتيش او صدرتيهم
فاطمة الزهراء وقفات او شافت فيه عاد نطقات او ضاحكة غالبة عليها : ايوا شنو غادي نقول ليك اسي كمال الراجل شارف هارف معندو حتا سنة فمو كاع رايب انا متأكدة زهرة مغتقلبش بيه، هي باغا واحد بحال شاهين الا ديت ليها هداك تجيها جلطة دماغية مافيهاش

كمال بدا كيضحك : ايوا صافي هانية حتا نتي ما فيها باس نزيدو نقلبو(غمزها) را قالت لي بغا لعسل يصبر لقريص النحل، زهرة تا هي صعباتها علينا غير بديك بحال شاهين اما كون طلباتو كيف ما كان من غدا نجيب ليها 10 الخطاب تعزل او تختار لي بغات

فاطمة الزهراء بتعالي : زهرة عشاقة او ملالة كتعجبها غير حاجة لغابرة لي مكيقلب عليها حد بحالي حتا انا را خرجت ليها
كمال : اه اه راك خرجتي ليها كون مكنتيش عشاقة او ملالة كاعما تبغيني انا
فاطمة الزهراء كضحك : اودي را غير بقيتي فيا خفت تبقا الزغبي وحيد الدور بوحدك قبلت عليك اما نت مفيك ميتبغا (شدات ليه فيدو او تمات غادا) ولكن را قلبي لي بغاك حبس... حبس(وقفاتو) اجي ياكما ساحر ليا السگع عارفاك ديرها او تفوتها را تحراميات منك كتقطر

بقا غير كيشوف في هاد المخلوقة كيفاش كتقلب كانو في موضوع رداتهم في موضوع اخر او حتا هو مسالي قبو متبعها في هبالها او غادي معاها في لخط

كمال كيفرنس : اويلي اختي را نتي لي ساحرة ليا واقيلا را بزاف، تانا معرفتش فين كان عقلي فاش بغيتك والله كنشوف حتا نعيا كنقول غير الله يصبرني بغيت منتيف فينما مشات منوضاها (ضربها لكتفها) او رغم كولشي كنبغيك غير نتي حتا وحدة معمرات ليا عيني من غيرك

قاطعاتو مخرجة عينيها او كتشوف فيه بنظرات شك

فاطمة الزهراء  :  هانتا الغدار گريتي بوحدك قول بغيت تعمر عينيك غير ملقيتيش (بدات كتشوف فيه بنظرات توعد) ناري اكويميل غير هرب ليوم تعيش معايا الرعب

تحنات بدات كتهز في لحجر هو غير شافها تحنات علق، هزات حجر في يدها او تبعاتو هو يجري او هي تجري مديرين الشوهة لي دازو عليه يشبع عليهم ضحك دايرين بحال لمش او لفار