#عشق_الصعيد بقلمي شيماء الديب
#السادس_والاربعون 🎲
هناء باانهيار //بنتي وقعت ازاي ياادم …ايه اللي حصل لبنتي
محمد //اهدي ياهناء خلينا نفهم …ايه اللي حصل ياادم يابني انطق
مروان //ابوس ايدك ياادم طمني علي اختي عشق
ادم باانهيار //مخابرش ايه اللي حوصل …انا …انا …انا كنت عملها مفاجاه واخدتها معايا وفجاه حست بوجع ونزل عليها دم …وكنت نازل ركض علي السلم وانا حاملها بين يدي وفجاه وجعت انا وياها …بس وكتاب الله ماكنت قاصد …ياعشق …دخلني يادكتور ابوس يدك
احمد //اهدا ياادم …كل اللي انت حكيته ده مش سبب كافي انها تدخل غيبوبه …بس اللي اقدر اقوله انه مجرد سبب وربنا له حكمه في اللي بيحصل
ادم باانهيار//اي حكمة ربنا ف اكده …مرتي بتروح مني وانا واقف بتفرح عليها
صالح بحزن//اهدا ياادم ياولدي عشان نقدر نفكر
ادم //اهدا كيف يابوي وحبيبتي اكده
صالح//احنا عندنا استعداد نسفرها في اي بلد يادكتور بس عشق تفوق
احمد بحزن//للاسف ياحاج في الحالات دي محدش هيقدر يعمل حاجه اكتر من اللي عملته …مفيش في ايدينا غير الصبر والدعاء
ادم بيمسح دموعه//طب طب قولي هي هتفوق امتي
احمد //الله اعلم …ممكن بعد اسبوع بعد شهر او بعد سن……
ادم قطع كلامه //له متقولهاش ابوس يدك …انا واثق في حبيبتي …هي قويه وهتتحمل وتقاوم وتقوم منيها
هناء بعياط//لا حول ولاقوة الا بالله اللهم لا اعتراض يارب …بنتي في رعايتك يارب
محمد //فين المولود يادكتور
احمد //هي ولدت ولدت ودخلناه الحضانه كده كام يوم وبعدها ممكن تاخدوه عادي
رجاء بعياط//ياعيني عليك ياولدي مش عاوز تطلع من المستشفي قبل امك
صالح //عاوزين نشوف عشق يادكتور بعد اذنك
احمد //هي اتنقلت دلوقتي للعنايه المركزه …تقدرو تروحو تطمنو عليها بس ارجوكم بسرعه عشان الزيارات ممنوعه دلوقتي …احمد مشي وهما راحو علي العنايه وادم دخل اول واحد
ادم قرب منها بخطوات متثاقله ودموع منهمره وقلبه كاد ان ينفجر من كثرة حزنه علي زوجته
ادم قرب منها اوي ومسك ايديها //ليه اكده ياعشق …ليه رضيالي العذاب بشكل ده …مش وعدتيني هتفضلي حدي لاخر العمر …ليه ياعشق… لاول مره احس حالي ضايع بشكل ده …معرفش كيف حبيتك بشكل ده …مخابرش كيف قدرتي تغيريني بالسرعه دي …اااه ياعشق ااااه …نار وشاعله بصدري …احب علي يدك ياعشق ماتطولي عليا الغيبه …هستناكي لاخر العمر وانا خابر انك عينديه وراسك يابسه وتقاومي التعب ده والاقيكي مفتحه عيونك وبتتحدتي معايا …حتي لو هتتخانقي انا راضي بس سمعيني صوتك يابت الناس بلاش قسوتك دي …مش هسمي الواد ده غير لما تقومي ياعشقي …انتي اللي هتختاري اسم ولدك بنفسك …متتاخريش بقي ياحبيبتي …متنسيش سيف انتي وعدتي امه انك هتربيه بنفسك …وانا خابرك لما بتوعدي بتنفذي وعدك …وقرب من جبينها وباسها وطلع وقف بره وعيونه عليها من ورا الازاز
