المراهَقة المتأخّرة [مكتملة]

Part 28:

✌︎ المراهَّقة المتأخرة ✌︎
           ★ ℬ𝓎 : 𝒰𝓂𝒶𝓃ℯ ℳ𝒶𝓇𝒾𝓅ℴ𝓈𝒶  ★
𝑃𝑎𝑟𝑡 : 28

غير وصلو لقاو مراد عند لباب كيتسناهم او باينة عليه طالعة ليه لقردة غير وقفو جا عندهم كيجري

مراد : ما فعايل ما والو اخاي كمال والله
كمال هبط من فوق لموطور هو او فاطمة الزهراء : تا مالك ها خرشاشك رجعناه ليك هاك هاك (خشا يدو في جيبو بقا كيقلب حتا جبد ليه جوج دراهم مدها ليك) شد هاد جوج دراهم سير شري ليك فنيدات البرهوش يله غيرها

خلا ليه يدو ممدودة او جر مطورو او مشا بحالو فاطمة الزهراء شافتو مخداهاش مدات يدها خداتها

فاطمة الزهراء : أراها ليا حتا نشري بيها زريعة او زيد يله نطلعو عند زهرة خلاص

توجهو لباب حلوه مع دخلو يله حطت فاطمة رجلها فوق زليج تهزات او تخبطات مع الأرض

فاطمة الزهراء حاطة يدها على وسط ظهرها كتوجع حيت توعتات : اي ميمتي ظهري تقسم سري انا جاية نجري باش نفرحك ازهرة او هانا نيت فرحت عظيماتي مساكن اي ظهري (هزات راسها في كمال لقاتو خاري عليها بالضحك مدات ليه يدها او نطقات) عاوني نوقف اوجه لفتة يخخ انا موعتة او نت ضحك عليا نردها ليك في ساعة لخير اراس الطارو

عند زهرة لي جمعات الدار او كبات لما فوق الزليج او مشات تجيب لكراطة باش تجففو يله تمات راجعة بانت ليها فاطمة الزهراء زلقات حتا جا راسها لتحت او رجليها لفوق شافتها كتحاول توقف او كمال كيعاون فيها او خاري بالضحك قربات حداها او نطقات بقلق

زهرة : ناري ازغبية ياكما هرستيها؟
فاطمة الزهراء ناضت وقفت : لا لا متهرساتش غير كوني هانية زيدي زيدي نقول ليك شي حاجة غترفع ليك هرمون السعادة ازهرة

توجهو كلسو في الصالون او هو ينطق كمال لي كان سكت من الضحك او دوا بجدية

كمال : لا تقولي راك معزيزاش او لا شي حاجة ازهرة را بقيت مع داك براهيم حتا وافق را غدا جاي يخطبك(شداتو الضحكة) من عندي
زهرة الفرحة غتخرج ليها من عينيها : حلف حلف اوليدي عنداك تكون كتكدب
كمال بابتسامة : تي مالنا كنلعبو هنا صافي لقينا حل لمشكيلتك خاص غير حتا نتي الديري معانا لمزيان او متبقايش واقفة في طريقنا
فاطمة الزهراء : اه اه امي صافي كوني مرا او وفي بكملتك
زهرة: صافي انا مزال عند كلمتي غير ملي فرحتوني سيرو الله يرضي عليكم دبا حيدو من حدايا خليوني نعبر على فرحتي

ناضت توجهات لسرجم حلاتو او خرجات راسها او بدات كتزغرت خلات كولشي كيشوفو فيها او الجيران بداو يطالو
شافت فيهم او نطقات بصوت مرتافع

زهرة كتغوت : وديتو ديتو والله ما خليتو (بدات تزغرت عاوتاني حتا ناضت ليها فاطمة الزهراء جراتها حتا دخلات راسها او سدات الشرجم)