#عشق_الصعيد بقلمي شيماء الديب
#التاني 🎲
عشق خلصت شغلها في الوحده الصحيه ورجعت علي البيت
هناء والدت عشق//مالك ياعشق يابنتي فيكي ايه
عشق//لا مفيش حاجه ياماما …مجهده شويه بس
محمد والد عشق//عشان مش متعوده بس علي الشغل والصحيان بدري ياعشق يابنتي
عشق //والله يابابا وشكلي مش هتعود خالص
محمد //ليه التشاؤوم ده يابنتي بس
عشق//مش عارفه احب البلد دي يابابا ولا عارفه اتعود علي الجو ده
هناء//ده امر طبيعي يابنتي …احنا لسه مكملناش شهر هنا
محمد //يعني سبت حالي وشغلي في مصر وجيت معاكي الصعيد انا وامك واخوكي عشان اكون متطمن عليكي …وبردو مش مرتاحه هنا
عشق بزهق وخنقه//يابابا الحياه عندنا غير هنا خالص …الناس هنا دماغها مختلفه وتفكيرها غريب
هناء//اكيد طبعا كل بلد ولها عادتها وتقاليدها ياحبيبتي وانتي جدعه وهتتعودي
محمد //كلها 6 شهور ياعشق ويمكن نقدر ننقل التكليف بتاعك لاي مكان تبع القاهره …اصبري بس يابنتي
عشق //دا انا لحد مااقضي 6 الشهور هنا هكون جبت اخري
هناء//طب ادخلي غيري هدومك بس وتعالي اخوكي زمانه جاي وهنتغدا
عشق//هو مروان لسه مجاش
محمد //هو رجع من الدرس وراح يشتري ورق مراجعه
عشق//والله مروان كمان صعبان عليا ده في شهاده السنه دي واهو متمرمط ورايا
محمد //متشليش هم اخوكي ياعشق …هو كده كده مش بيروح المدرسه هو بياخد دروس بس ووقت الامتحانات هاخده وانزل بيه القاهره …متشغليش بالك انتي
هناء//اهو كل الامور زي الفل ياعشق …روحي بقي غيري وتعالي …عشق دخلت اوضتها تغير هدومها وراحت وقفت قدام المرايا وبتبص لنفسها بحزن
عشق بتكلم نفسها//ايه اللي عملته في نفسي ده …ياريتني مادخلت طب …مأخدتش منها غير الشحططه والمرمطه …وفي الاخر اشوف المناظر دي في الاخر …لا وايه بيهددني عيني عينك كده …جتك الارف …يارب نفسي اغمض وافتح عيني الاقي نفسي رجعت بيتنا بقي
محمد بصوت عالي //يلا ياعشق …الاكل هيبرد
عشق بصوت عالي //حاضر يابابا جايه اهو…دقايق وطلعت لقت الاكل علي السفره
مروان //مساؤؤ ورد علي احلي ورده في عيلة الصاوي كلها
عشق قربت منه وباسته من خده //ازيك يابوب عامل ايه في البلد العجيبه دي
