#عشق_الصعيد بقلمي شيماء الديب
#الثامن_والاربعون 🎲
عشق وقت ماحست بالخطر علي حد من عيالها ايديها اتحركت ومسكت ابنها …الكل واقف مزهول من اللي حصل
ادم بصدمه //عشق حركت يدها يااحمد
احمد بفرحه//مش قولتلك هتنقذ ولادها ياادم
ادم بص لاحمد ف ثواني ومره واحده راح حضنه بقوه//مش خابر كيف اشكرك يااحمد
احمد//متشكرنيش ياادم عشق اختي وحزني عليها زيكم بظبط
ادم دخل عليها وقرب منها بهدوء ومسك ايديها //عشق …حبيبتي …ومرتي …وروحي …اتوحشتك قوي …لو حاسه بوجودي اديني ايوتها اشاره وانا هفهم…عشق ضغطت علي ايده…ادم بفرحه …يمين بالله حركت يدها يااحمد
احمد //انا عارف ياادم …هي الحمدلله بدأت تستجيب
هناء//طب هتفتح امتي بقي يادكتور احمد
احمد//بلاش استعجال …احنا كنا فين وبقينا فين …مساله وقت مش اكتر …ومش بعيد تلاقوها دلوقتي بتفتح عيونها وبتكلمكم كمان
محمد //رب الخير لا يأتي الا بالخير ياجماعه …الصبر
هناء//احنا نقدر ناخد ابنها يادكتور احمد
احمد //اه طبعا هو بقي كويس ماشاءالله عليه …بس هكتبله نوع لبن معين كده عشان هو ضعيف شويه
رجاء راحت اخدتها من جمب عشق وراحت علي هناء//خديه ياخيتي …خليه وياكي لحد ماامه تقوم بسلامه
هناء//لا لا انا هشيله بس شويه
رجاء//له خديه معاكي كمان …وانا كفايا عليا سيف …انتي خابره انا ست كبيره ف السن ونسيت شغل العيال الصغيره ده
هناء باابتسامه//ربنا يديكي الصحه ياحبيبتي …مش المفروض تسمي ابنك ياادم بقي عشان التطعيمات بتاعته
ادم//له ياما …امه هي اللي هتسميه مش اني
احمد //متقلقوش خالص …انا عامل ورق يثبت انه كان ف الحضانه
ادم //مش خابر هرد جمايلك ده كيف يادكتور
احمد //مفيش بين الاخوات جمايل ياادم …تعالي معايا المكتب عاوزك في كلمتين …ادم مشي وراه
محمد قرب من عشق وبصوت واطي //وحشتيني يابنت الكلب …بس لما تفوقي ليكي حساب معايا عسير
صالح سمعه//له محدش هيقدر يلمس شعره واحده من راس الغاليه مرت الغالي …وفضل يضحك
محمد //تصدق ياحاج صالح …انها عمرها ماخبت عني حاجه …وف الاخر اكتشف انها مخبيه عني حاجات كتير
صالح//عشان هي بت اصول وبتقدر تؤتمن علي سر …وانا اللي طلبت منيها اكده
هناء//عشق بنتي طول عمرها بتحفظ السر ومتخونش ابدا معما حصل
مروان //قومي بقي ياعشق عاوز اتجوز وافرح وبيبص لساره
صالح//شفتو الواد وشه مكشوف ازاي ومش خجلان منينا
محمد //هما جيل اليومين دول مش بيتكسفو نهائي
رجاء//ويمين بالله ياد يامروان …اول ماعشق تفوق لاعملك فرح تتحاكي فيه الكفر سبوع
مروان بضحكه عاليه//مش لما تعرفي العروسه مين ياخاله رجاء
رجاء بضحك//مفكرني نايمه علي وداني اياك ولا ايه …انا خابره كل حاجه …وعارفه انك بتحب البت بتي دي صوح ولا اني غلطانه …ساره اتكسفت وطلعت بره …اه عملت حالها مكسوفه
مروان //لا كلامك صوح الصوح ياخاله
صالح بضحكه رجوليه عاليه //اه مادام ضمنت موافقة خالتك رجاء يبقي حط في بطنك بطيخه صيفي ياواد يامروان
مروان طلع ورا ساره //مكسوفه …اشحال انتي اللي مستعجله ع الجواز
ساره بزعل طفولي //يعني انت مش مستعجل يامروان بيه
مروان بخباثه//لا طبعا …هو انا مجنون عشان اتجوز
ساره بزعل طفولي//بقي اكده يامروان …طب ايه قولك بقي اني مش موافقه علي الجوازه دي
مروان//مش بكيفك ياحلوه …خلاص بقت اوامر عليا
ساره //ومين ده اللي هيجبرني ع الجواز ان شاءالله
مروان //حضرة العمده وحرمه …دي امك قالت هتريحني منها …خدها يامروان وهجبلك شقه هديه
ساره //بقي اكده ياما
مروان اتفتح ف الضحك //يابنت الهبله بهزر معاكي …هووووس وطي صوتك احسن الهبله تسمعنا…ساره اتفتحت ف الضحك هي كمان
احمد //فهمت هتعمل ايه ياادم
ادم //انا خايف ميحصلش تقدم …وابوي او امي يجرالهم حاجه
احمد //لا متقلقش …قولتلك ثق فيا بقي
ادم //ربنا يستر وتيجي بفايده يااحمد
احمد//باذن الله هتيجي …وياسيدي لو مجتش المره دي هتصيب المره الجايه
ادم // طب يلا انا مستعد
احمد بسرعه دخل عليهم //الحق ادم ياحاج صالح
صالح بصدمه// مالو ولدي
احمد //اتخانقت انا وهو وفجأه كلع من المستشفي وهو متعصب ومش شايف قدامه وفجاه طلعت عليه عربيه وضربته
رجاء بصريخ //ولدددددددي
وسط زهول الجميع وفجأه وبدون سابق انذار …عشق قامت وهي بتصرخ وبتنادي //اددددددددددم
كل الموجودين بدل ماكانو مصدومين عشان ادم …انصدمو لما شافو عشق بتنادي علي ادم 😳
يتتتتتبع
رايكم يابهاوات 😒
