#عشق_الصعيد بقلمي شيماء الديب
#الحادي_عشر 🎲
محمد //يعني ايه ياعشق …كلامك مش مطمني يابنتي
عشق //يعني يابابا احنا جينا هنا ومكنش معانا لا فلوس ولا بيت وعايشين بالايجار …مش هاجي بعد مابقي ليا ملك هنا اسيبه وامشي
هناء //نبيعه يابنتي وناخد فلوسه ونرجع علي مصر
عشق //لحد ماابيعه لازم اصفي شوية حسابات هنا الاول ياماما
سناء //مع اني مش فاهمه حاجه واصل …بس انا موافقه انكم تفضلو اهنه
هناء//انت هتوافق علي كلام بنتك يامحمد
محمد //عشق مش صغيره ياهناء …واكيد عارفه هي هتعمل ايه …وانا مفيش حاجه قدامي غير اني افضل ف المكان اللي هي فيه
سناء بفرحه //وهو ده الصوح ياعمي محمد
الدكتور احمد دخل عليهم //شكل جو المستشفي عاجب الدكتوره عشق وعشان كده مش عاوزه تمشي
عشق بضحكه //ههههه …مع اني دكتوره بس مش بحب جو المستشفيات ابدا
الدكتور //طب يلا من غير مطرود …وخلينا نشوفك …بس ك دكتوره مش مريضه
عشق بتضحك //مش بعيد تلاقيني فجاه بقيت مديرتك
الدكتور بضحك //والله لو مديرتي هتبقي واحده حلوه وقمر شبهك انا موافق
سناء //يابختك يادكتوره عشق بتتعاكسي اكده عادي قدامنا …وانا مش لاقيه حد يقولي حتي انتي احلا من الحمار الوحشي
محمد مات من كتر الضحك //والله انتي زي العسل يابت ياسناء
سناء بمسكنه //اومال الناس اتطست في نضرها ولا ايه ياعم الحج
الدكتور //الحقي نفسك وروحي يادكتوره عشق …احسن صاحبتك بتحسدك
عشق //الف شكر يادكتور احمد علي مجهودك اللي بذلته معايا
الدكتور //انتي متعرفيش غلاوة دكتور عزت عندي وطبعا اي حد من طرفه يبقي علي راسي
محمد //ربنا يجازيك خير يابني …يلا ياعشق …وسناء شالت الشنطه ومشيت وراهم
ادم طلع فرد جسمه علي السرير وباصص لفوق وبيفتكر شكلها وهي مغمضه وهو بيبعد الشعر عن عنيها //وبعدين معاك ياادم …هتفضل علي الحال ده كتير ولا ايه …انت مبقتش بتفحر في مستقبلك قد مابتفكر في البت دي …انا لازم انساها والهي نفسي في حاجه …انا هروح للبت مايا …اينعم مليش مزاج ليها بس اهو خلينا اغير جو …غير هدومه ونزل ركب عربيته ومشي
عشق اول مادخلت بيتهم //يااااه …انا كان واحشني البيت اوي ياماما
هناء//مش لو رجعنا بيتنا الاساسي يكون احسن ياعشق يابنتي …انا مش بحب البيت ده نهائي
